Премьер-министр Мухаммедкалый Абылгазиевдин архивдик сүрөтү

"Коопсуз шаар" боюнча парламентке премьерди чакыруу сунушталды

94
(жаңыланган 16:36 11.10.2018)
Депутат долбоор боюнча жарыяланган тендер жетинчи ирет ишке ашпай калганына нааразы болду.

БИШКЕК, 11-окт. — Sputnik. Жогорку Кеңештин депутаты Абдывахап Нурбаев "Коопсуз шаар" боюнча долбоордун алкагында болуп жаткан иштер боюнча премьер Мухаммедкалый Абылгазиевди чакырып, маалымат угууну сунуштады.

Учурда депутаттар ар түрдүү маселелерди талкуулап жатышат.

Нурбаевдин айтымында, "Коопсуз шаар" боюнча тендер 2012-жылдан бери өткөрүлүп келе жатат. Долбоор бир да жолу ийгиликке жеткен эмес.

"Бир адамдын да өмүрү биз үчүн абдан кымбат болушу керек. Эми мамлекеттик орган өзү туура эмес конкурс өткөрүп алып, сотко берип жатат. Бул деген убакытты созуу, "Коопсуз шаарды" ишке ашырбоого болгон аракет. Керек болсо премьер-министр өзү келсин. 2012-жылдан бери жетинчи жолу конкурс жарыяланып, жетинчи жолу өткөрө албай жатышат. Мындай өкмөттүн кереги барбы?" — деп суроо салды депутат.

Эл өкүлү "Коопсуз шаар" долбоорун коңшу мамлекеттер киргизип иштетип жатканын айтып, бул нерсени Кыргызстан жүзөгө ашыра албай жатышы уят нерсе экенин белгиледи.

Белгилей кетсек, "Коопсуз шаар" долбоорун ишке ашыруу боюнча акыркы конкурс сентябрдын башында өтүп, россиялык "Вега" радиокуруу компаниясы жеңүүчү деп табылган. Бирок бул компанияга даттануулар түшүп, конкурстун жыйынтыгы жокко чыгарылган.

94
Белгилер:
Жогорку Кеңеш, Абдывахап Нурбаев, Бишкек
Тема боюнча
Калаадагы унааларды эми нейротармак көзөмөлдөйт. "Коопсуз шаар" тууралуу
"Коопсуз шаар" боюнча доомат коюлган "Вега" компаниясы жооп кайтарды
"Коопсуз шаарды" ишке ашырчу компанияга доомат коюлду. Багы жокко дагы жокпу?
Пикирлер