Кыргызстандын президенти Сооронбай Жээнбеков жана Россия президенти Владимир Путин. Архивдик сүрөт

Жээнбеков Путин менен жолугушуунун пайдасын айтып берди

533
(жаңыланган 12:05 14.03.2019)
Өлкө башчы иш сапардын алкагында эки тараптуу келишимдерди жүзөгө ашырууга ниеттенип жатканын белгилеген.

БИШКЕК, 14-мар. — Sputnik. Россия президенти Владимир Путин менен бир канча ирет жолугушуунун натыйжасында эки тараптын мамилеси бир топ өнүктү. Бул туурасында өлкө башчы Сооронбай Жээнбеков Кыргызстандагы элчилик менен консулдуктардын жетекчилери менен жолугуп жатып билдирди.

Жээнбеков президент катары Россияга болгон алгачкы иш сапары тууралуу айтып берди.

"Владимир Владимирович Путин менен бир нече ирет жолугушуунун натыйжасында эки тараптын мамилеси алда канча өнүктү. "Кара тизмеге" кирген мекендештердин маселеси чечилди. Россия тарап ири долбоорлорду ишке ашырууда. Товар жүгүртүү дагы өсүп, аскердик-техникалык жааттагы кызматташуу алдыга жылууда", — деди Жээнбеков.

Өлкө башчы кошумчалагандай, марттын аягында Путиндин Кыргызстанга келиши пландалууда.

"Иш сапардын алкагында бир нече келишимдер менен макулдашууларды жүзөгө ашыра аларыбызга ишенем" — деди Жээнбеков.

Путиндин Кыргызстанга сапары 28-мартка белгиленген.

533
Белгилер:
келишим, жолугушуу, кызматташуу, Владимир Путин, Сооронбай Жээнбеков
Тема:
Владимир Путиндин Кыргызстанга жасаган мамлекеттик сапары (52)
Тема боюнча
Жээнбеков Путиндин Кыргызстанга келиши менен эмне өзгөрөрүн айтты
Владимир Путиндин Кыргызстанга келер күнү айтылды
Шайлоо участогында урна. Архив

Президенттик шайлоого катышуу үчүн төрт адам арыз берди

677
(жаңыланган 18:24 31.10.2020)
Кыргызстанда президенттик шайлоо күнү 10-январга белгиленген. Жарышка катышууга ниеттенгендер БШКга кайрыла баштады.

БИШКЕК, 31-окт. — Sputnik. Президенттик шайлоого катышуу үчүн Борбордук шайлоо комиссиясына төрт адам арыз берди. Бул тууралуу БШКнын маалымат кызматы кабарлады.

  • Мамлекет башчылыгына эң биринчилерден болуп 30-октябрда “Бүтүн Кыргызстан” партиясынын лидери Адахан Мадумаров талапкерлигин көрсөткөн
    Мамлекет башчылыгына эң биринчилерден болуп 30-октябрда “Бүтүн Кыргызстан” партиясынын лидери Адахан Мадумаров талапкерлигин көрсөткөн
    © Sputnik / Андрей Стенин
  • Ал эми бүгүн “Аурдин” жоопкерчилиги чектелген коомунун директору Арстанбек Абдылдаевден БШКга арыз келип түшкөн. Ал президенттикке талапкерлигин өзү көрсөткөн
    Ал эми бүгүн “Аурдин” жоопкерчилиги чектелген коомунун директору Арстанбек Абдылдаевден БШКга арыз келип түшкөн. Ал президенттикке талапкерлигин өзү көрсөткөн
    © Фото / пресс-служба ЦИК КР
  • Ошону менен катар Кыргызстандын президенттигине талапкерлигин көрсөтүү боюнча 38 жаштагы “Байыркы көчмөн цивилизациясы” тарыхый-маданий мурасты жана рухту кайра жаратуу коомдук фондунун башкаруучулугунун төрагасы Кубан Чороев арыз берген
    Ошону менен катар Кыргызстандын президенттигине талапкерлигин көрсөтүү боюнча 38 жаштагы “Байыркы көчмөн цивилизациясы” тарыхый-маданий мурасты жана рухту кайра жаратуу коомдук фондунун башкаруучулугунун төрагасы Кубан Чороев арыз берген
    © Фото / пресс-служба ЦИК КР
  • Төртүнчү болуп “Лига-Антикризис” коомдук бирикмесинин президенти, 58 жаштагы Назарбек Нышанов талапкерлигин өзү көрсөтүп БШКга кайрылган
    Төртүнчү болуп “Лига-Антикризис” коомдук бирикмесинин президенти, 58 жаштагы Назарбек Нышанов талапкерлигин өзү көрсөтүп БШКга кайрылган
    © Фото / пресс-служба ЦИК КР
1 / 4
© Sputnik / Андрей Стенин
Мамлекет башчылыгына эң биринчилерден болуп 30-октябрда “Бүтүн Кыргызстан” партиясынын лидери Адахан Мадумаров талапкерлигин көрсөткөн

Мамлекет башчылыгына эң биринчилерден болуп 30-октябрда “Бүтүн Кыргызстан” партиясынын лидери Адахан Мадумаров талапкерлигин көрсөткөн.

Ал эми бүгүн “Аурдин” жоопкерчилиги чектелген коомунун директору Арстанбек Абдылдаевден БШКга арыз келип түшкөн. Ал президенттикке талапкерлигин өзү көрсөткөн.

Ошону менен катар Кыргызстандын президенттигине талапкерлигин көрсөтүү боюнча 38 жаштагы “Байыркы көчмөн цивилизациясы” тарыхый-маданий мурасты жана рухту кайра жаратуу коомдук фондунун башкаруучулугунун төрагасы Кубан Чороев арыз берген.

Садыр Жапаров президенттик кызматын тапшырып, шайлоого катыша турганын айтты

Төртүнчү болуп “Лига-Антикризис” коомдук бирикмесинин президенти, 58 жаштагы Назарбек Нышанов талапкерлигин өзү көрсөтүп БШКга кайрылган.

Кыргызстандын президентин шайлоо күнү 10-январга белгиленген.

677
Белгилер:
Назарбек Нышанов, Кубан Чороев, Арстанбек Абдылдаев, Адахан Мадумаров, талапкер, президенттик шайлоо
Тема:
Кыргызстандагы президенттик шайлоо – 2021
Тема боюнча
Кыргызстанда беш партия биригип бийликке 6 талап койду
549 млн. сом. БШК президенттик шайлоого кетчү чыгымдын сметасын бекитти
Жогорку Кенеш. Архив

Жогорку Кеңештин кызматкерлери эмнеге айлык албай жатат? Расмий жооп

291
(жаңыланган 17:05 31.10.2020)
Буга чейин депутат Дастан Бекешев ЖК аппаратынын жана иш башкармалыгынын кызматкерлерине айлык төлөнбөй жатканын билдирген.

БИШКЕК, 31-окт. — Sputnik. Парламенттин маалымат кызматы Жогорку Кеңештин кызматкерлерине убагында айлык берилбей калганын ырастады.

Белгилей кетсек, буга чейин депутат Дастан Бекешев өзүнүн Telegram-каналы аркылуу ЖКнын аппаратынын жана иш башкармалыгынын кызматкерлерине айлык төлөнбөй жатканын билдирген болчу.

“5-6-октябрдагы окуяларда Жогорку Кеңештин имаратындагы компьютерлер талкаланып, уурдалып, документтер жоголгондугуна байланыштуу тиешелүү эсеп-кысап бөлүмүнүн ишинде көйгөйлөр жаралган. Натыйжада айлыкты убагында берүү кечеңдеп жатат. Учурда документтерди калыбына келтирүү жана эсептөө иштери жүргүзүлүүдө. Каралган акча толук бойдон кийинки аптанын жума күнүндө төлөнүп берилет”, — дешти ЖКнын маалымат кызматынан.

Кыргызстандагы кытай ишкерлери Жогорку Кеңешке 15 ноутбук тартуулады

Буга чейин ЖК депутаттары кийинки чакырылыш келгенге чейин маяна албай иштөө чечимин кабыл алган.

291
Белгилер:
депутат, кызматкер, маяна, Жогорку Кеңеш
Тема боюнча
Садыр Жапаров: Ак үйдү оңдоого 450 млн. эмес, 10 эле млн. сом кетет
Статком: чакан жана орто ишканаларда айлык ортодон төмөн бойдон калууда
Парктын көлмөсүндө өрдөк

Жекшембиге карата аба ырайы

0
Жекшембиге караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 31-окт. — Sputnik. 1-ноябрь, жекшембиде, республика боюнча күн ачык болот. Бул тууралуу Кыргызгидромет билдирди. 

Абанын температурасы Чүй, Талас өрөөндөрүндө +13...+18, Ош, Жалал-Абад жана Баткен облустарында +16...+21, Ысык-Көл жана Нарын жергесинде +9...+14 градус болот.  

Күндүн табы борборубуз Бишкекте +16...+18  жана Ош шаарында +19...+21 градуска көтөрүлөт.

0
Белгилер:
Кыргызстан, аба ырайы
Тема боюнча
Адаттагыдан суук болот. Ноябрга карата аба ырайы