Соттор кеңешинин дисциплинардык комиссиясынын мүчөлүгүнө Тажибаев жактырылды
(жаңыланган 16:36 12.10.2018)
Депутат Мирлан Жээнчороев дисциплинардык комиссиянын мүчөлүгүнө карапайым калктан да кошуу керектигин айтты.БИШКЕК, 11-окт. — Sputnik. Жогорку Кеңештин көпчүлүк коалициясы Соттор кеңешинин дисциплинардык комиссиясынын мүчөлүгүнө Абибилла Тажибаевдин талапкерлигин бир добуштан жактырды.
Көпчүлүк коалициянын лидери Иса Өмүркулов дисциплинардык комиссиянын мүчөсү Эрлан Базарбаев кызматтан кеткендиктен анын орду бош турганын айтты.
Депутат Мирлан Жээнчороев дисциплинардык комиссиянын мүчөлүгүнө карапайым калктан да кошуу керектигин айтты.
"Жогорку соттун талапкерлерин карап жатканда негиздүү пикирлер айтылып, кээ бир соттор өткөрүлгөн эмес. Дисциплинардык комиссиянын катарына карапайым калктын өкүлүн алып келсек жакшы болмок", — деди депутат.
Өз кезегинде Өмүркулов бул орунга талапкер көрсөтүү коалициянын укугу болгондуктан анын ишмердигин текшерип турганга мүмкүнчүлүк бар экенин билдирди.
Добуш берүүнүн жыйынтыгында Тажибаевдин талапкерлиги көпчүлүк коалиция тарабынан бир добуштан колдоого алынды.
Белгилер:
КМШ парламенттеринин төрагалары биринчи жолу офлайн жыйын өткөрөт
(жаңыланган 22:44 14.04.2021)
КМШнын Парламенттер аралык ассамблеясынын (ПАА) жазгы сессиясы Таврия сарайында болот. Пленардык жыйынды ПАА кеңешинин башчысы, Россиянын Федералдык жыйынынын Федерация кеңешинин төрайымы Валентина Матвиенко өткөрөт.БИШКЕК, 14-апр. — Sputnik. КМШ өлкөлөрүнүн парламенттеринин төрагалары пандемия жарыялангандан бери биринчи жолу жолугушат. Жыйын 15-апрелде Санкт-Петербургда өтөт.
КМШнын Парламенттер аралык ассамблеясынын (ПАА) жазгы сессиясы Таврия сарайында болмокчу. Пленардык жыйынды ПАА кеңешинин башчысы, Россиянын Федералдык жыйынынын Федерация кеңешинин төрайымы Валентина Матвиенко өткөрөт.
Катышуучулардын болжолдуу тизмеси:
- Сагиба Гафарова — Азербайжандын Милли мажлисинин төрайымы;
- Арарат Мирзоян — Армениянын парламентинин төрагасы;
- Маулен Ашимбаев — Казакстандын парламентинин сенатынын төрагасы;
- Талант Мамытов — Кыргызстандын Жогорку Кеңешинин төрагасы;
- Зинаида Гречаный — Молдованын парламентинин төрайымы;
- Танзила Нарбаева — Өзбекстандын Олий Мажлисинин төрайымы.
Ал эми видео байланыш менен жыйынга Беларусь менен Тажикстандын парламенттеринин спикерлери кошулат.
Парламент төрагаларынын катышуусундагы конференция "COVID-19 пандемия шартында глобалдык чакырыктар жана коркунучтар. Терроризм жана зомбулук экстремизми" аталышында өтөт.
©
Пресс-служба президента КР / Султан Досалиев
16-апрель күнү ПААнын штабында Ассамблеянын 52-пленардык жыйыны өтөт. Анда өзөктүү тема катары пандемия маалында миграциялык процесстерди мыйзам түрүндө көзөмөлдөө талкууланары айтылды. Ошондой эле парламент жетекчилери Ассамблея тарабынан даярдалган КМШга мүчө мамлекеттер үчүн миграциялык кодексти карашат.
Жыйындын жүрүшү Ассамблеянын сайтында www.iacis.ru жана "Вместе-РФ" vmeste-rf.tv. каналынан түз алып көрсөтүлө турганы маалым болду.
Салык кызматынын жетекчиси отставкага кетип, ордуна башка келди
(жаңыланган 20:14 14.04.2021)
1-апрелде премьер-министр Улукбек Мариповдун буйругу менен кайра кызматка дайындалган Кабылов отставкага кетти.БИШКЕК, 14-апр. — Sputnik. Экономика жана финансы министрлигинин алдындагы Мамлекеттик салык кызматынын төрагасы Кабыл Абдалиев кызматынан кетти. Бул тууралуу аталган ведомстводон билдиришти.
Маалыматка караганда, анын ордуна Илияз Иманбетов келди. Ал буга чейин ЕАЭБдин алкагында кыйыр салыктар менен иштеген башкармалыкты жетектеп турган.
Кабыл Абдалиев 2019-жылдын июль айынан бери ушул кызматты ээлеп келе жаткан. 2021-жылы өкмөттө реформа болуп, Салык кызматы Экономика жана финансы министрлигинин курамына киргендиктен 1-апрелде премьер-министр Улукбек Мариповдун буйругу менен Абдалиев кайра кызматка дайындалган болчу.
Кер мурут жигит Сүймөнкул Чокморов. Улуттук банктын улуу инсан тууралуу видеосу
(жаңыланган 01:10 15.04.2021)
Улуттук банк кыргыз банкноталарына түшүрүлгөн белгилүү инсандар тууралуу видеолорду жарыялоодо. Бул ирет банк легендарлуу актёр, сүрөтчү Сүймөнкул Чокморов тууралуу видеоролик жарыялаган.Эки мүнөттөн ашык тартылган роликте сүрөтчүнүн жаш кезин көрүүгө болот. Анда Чокморов жана башка студенттер талаада педагогдун жетекчилигинин алдында жылкыны сүрөткө тартып жатышат. Видеонун алдында окуя 1963-жылы Ленинград облусунда болгону жазылган. Чокморов эмгегинде бир гана жылкыны эмес, анын артына тоолорду да тартат. Окутуучу жок тоону эмнеге тартканын сураганда, ал мекенин сагынганын айткан. Бир маалда жылкы үркүп, баланын колунан жулунуп, секире баштайт. Аны көрүп Чокморовдон башкасынын баары чочулайт. Бирок Сүймөнкул Чокморов аттын жанына барып, жылкыны сылап аны чуркатыш керектигин айтат. Бала ага макул болбой койгондо Чокморов "кыргыздар ээр үстүндө чоңойгон калкпыз. Ал эми ат биздин канатыбыз" деп чапкан боюнча жөнөгөн.
©
Facebook / Алмас Турдумаматов
Улуттук банк роликтерди Кыргызстандын эгемендүүлүгүнүн 30 жылдыгына карата тартып жатат. Анда улуттук валютага сүрөтү түшүрүлгөн философ Жусуп Баласагын, манасчы Саякбай Каралаев, сүрөтчү, актёр Сүймөнкул Чокморов, акын Алыкул Осмонов тууралуу видеолор көрсөтүлмөкчү.
Роликтерди режиссёр Руслан Акун белгилүү кино ишмерлери Актан Арым Кубат, Эрнест Абдыжапаров, Марат Сарулу жана Баян Сарыгуловдун колдоосу менен тарткан.
Белгилер: