БУУнун Башкы ассамблеясы. Архивдик сүрөтү

БУУнун Башкы ассамблеясы Киевдин Россияга каршы резолюциясын кабыл алды

96
(жаңыланган 13:12 18.12.2018)
Документте Башкы ассамблея "Крымдын Россия тараптан акырындык менен аскерий баскынчылыкка дуушар болуп жатканына тынчсызданганы" белгиленет

БИШКЕК, 18-дек. — Sputnik. БУУнун Башкы ассамблеясы Украинанын Крым, Севастополь, Азов деңизи жана Кара деңиздин бир бөлүгү баскынчылыкка дуушар болуп жатканы тууралуу резолюциясын кабыл алды. Бул тууралуу РИА Новости жазды. 

Россияга каршы багытталган документти 66 мамлекет колдогон, 19 өлкө каршы болсо, 72 мамлекет калыс пикирин билдирген.

Резолюцияда негизинен урунттуу деген төмөнкү учурлар көрсөтүлгөн: Башкы ассамблея "Крымдын Россия тараптан акырындык менен аскерий баскынчылыкка дуушар болуп жатканына", "Россиянын Украинага курал-жарак, өзөктүк учуучу аппарат жана ракета, ок-дары жеткирүүсүнөн улам Крымдагы абалдын дестабилдешүүсүнө" катуу тынчсызданганын билдирет. Мындан улам Россиядан баскынчылык аракеттерди токтотууну талап кылат.

Кыргызстандын жана Бириккен Улуттар Уюмунун желектери. Архивдик сүрөт
© Пресс-служба правительства / Сабыр Аильчиев
Андан сырткары, ассамблея "россиялык аскер күчүнүн Крым аймагында жүргүзгөн машыгууларына нааразы" болуп, мындай аракет аймактын коопсуздугуна терс таасир этип, экологияга болгон кесепетин да белгилеген.

Эскерте кетсек, Крым 2014-жылы өткөн референдумдан кийин Россиянын аймагы болуп калган. Анда республикадагы шайлоочулардын 96,77 пайызы жана Севастополь элинин 95,6 пайызы Россиянын курамына кирүүгө макул болгон. Крым бийлиги референдумду Украинадагы мамлекеттик төңкөрүштөн кийин жүргүзгөн. Ал эми аталган өлкө Крымды ушу тапта деле өзүнө караштуу, бирок убактылуу басып алынган аймак деп эсептейт.

Москва Крым жашоочулары эл аралык укукка ылайык демократиялык жол менен Россияга кирүү үчүн добуш бергенин бир нече ирет айтып келет. Россия президенти Владимир Путиндин айтымында, Крым маселеси "толугу менен жабылган".

96
Белгилер:
резолюция, БУУ, Украина, Крым, Россия
Тема боюнча
Россиянын эркектерине Украинага кирүүгө тыюу салынды
Россиянын тышкы иштер министри Сергей Лавров

Сергей Лавровдун маалымат жыйыны өттү. Козголгон маселелер

133
(жаңыланган 20:35 18.01.2021)
Тышкы иштер министринин жыл сайын уюштурчу маалымат жыйыны бул сапар үч саатка созулду. Урунттуу учурларын сунуштайбыз.

БИШКЕК, 18-янв. — Sputnik. Россиянын тышкы иштер министри Сергей Лавровдун жыл сайын болуп турчу чоң маалымат жыйыны болуп өттү.

Журналисттер менен жолугушуу пандемияга байланыштуу онлайн-форматта өттү. Лавров бардык өлкөлөрдүн журналисттеринин суроолоруна үч саат бою жооп берди. Анын урунттуу учурларын тезис түрүндө сунуштайбыз.

  • Россиянын ТИМи бийлик басым жасап жаткан Латвиядагы Sputnik жана Baltnews агенттиктеринин журналисттерине колдоо көрсөтүүдө. Министрлик эл аралык уюмдардан чара көрүүнү талап кыла бермекчи. Ошондой эле юристтер менен Мекендештердин укугун коргоо фонду ишке киришет;
  • АКШнын тышкы саясатынын маани-маңызы жаңы администрациянын келиши менен өзгөрүп кетпейт. Мындан ары дагы "америкалык жашоо түшүнүгүн" таңуулоо улана бермекчи. АКШ Россия — Кытай мамилесин суутууга аракет жасайт;
  • АКШ бийлиги интернетти көзөмөлгө алууну ойлонууда. Ошондуктан америкалык коомчулук тармактын эркиндигин талашышы керек. Дональд Трамптын соцтармактан четтеп калышына комментарий берген Лавров АКШ Адам укуктары жөнүндөгү конвенцияга кол койгонун эскертти. Ага ылайык, ар бир адам жашаган жерине карабастан маалыматка ээ боло алат. Ошондуктан Facebook, Twitter же YouTube тармактарынын милдеттенмеси жок деп айтууга болбойт. Милдет мамлекеттин мойнунда, ал бул укукту бардык жарандарга камсыздашы керек;
  • АКШ пандемияны басым жасоого, шантаж кылууга, ультиматум коюуга колдонду. Ошондой эле башка мамлекеттердин ички ишине кийлигишүү үчүн бир тараптуу чектөөлөрдү коюп жатты. Мисалга Беларусту алсак болот. Батыш БУУнун пандемия учурунда медикаменттерди жеткирүүдө коюлган санкцияларды токтотуп туруу чакырыгын тоготпой койду;
  • Тоолуу Карабахтын статусу Азербайжан, Армения жана Россиянын үч тараптуу келишиминде көрсөтүлгөн эмес. Тоолуу Карабахты курамына киргизип алуу Россиянын оюнда дагы жок.
133
Белгилер:
басым, интернет, Россия, АКШ, Сергей Лавров
Тема боюнча
Тоолуу Карабах: Путин, Алиев жана Пашиняндын сүйлөшүүсү дээрлик 4 саатка созулду
Лавров РФ башка өлкөлөрдүн ички ишине кийлигишүүдө деген кинеге жооп берди
Экономикалык кылмыштарга каршы күрөшүү кызматынын төрагасы Сыймык Жапыкеев. Архив

Аспеков Жапыкеевге 50 миң доллар берүүгө камынганбы? Финпол жооп берди

1098
(жаңыланган 14:47 18.01.2021)
Азыркы тапта Жапыкеев Бишкек ТЭЦинин ишин текшерип жүрөт, ал тууралуу айтылган кептер карандай калп.

БИШКЕК, 18-янв. — Sputnik. Экономикалык кылмыштарга каршы күрөшүү кызматынын төрагасы Сыймык Жапыкеевдин айланасындагы кептер боюнча аталган органдын маалымат кызматы комментарий берди.

Белгилей кетсек, айрым ЖМКлар "Кыргыз темир жолу" ишканасынын жетекчилигин опузалап 250 миң доллар талап кылды деп кармалган Мелис Аспеков өз көрсөтмөсүндө 50 миң долларын Жапыкеевге бермек болгонун айтканын жазган. Ошондой эле Финполдун төрагасы жакында камалары туурасында кеп тарады.

Финполдун маалымат кызматы айтылгандардын баары тастыкталбаган, карандай калп экенин билдирди.

"Учурда Финансы полициясы тарабынын коррупция, экономикалык жана финансылык кылмыштар менен күрөш тынымсыз жүрүп жатат. Жогорку рангдагы аткаминерлер аралашкан резонанстуу кылмыштуу схемаларды аныктап, алдын алууда. Мындан улам биздин кызматтын жетекчилигине көө жабууга аракет кыла башташты. Андай учур дагы кайталанышы мүмкүн, бирок биз ишти токтотпойбуз. Эң башкысы — элдин ишеними жана колдоосу керек", — деп айтылат маалыматта.

Ал эми Аспековдун көрсөтмөсүндө айтылгандар чындыкка дал келбей турганы белгиленет.

Маалымат кызмат азыркы тапта Жапыкеев Бишкек ТЭЦинин ишин текшерип жүргөнүн кошумчалады.

1098
Белгилер:
ушак, көрсөтмө, финансы полициясы, Сыймык Жапыкеев
Тема боюнча
Жапыкеев: пандемияда иштеген аткаминерлердин баары сурак берип, көбү камалат
Илдетим күчөп кетти. Финполдун башчысы Сыймык Жапыкеев ооруканага түштү
Кайгуул милициянын автоунаасы. Архив

Маршрутка көйгөйү: Милиция аялдамадагы аялдарды, балдарды үйүнө ташыды. Видео

187
(жаңыланган 00:03 19.01.2021)
Милиционерлер маршрутка маселесинен улам аялдамаларда калган бишкектиктерге жардам берип, үйлөрүнө жеткирип жатышты.

БИШКЕК, 19-янв. — Sputnik. Бишкектеги Кайгуул милиция кызматы бүгүн маршрутка көйгөйүнөн улам аялдамаларда калган бишкектиктерди үйлөрүнө жеткирүүдө. Бул туурасында шаардык милициянын маалымат кызматынан кабарлашты.

Кечкурун милиционерлер балдарга, аялдарга жана улгайган адамдарга өз жардамын сунуштап жатканы айтылды. Бул багытта аталган кызматтын атайын автоунаалары иштеген.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Милициядан аялдамаларда топтолгон кишилер аз, шаар ичи тынч деп билдиришти.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Бүгүн, 18-январда, айрым маршрутка айдоочулары жумушка чыкпай коюшкан. Алар жол кире акысын жогорулатууну талап кылышууда. Себеби жол кире 2012-жылдан бери көтөрүлө элек. Учурда маршрутканын баасы күндүз 10, ал эми кечинде 12 сом.

Эртең менен Бишкек шаарынын мэринин милдетин аткарып жаткан Балбак Түлөбаев каттамга чыкпай койгон маршруткалардын лицензиясы алынып, башкага берилерин эскерткен.

Мэриядан бүгүн калаадагы 1350 микроавтобустардын 400-450сү ишке чыкты деген маалымат берген. Шаардык транспорт башкармалыгынан маршруттук каттамдардын 90 пайызы кадимки калыбында иштеп жатат дешкен. Ал эми кечкурун аялдамаларда эл топтоло баштап, коомдук транспортту күткөндөр көбөйгөндө Мэриянын шаардык транспорт башкармалыгынын жетекчисинин милдетин аткарып жаткан Улан Бейшенбаев маршрутка боюнча кырдаал турукташкандыгын, ал эми жогорудагы көрүнүш автотыгын менен байланыштуу болушу мүмкүн деген жообун айткан.

187
Белгилер:
жардам, милиция, маршрутка, Бишкек, Кыргызстан
Тема боюнча
Каттамга чыкпай койгон маршруткалар. Шаардагы абалды көрсөткөн видео