Нурсултан Назарбаев. Архивдик сүрөт

Нурсултан Назарбаев эми эмне менен алектенерин айтты

2316
(жаңыланган 20:52 19.03.2019)
Назарбаев 19-мартта президенттиктен кеткенин жар салды.

БИШКЕК, 19-мар. — Sputnik. Казакстандын элине кайрылган биринчи президент Нурсултан Назарбаев президенттиктен кеткенин жар салды.

Назарбаев ошондой эле Казакстандын мыйзамдарына ылайык, анын биринчи президент — елбасы (улут лидери) деген статусу сакталып каларын билдирди. Андан сырткары, мындан ары эмне менен алектене турганын айтты.

"Мен Коопсуздук кеңешинин жана Nur Otan партиясынын төрагасы болуп иштей берем. Буга кошумча Конституциялык кеңештин мүчөсү боюнча калам. Мен сиздер менен болом", — деди Назарбаев.

Быйыл февраль айында Нурсултан Назарбаев анын президенттик ишмердигин мөөнөтүнөн мурда токтотуу боюнча Конституциялык кеңешке кайрылган болчу.

Назарбаевдин отставкасынын айланасында эмне болуп жатканын Sputnik Кыргызстан агенттиги жүргүзүп жаткан тексттик трансляциядан билсеңиз болот.

2316
Белгилер:
президент, отставка, Казакстан, Нурсултан Назарбаев
Тема:
Нурсултан Назарбаевдин отставкасы (22)
Тема боюнча
Казакстанды 30 жылга чукул башкарды... Нурсултан Назарбаев тууралуу 15 факты
Казакстандын президентинин милдетин ким аткара турганы белгилүү болду
Эгемендүү Казакстанды сактагыла! Назарбаевдин отставкага кетишин жар салган видео
Жогорку Кеңештин депутаты Чыныбай Турсунбеков

Абалы кескин начарлап кеткен. Чыныбай Турсунбеков реанимацияда үзүлгөн

2418
(жаңыланган 14:11 07.07.2020)
Депутат Улуттук госпиталдын жандандыруу бөлүмүнө түшүп, жасалма дем алдыруучу аппаратка туташтырылган эле.

БИШКЕК, 7-июл. — Sputnik. Жогорку Кеңештин депутаты Чыныбай Турсунбеков пневмониядан улам каза болду. Бул туурасында Жогорку Кеңештин маалымат кызматынын жетекчиси Ибраим Нуракун уулу билдирди.

Анын айтымында, депутат Улуттук госпиталдын жандандыруу бөлүмүндө дарыланып, жасалма дем алдыруучу аппаратка туташтырылган болчу.

“Мурдагы күнү жубайы менен сүйлөшкөнүмдө “абалы жакшырып баратат, бир-эки күндө аппараттан чыгарылат” деп айткан эле. Кечээ абалы кескин оорлошуп кетиптир. Кечинде жандандыруу бөлүмүндө үзүлгөн”, — деди Нуракун уулу.

Чыныбай Турсунбеков 57 жашта! Белгилүү саясий ишмер тууралуу 9 факты

Чыныбай Турсунбеков 1960-жылдын 15-октябрында Нарын облусунун Нарын районундагы Жан-Булак айылында туулган. Артында үч баласы калды.

Ал кесиби боюнча филолог. Эмгек жолун журналист жана окутуучу болуп баштаган.

1997-жылдан 2010-жылга чейин — "Акун" ЖАКтын башкы директору, "Бишкек ун комбинаты" ААКнын башкы директору, "Кереге" ишканасынын Директорлор кеңешинин төрагасы, Кыргызстан ишкерлер бирлигинин президенти, Кыргыз-түрк ишкерлер кеңешинин тең төрагасы болуп эмгектенген.

Андан соң КСДПнын тизмеси менен Жогорку Кеңештин V-VI чакырылыштарынын депутаты болгон.

2016-жылдын апрелинде ЖК төрагасы болуп шайланып бир жарым жыл иштеген.

2418
Белгилер:
өлүм, пневмония, оорукана, Чыныбай Турсунбеков, депутат
Тема:
Кыргызстандагы коронавирус жуктуруп алгандар
Тема боюнча
Белгилүү журналист Бүбүкан Досалиева дүйнө салды
Алмамбет Шыкмаматовдун жубайы Жанара Турдакунова пневмониядан каза болду
Депутат Чыныбай Турсунбеков

Депутаттар ЖКнын экс-спикери Чыныбай Турсунбековдун каза болгонун айтууда

1037
(жаңыланган 01:12 07.07.2020)
Чыныбай Турсунбеков 60 жашта. Буга чейин ал пневмония оорусуна чалдыгып ооруканада жатканы айтылган.

БИШКЕК, 7-июл. — Sputnik. Жогорку Кеңештин депутаты Чыныбай Турсунбеков каза болду  деген маалыматтарды бир катар ЖМКлар, ЖКнын бир нече депутаттары социалдык тармакка жазышты. Ал эми ЖКнын маалымат кызматынын жетекчиси Ибраим Нуракун уулу  журналисттер жана башкаларды сабырдуулукка чакырып, маалыматтын тастыктала электигин айтты.

“Чыныбай Акунович... Бейиштен орун берсин. Жакындарына көңүл айтам. Дагы бир мыкты инсан арабыздан кетти..., — деп жазды депутат Кожобек Рыспаев.

Эльвира Сурабалдиева жана Дастан Бекешев да социалдык тармакта көңүл айтты.

"Ата Мекен" партиясынын лидери Өмүрбек Текебаевдин айтымында, Турсунбеков Бишкектеги Улуттук госпиталдын тез жардам терапия бөлүмүндө көз жумган.

Чыныбай Турсунбеков 57 жашта! Белгилүү саясий ишмер тууралуу 9 факты

Турсунбеков буга чейин пневмония оорусуна чалдыгып, абалы оор экенин айрым ЖМКлар жазышкан.

"Депутат жакынкы күндөрү өпкөнү жасалма дем алдыруучу аппаратынан чыгып, үйүнөн дарыланууга уруксат берилиши күтүлүүдө. Жалпы абалы жакшы жана стабилдүү. Алдын ала диагнозу пневмония. Коронавируска карата ПЦР-тести таза чыккан", — деп жазган эле Нуракун уулу.

Чыныбай Турсунбеков 60 жашта эле, Жогорку Кеңештин VI чакырылышынын төрагасы болуп иштеген.

1037
Белгилер:
пневмония, өлүм, депутат, Чыныбай Турсунбеков
Тема:
Кыргызстандагы коронавирус жуктуруп алгандар
Тема боюнча
Белгилүү журналист Бүбүкан Досалиева дүйнө салды
Алмамбет Шыкмаматовдун жубайы Жанара Турдакунова пневмониядан каза болду
Манас эл аралык аэропорту. Архивдик сүрөт

34 жашта эле... "Манас" аэропортунун мурдагы вице-президенти көз жумду

0
(жаңыланган 21:45 07.07.2020)
Аэропорттун мурдагы аткаруучу директору Илим Карыпбековдун айтымында, Даир Токобаев пневмонияга кабылган. Ал 34 жашта болчу.

БИШКЕК, 7-июл. — Sputnik. "Манас" эл аралык аэропортунун мурдагы вице-президенти Даир Токобаев каза болду. Бул тууралуу анын мурдагы кесиптеши Илим Карыпбеков соцтармак аркылуу кабарлады.

Анын айтымында, Токобаев пневмонияга кабылган. Ал 34 жашта болчу.

Абалы кескин начарлап кеткен. Чыныбай Турсунбеков реанимацияда үзүлгөн

"Даир боорукер, акылдуу, өз ишин мыкты билген кесипкөй адам эле. Артында балдары калды. Ал пневмонияга кабылган. Абдан өкүнүчтүү, абдан! Жакындарына терең кайгыруу менен көңүл айтам", — деп жазган Карыпбеков.

Илим Карыпбеков өзү "Манас" эл аралык аэропортунда 2014-2015-жылдары аткаруучу директор болуп иштеген.

0
Белгилер:
пневмония, Кыргызстан
Тема:
Кыргызстандыктарды кыйнаган пневмония
Тема боюнча
Абалы кескин начарлап кеткен. Чыныбай Турсунбеков реанимацияда үзүлгөн