Депутат ЖК Урмат Самаев

"Чемпион" деген ким өзү? Чек арадагы атышууда аты аталган депутат тууралуу

2394
(жаңыланган 09:32 04.02.2019)
Узаган ишембинин түнүндө "Токмок" көзөмөл өткөрүү бекетинде аткезчилер ортосунда атышуу болгон. Араздашкан тараптардын бири "Чемпион" деген каймана аты бар Жогорку Кеңештин депутаты жана анын жакындары экени айтылууда.

Чүй облустук милициясы бул окуя боюнча ЖК депутаты Урмат Самаев суракка чакырылганын билдирди. Бирок ал "жаңжалга эч кандай тиешем жок" деп көрсөтмө берген. Мындан улам "Чемпион" аттуу кайсы депутат бар?" деген суроо жаралат.

Бул суроо 29-январдагы маалымат жыйын учурунда Чүй ОИИББдин начальниги Самат Курманкуловго да берилген.

"Бул суроонун жообун өзүң (журналистке —ред.) билесиң да. Муну баары билет. Жогорку Кеңештин депутатын ушинтип аташат экен. Бирок мен анын ким экенин билбейм", — деп жооп берген начальник.

Sputnik Кыргызстан агенттигинин кабарчысы вице-спикер Мирлан Бакировго да ушундай суроо узатканда ал "Чемпион" деген каймана аты бар депутатты билбей турганын айтты.

Урмат Самаев "Кыргызстан" партиясынын тизмеси менен келип мандат алган. Бул фракциянын лидери Алмаз Баатырбеков "Чемпион" ким экенин жашырбай эле ачык айтты.

"Каймана аты болсо эле криминалга тиешеси бар деп сөзсүз түрдө жаман жагын ойлойбуз да. Спорттогу балдардын баарынын каймана аты бар. Мисалы, Алмаз Акун "Бөрү", Валентина Шевченко "Пуля" деп чыгат. Анын сыңары, Урмат Самаев да жаш кезинде "Чемпион" деп чыгып жүргөн. Ал бокс боюнча чемпион, машыктыруучу болгон. Каймана аты "Чемпион", демек криминалга тиешеси бар дегенден алыс болушубуз керек", — деди Баатырбеков.

Өткөн жылдын май айында Урмат Самаевдин "De-факто" гезитине берген маегин анын жардамчысы Адинай Марипова Facebook баракчасына жарыялаган.

"Чемпион" каймана аты бар, бокс боюнча спорт чебери, Жогорку Кеңештеги жаш депутаттардын бири Урмат Самаевди бүгүнкү, 25-май туулган күнү менен куттуктап, эл өкүлүнүн бейне сүртүмдөрүнө кайрылалы дедик", — деп маектин баш сөзүндө жазылган.

Аты аталган Урмат Самаев бул боюнча өзү эч кандай комментарий бере элек. Белгисиз себептер менен дүйшөмбүдөн бери жумушка келген эмес. Журналисттер анын иш бөлмөсүнө барып да, телефон чалып да байланыша албай жатат.

Ал ортодо Алмаз Баатырбеков Sputnik Кыргызстан агенттигинин кабарчысына кесиптеши менен сүйлөшүп "Токмоктогу атышууга аралашкан эмесмин" деген маалымат алганын билдирди.

Урмат Самаевдин депутаттыкка чейинки чыйыры

Урмат Самаев Чүй районунун Он бир жылга айылынын кулуну, 33 жашта. Каракол шаарындагы Юридикалык академияда юриспруденция факультетин 8 жылда бүтүргөн. Каракол шаарындагы Балдардын жана өспүрүмдөрдүн олимпиадалык резерв мектебинде бокс боюнча машыктыруучу (2 жыл), 2012-2015-жылдары Токмок шаардык кеңешинин депутаты болгон. Өмүр баянында ишкердиги туурасында жазылган эмес.

Парламенттик шайлоодон кийин "Кыргызстан" фракциясынын чечиминин негизинде депутаттар Элмира Жумалиева менен Чолпон Эсенаманова мандатынан ажыратылган. Алар Жогорку сотко чейин даттанып креслосун коргоп кала алган эмес. Мындан улам алардын ордуна Урмат Самаев менен Алмазбек Токторов келген.

Айрым маалыматтарда Урмат Самаев БШКнын мурдагы төрагасы, учурдагы өкмөттүн Чүй облусундагы өкүлү Туйгуналы Абраимовдун күйөө баласы экени жазылган. Бирок Абдраимов Sputnik Кыргызстан агенттигине маалыматты четке кагып, эч кандай тууганчылыгы жоктугун белгиледи.

Ишкердиги жана байлыгы

Эл өкүлү чарбачылык менен да алектенет. Мурда берген маектеринде 300-400 адамды иш менен камсыз кыла турганын айткан. Анын тулпарлары ат чабыштарга катышып келет. 2017-жылы Алматыда өткөн аламан байгеден Покер аттуу аргымагы озуп чыгып, баш байгеге коюлган Нива унаасын утуп алган.

Скакун по кличке Покер стал победителем на скачках в Алматы
© Фото / Самат Сулайманов
2017-жылы Алматыда өткөн аламан байгеден Самаевдин Покер аттуу аргымагы озуп чыгып, баш байгеге коюлган Нива унаасын утуп алган.

Самаев 2017-жылга карата берген декларациясында бир жылда 670,7 миң сом иштеп табарын көрсөткөн. 100 чарчы метрлик турак жайы, 5 миллион сомдук жылкылары, 2 миллион сомдук мал-жандыктары бар. Мындан сырткары, "ОДА Тынай — Секьюрити" ЖЧКсына ээлик кылат.

Көк бөрү федерациясынын вице-президенти болуп алты ай иштеген. Үстүбүздөгү жылдын 24-январында Аргымак федерациясынын президенти болуп дайындалган. Ага чейин бул кызматты ЖК депутаты Иса Өмүркулов аркалачу.

Ошондой эле спортко кошкон салымдары, кайрымдуулук иштери туурасында маалыматтарды депутат өзү социалдык тармактагы баракчасына жарыялап келет.

Эскерте кетсек, 26-январга караган түнү "Токмок" көзөмөл өткөрүү бекетинин жанында контрабандачылардын атышуусу болгон. Буга шектүү катары эки адамды камакка алуу чечими чыккан. Бирок экөө тең ок жегенин айтып ооруканада жатат. Алардын бири Дастан Бейшенкулов депутат Урмат Самаев менен тууганчылыгы бар экенин моюндаган.

Учурда укук коргоо органдары тергөө иштерин жүргүзүп жатат.

2394
Белгилер:
контрабандалык жүк, чемпион, атышуу, депутат, Урмат Самаев
Тема боюнча
Чек арадагы атышуу: жабырлануучу өз версиясын айтты. Видео
Чек арадагы атышуу: дагы бир жаран ооруканага түштү

Крымдан улам НАТО Россия армиясына тыюу салууга кыялданып келет

124
Йенс Столтенберг НАТО Россиянын кадамдарына карап, ага жооп иретинде Кара деңизге көбүрөөк күчүн жайгаштыра тургандыгын айтты. Бирок Түндүк атлантикалык альянстын башкы катчысы аскердик блоктун күчтөрү Россиянын чек арасында эмне кылып жүргөндүгүн түшүндүргөн жок.

Андан сырткары, Россия эмне үчүн өзүнүн аймагын НАТО тараптан улам арбыган коркутуп-үркүтүүлөрдөн коргобошу керек дегенге да жооп бере алган жок.

Акыркы учурда альянс тараптан Россия чек арасына жакын аймактарда көбөйүп кеткен агрессиялык аракеттер арбыгандыктан, Россия өзүнүн коопсуздугун камсыздаганга аргасыз.

124
Белгилер:
чагымчыл, чек ара, Крым, НАТО, Россия, АКШ
Тема боюнча
НАТО Кара деңизге чыгууда. Альянс Крымда Россияны кысымга алмакчыбы?
Грузиядагы "Татыктуу өнөктөш-2020" аяктады. НАТО аскерлери өлкөдө эмне кылды
Салык кызматынын төрагасы Кабыл Абдалиев. Архив

Артем Новиков Салык кызматынын төрагасы Кабыл Абдалиевге сөгүш берди

128
(жаңыланган 19:04 04.12.2020)
Өлкөнүн башкы салыкчысынын сөгүш алышына "Чалдыбар" көзөмөл-өткөрмө пунктундагы иштер себеп болушу ыктымал.

БИШКЕК, 4-дек. — Sputnik. Өкмөттүн маалымат кызматы Салык кызматынын төрагасы Кабыл Абдалиевге сөгүш берилгенин билдирди.

Анда Абдалиев өзүнө жүктөлгөн милдеттерди талаптагыдай аткарбагандыгы белгиленет.

Тийиштүү буйрукка премьер-министрдин милдетин аткаруучу Артем Новиков кол койгон.

Жакында эле өкмөт башчынын милдетин аткаруучу "Чалдыбар" көзөмөл-өткөрүү пунктунда Салык кызматынын төрагасынын орун басары Искендер Асылкуловго каарын төккөн. Анын ачуусун келтиргени — ноябрдын аягында ишке кирип, товарлардын эсебин ала турган системанын алигече үкөктөн чыгарылбай турганы болгон.

Бирок кийин салык кызматы ал иштерге башка мамлекеттик органдар жооптуу экенин айтып билдирүү тараткан.

128
Белгилер:
Мамлекеттик салык кызматы, сөгүш, өкмөт
Тема боюнча
Новиковго жооп бере албай буйдалган салыкчы. Видео
Новиковдон кагуу жеп буйдалган жетекчи. Салык кызматы түшүндүрмө берди
Коронавирустан каза болгон бейтап. Архивдик сүрөт

Коронавирустан дагы беш киши каза тапты. Баары Бишкектен

3
(жаңыланган 11:43 05.12.2020)
Бүгүнкү күндө өлкө ооруканаларында 2 616 бейтап дарыланып жатат. Анын ичинен 110 кишинин абалы өтө оор деп бааланууда.

БИШКЕК, 5-дек. — Sputnik. COVID жуктуруп ооруканада дарыланып жаткан беш киши каза болгонун Республикалык штаб кабарлады.

Маалыматта көз жумгандардын баары Бишкекте экени айтылат.

Ушуну менен оорудан мерт болгондордун саны 1 290го жетти.

Бүгүнкү күндө стационарда 2 616 бейтап жатат. Алардын 29унун абалы канааттандырарлык экени маалым болду. 1 821 киши орто оордукта, 656 адам оор абалда, ал эми 110 кишинин абалы өтө оор деп баалануда. 

3 515 бейтап үйүнөн дарыланып жатат.

3
Белгилер:
оорукана, Бишкек, стационар, өлүм, коронавирус
Тема:
Кыргызстандагы коронавирус жуктуруп алгандар
Тема боюнча
Коронавирус жуктуруп алгандар жана айыккандар. Соңку маалымат