Президент Сооронбай Жээнбеков өлкөнүн тышкы иштер министри Чыңгыз Айдарбековду кабыл алуу учурунда

Жээнбеков Путинди тосуу боюнча иш-чараларды талкуулады

174
(жаңыланган 15:11 25.03.2019)
Россиянын президенти Кыргызстанга мамлекеттик сапар менен 28-мартта келет.

БИШКЕК, 25-мар. — Sputnik. Президент Сооронбай Жээнбеков бүгүн, 25-мартта, өлкөнүн тышкы иштер министри Чыңгыз Айдарбековду кабыл алып, РФ президенти Владимир Путиндин Кыргызстанга биринчи мамлекеттик визитине даярдыкты талкуулады. Бул тууралуу өлкө башчынын маалымат кызматы билдирди.

Жолугушууда даярдык көрүү маселелери менен бирге тышкы саясаттагы бардык актуалдуу маселелер боюнча пландар жана милдеттер талкууланганы айтылат.

Министр Айдарбеков Путиндин мамлекеттик визитине даярдыктын жүрүшү жана бул визиттин алкагында өтө турган иш-чаралар тууралуу маалымат берген.

Жээнбеков бекитилген планга ылайык, бардык милдеттерди кылдат жана өз убагында ишке ашыруу тапшырмасын берди.

174
Белгилер:
даярдык, мамлекеттик сапар, Чыңгыз Айдарбеков, Владимир Путин, Сооронбай Жээнбеков
Тема:
Владимир Путиндин Кыргызстанга жасаган мамлекеттик сапары (52)
Тема боюнча
Путин Бишкекке келгенде үч негизги маселе талкууланат
Мигранттар, ишкерлер, коомчулук күткөн Путиндин сапары. Эксперттер эмне дейт