Кант аба базасы. Архивдик сүрөт

Россия "Кант" аба базасынын жер акысына 291 миң доллардан ашык акча төлөмөкчү

241
(жаңыланган 13:13 28.03.2019)
Жакын арада протокол президент Владимир Путиндин кол коюусуна берилет.

БИШКЕК, 28-мар. — Sputnik. Кыргызстан менен Россия "Кант" аба базасынын жер акысына төлөнүүчү акчанын суммасын 291 миң долларга көтөрүүнү макулдашты.

Бул туурасында 2012-жылы түзүлгөн келишимге өзгөртүү киргизүү боюнча протоколдун долбоорунда айтылган. Документ Россиянын укуктук порталына жарыяланды.

Жакын арада ал протоколду президент Владимир Путиндин кол коюусуна берүү пландалууда.

Документте Россия жыл сайын аба базанын жер тилкеси жана анын айланасы үчүн төлөгөн акы 4,5 миллион доллардын ордуна 4,79 миллион долларды түзөрү айтылган.

Кыргызстан президентинин аппаратынан макулдашууга киргизилген өзгөрүүлөр Путиндин Бишкекте боло турган мамлекеттик сапарынын учурунда талкууланарын билдиришти. Алар кайсы өзгөрүүлөр туурасында сөз болуп жаткандыгын так айтышкан жок.

"Кант" аба базасы Кыргызстанда 2003-жылы октябрь айында Жамааттык коопсуздук келишими боюнча уюмдун (ЖККУ) Тез арада аракетке келүүчү жамааттык күчтөрүнүн компоненти катары ачылган.

Максат — ЖККУнун жерде жасалган операцияларын абадан коргоо болуп эсептелет. Ал Су-25СМ учактары жана Ми-8МТВ тик учактары менен жабдылган. База Россиянын борбордук аскер округунун курамына кирет.

Эске салсак, Путин учурда Кыргызстанда мамлекеттик сапар менен жүрөт. Sputnik Кыргызстан тексттик трансляция жүргүзүп жатат.

241
Белгилер:
ЖККУ, "Кант" авиабазасы, Владимир Путин, Россия, Кыргызстан
Тема боюнча
Aurus баштаган кортеж, бал менен боорсок. Путинди тосуп алгандагы видео
Жылмайып, жылуу учурашып. Путинди аэропорттон тосуп алган сүрөттөр
Кант  авиабазасындаг аскер техникасы. Архивдик сүрөт

Кыргызстан "Кант" авиабазасын кеңейтүү сунушу түшсө карап чыгууга даяр

9
(жаңыланган 20:35 24.10.2020)
ТИМ башчысы өлкө бийлиги ЖККУнун "Кант" авиабазасын сактап калуу ниети күч экенин айтты. Казакбаев Россияда иш сапары менен болду.

БИШКЕК, 24-окт. — Sputnik. Кыргызстан ЖККУнун "Кант" авиабазасын кеңейтүү боюнча сунуш түшсө, карап чыгууга даяр. Бул тууралуу РИА Новости агенттигине маек курган тышкы иштер министри Руслан Казакбаев билдирди.

"Кант" базасы сакталып калышы керек. Бул биздин туруктуу позициябыз. Кол коюлган келишимдерди кайрадан карап чыгуу деген болбойт. Эгер Россия же ЖККУ мамлекеттери базаны кеңейтүү маселесин көтөрсө, биз сунушту карап чыгууга даярбыз. Албетте, талкуу жүрөт. Баары сунуш түшкөндөн кийин белгилүү болот", — деди Казакбаев.

Казакбаев бюджетти колдоо боюнча РФ президентинин өкүлү Козак менен сүйлөштү

"Кант" авиациялык базасы ыкчам аракетке келчү Жамааттык күчтүн бир бөлүгү болуп саналып, ЖКУУ мамлекеттеринин аба коопсуздугун камсыздайт.

Руслан Казакбаевдин маеги менен толук расмий тилде таанышууга болот.

9
Белгилер:
Руслан Казакбаев, сунуш, ЖККУ, макулдашуу, "Кант" авиабазасы
Тема боюнча
ТИМ: жылдын аягына чейин бюджет дефицити 450 млн. долларга жетет
ТИМ жетекчиси Казакбаев: өлкөдөгү башаламандыкка сырткы күчтөр да аралашты
КРдин тышкы иштер министри Руслан Казакбаев. Архивдик сүрөт

ТИМ жетекчиси Казакбаев: өлкөдөгү башаламандыкка сырткы күчтөр да аралашты

27
Министр Казакбаев ар бир өлкөнүн өзүнүн экономикалык, коопсуздук жаатындагы кызыкчылыктары болоруна токтолгон.

БИШКЕК, 24-окт. — Sputnik. Кыргызстандагы парламенттик шайлоодон кийинки башаламандыкка өлкөнүн ичиндеги эле эмес, сырттагы чагымчыл күчтөр да аралашты. Бул тууралуу КРдин тышкы иштер министри Руслан Казакбаев РИА Новостиге берген маегинде айткан.

"Башаламандык саясий партиялар менен бийликтин ортосундагы саясий пикир келишпестиктен эле жаралбагандыгын белгилеп кетким келет. Башаламандык, албетте, өлкөнүн ичиндеги эле эмес, сыртындагы чагымчыл күчтөрдөн улам да болду. Конкреттештирип токтолгум келбейт. Муну мен Москвадан да талкууладым", — деген Казакбаев.

Казакбаев бюджетти колдоо боюнча РФ президентинин өкүлү Козак менен сүйлөштү

Министр кайсы күчтөр экендигин тактаган жок.

"Ар бир өлкөнүн өзүнүн экономикалык, коопсуздук жаатындагы кызыкчылыктары болот. Кыргызстандагы окуяда кайсы бир күчтөр өзүнүн геосаясий эсебине пайданы көздөдү, албетте, экономикалык жана коопсуздук боюнча жана өзүнүн саясий, идеологиялык баалуулуктарын таратуу аракеттери болду", — деген министр Казакбаев.

Кыргызстанда парламенттик шайлоодон кийин 5-октябрда эл нааразы болуп толкуп, борбордук "Ала-Тоо" аянтына чыккан. Ошол кездеги президент Сооронбай Жээнбековдун бийлиги митингчилерди кеч курун кууп таратып, бирок түн ичинде эл Ак үйдү алган. Ошондон кийин бийлик алмашкан.

Кагылышууда бир адам каза таап, аскерлер менен митингчилерден 1,2 миң киши жабыркаган.

27
Белгилер:
башаламандык, парламенттик шайлоо, Кыргызстан
Тема:
Парламенттик шайлоодон кийинки окуялар
Тема боюнча
Министр Казакбаев Россияга барып, реформа жүргүзүүгө каражат сурады
Казакбаев бюджетти колдоо боюнча РФ президентинин өкүлү Козак менен сүйлөштү