ЖК депутаты Иса Өмүркулов. Архив

Атамбаевди саткан эмесмин! Өмүркулов "Атамбаевсиз КСДПга" катышканы боюнча

529
(жаңыланган 10:00 02.11.2018)
Эл өкүлү ар дайым партиянын программасы менен Уставын тутуп келерин белгиледи.

БИШКЕК, 1-ноя. — Sputnik. КСДПнын идеяларын, Атамбаевди саткан эмесмин. Кыйын учурларда дагы партияны таштаган жокмун. Бул тууралуу Жогорку Кеңештин депутаты Иса Өмүркулов маалымат жыйын учурунда билдирди.

Кечээ, 31-октябрда, КСДПнын саясий кеңеши Өмүркуловду партиянын катарынан чыгаруу боюнча чечим кабыл алган. Ага депутаттын аракеттери партиянын Уставына, максаттарына туура келбегендиги себеп катары түшүндүрүлгөн.

Маалымат жыйын учурунда Иса Өмүркулов "Атамбаевсиз КСДП" жыйынына катышканын ырастады.

"Атамбаевсиз КСДП" жыйынына катышып, демилгечи топтун мүчөлөрүн кабыл алгам. Бирок өз позициямды билдирген эмесмин. Эмне себептен КСДПнын катарынан чыгарылганымды билбейм. Эч бир мыйзам бузган жокмун, партиянын программасын, Уставын тутуп келем", — деген Өмүркулов негизи өзүнүн позициясы кандай болгонун ачыктаган жок.

Кыргызстандын экс-президенти Алмазбек Атамбаев. Архив
© Пресс-служба президента КР / Султан Досалиев
Ал ошондой эле аны "чыккынчы" деген сөздөр тарап жатканын айтып, чыныгы чыккынчылар аны партиядан чыгарууга добуш бергендер экенин белгиледи.

"Эмнеге чыккынчы? Мен сатып кеткидей эч нерсе болгон жок. Атамбаев кайсы бир кызматка талапкерлигин коюп, мен башка тарапка өтүп кетсем бир жөн, бирок андай болгон жок да", — деди ал.

Маалымат жыйындын тексттик трансляциясын окуп, видеосун көрүңүздөр.

529
Белгилер:
КСДП фракциясы, Алмазбек Атамбаев, Иса Өмүркулов
Тема:
Иса Өмүркулов КСДПнын катарынан чыгарылды (10)
Тема боюнча
Иса Өмүркулов: КСДПдан эмне себептен чыгарылганымды билбейм
Иса Өмүркулов КСДПнын катарынан чыгарылды
Еревандын аянтындагы митинг

Еревандыктар премьер-министр Пашиняндын кетишин талап кылып көчөгө чыгышты

18
(жаңыланган 16:33 25.02.2021)
Пашиняндын рейтинги күзүндө Баку менен Тоолуу Карабах боюнча элдешүүгө кол койгондон кийин кескин түшүп кеткен. Анда Ереван үч райондон баш тартууга аргасыз болгон.

БИШКЕК, 25-фев. — Sputnik. Еревандыктар премьер-министр Никол Пашиняндын кызматтан кетишин талап кылып магистралдарды тосуп жатышат. Бул тууралуу armnews жазды.

Маалыматка караганда, жолдор эл тарабынан жабылгандыктан кыймыл токтоп калган.

Буга чейин Армениянын куралдуу күчтөр боюнча башкы штабы Пашиняндын кызматтан кетишин талап кылып, өзүнүн элине каршы күч колдонбоого чакырган. Кийин өкмөт башчысы башкы штабдын жетекчиси Оник Гаспарянды иштен алып, өзүнүн тарапташтарын өкмөт үйүнүн алдына чакырган.

Кийин өкмөт үйүнө парламенттин спикери Арарат Мирзоян, вице-спикер Ален Симонян, депутаттар жана министрлер кабинетинин мүчөлөрү келишкен.

Пашиняндын рейтинги күзүндө Баку менен Тоолуу Карабах боюнча элдешүүгө кол койгондон кийин кескин түшүп кеткен. Анда Ереван Кельбажар, Лачин жана Агдам райондорунан баш тартууга аргасыз болгон. Ошондон кийин Армениянын борборунда нааразычылык акциялары башталган.

18
Белгилер:
отставка, нааразычылык, Никол Пашинян, Баку, Ереван
Тема боюнча
Карабахтагы Россия-Түркия мониторинг борборунун келечеги кандай? Сереп
Саясатчы Өмүрбек Текебаев. Архив

Текебаев Кыргызстандын Бельгиядагы элчиси болобу? Саясатчынын жообу

277
(жаңыланган 16:15 25.02.2021)
Депутат мурунку бийликтин жана азыркы бийликтин учурунда дагы элчилик кызмат тууралуу сунуш түшпөгөнүн айтып, учурда узакка созулган соттук иштери менен алек экенин белгиледи.

БИШКЕК, 25-фев. — Sputnik. Саясатчы Өмүрбек Текебаев аны Кыргызстандын Бельгиядагы элчиси болот деген кептер чындыкка дал келбей турганын Sputnik агенттигинин кабарчысына билдирди.

Эске салсак, акыркы күндөрү социалдык тармактарда жана айрым ЖМКларда Текебаев элчилик кызматты аркалай турганы жөнүндө маалыматтар тараган.

"Мага мурунку бийликтин учурунда дагы, азыркы бийликтин учурунда дагы андай сунуш түшкөн эмес. Бул фейк жаңылык. Ошондуктан талкууга алуунун зарылдыгы жок. Ким эмне себептен жайылтканын билбейм", — деди Текебаев.

Саясатчыдан алдыдагы пландары тууралуу да сурадык.

"1,5 жылдан бери бүтпөй жаткан сот иштери менен алекмин. Алгач сот иштерин бүтүрүшүм керек, пландарым ошондон көз каранды болот", — деди Текебаев.

Былтыр "Ата Мекен" партиясынын лидери Өмүрбек Текебаев кайрадан Жогорку Кеңештин депутаты мандатын алган.

Текебаевдин иши

2017-жылдын 25-февралында Башкы прокуратура "Ата Мекен" фракциясынын лидери Өмүрбек Текебаевге жана башка адамдарга карата КР Кылмыш-жаза кодексинин 303-беренесинин 1-бөлүмү ("Коррупция") жана 166-беренесинин 4-бөлүмүнүн 2-3-пунктуларында ("Алдамчылык") камтылган белгилер боюнча кылмыш ишин козгогон.

Козголгон кылмыш иштин алкагында Текебаев менен Чотонов кармалган. Россиялык бизнесмен Леонид Маевский Текебаев "Альфа Телеком" (Megacom) компаниясынын башкармалыгына кирүүгө мүмкүнчүлүк берүү үчүн бир миллион доллар алды деп айтып, депутаттын үстүнөн арыз жазган. 16-августта Бишкек шаарынын Биринчи май райондук соту Текебаевди коррупция боюнча күнөөлүү деп таап, сегиз жылга эркинен ажыраткан. Шаардык сот жана Жогорку сот өкүмдү күчүндө калтырган.

Кийин жаңы жагдайлардан улам Текебаев менен Чотоновдун ишин Жогорку сот кайра кароого жөнөтүп, фемида өкүлдөрү өткөн жылдын 29-августунда эки саясатчыны үй камагына коё берген. Ошентип ал соттолгон деген статустан кутулган.

277
Тема боюнча
Шайлообек Атазов менен Бурун Аманова Жогорку Кеңешке депутат болуп келет
Максим Бакиевден коркуп Москвага качкан. Россиядагы жаңы элчи тууралуу 9 факты
Зыңкыйышат! Таанылгыс болуп өзгөргөн саясатчылардын армиядагы сүрөттөрү
Россия рубли. Архив

Россия Кыргызстанга экономиканы көмүскөдөн чыгарууга 623 млн. сом берет

0
(жаңыланган 16:39 25.02.2021)
Кыргыз өкмөтү 2019-жылы жардам сурап кайрылган. Бул боюнча тийиштүү документтер даярдалып, президент Садыр Жапаровдун сапарынын алкагында келишимге кол коюлду.

БИШКЕК, 25-фев. — Sputnik. Россия техникалык жардам катары Кыргызстанга товарларды маркировкалоо системасын түзүү үчүн 623 миллион рублга идентификациялоо жабдууларын алып берет. Бул тууралуу аталган өлкөнүн Өнөр жай жана соода министрлигинин сайтында маалымдалат.

Билдирүүгө ылайык, кыргыз өкмөтү 2019-жылы жардам сурап кайрылган. Бул боюнча тийиштүү документтер даярдалып, президент Садыр Жапаровдун сапарынын алкагында өкмөттөр аралык келишимге кол коюлду.

Өнөр жай жана соода министри Денис Мантуров Россияда бул система ийгиликтүү иштеп жатканын белгилеген.

"Бул бюджетке кошумча салыктардын түшүшүн, рыноктун тазалыгын камсыздап жана ак ниет өндүрүшчүлөрдүн көмүскө сегменттин атаандаштыгынан коркпой рынокко чыгышына шарт түзөт. Ал эми керектөөчүлөр үчүн сапаттуу жана ден соолукка коопсуз товар алууга, келечекте ЕАЭБдин аймагындагы бардык товарды бирдиктүү система менен текшерүүгө мүмкүнчүлүк жаралат", — деди министр.

Ал эми Кыргызстандын экономика жана финансы министри Улукбек Кармышаков бул макулдашуу эки тараптуу байланыштарды жандандырууга маанилүү кадам болоруна ишеним артты.

Аталган системаны түзүүгө 1,5 жыл убакыт кетет. Бул жумуштарды Россиянын Өнөр жай жана соода министрлиги мамлекеттик келишимдер аркылуу аткарат.

0
Белгилер:
Улукбек Кармышаков, товар, жардам, Россия, Кыргызстан
Тема:
Садыр Жапаровдун Россияга сапары
Тема боюнча
Россия Кыргызстанга кайтарымсыз 5,2 млн. доллар бөлдү
Садыр Жапаров Россияга барганда Евразия фондунан 100 млн. доллар кредит сурайт