ЖК депутаты Акылбек Жамангулов. Архив

Депутат Акылбек Жамангулов MegaCom компаниясынын жетекчиси болду

558
(жаңыланган 14:42 24.10.2018)
Тийиштүү буйрукту Мамлекеттик мүлк фонду чыгарган.

БИШКЕК, 24-окт. — Sputnik. Эл өкүлү Акылбек Жамангулов "Альфа Телеком" (MegaCom) компаниясынын башкы директору болуп дайындалды. Бул тууралуу өкмөттөгү ишенимдүү булактар билдирди.

Маалыматка караганда, Мамлекеттик мүлк фонду эл өкүлүн MegaCom ишканасына жетекчи катары дайындоо боюнча буйругун чыгарган.

Акылбек Жамангулов Жогорку Кеңешке "Республика — Ата-Журт" фракциясынан депутат болуп келген. 

Белгилей кетсек, Жамангулов 1988-жылы 24-октябрда Кеминде жарык дүйнөгө келген. Бир уул, бир кыздын атасы.

 

558
Белгилер:
MegaCom, Акылбек Жамангулов
Тема боюнча
Бош турган министрликтердин башчылыгына талапкерлер сунушталды
Президенттин аппаратына жаңы бөлүм башчы келди
Россиянын учкучсуз Охотниги. Архивдик сүрөт

Россиянын учкучсуз "Охотниги" АКШ менен НАТОну санаага салууда. Себеби

450
(жаңыланган 22:51 12.08.2020)
АКШ Куралдуу аба күчтөрүнүн оор учкучсуздары айрыкча "үчүнчү дүйнө" өлкөлөрүндөгү көтөрүлүшчүлөр менен күрөшүүгө багытталган. Ал эми Россия жасалма интеллект, Су-57 менен өз ара аракеттешүүгө жөндөмдүү 5-муундагы бутасын соо калтырбаган истребителдерди даярдоодо.

Россиянын жогорку технологиялык курал чыгаруу тармагындагы ийгиликтери батыштагы "өнөктөштөрүн" тынчын алып жаткан өңдөнөт. Абройлуу каржылык-экономикалык Forbes журналы 7-августта өз темаларынан четтеп, россиялык S-70 Okhotnik (Hunter) оор учкучсузу менен АКШнын ушундай эле аппаратын өзгөчө кооптонуу менен салыштырышы муну айгинелеп тургандай. Макалага жана аталган куралдын мүнөздөмөлөрүн аскерий баяндамачы Александр Хроленко талдаган.

Америкалык басылма АКШ Куралдуу аба күчтөрүнүн "атка жеңил, тайга чак" MQ-9 Reaper аппаратынан айырмалана россиялык чалгындоочу-сокку уруучу дрону көтөрүлүшчүлөр менен күрөшүүгө эмес, толук масштабдуу аскердик жаңжалдарга багытталганын баса белгилейт. Чалгындоо каражаттарын жана 6 тоннадан ашык бомба же "жер – аба" жана "аба – аба" багытындагы ракеталарды 5000 чакты аралыкка ташый алат. "Охотник" ыраактык жана куралдануусунун ар түрдүүлүгү жагынан "болуп көрбөгөндөй мүмкүнчүлүктөргө" ээ.

Түпкүрдөгү купуя сыр же касташкандын катыгын берчү "Скиф"

Сыртынан X-47B Northrop Grumman долбооруна түспөлдөшүп кетет, бирок багыты башка. "Охотник" көзгө анча илинбес сокку урууга багытталган учкучсуз аппаратты иштеп чыгууну алда канча тездетүү пландары жарыяланды. Сериялык өндүрүшү 2024-жылы башталганы турат.

Ушундай эле долбоор АКШда учурда жылбай турат. Америкалык оор БПЛА X-47B аппараты алгач ирет 2011-жылы учурулган (ошол тушта "Сухой" корпорациясы жаңыдан "Охотникти" иштеп чыгып жаткан эле). Пентагон аскердик-деңиз күчтөрү үчүн келечектүү учкучсуз аппаратты адаптациялоо программасын 2013-жылы баштаган. Анда ал машинанын оперативдик даярдыгына 2020-жылы жетишүүнү көздөгөн (долбоорго катышкан төрт компания 15 млн доллардан алган). 2015-жылы эле Аскердик-деңиз күчтөрүнүн адистери палубалык сокку уруучу дрондун натыйжалуулугунан шек санап киришкен. Ошондон уламбы, иш тетири кеткен. UCLASS программасынын алкагында учкучсуздун макамы акырындап сокку ургучтан чалгындоочуга, андан кийин жөн эле учуучу май куйгучка чейин төмөндөтүлгөн.

АКШнын Куралдуу күчтөрү бүгүнкү күндө "ынанымдуу жол көрсөткүч" (loyal wingman) катарында башканы, салыштырмалуу чакан XQ-28 Valkyrie сокку уруучу аппаратын сыноодо. Ал болгону 450 кг. пайдалуу жүк ташыйт (бир-эки бомба же ракета), анан да "стелс" (радиолокациялык станциялардын "көзүнө" чалдыкпас) касиети жок.

"Искандерлер" РФтин деңиз чегин коргомокчу. Себеби эмнеде?

Forbes учкучсуз аппараттар багытында алгачкылардан болуп баштаса да "АКШ Россиядан кийин бүтүрөрүн" белгилөөгө аргасыз болгон. Чындап эле жогорку технологиялык куралдануу жаатында мындай көрүнүш тенденцияга айланып барат.

Аскердик интеллектуал

Бир аз мурдараак америкалык The Drive басылмасы россиялык оор учкучсуз учуучу аппаратка макалалардын бүтүндөй түрмөгүн арнаган эле. Анда "Охотник" истребителге окшош, узундугу 38, канаттарынын керилиши 62 футка, башкача айтканда, 11 жана 19 метрге жетери айтылат. Мындай өлчөмү ичинде курал-жарак жайгаштырууга, ал эми конструкциясы үндөн ыкчам ылдамдыкта учууга, жаңы Су-57 истребители менен эриш-аркак иштей алышына мүмкүндүк берет деп сүрөттөлгөн.

Кызыгуулар мыйзам ченемдүү. Оор чалгындоочу-сокку уруучу, учкучсуз-көзгө чалдыкпастарды чыгарган өлкөлөрдүн чөйрөсү өтө тар. Ал эми 5-муундагы истребителдер менен сокку уруучу учкучсуз аппараттарды интеграциялоо технологиясын азырынча эч ким өздөштүрө элек. Россия бул багытта алгачкы карлыгач болору ажеп эмес.

F-35ти модернизациялоо. АКШнын доо кеткен беделин бийиктетүү аракети

"Охотниктин" так мүнөздөмөлөрү, аскердик багыты, жабдылышы жана куралданышы дагы бир топко чейин купуя сакталат. Белгилүү тарабы – учкучсуз "учуучу канат" схемасы боюнча душмандын радиолокациялык станцияларга көрүнүшүн төмөндөтүүчү композиттик материалдарды колдонуу менен аткарылганы. Тескелүүчү тартылуу вектору бар реактивдүү кыймылдаткыч менен жабдылган, ылдамдыгы саатына 1000 чакырымга чейин чыгат. 5-6 тонна аскердик жүктү ташууга жөндөмдүү. Учуш салмагы – 20 тоннага дейре. Абадан коргонууга каршы туруу шарттарында да иштей алат. Эки жылдан бери уланып келе жаткан сынамык учуштар мына ушул артыкчылыктарын далилдеди.

Андан тышкары, "Охотникке" жана анын "өзүнөн кичине туугандарынын" бүтүндөй катарына жасалма интеллект жалгаштырылууда. Су-57 оор истребителдеринин (РФ Коргоо министрлиги баштапкы баскычта 76 машинага буюртма берген) топторунда "Охотник" учкучсуз учуучу аппаратынын аскердик мүмкүнчүлүктөрү жол салгыч катары кыйла артарын боолголоого болот. Себеби Су-57 аба жана жердеги буталарын 400 чакырымга чейинки аралыктан кармоого, 62 объектиге чейин коштоп, сокку уруучу учкучсуздарга бута көрсөтмөлөрүн жөнөтүүгө жөндөмдүү.

Су-57 бешинчи муундагы америкалык истребителдеринен айныгыс артыкчылыктарын (пилотаждык сапаттары жогору, бортунда 10 тонналык арсенал (гипер үндүү куралды кошо санаганда) уникалдуу негизги радиолокациялык станциясы жана буталарды кармоонун оптикалык-электрондук тутуму) эске алсак, "Охотник" тибиндеги учкуч жана аскердик роботторду натыйжалуу өз ара аракеттешүүсүнүн ири мүмкүнчүлүктөрү жаралат.

Артиллеристтердин кыялы. Талаа-түздө сыналган "Тюльпан" миномёттору

Оор чалгындоочу-сокку уруучу учкучсуз аппараты Россиянын Космостук аба күчтөрү жана Аскердик-деңиз күчтөрүнө кызмат өтөй алат. Ошону менен бирге келечегинен көптү үмүттөндүргөн авиаташуучу "Охотник" кемелери жана модификацияланган Су-57 да бирге жайгаштырылып, аскердик тапшырмаларды чогуу аткара алышат. Келечекте россиялык оор учкучсуз аппаратынын абада аткарчу аскердик иши мол болчудай.

Абада артыкчылыгы арбын

АКШнын Аскердик аба күчтөрү 7-августта Невада штатындагы үч күндүк окуунун аяктаганын жарыялады. Ага F-22 Raptors жана F-35A Joint Strike Fighter стелс-истребителдери, бомбалоочу-көзгө чалдыкпас B-2A Spirit, стелс-дрон RQ-170 Sentinel (өтө жашыруун 44-чалгындоочу эскадрильядан), ошондой эле Аскердик-деңиз күчтөрүнүн "көзгө чалдыкчу" F-15E Strike Eagle истребителдери жана радиоэлектрондук күрөштөгү EA-18G Growler учагы оголе көп санда катышты.

1,4 млн доллар каражат жумшалган бул иш-чара жогорку технологиялык душманына (АКШнын Түндүк жана Түштүк Америкасында болбогон) каршы агрессияга олуттуу даярдык сымал көрүнөт. Машыгууларда учактар эшелондолгон абадан коргонуу аймактарына тымызын кирүү, радиоэлектрондук басуу жана шарттуу душмандан коргонуу каражат жана тутумдарын талкалоо ыкмаларын аткарышкан.

Кургакта да, сууда да… Россиялык флот Бе-200 амфибиялык учагына ээ болду

Эмнеге даярданышканын деле болжош татаал эмес. Былтыр сентябрда АКШнын Европадагы Куралдуу аба күчтөрүнүн командачысы Жеффри Харриган Калининград облусунун көп катмарлуу абадан коргонуу тутумун жырып өтүү боюнча Пентагондун планы бар экенин жар салган, ал эми андан бир ай өтпөй Калининград облусун Польша жана АКШ тарабынан басып алуу планы жарыяланган.

Пентагон Россияны россиялык чек араларда улам катуулай, акылга сыйбаган тейде "ооздуктап" келет. Балтий жана Кара деңиздин үстүндөгү аба мейкиндигинде америкалык чалгынчыларды окко учууга эле коюшкандай. Бул – куралдуу тегиздиктеги концептуалдык жаңжалды трансформациялоо ниетиндеги ачык жана жоопкерчиликсиз чагым. Ал ортодо 2020-жылы Кошмо Штаттардын чалгындоочу учактарынын кармалышы РФтин чек арасына жакын учуп келүүлөрүнүн көп кармалышынын аягы да кайгылуу кесепеттерге кептеши мүмкүн.

The National Interest америкалык журналынын серепчилери бул окуяларга Вашингтонду түз эле айыптаган. Болбосо, Россия реакция кылууга, тагыраагы, сокку уруучу жана коргонуу каражаттарын бардык чөйрөдө – жерде, деңизде, абада да пайдаланууга аргасыз. Горизонтто "Охотник" оор сокку уруучу учкучсуздун пайда болушу да мыйзам ченемдүү жана өз маалында чыгарылганы айкын. Global Firepower маалыматына таянсак, НАТО боюнча союздаштарынын аскердик авиациясын эсептебегенде эле Кошмо Штаттардын 2000дин тегерегиндеги сокку уруучу учагы, Пентагондун 5000ден ашуун учуучу аппараты бар.

Салыштырсак, Россиянын Коргоо министрлигинин 870 чакты истребители, бомбалоочу жана чабуулчусу, жалпы 4000дин айланасындагы учуучу аппараты бар. Балким, Вашингтонду Мексика же Кубанын аймагынан "ооздуктоого" россиялык учактар аздык кылар, бирок Москва андай максатты көздөбөйт.

Саатына 155 чакырым! Аэромобилдик "Стрела" сооттолгон унаасынын арышы

Евразиялык континентте РФтин Аба-космостук күчтөрү коргоо маселелерин гана чечет, сокку уруучу авиациянын мүмкүнчүлүктөрүн Абадан жана Ракетага каршы коргонуу тутумдары жана каражаттары толуктайт. Алар россиялык чек аралар периметрлери боюнча жайгаштырылган.

Невадагы абадан коргонуунун эшелондоштурулган тутумун жырып өтүү планы жана АКШнын Куралдуу-аба күчтөрүнүн "көзгө чалдыкпастарынын" тийиштүү машыгуулары деле майнапсыз жана "реалдуулуктан учуп чыккан" америкалык аскерлердин өмүрү үчүн өтө кооптуу.

Учкучсуз "Охотник" — келечекке чоң кадам, абада үстөмдүк кылууга жетишүүнүн перспективдүү россиялык жүздөгөн инструменттердин бири гана болуп саналат.

Россиянын жогорку технологиялык коргонуу мүмкүнчүлүктөрү күчөп келе жаткан коркунучтарга каршы тура алат жана батыштагы "өнөктөштөрүнүн" эмитен эле жанын жай алдырбагандай эле күчкө ээ. Бул жагынан Пентагон жана НАТОнун сан боюнча артыкчылыгын РФ мындай кубаттуулугу менен теңдеп коёт десек жарашат.

450
Белгилер:
Аскерлер, Аскер, курал, НАТО, Батыш, Россия, истребитель
Тема боюнча
Россиянын топ жарышы. Аскердик роботтор адам менен "тил табышат"
Сириядагы АКШнын аскер кызматкерлери. Архив

Сириядагы кыймыл. Ким элдин каарына калып куугунтуктала баштады?

122
(жаңыланган 10:33 12.08.2020)
Аскердик базалар жана күзөткө кол салуу, ракеталык аткылоо жана колонналар жүргөн жолдордогу жардыруулар, айтор Сирияда АКШ аскерлери ушундай жагдайларга тушугууда.

Кызыгы, аларга сокку ургандар террордук уюмдар гана эмес... Араб Республикасына америкалыктардын аяк басканына кимдер нааразы экенин биздин өнөктөш РИА Новости агенттиги тактап көргөн.

Чар тараптан

Жакында эле Сириянын түндүк-чыгышындагы Хасеке провинциясында АКШнын мыйзамсыз аскердик базасы ракеталык чабуулга кабылды. Бул жерде Эль-Хасака шаарынан түштүккө карай алтымыш чакырым аралыкта америкалыктар сокку уруучу жана транспорттук тик учак жана учактарды кабыл алуу үчүн аэродром жасашкан. Сириялык маалымат каражаттарынын маалыматтарына караганда, базага белгисиз куралдуу топтор кол салган.

Батыш Россиянын Сириядагы аскердик ийгиликтерин биринчи жолу моюнга алды

Акыркы айларда Сирияда америкалыктарга кайра-кайра ок атылып, алар жоготууларга кабылууда. Айрыкча, ыкчам күзөт тобу "белгисиз" кыймылдардын чабуулуна көп тушугуп жатат. Май айынын аягында АКШ армиясынын аскерлери жана "Сириялык демократиялык күчтөрдүн" жоокерлери бараткан автомобилдердин колоннасына Дейр-эз-Зор провинциясында автомат, пулемет жана гранаталар менен куралданган отряд кол салган. Үч америкалык жана Сирия демократиялык күчтөрүнүн беш мүчөсү жарадар болгон.

Эль-Хасаке провинциясында апрелде да бир нече кол салуу орун алган. Атап айтканда, америкалык аскерлерди жана Сириялык демократиялык күчтөрдүн мүчөлөрүн ташып бараткан "Хаммер" сооттолгон унаасын Рувейшид кыштагынын жанынан "белгисиз адамдар" аткылашкан. Бир топ киши жараланган. Дейр-эз-Зоредеги ушундай эле окуянын натыйжасында АКШ армиясынын офицери жана Сириялык демократиялык күчтөрдүн жоокерлери окко учкан. Дагы бир чабуулдан соң эки аскер дайынсыз жоголуп, алардын тагдыры алигүнчө анык эмес.

Күзөт топторунун жолунда да жардыруулар көп болууда. Өткөн айда Дейр-эз-Зор провинциясындагы Сабха кыштагында автомобилдик колоннаны жардырышкан. Кээде мина коюлган автомобилдер менен жанкечтилер чабуул жасайт. Америкалык аскерлер былтыр январда көп жоготууга дуушар болушкан. Сириянын түндүгүндөгү Манбижде жанкечти жөө күзөт кызматынын жанынан фугасты жардырган. Анда эки аскер – АКШ Коргоо министрлигинин кызматкери жана жалданма жоокер каза болгон. Пентагон Сириядагы ушул өңдүү кол салуулар боюнча маалыматтардын көпчүлүгүн таптакыр танып, аларды жалган кабар деп атоодо.

Сириядагы чыр: АКШ Россиянын "колу канган малынганын" айтты

Ресурстар үчүн күрөш

Аскерий серепчи Юрий Ляминдин пикиринде, америкалык аскердик объектилерге жана күзөткө чабуул АКШ жана алардын союздаштарынын оккупациясында калган жергиликтүү уруулар чабуул коюп жатышы мүмкүн.

"Булар Сириянын чыгышы жана түндүк-чыгышында жашаган арабдар, — деп түшүндүрөт Лямин. — Ушул тапта алар америкалыктар колдогон күрддөрдүн кол алдында калды. Албетте, нааразы адамдар чыкпай койбойт, алар азыркы кырдаалга караманча каршы. Алар регионду Дамаск көзөмөлдөөгө тийиш деп эсептешет. Ошол себептен, ушундай толкундоолор болууда". Анан калса, бул уруулар дурус куралданып, жакшы машыгуудан өтүшөт.

"Өлкөдө бир нече жылдан бери жарандык согуш жүрүүдө, калктын колунда курал жетишерлик санда, — деп белгилейт Лямин. — Аткылоочу гана эмес, минометтор да, оор пулеметтор да, ал түгүл Сирия жана Иракта абдан кеңири таралган кытай же араб өндүрүшүндөгү залп атуучу 107 миллиметрлик жеңил тутумдар да жок эмес".

АКШ Сирияны колдоого алган Россия менен Кытайды жазаламай болду. Видео

Плеханов атындагы Россия экономикалык университетинин саясат таануу жана социология кафедрасынын доценти, "Россия офицерлери" эксперттик кеңешинин мүчөсү Александр Перенджиев америкалык аскерлерге кол салуулар Сириянын ресурстары үчүн коалиция ичиндеги күрөштүн бир бөлүгү болушу ыктымал деген пикирде.

"Иш жүзүндө бул — талап-тоноочулардын өздөрүнүн ортосундагы кармаш, — деп тактай кетти ал. — Бир жагынан Пентагон бар, экинчи тарабынан — ар кыл каржылык-өндүрүштүк топтор. Алар жеке аскердик компаниялардын кызыкчылыгын жактап, ошол эле террорчуларды курал менен жабдышы мүмкүн".

Анын айтымында, Пентагон да сириялык оюнда өз алдынча күч эмес, АКШдагы айрым топтордун кызыкчылыгын коргошот. Ушундай тымызын соккулар Сириядагы пайдалуу кен байлыктары үчүн күрөштүн күч алганын айгинелейт.

"Эгер сириялык армия чабуул койсо, Пентагон дароо муну моюнга алмак, — деп кошумчалайт Перенджиев. — Бирок "белгисиз отряддар" деп коюшканы жашыруун, ички согушун элге жарыялагылары келбегенинен кабар берет. Ошону менен бирге америкалыктар сокку кай тараптан экенин так билишерин бөркүмдөй көрөм".

Элдин каары

Америкалыктардын башына конгон дагы бир кооптуулук — элдин каршылык көрсөтүүсү. Бул аракет, президент Башар Асад белгилегендей, өлкө Сириянын аймагын чет элдик оккупациядан бошотууну көздөйт. Ал эми америкалыктарга нааразы болууга негиз толуп жатат.

Сирия хроникасы: россиялык күзөткө чабуул жана АКШнын активдешүүсү

Июнь айында Хасеке провинциясында Тель-Абъяд шаарынын тургундары өз буудайын мыйзамсыз чыгарылышына жол бербөө үчүн чек ара өтмөгүндө пикет уюштурушкан. Ошол окуянын алдында эле Сириянын Тышкы иштер министрлиги Түркия колдогон согушкерлер жана АКШнын союздук бандиттик түзүмдөрү мамлекеттеги кырдаалды курчутуу ниетинде эгин талааларын жана башка дан азыктарын бир нече ирет өрттөп салышканын билдирген.

АКШнын аскердик командачылыгы жана алардын союздаштары расмий бийликке каршы калкты тукуруу үчүн Сириянын түндүгүндө гуманитардык жагдайды максаттуу түрдө оорлоштурууда.

Көбүнесе америкалыктардын айынан жай жарандар набыт болушат. Май айында АКШ аскерлери Дейр-эз-Зор провинциясында айдоочуну атып салышкан. Алардын бетке кармаган шылтоосу — машина "Коннико" мунай кенинин тушунда негизги трассадан бурулган имиш. Аскерлер муну коркунуч деп санап, ок чыгарышкан.

Ал эми февралда Камышлы шаарынан анчалык ыраак эмес блокпостто сириялык аскерлер макулдашылбаган маршрут менен бараткан АКШ армиясынын колоннасын токтоткон.

Америкалыктар жергиликтүү эл менен жаңжалдын чыгышына түрткү болгон. Натыйжада жоокерлер жай жарандар тарапка да башаламан аткылап киришкен. Ошол тиреште 14 жаштагы Фейсал Халид Мухаммад окко учуп, дагы бир киши жараланган. Окуя автоколоннаны чыгарган россиялык аскерлердин кийлигишүүсү менен гана жөнгө салынган.

122
Белгилер:
эл, каршылык, Аскер, чек ара, кыймыл, АКШ, Сирия
Тема боюнча
Россия эми дүйнөлүк террорчулукка айыпталууда. Америкалыктардын акыл парасаты
Футболисттер машыгып атат. Архивдик сүрөт

КРдеги футболдук үч клубга айып салынды. Машыктыруучу 50 миң сом төлөйт

0
Дисциплинардык комитет оюн талаасында күч колдонгон, үчтөн ашык эскертүү алган жана маалымат жыйынга катышпаган тараптарга айып салды.

БИШКЕК, 13-авг. — Sputnik. Бир катар жергиликтүү футболдук клубдарга айып пул салынды. Бул тууралуу Кыргыз футбол кеңешинен (КФК) билдирди.

Маалыматка ылайык, аталган бирикменин дисциплинардык комитети "Алай" футбол клубунун машыктыруучусу Бакыт Маматовго 50 миң сом айып пул салып, алты айга спорттук ишмердүүлүккө катышууга тыюу салды.

Кыргызстандык футболчу Гүлжигит Алыкулов УЕФАнын мелдешинде ойнойт

КФК эреже бузган "Алга" клубун 2000 сомго, "Алай" командасын 3500 сомго, "Абдыш-Атаны" 2000 сомго төлөмөр кылган.

Алар оюн талаасында бирөөгө карата күч колдонуп, үчтөн ашык эскертүү алып, уюштурулган маалымат жыйындарына катышкан эмес.

 

0
Белгилер:
клуб, айып пул, футбол, Кыргызстан
Тема боюнча
Кыргызстандык футболчу Гүлжигит Алыкулов УЕФАнын мелдешинде ойнойт
Шоро премьер-лигасынын беттештеринде тең чыгышты. Күйөрмансыз оюндар
Криштиану Роналду эзелки атаандашы Лионель Мессинин клубуна өтөбү?