Бишкек, Ысык-Көл, Чүйгө кимдер сот болду? Тизме

© AFP / Gil Cohen Magen/POOLМолоток судьи.
Молоток судьи. - Sputnik Кыргызстан
Жазылуу
Мамлекет башчы талапкерлердин айрымдары менен аңгемелешүү өткөргөн.

БИШКЕК, 26-янв. — Sputnik. Президент Сооронбай Жээнбеков Ысык-Көл, Чүй облустук сотторуна, Бишкек шаардык сотуна судьяларды дайындоо жөнүндө Жарлыктарга кол койду. Бул туурасында президенттин маалымат кызматынан кабарлашты.

Случаи насилия над детьми - Sputnik Кыргызстан
Соттор эми бала зордуктагандардын жазасын жумшартат. Жаңы мыйзам
Жээнбековго Сотторду тандоо кеңешинен Ысык-Көл облустук сотуна бир, Бишкек шаардык сотуна эки жана Чүй облустук сотуна алты талапкерди судьялык кызматка дайындоо боюнча сунуш киргизилген.

2019-жылдын 19-январында мамлекет башчы талапкерлердин айрымдары менен аңгемелешүү өткөрдү. Анын жыйынтыктарын, кошумча берилген материалдарды эске алуу менен президент алты талапкер боюнча аталган кеңештин сунушуна макул болгону кабарланды.

"Талапкерлер тууралуу түрдүү мамлекеттик органдардан талап кылынган кошумча материалдарды изилдеп чыгып, президент үч талапкер боюнча материалдарды Сотторду тандоо боюнча кеңешине кайтарып берди", — деп айтылат таратылган маалыматта.

Биринчи Жарлык менен Конституцияга ылайык мөөнөткө Кыргыз Республикасынын жергиликтүү сотторуна алты судья дайындалды.

Экинчи Жарлык менен дайындалган судьялар судьянын ыйгарым укуктарын жүргүзүү үчүн:

— Ысык-Көл облустук сотуна — Алмазбек Апышев;

— Бишкек шаардык сотуна — Замирбек Алгожоев;

— Чүй облустук сотуна — Тынара Абдиева, Тилек Абдырашитов, Акматали Алибаев, Миргүл Жаналиева жиберилди.

Жарлыктар кол коюлган күндөн тартып күчүнө кирмекчи.

2018-жылдын февраль айында Жээнбеков мыйзамды одоно бузган соттор сөзсүз түрдө жазага тартылышы керектигин Коопсуздук кеңешинин жыйынында билдирген.

Жаңылыктар түрмөгү
0