КМШ өлкө башчыларынын жыйыны. Архив

Балдарынын миллиардды чапчыган бизнеси. Постсоветтик өлкө башчыларынын уул-кыздары

1243
(жаңыланган 09:28 11.01.2019)
Мурдагы советтик өлкөлөрдүн көптөгөн президенттеринин балдары бизнес менен алектенет, бир тобу бул багытта чоң ийгиликтерге да жетишкен.

БИШКЕК, 9-янв. — Sputnik. Президенттердин балдары көптөгөн постсоветтик өлкөлөрдө саясаттын көндүм факторуна айланып калды. Эл арасында алардын көпчүлүгү бай экендиги да айтылат.

Sputnik Кыргызстан редакциясы аталган өлкөлөрдүн президенттеринин бала-чакасынын бизнесин изилдеп көрдү. Маалыматтар ачык булактардан жыйналды.

Азербайжан

I Европейские игры. Вольная борьба. Мужчины. Первый день
© Sputnik / Алексей Филиппов
Азербайжандын президенти Илхам Алиев жубайы Мехрибан, уулу Гейдар жана кыздары Арзу, Лейла менен

Азербайжан башчысы Илхам Алиевдин үч баласы бар. Жалгыз уулу Гейдар былтыр күздөн бери аскердик милдетин өтөөдө. Расмий маалыматтар жана бир кызынын курган маегине ылайык, кыздары Лейла менен Арзу коомдук ишмердик менен алектенишет. Мында Лейла Гейдар Алиев фондусунун вице-президенти. Бирок бир катар ЖМКлар президенттин кыздарынын Азербайжандын ар кыл ишканаларында миллиондогон долларга бааланган үлүштөрү бар экендигин белгилешет.

Армения

Интервью с президентом Армении Арменом Саркисяном
© Sputnik / Евгений Одиноков
Армениянын президенти Армен Саркисян

Армения президенти Армен Саркисяндын Айк жана Вартан аттуу эки уулу бар. Алар тууралуу маалымат өтө сейрек, ЖМКда Вартан IT-ишкер жана маалыматтык технологиялар боюнча адис экендиги, ошондой эле атасына таандык Knightsbridge Group холдингине караштуу компаниянын жетекчиси экендиги жазылат. Негизги багыты — "опурталдуу инфраструктурадагы" маалыматтык коопсуздук. Белгилей кетсек, Конституция боюнча Армения президентинин ыйгарым укуктары аз жана негизги бийлик өкмөт менен парламенттин колунда.

Казакстан

Казакстандын алмашкыс президенти, улуттун лидери макамынын ээси Нурсултан Назарбаевдин үч кызы бар.

Дочь президента Казахстана Нурсултана Назарбаева Дарига Назарбаева во время праздника Дня народного единства Казахстана в Алматы.
© REUTERS / Shamil Zhumatov/File photo
Казакстандын президентинин кызы Дарига Назарбаева

Тун кызы — Дарига Назарбаева. 55 жашта, маркум олигарх жана саясатчы Рахат Алиевдин жубайы болгон. Экөө да үч баланы тарбиялаган. Кийинчерээк Алиев оппозицияга өтүп кеткен. Дарига Назарбаева ЖМКны жетектеп, ишкерлик менен алектенип, "Нурбанктын" акционери, "Асар" партиясынын жетекчиси болгон. Казакстан Республикасынын парламентинин төмөнкү палатасынын депутаты болуп шайланган, вице-премьерликке да дайындалган, ушул тапта межлистин жогорку палатасынын депутаты.

Внеочередные президентские выборы в Республике Казахстан
© Sputnik / Михаил Воскресенский
Казак президентинин кызы Динара Кулибаева жолдошу жана уулу менен

Экинчи кызы — 51 жашар Динара Кулибаева. Казакстандык ишкер жана саясатчы Тимур Кулибаевдин жубайы. Эки уул, эки кызы бар. Forbes журналынын маалыматы боюнча, анын байлыгы 3,2 миллиард долларга бааланат, жолдошунуку да ушундай эле өлчөмдө.

Кулибаева бизнестен тышкары кайрымдуулук, билим берүү долбоорлору менен алектенет, ошондой эле Казакстандын Илимдер академиясынын академиги.

Президент Казахстана Нурсултан Назарбаев с дочерью Алией Назарбаевой. Архивное фото
© AFP 2020 / JAVIER SORIANO
Казакстандын президенти Нурсултан Назарбаев кызы Алия менен

Кенже кызы, 38 жаштагы Алия үч ирет турмуш курган. Биринчи жолдошу — Кыргызстандын тунгуч президенти Аскар Акаевдин уулу Айдар. Экинчи ирет футболист, бизнесмен Данияр Хасеновго турмушка чыгып, эки кыздуу болгон. Үчүнчү жолдошу — бизнесмен жана саясатчы Димаш Досанов, экөөнүн бир уул, бир кызы бар. Алия бизнес, ошондой эле экологиялык долбоорлор менен алектенет. Анын курулуш бизнеси бар, суу куюштуруу, телекоммуникация боюнча ишканаларын жетектейт.

Украина

Президент Украины Петр Порошенко
© Sputnik / Александр Максименко
Украинанын президенти Петр Порошенко үй-бүлөсү менен

Петр Порошенконун төрт баласы бар, тун уулу 33 жашар Алексей 2009-жылы атасынын "Рошен" ишканасында иштечү. Калган үч баласы 2000-жылдары төрөлгөн. Алексей кийин мамлекеттик кызматта эмгектенген. Соңку бир нече жылдан бери ал Украина парламенти — Жогорку Раданын депутаты.

Эстония

Президент Эстонии Керсти Кальюлайд
Пресс-служба президента Украины
Эстониянын президенти Керсти Кальюлайд

Керсти Кальюлайддын эки никесинен төрт баласы бар. Кенжелери дагы кичине, ал эми эки улуу баласы тууралуу да маалымат сейрек. Бир нече жыл мурун анын улуу кызы Силья Мярдля (Тальвик) окутуучу болуп иштери, ал эми уулу Сийм Тальвик Sorry As A Service стартапты илгерилетүү менен алектенери туурасында маалымат чыккан. Сиймдин ишканасы ар кыл компанияларга өз кардарларынан кечирим суроого көмөктөшөт.

Белоруссия, Грузия, Кыргызстан, Латвия, Молдова, Өзбекстан, Россия, Тажикстан, Түркмөнстан президенттеринин уул-кыздары же бизнес менен таптакыр алектенишпейт же алар тууралуу ачык булактарда маалымат чыкпайт. Айрымдарынын балдары али кичине экендигин да белгилей кетели. Ал эми Литва президентинин баласы жок.

1243
Белгилер:
президент, бизнес, бала, акча
Тема боюнча
Борбор Азия өлкөлөрүнүн мурдагы президенттеринин балдары эмне менен алек?
Депутат, мэр, миллиардер... Борбор Азия ажолорунун уул-кыздары эмне иш кылат
ЕАЭБ мамлекеттеринин желектери. Архив

Пандемияда ЕАЭБ өлкөлөрү бири-бирине кантип колдоо көрсөтүп жатканы айтылды

68
(жаңыланган 15:48 04.08.2020)
Евразиялык экономикалык биримдигине Армения, Белоруссия, Казакстан, Кыргызстан жана Россия мүчөлүк кылат.

БИШКЕК, 4-авг. — Sputnik. ЕАЭБге кирген өлкөлөрдүн мигранттарынын пандемия учурундагы көйгөйлөрү мыйзамдуу түрдө чечилип, учурда мамлекеттер бири-бирине колдоо көрсөтүп жатат. Бул тууралуу Экономика министрлигинен билдиришти.

Маалыматка караганда, Евразия экономикалык комиссиясынын (ЕЭК) 2020-жылдагы кезексиз жыйындарында тараптар коронавирустун жайылышын алдын алуу үчүн ыкчам маалымат алмашуу, улуттук саламаттык сактоо мекемелеринин ишмердигин туруктуу координациялоо жана калктын санитардык-эпидемиологиялык абалын камсыздоо боюнча келишимге кол коюшкан.

"Биримдиктеги мамлекеттердин өкмөттөрүнө жардам көрсөтүү анын ичинде эгер товарлардын тартыштыгы пайда болуп калса, бири-бирине гуманитардык, даректүү коммерциялык ташууларды аткаруу маселелерин иштеп чыгуу тапшырылган", — деп айтылат билдирүүдө.

Ошондой эле азыркы тапта бул иш жолго коюлуп, зарыл товарларды ыкчам ташып келүү боюнча тиешелүү чечимдерди кабыл алууга ыйгарым укуктары бар кызматкерлер да аныкталганы кошумчаланды.

Мындан тышкары, пандемия учурунда мигранттардын жумушсуздугу жана мекенине кайтуу маселеси курч болуп келүүдө.

Россиядан Кыргызстанга каттаган учактардын санын көбөйтүү пландалууда

Бул жаатта жардам иретинде өнөктөш мамлекеттер бири-биринин жарандарына колдоо көрсөтөрү айтылды. Мисалы, миграциянын агымы күч Россия башка өлкөнүн жарандарынын өз аймагында мыйзамдуу жүрүшү боюнча убактылуу чаралар киргизилген.

Анын натыйжасында Россиянын ИИМ бөлүмдөрүнө барып, канча убакыт болуу мөөнөтүн каттабай эле 2020-жылдын 15-сентябрына чейин мигранттардын Россияда жүрүүсү автоматтык түрдө узартылды. 2020-жылдын 15-мартынан 15-сентябрына чейин Россиянын мыйзамдарын бузган ЕАЭБ өлкөлөрүнүн жарандарын депортация кылуу же административдик түрдө чыгарып жиберүү чечимдери кабыл алынбайт. Ал эми 15-мартка чейин депортациялоо же административдик түрдө чыгарып жиберүү чечимдери кийинкиге калтырылат.

68
Белгилер:
жардам, пандемия, миграция, Евразиялык экономикалык биримдик, Россия, Кыргызстан
Тема:
Дүйнөгө жайылган коронавирус
Тема боюнча
Эмнеге балдар коронавируска жакшы туруштук берет? Педиатрдын пикири
Министр Айдарбеков: Кыргызстан эли эпидемия маалында мыкты сапатын көрсөттү
АКШ президенти Дональд Трамп. Архив

"Вакциналар жарышы": Батыш башка эмдөөнү тааныгысы жок

198
(жаңыланган 14:36 04.08.2020)
Коронавирус пандемиясы дүйнөлүк экономиканы тизелетип койгон убактан бир ай өтүп-өтпөй, саясий жана медиалык дүйнөдө эл аралык мелдештин жаңы "жанры" пайда болду. Тамаша катары аны вакциналар жарышы деп койсок болор.

Иван Данилов

Коронавирустун жамааттык Батышка келтирген психологиялык травмасын эске алсак, бул жарышта утуп чыгуу батыш коомунун өз сыйын сактап калуу көз карашынан алып караганда саясий гана тургай, саясий жана принципиалдуу маселеге айланып отурат.

Европалык гумандуулуктун мыкты салт-санаасы менен тарбияланган кишиге (заманбап дүйнөдө бул европалык же америкалык эмес, советтик же россиялык билими бар кишини туюндуруп калган), азыркы батыштын "вакцина жасоо жарышы" оопайлыгын түшүнүү өтө кыйын. Бирок заманбап АКШ жана Улуу Британиянын башкы индустриясы, башкача айтканда, саясий жана коммерциялык пиар жагынан түшүндүрүүгө аракет кылууга болот.

Октябрдан баштап россиялыктар жапырт коронавируска эмделе баштайт

Жамааттык Батыштын пиар мейкиндигинде, ошондой эле дал АКШ жана Улуу Британия бир нече олуттуу "коронавирустук травма" алды. Биринчиден, ыраактагы (ошондой эле "терең тоталитардык жана кай бир жерде артта калган") Кытай эпидемияны жеңүүдө , көйгөйдү башкалардан оболу түшүнүп, экономикалык зыянды натыйжалуу чектей алды. Бул багытта АКШ менен Улуу Британия, ошондой эле Евробиримдиктин айрым өлкөлөрү өздөрүнүн мекенчил жарандарынын да шаабайын сууткандай.

Коронавируска каршы күрөштөгү ийгилиги (өлүм саны аздыгы) жана жапырт тестирлөөнү жөнгө сала алганы менен Россия да жамааттык Батыштын жеке баасын солгундатты. Саламаттык сактоо уюмунун баасынан тышкары баары ачык көрсөтүлүп турса да, батыштагы басылмалар статистика жасалмаланды деген негизсиз айыптоолорго чейин барды. Бирок Нью-Йорктун көчөлөрүндө эпидемиянын курмандыктары муздаткычтарга коюлганы эле медициналык жана мамлекеттик башкаруунун сапатын айырмалоого жетиштүү эмеспи.

Ушундан улам чыгымы жана тобокелдиктерине карабай, кадыр-барк жагынан жамааттык Батыш (ошондой эле айрым дымагы күч батыштык саясатчылар) үчүн вакцина жасоодо биринчи болуу өтө маанилүү маселеге айланып барат. Анткени, мисалы, АКШ үчүн дале "дүйнөдө дале алдыңкы сапта экенин" көрсөтүүсү керек.

Ошону менен бирге эле америкалык маалымат каражаттарында жарыяланган макалалар бир кызык элес калтырат. Алардын кожоюндары мүчө болгон партияларына жана Дональд Трампты жактырып-жактырбаганына жараша вакцина иштеп чыгуу менен алектенген компанияларга же британиялык, немец, ал түгүл индиялык ишкана, университеттерге да күйүп-бышууда. Кыскача муну "бул жарышта биринчилик "туура" өлкөнүн кайсы бир структурасына тийсин, мындан Трамп саясий упай топтой албасын" деген ниеттеги аракет катары сыпаттоого болот.

Тараза ташында адамзат өмүрү. COVID-19га каршы вакцина чыгаруу жарышына чыккандар

Кеңири деңгээлде да ушундай эле жаңжал байкалат, НАТО же G7 боюнча өз өнөктөштөрүнүн аракеттерин координациялоонун ордуна расмий Вашингтон Германиядан келечектүү биотехнологиялык компанияны АКШга которуп алууга аракет кылган. Бул туурасында жазып чыккан айрым немец басылмаларынын маалыматына караганда, ал ишкананын антивирустук кандайдыр бир маанилүү иштелмелери бар экен. Андыктан Россия менен Кытай коронавируска каршы вакцина жасап, жапырт эмдөө алдында турганы жөнүндөгү маалымат батышты солкулдатпай койгон жок. Албетте, америкалык медициналык аткаминерлер чындап эле кесипкөйлүк менен ой жүгүртөрүн болжоого болот, бирок жогоруда айтылгандарды эске алсак, белгилүү бир саясий өңүт бар экенинен да шек жаратпай койбойт.

Ушул күздө медиктерди жапырт эмдөөнү баштоо тууралуу россиялык пландар, ошондой эле Кытайдагы вакциналар боюнча ийгиликтүү сыноолор жөнүндөгү маалыматтарга карата расмий реакция катары The Wall Street Journal басылмасындагы башкы америкалык инфекционисттин көз карашын келтирүүгө болот.

"АКШдагы жугуштуу оорулар боюнча башкы эксперт, доктор Энтони Фаучи конгресс комитетинин COVID-19 боюнча бөлүмүнүн угууларында "Кытай жана Россияда иштелип чыккан вакциналарды АКШ пайдаланбайт го" деп билдирди. "Кытайлар жана орустар бирөөнү эмдөөдөн мурда вакцинаны чындап эле сынап көрүп жатканына ишенгим келет. Сыноодон оболу вакцина таркатууга даяр экени менимче, көйгөйлүү", — дейт ал. Доктор Фаучи АКШ вакцинаны жыл аягына дейре алып каларына үмүттөнөрүн билдирген.

Россияда COVID-19га каршы вакцина алгандар ооруканадан чыкты. Видео

Bloomberg ишкердик маалымат агенттигинин ар кыл өлкөлөрдө чыгарыла турган вакциналардын салыштырмалуу анализине караганда, Фаучи кыязы америкалык Moderna компаниясынын вакцинасына үмүт артып жаткан өңдөнөт. Bloomberg агенттигинин маалымат түрмөгүндө ушул тапта (макала жазылып жаткан чакта) россиялык вакцина тууралуу кабар камтылбаптыр. Бул батыш окурманынын Россиянын мүмкүнчүлүктөрүн туура эмес кабыл алышына же "россиялык вакцина жок жерден чыга калды" дегендей пикирге кабылышына түрткү бериши мүмкүн.

"Вакциналар жарышы" кандай өңүттө уланарын азыртан эле боолголоого болот: россиялык же кытайлык вакцинаны дароо кооптуу деп жарыялап, муну жалган кабар жанрында маалыматтар менен бышыктоону да унуткарышпайт.

Мындай пикирлер менен катар эле, бул вакциналар таасир эте баштаган күндө деле батыш аудиториясы алар кытай, иран жана россиялык хакерлер тарабынан уурдалган маалыматтардын жардамы менен жасалды деген тейдеги маалымат менен сугарыла берери турулуу иш. Анан калса, бул үчүн коомдук пикирдин тийиштүү даярдыгы эбак жүргүзүлгөн.

"Вакциналык улутчулдукка" жана эпидемияны ооздуктоо күрөшүн кандайдыр бир эл аралык мелдештин түрүнө айландыруу аракетине Россия менен Кытайды күнөөлөп, аны менен катар бул маанилүү маселеде Пекин же Москвадан көз каранды болуп калбоо үчүн Батышта өз вакцинасын ойлоп табууга далалат жасала бермекчи.

Доллар дүйнөлүк валюта катары макамын жоготобу? Пикир

Мындай ыкманын көйгөйү – бул "көзөмөлдөнгөн чегинүүнүн" ар бир баскычында батыш медиалык машинасы өз аудиториясынын улам жаңы сегменттеринин баарынын ишениминен кете берери талашсыз болуп калганында.

Ал эми бул россиялык жана кытайлык дезинформацияга каршы күрөштүн зарылдыгы жана тийиштүү америкалык жана европалык структуралардан бир убактагы аброюн калыптандырууга бюджет бөлүп берүү талаптары боюнча кезектеги конференциялар менен аяктайт. Бирок аудиториянын ишеними тез өчөт, кайра калыптаныш ыргагы жай болот эмеспи. Батышта элдин ишеними ансыз да бүлбүл гана жанып турган, коронавирус коомдук ишениминен таюу процессин ого бетер тездетип койду.

Батыш медиа майданындагылар кайда, эмне болбосун айыптап жатып калган Россия, Кытай жана башкалар бул көйгөйгө эч кандай тиешеси жок. Анан да батыштагылар бул "вакциналык улутчулдуктан" өздөрүнүн айынан болду-болбоду жалгыз жабыркашы ыктымал.

198
Белгилер:
таасирлүү, сыноо, дары-дармек, вакцина, коронавирус, АКШ, Россия
Тема:
Дүйнөгө жайылган коронавирус
Тема боюнча
Новосибирск: окумуштуулар коронавирусту нейтралдаштырган антитело тапты
Ак кунастар. Архив

Ак кунастарды 23 жаштагы жигит аткан. Сузак милициясы сүрөттөгү жарандарды кармады

0
(жаңыланган 12:29 06.08.2020)
Буга чейин басылмалардын биринде атылган ак кунастарды кармап сүрөткө түшкөн кишилер тууралуу маалымат чыккан.

БИШКЕК, 6-авг. — Sputnik. Жалал-Абад облусунун Сузак райондук милициясы Кызыл китепке киргизилген ак кунастарды аткан кишини кармады. Бул тууралуу ОИИБдин маалымат кызматы кабарлады.

Ага ылайык, 4-август күнү коргоого алынган ак кунастарды кармап сүрөткө түшкөн кишилер тууралуу маалымат жарыяланган.

Мындан улам Биотүрдүүлүктү сактоо жана өзгөчө корголуучу жаратылыш аймактары департаменти тарабынан ак кунастарды аткандарга чара көрүү үчүн Жалал-Абад ОИИБине кат жолдонгон.

Сүрөт "Короче" телеграмм каналына коюлган.

Анын негизинде Сузак райондук милиция канаттууну аткан жаранды аныктаган.

"Окуя 30-июль күнү саат 14:30 чамасында Сузак районунун Кара-Дарыя айыл аймагында болгон. 23 жаштагы жергиликтүү тургун сайсыз курал менен дарыянын жээгинде учуп бараткан үч ак кунасты атып, андан кийин сүрөткө түшкөн. Кийин анын 20 жаштагы бир тууган иниси дагы атылган ак кунастарды кармап сүрөткө түшүп, социалдык тармакка чыгарып жиберген", — деп айтылат маалыматта.

Милиция Жалал-Абадда жоголгон эже-сиңдини Баткенден тапты. Кыздардын жообу

Кечээ аталган факты Кылмыш жана жоруктардын бирдиктүү реестрине Жоруктар жөнүндө кодексинин 144-беренеси ("Жаныбарларды жана өсүмдүктөрдү жок кылуу") менен катталып, сотко чейинки өндүрүш иши ачылган.

Ал эми сайсыз ок атуучу курал боюнча акт түзүлүп, соттук-баллистикалык экспертиза дайындалган.

Тергөө аракеттери уланып жатат.

0
Белгилер:
кармоо, Сүрөт, сатуу, милиция, ОИИБ, Жалал-Абад облусу
Тема боюнча
Ноокенде 10 жашар кызды зордуктаган бала өмүр бою эркинен ажыратылды