Манас эл аралык аэропорту. Архив

"Манас" аэропортуна жаңы жетекчи дайындалды

318
(жаңыланган 12:41 06.12.2018)
Жаңы талапкер 2011-жылдан бери "Газпромнефть Азия" ишканасында иштеп келген.

БИШКЕК, 5-дек. — Sputnik. Нурлан Акматов "Манас" эл аралык аэропортуна жетекчи болуп дайындалды. Бул тууралуу Мамлекеттик мүлктү башкаруу фондунан кабарлашты.

Мындай чечим шаршемби күнү "Манас" аэропортунун директорлор кеңешинин жыйынында кабыл алынды.

Нурлан Акматовдун эки жогорку билими бар. Ал 1993-жылы Скрябин атындагы айыл чарба институтун экономика адистиги боюнча аяктаган, ал эми 1998-жылы Кыргыз улуттук университетинин юридикалык факультетин бүтүргөн.

2011-жылдан бүгүнкү күнгө чейин "Газпром нефть Азия" ишканасында эмгектенген.

Буга чейинки төрага Эмир Чукуев өз ыктыяры менен кызматтан кеткен болчу. Ал эми анын милдетин аткаруучу болуп Мирлан Бегалиев дайындалган эле.

318
Белгилер:
жетекчи, "Манас" эл аралык аэропорту
Тема боюнча
"Манас" аэропортунун жетекчиси кызматынан кетти
"Манас" аэропортуна убактылуу жетекчи дайындалды
Пикирлер