Заседание Комитета по конституционному законодательству, государственному устройству, судебно-правовым вопросам и Регламенту ЖК КР

Иса Өмүркулов КСДПнын катарынан чыгарылды

2291
(жаңыланган 09:55 01.11.2018)
КСДПнын ЖКдагы депутаттарына Өмүркуловду фракция лидерлигинен чакыртып алуу сунушу жиберилгени маалымдалды.

БИШКЕК, 31-окт. — Sputnik. КСДП Иса Өмүркуловдун аракеттери партиянын Уставына, максаттарына туура келбегендиктен аны мүчөлүктөн чыгарды. Бул туурасында КСДПнын маалымат кызматы кабарлады.

Маалыматта бүгүн КСДПнын саясий кеңешинин жыйыны болуп, анда партиянын XVIII курултайын 2019-жылдын 6-апрелине дайындоо чечими кабыл алынгандыгы айтылган.

Андан сырткары КСДПнын ЖКдагы фракциясынын лидери Өмүркуловду партиядан чыгаруу чечими кабыл алынган.

"Партиянын Уставынын 2.8 пунктуна ылайык, Иса Өмүркуловдун аракеттери партиянын Уставына, максаттарына туура келбегендиктен ал мүчөлүктөн чыгарды", — деп айтылат маалыматта.

Партиядан Өмүркуловду КСДП фракциясынын лидерлигинен чакыртып алуу сунушу ЖКга, фракция депутаттарына жиберилгендиги да кабарланды. 

"Бүгүнкү жыйынга ЖКнын депутаты Ирина Карамушкина катышып, КСДП төрагасынын орун басары болуп шайланган. Учурда партиянын төрагасы Алмазбек Атамбаев. Анын төрт орун басары бар. Алар Мурадыл Мадеминов, Асел Кодуранова, Ирина Карамушкина, Сапар Исаков жана КСДП катчылыгынын жетекчиси Таалайбек Усубалиев", — деп айтылат таратылган кабарда.

КСДПнын саясий кеңешинин регламентинине ылайык, Өмүркуловдун аталган Кеңештеги ыйгарым укуктары партиядан чыгарылгандан кийин токтотулаары айтылган.

2291
Белгилер:
саясый партия, Жогорку Кеңеш, Иса Өмүркулов
Тема:
Иса Өмүркулов КСДПнын катарынан чыгарылды (10)
Тема боюнча
Иса Өмүркулов: эмне байлыгым болсо баары декларацияда көрсөтүлгөн
Жолдубаева: "Атамбаевсиз КСДП" жыйындарынын артында чоң күчтөр турат
Биолаборатория. Архив

Борбор Азия жана Кавказга биолаборатория курууда АКШнын көздөгөнү эмне?

76
(жаңыланган 16:08 31.05.2020)
Совет маалында Армян ССРиндеги Микробиология институту микробиологиялык ири борбор деп эсептелген. Токсонунчу жылдары аталган институттун илимий иштерине АКШ жана Улуу Британия да кызыгар эле.

БИШКЕК, 31-май — Sputnik. Казакстан, Армения жана Тажикстанда америкалыктар биологиялык лабораториялар түйүнүн ачкан. Айрыкча Грузиядагы Лугара атындагы лабораториялык борбордун ишмердиги россиялык бийликти түпөйүлгө салат. Булардын Вашингтонго зарылдыгы канчалык экенине биздин өнөктөш агенттик РИА Новости сереп салган.

"Кошмо Штаттар дүйнө жүзү боюнча, анын ичинде бизди курчаган аймактарда да аскердик-биологиялык ишмердик жүргүзүүдө", — деп билдирген Сергей Лавров ЖККУнун тышкы иштер министрлеринин жолугушуусунда. Москва эбактан бери эле коңшу мамлекеттердеги биологиялык коопсуздукка кабатыр болуп келет.

Атайын жасалган иш беле?

Казакстанда коронавирус марттын башында каттала баштаган. Өлкө бийлиги дароо чек араларды жаап, өзгөчө абал киргизген. Интернетте вирус 2016-жылы америкалыктар тарабынан ачылган республиканын түштүгүндөгү биолаборатория менен байланыштуу экени тууралуу күбүр-шыбыр кеп тараган.

Алматыдагы Борбордук реферанс-лаборатория (БРЛ) Казакстанга мүнөздүү вирус штаммдарын изилдөөгө адистешкен. Казакстандын карантиндик жана зооноздук (жаныбарлардан адамга жугуучу) инфекциялар илимий борборунун базасында иштейт, республиканын Саламаттыкты сактоо министрлигине баш иет. Пентагондун эсебинен курулса да Казакстандын менчиги болуп саналат. Бул объектиге АКШ 108 миллион доллар бөлүп берген.

Вашингтон аймакта америкалык аскер кызматкери бар экенин, изилдөөлөр белгисиз вирустук инфекциялардан коргонууга көмөк болорун түшүндүргөн. ЖККУ, КМШ жана ШКУ саммиттеринде Москванын өкүлдөрү америкалыктар бул лабораторияларды россиялык кызыкчылыктарга каршы колдонушу мүмкүн деген кооптонууларын билдирип келет. Бирок Казакстандын бийлиги жергиликтүү биологдордун ишине эч ким кийлигише албастыгына ынандырган.

"Четөлкөлүк окумуштуулардын катышуусунда биргелешкен изилдөө жана гранттар боюнча долбоорлор ишке ашырылчу учурларда гана уруксат берилет", — деп түшүндүрүшкөн БРЛ өкүлдөрү.
© Sputnik / Максим Блинов
Россиянын тышкы иштер министри Сергей Лавров 2017-жылдын 17-июлунда Минксиде өткөн ЖККУнун тышкы иштер министрлер кеңешинин жыйынынан соң

2018-жылы Казакстанда менингит менен ооругандардын саны көбөйгөнү байкалган, андан улам Алматыда аталган лабораториядан менингококк инфекциясынын штаммы чыгарылган деген сөз чыккан. Журналисттер жана блогерлер ошол убакта америкалыктар вирусту атайын таратканын, мындай жол менен алар лабораторияда иштелип чыгып жаткан биологиялык куралдын натыйжалуулугун текшерип көрүшкөнүн олуттуу түрдө эле жазышкан.

Казакстандын Саламаттык сактоо министрлиги эч кандай эпидемия болбой турганына ишендирген. "Казакстанда менингит 58 кишиде аныкталган, алардын 32си Алматы калаасында катталган. Эгер Дүйнөлүк саламаттыкты сактоо уюмунун ченемдери боюнча эсептеп көрсөк, орточо көрсөткүч төмөн", — деп билдиришкен мекемедегилер. Коронавируска окшош жагдай. Бийлик конспирологияны төгүндөп, дүрбөлөңгө түшпөөгө үндөгөн.

© Sputnik / Тимур Батыршин
Автоинспекциянын кызматкерлери Алматынын көчөлөрүнүн биринде нөөмөттө

Жабык тартип

Совет маалында Армян ССРиндеги Микробиология институту микробиологиялык ири борбор деп эсептелген. Токсонунчу жылдары аталган институттун илимий иштерине АКШ жана Улуу Британия да кызыгар эле. Армениялык адистерди батыш өлкөлөрүнө практикадан өтүүгө чакырышкан. 2000-жылдары америкалыктар өлкөдө бир нече биолаборатория ачууга жардамдашкан. Акчаны да Казакстандагыдай эле Пентагон бөлгөн. Армениядагы Илдеттерди көзөмөлгө алуу жана алдын алуу боюнча улуттук борборду заманбапташтырууга эле он миллион доллар сарпташкан.

Ереван, Гюрми, Ванадзор, Мартун жана Ижеванда курулган илимий борборлор Кавказ аймагына мүнөздүү болгон вирус жана штаммдарды изилдешет. Лабораториялар Армениянын саламаттыкты сактоо тутумуна кирет, бирок АКШнын Коргоо министрлигинин алдындагы Кооптуулуктарды азайтуу агенттиги кийлигише алат. Жергиликтүү адистерден тышкары, ал жакта америкалыктар иштейт.

Армениядагы биолабораториялардын жабык тартипте иштешине Москва сын көз карашта. Шектенүүлөрдү жоюу үчүн былтыр күздө премьер-министр Никол Пашинян россиялык адистер менен Кызматташуу боюнча меморандумга кол коюуга макул болгон. Ийне-жибине чейин макулдашышкан соң армян тарап бул документтен баш тарткан.

© Sputnik / Денис Асланов
Грузиядагы Ричард Лугар атындагы лабораториянын каалгасындагы жазуу

Кооптуу эпидемиология

2010-жылы америкалык биологдор ЖККУнун дагы бир мүчөсү – Тажикстанга кызыга баштаган. Инфекциялык илдеттердин күч алышына алып келчүдөй жагымсыз эпидемиологиялык жагдай аларды чочулаткан экен. Бир нече батыш фонду изилдөө борборлорун ачууга каражат бөлгөн. Ошентип, 2013-жылы Душанбедеги

Гастроэнтерологиялык институттун базасында биологиялык коопсуздук лабораториясы ачылган. Долбоорду франциялык Мерьё кайрымдуулук фонду каржылаган. Ал ушундай эле объектилерди Кытай, Мьянма, Бангладеш жана Африканын бир катар өлкөлөрүндө курган.

Француздарга адаттагыдай эле Бириккен улуттар уюму жана АКШнын USAID эл аралык өнүгүү боюнча агенттиги көмөкчү болгон. Инвестициялар үч миллион доллардан ашкан.

2019-жылы Кургак учукка каршы күрөшүү боюнча республикалык борбордун алдында лаборатория ачышкан. USAID менен Пентагон демөөрчүлүк кылган. Жергиликтүү биологдор четөлкөлүк кесиптештери менен кургак учук, малярия, гепатит жана холера өңдүү Борбор Азияга мүнөздүү болгон ооруларды изилдешет.

Былтыр Тажикстандын түндүгүндөгү Исфара шаарында дагы бир объект ачылган. Аны да америкалыктар каржылаганы гана белгилүү, бирок ал боюнча маалымат аз.

"Борбор Азияда коронавируска чейин эле эпидемиологиялык абал жакшы эмес эле. Бул аймакта гепатит, холера, кургак учук күч алуу коркунучу бар, ошондуктан жаңы биолабораториялар зарыл. Аларга каражат керек. Четөлкөлүк көмөк болбосо, ишке ашыра албайбыз", — деп түшүндүрөт Душанбедеги Саясий изилдөөлөр борборунун директору Абдугани Мамадазимов.

Тажикстандык серепчи америкалыктардын бул багытта жанданганынан шектүү жагдайды байкабаганын айтат. "Болгону алар биринчилерден болуп жардамга кол сунат. Эгер коронавирустан кийин Россия, Кытай же Евробиримдик аймакта вирустарга каршы күрөшүүгө активдүү жардам бере башташса, Борбор Азиядагы республикалардын бийлиги колдоп берет", — деп ишенет эксперт.

Работа референс-лаборатории в Душанбе
© Фото / Национальная Референс лаборатория Республики Таджикистан
Душанбедеги референс-лабораториядагы иш

Грузиндик патоген

Грузия ЖККУга мүчө эмес, бирок Россия менен чектешет жана Кавказда негизги ролду ойнойт. Москваны Ричард Лугар атындагы Коомдук саламаттыкты сактоо боюнча илим-изилдөө борбору бушайман кылат. Россия бийлиги Тбилисинин жанындагы биолаборатория америкалыктардын кызыкчылыгына иштээрин боолголойт.

Мындай шектенүүлөр да тегин жерден чыккан жок. 2018-жылдын сентябрында Грузиянын мурдагы мамлекеттик коопсуздук министри Игорь Гиоргадзе лабораторияларда адамдарга да тажрыйба жасалган болушу мүмкүн деп шек санаган. Ал түгүл документтерди жарыялаган. Анда Лугар борборунда дарыланган он киши каза болгону жөнүндө маалымат камтылат. Аталган лабораторияда америкалык үч жеке фирманын биологдору иштеген. Алар, тагыраак, CH2M Hill, Battelle жана Metabiota Пентагондун буюртмаларын аткарган ишканалардан.

Гиоргадзе лабораториялардын бактериологиялык коргоонун жогорку деңгээлине көңүл бурдурат. Атап айтканда, борбор "зыяндуу заттарды чачуу үчүн жабдуулар жана биологиялык активдүү материалдары бар ок-дары менен жабдылган".

© Sputnik / Илья Питалев
Душанбедеги референс-лабораториядагы иш
"Калкты коргоону көздөгөн мекемеге мындай нерселердин зарылдыгы не?" — деген суроо салат экс-министр.

Москвадагылар муну эшиткен. РФ ТИМинин Куралдарды жайылтпоо жана көзөмөлдөө маселелери боюнча департаментинин башчысы Владимир Ермаков Россия өз чегинде америкалык биологиялык эксперименттердин жасалышына жол бербейт.

Пентагондогулар Гиоргадзенин бул айыптоолору негизсиз дешкен. Тбилисидегилер лаборатория жай эле иштелмелер менен алектенерине, адамдарга эч кандай тажрыйба жасалбай турганына ишендирген. Грузия бийлиги Лугардагы борбор менен россиялык адистердин таанышуусуна каршы эмес. Бирок бул пландар эки өлкөнүн мамилесиндеги былтыркы кризистен улам үзгүлтүккө учураган.

"Грузия физикалык-химиялык биология жаатындагы изилдөөлөргө эч качан кызыккан эмес. Бул лаборатория кызматкерлерди жогорку класстагы биологиялык коргоо экендиги боюнча маалымат түкшүмөлдөрдү жаратат. Мындай оор патогендер менен алектенүүнүн зарылдыгы эмне?" — дейт биологиялык илимдердин доктору, Сибирь федералдык университетинин профессору Николай Сетков.

"Вектор" вирусология борборунун башкы директорунун илимий иштер боюнча орун басары Александр Агафонов "Лугар атындагы борбордо биологиялык куралды иштеп чыгуу жана аны чыгаруу жөнүндө түз маалыматтар менен тааныша албайбыз".

© Sputnik / Леван Авлабрели
Грузиядагы Ричард Лугар атындагы лаборатория

"Ошентсе да CH2M Hill, Battelle жана Metabiota өңдүү жеке ишканалар, алардын келишимдик милдеттенмелери, мисалы, сибирь жарасы, туляремия жана Крым-Конго геморрагиялык лихорадкасы өңдүү кооптуу бактерияларды изилдөөнү көз жаздымда калтырууга болбойт", — деп баса белгилейт адис.

РИА Новости сурамжылаган серепчилердин баары постсоветтик мамлекеттер сырттан жардам күтүү менен эпидемиологиялык кырдаалдын көзөмөлүн колдон чыгарып жибериши мүмкүн деген пикирде. Мунун кесепети оор болушу ыктымал. Анүстүнө пандемия убагында лабораторияларга өтө кооптонуу менен карап калышты. Бул мындай структуралардын ишин ачыгыраак уюштурууга түртөт.

76
Белгилер:
вирус, илимий изилдөө, каржылоо, АКШ, Россия
Тема боюнча
"Жыргалчылыкты арттырат"... АКШ Борбор Азияга эмне үчүн көз артууда?

Пандемияны өз кызыкчылыгы үчүн колдонуп... Лавров Батышты сынга алды

167
РФ ТИМинин башчысы батыш мамлекеттеринин коронавирус пандемиясын өз кызыкчылыгы үчүн пайдаланган аракетине нааразы болду.

Сергей Лавров Кытайдын Global Times гезитине макала жазып, Батыш өзүнө жакпаган өкмөттөрдү жазалоо үчүн түзүлгөн кырдаалды пайдаланууга жандалбастап жатканын айкан. Буга мисал катары аларга Россиядан гумжардам алууга салган тыюусун келтирди.

Министр өз сөзүндө Батыштын адам укугун коргоодо кош стандарттуулукка жол берип жатканын да белгилеген. Кенинирээк биздин видеодон көрүүгө болот.

167
Белгилер:
коронавирус, пандемия, Батыш, Россия, ТИМ, Сергей Лавров
Тема:
Кытайдагы жаңы типтеги коронавирус
Тема боюнча
Батыш Россияны статистиканы бурмалап жатат деп айып тагууда. Видео
Туризм департаментинин жетекчиси Максат Дамир уулу. Архив

Дамир уулу: 2020-жылга божомолдогон кирешенин 80 пайызынан кол жууйбуз

0
(жаңыланган 18:55 31.05.2020)
Туризм департаментинин жетекчиси Максат Дамир уулу коронавирустан улам Кыргызстандагы аталган тармак кандай өзгөрүүлөргө дуушар болорун айтты.
Дамир уулу: 2020-жылга божомолдогон кирешенин 80 пайызынан кол жууйбуз

2020-жылда туризм багытындагы экспорттун көлөмүн 700 миллион долларга жеткирүүнү пландадык эле. Тилекке каршы, пандемиядан улам анын 80 пайызы ишке ашпай кала турган болду. Бул тууралуу Максат Дамир уулу Sputnik Кыргызстан радиосуна маек куруп жатып билдирди.

Анын айтымында, 2019-жылы аталган багыттагы кызмат көрсөтүүдөн 613 миллион доллар түшкөн.

"Кыргызстан туризм тармагы өсүп келе жаткан өлкөлөрдүн катарына кирип калган. Дүйнөдөгү белгилүү басылмалар көңүл буруп, нукура табиятты баалаган туристтердин кызыгуусун арттырган мамлекеттердин катарында жылдан-жылга эс алуучуларды тартуу мүмкүнчүлүгү жогорулап бараткан. Мисалы, 2019-жылы туристтик кызматтарды экспорттоодон 613 миллион доллар түшкөн. Мунун негизинде биз 2020-жылы аталган сумманы 700 миллион долларга жеткирүүнү пландап койдук эле. Тилекке каршы, коронавирус пандемиясынан улам бул максаттарыбыз 80 пайызга чейин ишке ашпай калуу алдында турат. Аба каттамдары жанданып, жолдор ачылган күндө да адамдар вирусту жуктуруп алуудан чочулап саякаттоосун белгисиз бир мөөнөткө жылдырып жатышат. Туристтердин арасындагы мындай психологиялык барьер канча убакытка созуларын азыр эч ким айта албайт", — деди Дамир уулу.

Аткаминер коронавирустан улам Кыргызстан "коопсуз эс алууга ылайыкташкан өлкө", " табият койнунда вирус жуктуруп алуу коркунучу жок эс ал" деген сыяктуу слогандарды иштеп чыгып, ошонун негизинде туристтерди тартуу идеялары каралып жаткандыгын кошумчалады.

0
Белгилер:
жоготуу, коронавирус, туризм, Максат Дамир уулу
Тема:
Коронавируска байланыштуу Кыргызстандагы кырдаал
Тема боюнча
Азыгалиев: алтынды карап отура бербей, айыл чарбасын да өнүктүрүү зарыл