Жогорку Кеңештин депутаты  Иса Өмүркулов. Архив

Иса Өмүркулов КСДП фракциясынын мындан аркы тагдыры тууралуу айтты

1110
(жаңыланган 12:09 10.04.2019)
Депутат КСДП фракциясы Жогорку Кеңештеги ишин аткара берерин айтты.

БИШКЕК, 10-апр. — Sputnik. Жогорку Кеңештеги көпчүлүк коалициянын лидери, депутат Иса Өмүркулов КСДП фракциясы парламенттеги ишин уланта турганын айтты.

Буга чейин депутат Исхак Масалиев парламентте жаңы коалиция түзүү керектигин, анткени түзүмгө жаңы фракция кирип ("Республика —Ата Журт" — ред.), мыйзам бузулганын айткан. Андан сырткары, КСДП расмий түрдө оппозицияга өткөнүн, бирок анын фракциясы бийликте турганы мыйзамга каршы келерин билдирген.

Өмүркулов "Республика — Ата Журт" фракциясынын коалицияга кошулганында мыйзам бузуу болгон жок деп эсептейт. Анткени мыйзамда фракцияга кошулууга болбойт деген норма жок.

"Ал жерде кошулууга болбойт деп жазылган болсо, анда болбойт болчу. Андыктан кошулушу мыйзамдуу, учурда парламентте көпчүлүк коалиция бар, ал иштеп жатат. Ал эми фракция лидерлери коалицияда болуу же болбоону өздөрү чечет. Экинчиден, КСДПнын ичиндеги окуяларды көрүп жатасыздар, бүгүн партия де-факто жана де-юре экиге бөлүндү. Булар — экс-президентти колдогондор жана учурдагы мамлекет башчыны колдогондор. Бул жерде фракция менен партиянын бир бөлүгү оппозиция болом десе, ага мыйзам жол берет. Фракция коалицияда калабыз деп чечтик, мындан ары иштейбиз", — деди Өмүркулов.

Көпчүлүк коалициянын лидери Конституцияга ылайык оппозицияга тийиштүү комитеттер берилгенин айтты.

Андан сырткары, азыр оппозициябы, же позициябы, ынтымак менен иштеп, түрдүү башаламандыктарга жол бербей, депутаттар өз вазийпасын аткаруу керектигин белгиледи.

Ал эми депутат Бакыт Төрөбаев Иса Өмүркуловдун сөзүнөн кийин "Республика — Ата Журт" фракциясы көпчүлүк коалицияда эмес деп түшүнгөнүн айтты. Анын айтымында, логика боюнча жаңы фракция коалицияга кирсе, өкмөт жаңы түзүлүшү керек.

"Бүгүн легитимдүүлүк тууралуу сөз болуп жатат. Мына "Республика — Ата Журт" коалицияга кирди. Ал логика боюнча жаңы коалиция болду да. Анда коалиция жаңы өкмөттүн курамын сунушташы керек эле. Коалиция бул фракциядан куралат. Жаңы фракция кирсе, жаңы коалиция түзүлөт. Бул маселени мындай калтырбай чечиш керек. Конституциялык палатага бериш керек", — деди ал.

Төрөбаев ошондой эле көпчүлүк коалицияда төраганын ыйгарым укуктарын да белгилеп коюу керектигин сунуштады. Андан сырткары, "Республика — Ата Журт" фракциясына кайрылып, "силер коалициядасыңарбы же анын тиркемесисиңерби?" деп суроо салды.

Депутаттын мындай суроосуна төрага Дастан Жумабеков "Республика — Ата Журт" фракциясынын көпчүлүк коалицияга кириши мыйзамдуу болгонун айтып, эгер кандайдыр бир суроолор болсо, тийиштүү жактарга кайрылууну сунуштады.

1110
Белгилер:
Иса Өмүркулов, Жогорку Кеңеш
Тема боюнча
Масалиев Жогорку Кеңеште КСДПсыз жаңы коалиция түзүүнү талап кылды
КСДП расмий түрдө оппозицияга өттү
Президент Садыр Жапаров Россия өкмөтүнүн төрагасы Михаил Мишустин менен жолугушуу учурунда

Кыргызстан президенти менен Россия өкмөтүнүн төрагасы Москвада эмнени талкуулады

5
(жаңыланган 17:40 25.02.2021)
Жапаров пандемия учурунда гуманитардык, каржылык жана техникалык жардам түрүндө көрсөткөн колдоосу үчүн Россия өкмөтүнө ыраазычылыгын айткан.

БИШКЕК, 25-фев. — Sputnik. Президент Садыр Жапаров бүгүн, 25-февралда, Россия өкмөтүнүн төрагасы Михаил Мишустин менен жолукканда коңшулар эки тараптуу мамилелерди мазмундуу жаңы деңгээлге чыгарып, жаңы долбоорлор менен толтурууга кызыкдар экендигин белгилешти. Бул тууралуу президенттин маалымат кызматынан билдиришти.

  • Президент Кыргызстана Садыр Жапаров встретился с председателем правительства России Михаилом Мишустиным в рамках своего визита в Москву
    Президент Садыр Жапаров бүгүн, 25-февралда, Россия өкмөтүнүн төрагасы Михаил Мишустин менен жолукканда коңшулар эки тараптуу мамилелерди мазмундуу жаңы деңгээлге чыгарып, жаңы долбоорлор менен толтурууга кызыкдар экендигин белгилешти
    © Пресс-служба президента КР / Султан Досалиев
  • Президент Кыргызстана Садыр Жапаров встретился с председателем правительства России Михаилом Мишустиным в рамках своего визита в Москву
    Күн тартибиндеги эки тараптуу артыкчылык берилген багыттар, анын ичинде Кыргызстан менен Россиянын ортосунда түзүлгөн соода-экономикалык жана инвестициялык кызматташтык маселелери талкууланган
    © Пресс-служба президента КР / Султан Досалиев
  • Президент Кыргызстана Садыр Жапаров встретился с председателем правительства России Михаилом Мишустиным в рамках своего визита в Москву
    Жолугушуунун жыйынтыгында тараптар, айрыкча, соода-экономикалык кызматташтык деңгээлин жогорулатууга даяр экендиктерин билдиришкен.
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Президент Садыр Жапаров бүгүн, 25-февралда, Россия өкмөтүнүн төрагасы Михаил Мишустин менен жолукканда коңшулар эки тараптуу мамилелерди мазмундуу жаңы деңгээлге чыгарып, жаңы долбоорлор менен толтурууга кызыкдар экендигин белгилешти

Күн тартибиндеги эки тараптуу артыкчылык берилген багыттар, анын ичинде Кыргызстан менен Россиянын ортосунда түзүлгөн соода-экономикалык жана инвестициялык кызматташтык маселелери талкууланган.

"Михаил Мишустин эки тараптуу мамилелерди мазмундуу жаңы деңгээлге чыгарып, жаңы долбоорлор менен толтурууга кызыкдар экендигин айтты. Россия Кыргызстандын тышкы соода боюнча алдыңкы өнөктөштөрүнөн экенин, пандемиянын кесепетинен улам төмөндөп кеткен соода байланыштардын мурдагы деңгээлин биргелешкен аракеттер менен калыбына келтирүүгө болорун билдирди", — деп айтылат маалыматта.

Андан сырткары, учурда өкмөт аркылуу коронавирус инфекциясына каршы биргелешип күрөшүүгө өзгөчө көңүл бурулуп жатканын, бул Кыргызстандагы эпидемиологиялык кырдаалды турукташтырууга өбөлгө түзгөнүн баса белгиледи.

Кыргызстандын президенти Садыр Жапаров Россиянын лидери Владимир Путин менен жолугушуу учурунда
© Пресс-служба президента КР / Султан Досалиев
"Мишустин Кыргызстан менен Россиянын өкмөттөр аралык комиссиясынын, ошондой эле Орус-кыргыз өнүктүрүү фондунун алгылыктуу иштерине токтолгон. Россия өкмөтүнүн төрагасы Кыргызстан менен мындан ары натыйжалуу кызматташууга даярдыгын айтты", — деп билдиришти маалымат кызматынан.

Аны менен сүйлөшүп жатып Жапаров Россия президенти Владимир Путин менен жолугушууда Кыргызстан менен Россиянын ортосунда түзүлгөн стратегиялык өнөктөштүктү жана союздаштык мамилелерди чыңдоону улантуу жөнүндө келишимге кол коюлгандыгын билдирген.

Жапаров пандемия учурунда гуманитардык, каржылык жана техникалык жардам түрүндө көрсөткөн колдоосу үчүн Россия өкмөтүнө ыраазычылыгын айткан.

"Кыргызстан менен Россияны маданий, тарыхый жалпылыктар гана эмес, ошондой эле жаңы саясий, соода-экономикалык алакалар байланыштырып турат. Буга байланыштуу эки мамлекеттин ортосундагы бардык потенциалды толук ачып берүүгө умтулушубуз керек", — деген президент.

Жолугушуунун жыйынтыгында тараптар, айрыкча, соода-экономикалык кызматташтык деңгээлин жогорулатууга даяр экендиктерин билдиришкен.

5
Белгилер:
кызматташуу, өкмөт, Михаил Мишустин, Садыр Жапаров, Россия, Кыргызстан
Тема:
Садыр Жапаровдун Россияга сапары
Тема боюнча
Россия Кыргызстанга экономиканы көмүскөдөн чыгарууга 623 млн. сом берет
Жапаров Москвада Россиянын ири бизнесмендери менен жолукту. Кимдер келди
Президент Садыр Жапаров Москва шаарында Россиянын ири бизнес өкүлдөрү менен жолугушту

Жапаров Москвада Россиянын ири бизнесмендери менен жолукту. Кимдер келди

51
(жаңыланган 17:14 25.02.2021)
Россиялык бизнестин өкүлдөрүнүн суроолоруна президент Жапаров, өлкөнүн министрлери менен мамлекеттик органдарынын жетекчилери жооп берген.

БИШКЕК, 25-фев. — Sputnik. Президент Садыр Жапаров бүгүн, 25-февралда, Москва шаарында Россиянын ири бизнес өкүлдөрү менен жолугуп, потенциалдуу инвесторлорду активдүү кызматташууга чакырган. Бул туурасында мамлекет башчынын маалымат кызматынан кабарлашты.

"Жапаров иш-чаранын катышуучуларына Кыргызстандагы келечектүү экономикалык долбоорлор жөнүндө айтып берип, потенциалдуу инвесторлорду активдүү кызматташууга чакырды. Кызматташууну арттыруунун актуалдуу багыттарын белгилеп, ак ниет инвесторлор үчүн жагымдуу чөйрө түзүү боюнча иш-аракеттердин планына көңүл бурду", — деп айтылат маалыматта.

Жолугушуу "суроо-жооп" форматында өткөн.

  • Президент Садыр Жапаров бүгүн, 25-февралда, Москва шаарында Россиянын ири бизнес өкүлдөрү менен жолугуп, потенциалдуу инвесторлорду активдүү кызматташууга чакырган
    Президент Садыр Жапаров бүгүн, 25-февралда, Москва шаарында Россиянын ири бизнес өкүлдөрү менен жолугуп, потенциалдуу инвесторлорду активдүү кызматташууга чакырган
    © Пресс-служба президента КР / Султан Досалиев
  • Жолугушуу суроо-жооп форматында өткөн
    Жолугушуу "суроо-жооп" форматында өткөн
    © Пресс-служба президента КР / Султан Досалиев
  • Россиялык бизнестин өкүлдөрүнүн суроолоруна президент Жапаров, өлкөнүн министрлери менен мамлекеттик органдарынын жетекчилери жооп берген
    Россиялык бизнестин өкүлдөрүнүн суроолоруна президент Жапаров, өлкөнүн министрлери менен мамлекеттик органдарынын жетекчилери жооп берген
    © Пресс-служба президента КР / Султан Досалиев
  • Ошондой эле жолугушууда Россиянын министрликтери менен мамлекеттик түзүмдөрүнүн өкүлдөрү болду
    Ошондой эле жолугушууда Россиянын министрликтери менен мамлекеттик түзүмдөрүнүн өкүлдөрү болду
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Президент Садыр Жапаров бүгүн, 25-февралда, Москва шаарында Россиянын ири бизнес өкүлдөрү менен жолугуп, потенциалдуу инвесторлорду активдүү кызматташууга чакырган

Россиялык бизнестин өкүлдөрүнүн суроолоруна президент Жапаров, өлкөнүн министрлери менен мамлекеттик органдарынын жетекчилери жооп берген.

Ошондой эле жолугушууда Россиянын министрликтери менен мамлекеттик түзүмдөрүнүн өкүлдөрү болду.Иш-чарага россиялык ири компаниялардын 40ка жакын жетекчиси катышкан. Алар: "Ренова" компаниялар тобу" АКсынын директорлор кеңешинин төрагасы, "Сколково" жаңы технологияларды иштеп чыгуу жана коммерциализациялоо борборунун Өнүктүрүү фондунун директорлор кеңешинин мүчөсү, "Сколтехтин" (Сколково илим жана технологиялар институту) Камкорчулар кеңешинин төрагасы Виктор Векселберг, "Россия темир жолу" ААКсынын башкы директорунун орун басары Вячеслав Павловский, "Газпром нефть" ПАКтын тышкы экономикалык иштер боюнча башкы директорунун орун басары Павел Одеров, Россия Федерациясынын Президентинин электр энергетика тармагындагы эл аралык кызматташуу маселелери боюнча атайын өкүлү, "Артпол Холдинг" ЖЧКсынын президенти Сергей Шматко, ЕАЭБ Ишкерлер кеңешинин аткаруучу катчысы Станислав Наумов, Санарип экономика боюнча комитеттин төрагасы, "Ростелеком" ПАК президенти Михаил Осеевский. Ошондой эле "ФосАгро" ПАК, "ВымпелКом" ПАК, "Хюндай Мотор СНГ" ЖЧК, "Северсталь" ПАК компанияларынын, Картошка жана жашылча базарынын катышуучулар бирлигинин, ЕАЭБдин фармацевтикалык өндүрүүчүлөр ассоциациясынын башкармалыгынын өкүлдөрү жана мунай, банк, өнөр жай, курулуш, химия, энергетикалык тамак-аш, машина куруу жана текстиль тармактарынын лидерлери катышты.

Эске салсак, кечээтен бери Жапаров Россияда жумушчу иш сапар менен жүрөт. Алгач Россия лидери Владимир Путин менен жолугуп, кызматташуу маселелерин талкуулап, аны Кыргызстанга келип кетүүгө чакырган.

51
Белгилер:
инвестициялар, жолугушуу, бизнесмен, Садыр Жапаров, Россия, Кыргызстан
Тема:
Садыр Жапаровдун Россияга сапары
Тема боюнча
Садыр Жапаров Россиянын Мамдумасынын төрагасы менен жолукту
Байланышты өнүктүрөлү. Жапаров Татарстан президенти Минниханов менен жолукту. Сүрөт