Рейд учурунда кагаз толтуруп жаткан кызматкер. Архив

Экотехинспекцияда иттин өлүгү жатабы? Комиссия бир топ мыйзам бузууларды тапты

(жаңыланган 17:25 05.10.2018)
Комиссиянын жыйынтыгына ылайык, сый акы төлөөдө, форма жана белек сатып алууда каражаттар максатсыз пайдаланылган. Инспекциянын жетекчилиги коррупцияга каршы күрөшү аракеттерин көрбөйт.

БИШКЕК, 3-окт. — Sputnik. Анара Мамбеталиеванын Экология жана техникалык коопсуздук боюнча мамлекеттик инспекциясындагы коррупциялык иштер боюнча кайрылуусун текшерген комиссия бир нече мыйзам бузууларды аныктады. Бул туурасында президенттин маалымат кызматы билдирди.

Белгилей кетсек, бул иш боюнча президенттик аппараттын жетекчиси Досалы Эсеналиевдин буйругу менен ведомстволор аралык жумушчу комиссиясы түзүлгөн болчу.

— Текшерүүнүн жүрүшүндө ишин мыкты аткарган кызматкерлерге сый акы катары бериле турган каражат майрам күндөрү айлык акыга кошумча катары төлөнүп жүргөнү аныкталган. Бул укук актыларын бузууга жатат.

— 2016-жылы майрамдык даталарга карата жалпы суммасы 5 178 936 сом, 2017-жылы 2 030 666 сом сый акы катары төлөнгөн. Жалпы суммасы — 7 209 602 сомду түздү.

— Укук актыларын бузуу менен эмгек акы төлөө фондунан үнөмдөлгөн бюджеттик каражаттардын эсебинен инспекциянын кызматкерлерине материалдык жардам катары 2016-жылы 1 224 507 сом, 2017-жылы 1 816 317 сом жана 2018-жылдын январь айынан 4-сентябрга чейин 584 867 сом бөлүнгөн. Бардыгы 3 625 691 сом.

— Финансы-экономикалык башкармалыгынын жооптуу кызматкерлери белгиленген талаптарды бузуп, маянанын өлчөмүнөн көп каражатты өздүк картасына которгон, ошол эле маалда кассадан накталай акча каражаттары берилген.

— Борбордук аппаратынын кызматкерлерине маянасынан сырткары 396 113 сом чегерилген.

— Белек сатып алуу үчүн 45 000 сом мыйзамсыз түрдө берилип, белектерди алуу жана бөлүп берүү туурасындагы тастыктоочу документтер жок болуп чыккан.

Мындан сырткары, мамлекеттик сатып алуулар жөнүндөгү мыйзамдын талаптары боюнча сыйлыктарды жана материалдык жардамдарды төлөө, өздүк форманы сатып алууда жана аны таркатууда бир катар мыйзам бузуулар белгилүү болгон.

— Мамэкотехинспекция тарабынан сатып алууга 1 167 335 сом которулган. Бирок конкурстун негизинде тапшырылган товарлар 796 450 сом экени аныкталды. Мындай жол менен 370 885 сом ашыкча которулган, ал эми (өз убагында тапшырбагандыгы үчүн) айып санкциялары менен бюджетке 394 800 сом кайтарылууга тийиш.

— Сатып алуу келишимине ылайык үч жүк ташуучу техника 2018-жылдын 3-мартына чейин алып келиниши керек болчу. Бирок келишимдин шарттары аткарылбай бүгүнкү күнгө чейин техникалар келе элек.

— Бюджеттин эсебинен ведомстволук форма кийүү каралбаган кенже жана техникалык тейлөө персоналдарына (иш кагаздар менен иштөөчү адис, башчынын катчысы, айдоочу), финансы-экономикалык башкармалыктын 45 кызматкерине 268 055 сомго форма сатып алынган.

Ошондой эле комиссия тарабынан Мамэкотехинспекцияда мамлекеттик жарандык кызмат боюнча мониторинг жүргүзүлүп, одоно мыйзам бузуулар ачыкталган.

— Мамэкотехинспекциянын жетекчилиги өз ишмердигинин натыйжалуулугуна талдоо жүргүзүү, оптимизациялоо жана сапатын жогорулатуу боюнча максаттуу иш жүргүзбөйт. Отурган кызматына компетенттүү эмес жана тиешелүү квалификациясы жок. Жетекчилик тарабынан антикоррупциялык саясат дээрлик жүргүзүлгөн эмес. Натыйжалуулукту баалоо жана талдоо жок, ведомстводо коррупциялык иштерди болтурбоо боюнча чаралар көрүлбөй, милдеттер коюлган эмес. Мындай жагдай коррупциянын тутанышына шарт түзөт.

Соңунда түзүлгөн кырдаалга ыкчам жооп кылуу жана аны түзөтүү максатында комиссия төмөнкүдөй тыянакка келди:

— Анара Мамбеталиеванын кайрылуусунда айтылган Экотехинспекциядагы мыйзам бузуулар, анын ичинде финансы жана кадрлар менен иштөө чөйрөлөрүндөгү кемчиликтер кандайдыр бир деңгээлде аныкталды. Ушунун өзү эле мыйзамда көрсөтүлгөн милдеттерин аткарууда жетекчилиги жана профилдик багыттардын башчылары демилгесиздигин, иштеги одоно кемчиликтердин далили болуп саналат.

— Комиссия аныктаган кемчиликтерди эске алуу менен өкмөттүн жетекчилигине Экотехинспекцияда бир катар кызмат адамдарынын, анын ичинде статс-катчынын ээлеген кызмат ордуна ылайыктуулугу тууралуу маселени карап чыгуу жана башкармалыктардын начальниктеринен тартып, мамлекеттик органдын жетекчилигине чейин катуу тартип жоопкерчилигине тартуу сунуш кылынды. Ошондой эле өкмөттүн профилдик бөлүмдөрү инспекциянын ишмердигин талдап чыгуусу керектиги сунушталды.

Комиссия иштеп жаткан учурда аныкталган мыйзам бузуулар боюнча Башкы прокуратура тарабынан тийиштүү прокурордук жооп кылуу актылары киргизилди.

Эске салсак, буга чейин Мамэкотехинспекциянын маалымат катчысы Анара Мамбеталиева аталган инспекция коррупциянын сазына батып бара жатканын айтып чыккан. Ал чындыкты издеп жатып, кайра эч бир ишке орношо албай тургандай берене менен айдалганын билдирген. Кийинчерээк "өмүрүм коркунучта" деп президент Сооронбай Жээнбековго чейин кайрылган. Көп өтпөй өлкө башчы анын кайрылуусуна көңүл буруп, коррупциялык иштерди иликтеп чыгууну Коопсуздук кеңешине тапшырган. Анын жыйынтыгы 3-октябрда жарыяланып Мамбеталиева жумуштан мыйзамсыз түрдө алынганын аныктады.

Белгилер:
каражат, комиссия, коррупция, Мамлекеттик экотехинспекция, Анара Мамбеталиева
Тема боюнча
Коопсуздук кеңеши Анара Мамбеталиева жумуштан мыйзамсыз алынганын аныктады
Россия президенти Владимир Путин Федералдык жыйынга жолдогон кайрылуусунда

Россия Батыштын эрежеси менен ойнобойт. Путиндин кайрылуусу боюнча пикирлер

(жаңыланган 10:47 22.04.2021)
Владимир Путин азыр кандай гана чагымчылык болбосун, Россия "өзгөчө" жооп кайтарууга даяр экенин айтты.

Россия президенти Владимир Путин Федералдык жыйынга жолдогон кайрылуусунда тышкы саясат көйгөйүнө дагы көңүл бурду. Ал Буларуста мамлекеттик төңкөрүш жасоо боюнча Батыштын үн катпай жатканын баса белгилеп, Россия азыр кандай гана провокация болбосун, "өзгөчө" жоопторду кайтарууга даяр экенин кошумчалады.

Украина боюнча

Аскердик маселелер боюнча адис Алексей Леонков Владимир Путиндин Россиянын коопсуздугуна жана кызыкчылыгына каршы иштегендерге карата эскертүүсү биринчи кезекте Украинага тиешелүү деген пикирде. 

Военный эксперт, коммерческий директор журнала Арсенал Отечества Алексей Леонков в студии радио Sputnik на IV Международном военно-техническом форуме «Армия-2018»
© Sputnik / Сергей Мамонтов
Аскердик маселелер боюнча адис Алексей Леонков
"Россия бөлөк бирөө коюп берген шарттар менен ойнобойт. Москва дүйнөдө көптөгөн маселелер аскердик күчтүн жардамы менен чечилерин түшүнөт, бирок көйгөйдү сүйлөшүү жолу менен чечүүнү туура көрөт. Кимде-ким сүйлөшкүсү келбесе, тез арада жана өзүнө жараша жооп аларын билиши керек. Украинага байланыштуу кырдаал Крым жана Донбасстын айынан келип чыккан санкциялардан улам түзүлдү. Бирок Россия кимдир бирөө коюп берген шарт менен иш алып барбайт. Путин мына ушуну жеткиргиси келди", — деди адис.

Леонковдун айтымында, Путин ар бир аскердик күчтөр аралашкан аракеттерге тешелүү жооп болорун баарына түшүнүктүү болгудай жеткире алды. Ал эми Украинага өнөктөштөрү "мына, эми согушкула" деген өңүттө мамиле кылууда. Анткени алар Украинага акча салып, аскерлерин даярдаган болчу.

Мындан улам Зеленский Путин менен Донбасста жолугушкусу келгени айтылат. Бирок адис Украина лидери ал жерде Донецк Элдик Республикасы жана Луганск Элдик Республикасынын жетекчилери менен өз алдынча сүйлөшүүсү керектигин кошумчалады.

"Эгер Путин кайрылуу учурунда Донбасс жана Украина тууралуу так кесе бир нерсе айтпаса эле муну алсыздык катары кабыл албашыбыз керек", — деди Леонков.

Беларустагы төңкөрүш

Владимир Путиндин кайрылуусунда Беларусь көйгөйүнө өзгөчө көңүл бурулду. Россия Илимдер академиясынын Европа институтундагы Буларусь тууралуу изилдөөлөр борборунун жетекчиси Николай Межевичтин айтымында, Путин Беларуста жөн гана митингдер эмес, мамлекеттик төңкөрүш даярдалганын билдирди. 

Директор Института прибалтийских исследований, профессор Николай Межевич
© Sputnik
Россия Илимдер академиясынын Европа институтундагы Буларусь тууралуу изилдөөлөр борборунун жетекчиси Николай Межевич
"Владимир Путин Батыш киберкоопсуздук жаатында эмне себептен Россия менен кызматташкысы келбегени эми түшүнүктүү болгонун айтты. Анткени Беларустагы мамлекеттик төңкөрүш аракетинде интернет аркылуу көптөгөн иштер жасалган экен. Дүйнөдө коопсуздук системасын орнотуп коюуга Россия, Кытай жана АКШнын гана саясий эрки керек. Бирок АКШ бул жаатта Россия менен дагы, Кытай менен дагы иштешүүдөн баш тартууда. Ошондуктан дүйнө азыркыдай кыйын абалда турат", — деди Межевич.

Адис Беларуста мамлекеттик төңкөрүш кылуу аракетине Вашингтондун тиешеси бар экенинен күмөн санабайт.

"Мен Литва же Польшанын чалгынчылары мындай чечимди өз алдынча кабыл алганына ишенбейм. Бул жерде АКШнын кийгишүүсү болгону анык. Акыркы 200 жыл ичинде президенттерди тактан кулатуу Американын сүйүктүү оюну болуп калган", — деди ал.

21-апрелде Россия лидери Владимир Путин Федералдык жыйынга кайрылуу жасады. Анда саламаттык сактоо, социалдык саясат, экономика жана эл аралык мамилелер тууралуу сөз болду.

Белгилер:
Беларусь, Украина, кайрылуу, жыйын, Владимир Путин, АКШ, Россия
Тема боюнча
Байдендин чакыруусун кабыл алды. Путин климат боюнча саммитке катышат
Нургүл Бакирова өлкөнүн Жогорку сотунун төрайымы кызматына тандалды

Кыргызстандын Жогорку сотуна жаңы төрайым шайланды. Сүрөт

(жаңыланган 11:52 22.04.2021)
Жогорку соттун мурдагы башчысы парламенттин чечими менен кызматынан четтетилип, кылмыш иши козголгон.

БИШКЕК, 22-апр. — Sputnik. Нургүл Бакирова өлкөнүн Жогорку сотунун төрайымы кызматына тандалды. Бул тууралуу аталган мекеменин маалымат кызматы билдирди.

  • Председатель Верховного суда КР Нургуль Бакирова
    Нургүл Бакирова өлкөнүн Жогорку сотунун төрайымы кызматына тандалды
    © Фото / пресс-служба Верховного суда КР
  • Председатель Верховного суда КР Нургуль Бакирова
    Бүгүн Жогорку соттун Судьялар кеңешинин жыйыны өткөн.
    © Фото / пресс-служба Верховного суда КР
1 / 2
© Фото / пресс-служба Верховного суда КР
Нургүл Бакирова өлкөнүн Жогорку сотунун төрайымы кызматына тандалды

Бүгүн Жогорку соттун Судьялар кеңешинин жыйыны өткөн. Ал эми Качыке Эсенканова жетекчинин орун басары кызматына дайындалды.

Март айынын аягында президенттин сунушу менен парламент Жогорку соттун мурдагы башчысы Гүлбара Калиеваны кызматтан четтеткен.

Ага чейин укук коргоо органдары тарабынан Калиевага кылмыш иши козголгондон кийин Дисциплинардык комиссия да тергөө бүткөнгө чейин аны кызматтан четтетүү чечимин чыгарган. Дисциплинардык комиссияга сунуштаманы УКМК жиберген.

Белгилер:
Нургүл Бакирова, дайындоо, Жогорку сот, Кыргызстан
Тема боюнча
Парламент Жогорку соттун төрайымы Гүлбара Калиеваны кызматтан четтетти
Финполдун мурдагы башчысы коррупцияга күнөөлүү деп табылды
Бишкек шаары. Архив

Эртең Бишкектин 56 көчөсүндө электр кубаты болбойт. Тизме

(жаңыланган 16:30 22.04.2021)
"Түндүк электр" ишканасы электр энергиясын убактылуу өчүрүү оңдоп-түзөө иштерине байланыштуу болуп жаткандыгын айтышты.

БИШКЕК, 22-апр. — Sputnik. Эртең борбор калаанын 56 көчөсүндө электр кубаты убактылуу өчүрүлөт. Бул тууралуу "Түндүк электр" ишканасынын сайтында кабарланган.

Бул күнү бригадалар тирөөчтөрдү орнотуп, үйлөрдүн, короолордун ичиндеги кабелдерди иретке келтирип, оңдоп-түзөө иштерин жасайт.

Электр кубаты төмөнкү жерлерде болбойт:

  • 09:00дөн 12:00гө чейин — Островская, Сухомлинов, Бакаев, Целинная көчөлөрүндө, андан сырткары Ак-Өргөө конушунда (Ашар, Ак шоокум, Адышева көчөлөрүндө) болбойт;
  • 09:00-19:00 — Алыбаев, Маликов, Термечиков, Захарьев көчөлөрүнүн тилкелеринде;
  • 09:30-14:00 — 10-кичи райондо (№36, 36/1, 37/1, 37, 38 үйлөр);
  • 09:30-17:00 — Ахунбаев, Бектенов көчөлөрүндө, Балхаш туюк көчөсүндө, 9-кичи райондо (№6Б үй), Арча-Бешик конушунда (Кызыл-Адыр, Термечиков, Камбар-Ата, Бердибаев, Эр-Тайлак, Шералиеа, Проектируемая, Арча-1 көчөлөрүндө);
  • 09:30-18:00 — Лев Толстой, Леваневская, Строительная, Красная, Тыныбеков, Матыев көчөлөрүнүн тилкесинде, Көлмө жана Алтын-Бешик конуштарында (Максат, Медина, Республиканская, Мыскал, Кулиев, Полевая, Азаттык, Коммунаров, Айкөл, Козу-Баглан, Жийде, Жаз, Минская, Багратион, Краснодонцев жана Малышев көчөлөрүндө);
  • 10:00-14:00 —Урожайная жана Аламүдүн көчөлөрүнүн тилкелеринде;
  • 10:00-17:00 — Жумабек, Осмонкул, Баетов көчөлөрүнүн тилкелеринде;
  • 12:00-17:00 — Шота Руставели, Севастопольская, Үчүнчү линия көчөлөрүндө, Чыңгыз Айтматов проспектисинде, Абдраев, Месароша көчөлөрүндө, Чугуевск туюк көчөсүндө, 5-кичи райондо (№79-83, №72/1, "64,65 үйлөр) өчүрүлөт.
Белгилер:
өчүрүү, электр кубаты, Бишкек
Тема боюнча
Кыргызстандын аймактарына кар түштү. Видео жана сүрөттөр