Премьер: министр Калилов орун басарынын ишине тиешеси жоктугун айтууда

© Фото / Пресс-служба правительства / Алишер АлиевОтчет о работе правительства КР за 2017 год в ЖК
Отчет о работе правительства КР за 2017 год в ЖК - Sputnik Кыргызстан
Жазылуу
Депутат Транспорт жана жолдор министрлиги өтө коррупциялашып кеткенин белгилеп, 30 миллион сомдук долбоорлорду 70-80 миллионго баалап жатканын мисал келтирди.

БИШКЕК, 12-дек. — Sputnik. Транспорт жана жолдор министри Жамшитбек Калилов кармалган орун басарынын коррупциялык ишине тиешеси жоктугун айтууда. Бул туурасында премьер-министр Мухаммедкалый Абылгазиев парламенттин жыйынында билдирди.

Буга чейин депутат Абдывахап Нурбаев 520 миң доллар пара менен кармалган министрдин орун басары Азимкан Жусубалиевдин ишинен кийин өкмөттүн моралдык жоопкерчилигин сураган болчу.

"Чынында жаман иш болду. Министрлик да, өкмөт да моралдык жактан соккуга дуушар болдук. Мен Жамшитбек Калилов менен сүйлөшсөм, ал ишке тиешеси жоктугун айтууда. Бирок андан күмөнү бар экенин билдирген. Негизи биз коррупциялык иштерди текшерүүгө тапшырма бергенбиз. Бул ошонун жыйынтыгы болду", — деди Абылгазиев.

Орун басарымдын ишин мурда эле билгем. Калиловдун капыл-тапыл маеги видеодо - Sputnik Кыргызстан
Орун басарымдын ишин мурда эле билгем. Калиловдун капыл-тапыл маеги видеодо
Анын жообунан кийин депутат Нурбаев Транспорт жана жолдор министрлиги өтө коррупциялашып кеткенин белгилеп, 30 миллион сомдук долбоорлорду 70-80 миллионго бааланып жатканын айтты. Ошондой эле ал министрди отставкага кетирип, жаңысын конкурстук негизде тандоо керектигин кошумчалады.

Моралдык жоопкерчилик боюнча Жамшитбек Калиловдун пикирин Sputnik Кыргызстан агенттигинин материалынан угуңуздар

Эскерте кетсек, транспорт жана жолдор министринин орун басары Азимкан Жусубалиев жол куруу боюнча өткөрүлгөн тендерде чет элдик компаниянын кызыкчылыгын коргоо үчүн 520 миң доллар пара алууга макулдашканы айтылган. Акчанын 50 миң долларын алып жатканда аны УКМКнын Коррупцияга каршы күрөшүү кызматы колго түшүргөн. Аткаминер андан мурдараак 120 миң долларын алган, калганы кийинки жумада колуна тиймек.

Жаңылыктар түрмөгү
0