Жубайлар. Архив

Президенттердин күйөө балдары. Борбор Азия ажолорунун кыздары кимге бүлө

4070
(жаңыланган 15:37 10.04.2019)
Борбордук Азиядагы өлкө башчыларынын күйөө балдарынын көбү коомдук турмуштан четте турбайт, тескерисинче, таасирдүү кызматтарды ээлешет. Президентке бүлө болуу кызматтык секириктерине таасир этер-этпесин болжоп гана тим болобуз.

Борборазиялык аймакта президенттин үй-бүлөсүнө жакын болуу — маанилүү фактор. Анын ичинде күйөө бала да маанилүү орунда. Тунгуч президент Аскар Акаевдин тун кызы Берметтин жолдошу Адил Тойгонбаевди эле эстейличи.

Аны "кыргыздын эрке күйөө баласы" деп аташкан. 2005-жылкы революциядан соң Тойгонбаев бир нече мамлекеттик объектилерди мыйзамсыз менчиктештирүү, алдамчылык жана жемкорлук боюнча сырттан айыпталып 20 жылга соттолгон.

Sputnik Кыргызстандын редакциясы Борбор Азия өлкөлөрүндөгү азыркы президенттердин күйөө балдары эмне менен алектенерин бир сыйра эске салууну чечти. Маалыматтар ачык булактардан алынды.

Казакстан

© REUTERS / Mukhtar Kholdorbekov
Казакстандын президенти Касым-Жомарт Токаев

Казакстандын ушул таптагы президенти Касым-Жомарт Токаевдин кыздары жок, уулу гана бар. Бирок отставкасына карабастан, эл башчылыгы жана Коопсуздук кеңешинин төрагасы өңдүү бир топ ыйгарым укуктары сакталып калган мурунку президент Нурсултан Назарбаевдин үч кызы бар. Улуусу Дарига 12 жыл мурун Рахат Алиев менен ажырашкан. 52 жаштагы Тимур Кулибаев — Назарбаевдин ортончу кызы Динаранын жолдошу. Экөө бир уул, эки кызды тарбиялайт. Forbes журналынын маалыматтарына таянсак, бул жубайлардын ар биринин байлыгы 3,2 миллиард долларга бааланат. Бир топ жыл "Самрук-Казына" мамлекеттик фондусунун төрагасынын орун басарлыгын аркалап, андан соң аны жетектеп да келген. Аталган инвестхолдингдин активдери ондогон миллиард долларды түзөт.

Ушул чакта KAZENERGY мунай газ жана энергетикалык комплекс ишканаларынын казакстандык ассоциациясына төрагалык кылат, андан тышкары, "Атамекен" ишкерлердин улуттук палатасынын башчысы. 2011-жылдан тарта "Газпромдун" директорлор кеңешинин мүчөсү — көз карандысыз директору. Ошондой эле Казакстандын Улуттук олимпиадалык комитетинин президенти, мындан тышкары, бокс жана спорттун суудагы түрлөрү федерациясын жетектейт.

Кенже кызы, 39 жашар Алия үч жолу турмуш курган, баса, анын биринчи жолдошу — Кыргызстандын биринчи президенти Аскар Акаевдин уулу Айдар. Азыркы жолдошу — Димаш Досанов, бир кыз, бир уулу бар. Досанов 2016-жылдан бери "КазТрансОйл" АКынын башкы директору, ал ишкана магистралдык түтүктөргө ээлик кылат. 2017-жылы компаниянын айлантуусу жүздөгөн миллион долларды түзгөн. Ошондой эле ал спортко колдоо көрсөтөт, бирок бажасы Кулибаевчелик эмес. Досанов — Казакстандын Баскетбол федерациясынын президенти.

Кыргызстан

Президент Кыргызстана Сооронбай Жээнбеков готовится к официальной церемонии встречи российского лидера Владимира Путина в госрезиденции Ала-Арча.
© Sputnik / Табылды Кадырбеков
Кыргызстандын президенти Сооронбай Жээнбеков

Кыргызстандын эки жыл мурун шайланган президенти Сооронбай Жээнбековдун эки баласы бар. Уулу мектепте окуйт. Кызы Бактыгүл 2016-жылы депутат Алиярбек Абжалиевдин уулу Атабекке турмушка чыккан. Ал президенттик аппараттын эл аралык кызматташтык бөлүмүндө эксперт болуп иштейт.

Тажикстан

Пезидент Таджикистана Эмомали Рахмон на встрече с кыргызстанским коллегой Сооронбаем Жээнбековым в Душанбе
© Пресс-служба президента КР / Султан Досалиев
Таджикстандын президенти Эмомали Рахмон

Эмомали Рахмон чейрек кылымдан бери Тажикстанды башкарат. Анын кызматы өтө бийик, ал президент гана тургай, тынчтык жана улуттук биримдиктин түптөөчүсү — улуттун лидери. Рахмон тогуз балалуу, алардын жетөө кыз.

Тун кызы Фирузе тажик темир жолунун мурдагы жетекчисине келин болгон. Болгону Хокумовдун уулу боюнча маалымат жокко эсе, ысымы, кесиби боюнча эч бир жерде айтылбайт.

Тажикстан Улуттук банкынын төрагасынын биринчи орун басары, 41 жашар Жамолиддин Нуралиев президенттин экинчи кызы Озодага үйлөнгөн. Озода өзү Тажикстандын президентинин, тагыраагы, өз атасынын аппаратын жетектейт. Жубайлар беш баланы тарбиялайт. Нуралиев мурдараак Улуттук банкта экономист болуп иштеген, кийин МВФ жана Дүйнөлүк банкта эмгектенип, андан соң каржы министринин биринчи орун басарлыгын аркалаган.

Жалпыга маалымдоо каражаттарындагы маалыматтар боюнча президенттин үчүнчү кызы Рухшона Рахмон Тажикстан ТИМинин бир башкармалыгынын жетекчисинин орун басары болду. Анын жолдошу — Шамсулло Сохибов. Ал Тажикстандын Кышкы спорт түрлөрү боюнча улуттук ассоциациянын президенти, ошондой эле ЖМКдагы маалыматтарга таянсак, "Фароз" көп профилдүү ири компанияга тиешеси бар.

Бешинчи кызы Парвина мурдагы энергетика жана өнөр жай министри Шерали Гуловдун уулу Ашрафка турмушка чыккан. Ал Улуттук банк, кийин ИИМ тутумунда иштеп, андан соң Москвадагы тажик элчилигинин консулдук кызматынын башчылыгына дайындалган.

Алтынчы кызы Зарина Тажикстандын биринчи каналында диктор болгон, азыркы тапта "Ориенбанк" ААКнын башкаруу тобунун төрагасынын орун басары. Бир нече жыл илгери ал Байланыш кызматынын башчысы Бега Зухуров-Сиевуштун уулуна турмушка чыккан. Ал бокс менен машыгат, эл аралык мелдештерге катышкан, 2015-жылы Советтер Союзунун маршалы Георгий Жуковдун элесине арналган турнирде коло медаль тагынган.

Рахмондун калган эки кызы, алардын үй-бүлөлүк абалы тууралуу маалыматтар жокко эсе.

Түркмөнстан

Президент РФ В. Путин встретился с президентом Туркменистана Г. Бердымухамедовым
© Sputnik / Алексей Дружинин
Түркмөнстандын президенти Гурбангулы Бердымухамедов

Гурбангулы Бердымухамедов Түркмөнстанды 2006-жылдан бери жетектейт. Анын "Аркада" ("колдоочу") титулу бар. Президент үч кыз, бир уулдун атасы.

Сердар Бердымухамедов ТИМ тутумунда эмгектенет, аталган мекемеде орун басарлыкты аркалайт. Бир катар серепчилер Сердар Түркмөнстандын президентинин мураскерлигине даярдалууда деп болжошот.

Анын башка балдары боюнча маалымат өтө сейрек. Бир топ жыл оболу тун кызы Гүлжахон Түркмөнстандын көмүр кычкыл ресурстарын тескөө жана пайдалануу мамлекеттик агенттигинин Улуу Британиядагы өкүлү болгон жолдошу Иласгелди Аманов менен Лондондо турары боюнча маалымат чыккан. Ортончусу кызы Гүлшан Атабаева жодошу Давлет менен Парижде жашайт. Үчүнчү кызы туурасында маалымат жок.

Өзбекстан

Президент Узбекистана Шавкат Мирзиёев со своей семьей после голосования во время президентских выборов в Ташкенте, Узбекистан. 4 декабря 2016 года
© AP Photo / Anvar Ilyasov / Pool
Өзбекстандын президенти Шавкат Мирзиёев үй-бүлөсү менен

62 жашар Шавкат Мирзиёев менен Зироатхон Хошимова үч баланы тарбиялашат. Жалгыз уулу Алишер мектеп окуучусу. Эки кызы турмушка чыккан.

Эң улуу кызы Саида менен анын жолдошу Ойбек Турсунов жөнүндө маалымат аз. Бир жыл мурда жалпыга маалымдоо каражаттары тун күйөө бала президенттик аппараттын иш башкармалыгынын жетекчисинин орун басары экендигин жазып чыгышкан. Бирок ал маалымат бейрасмий эле.

Отабек Шаханов Мирзиёевдин экинчи кызы Шахнозаны алган. 2017-жылы ал өз кайнатасынын — президенттик күзөт башкармалыгынын жетекчисинин орун басарлыгына дайындалган. Шахноза өзү Мектепке чейинки билим берүү министрлигинин башкармалыктарынын биринин жетекчисинин орун басары.

Өзбекстан журт башчысынын беш небереси бар.

4070
Белгилер:
президент, кыз, Борбордук Азия, күйөө бала
Тема боюнча
Өкмөт мүчөлөрү кайдан окуп, эмне кесипке ээ болушкан? Тизме
Жат болоруң бат беле... Ант-шерттен тайган кыргыз саясатчылары
Россиянын президенти Владимир Путин жана АКШ өлкө башчысы Дональд Трамп. Архив

Трамп "Чоң жетиликтин" жыйынына Путинди чакырат

72
(жаңыланган 14:39 11.08.2020)
АКШ президенти Россиянын лидери менен кошо Индия, Австралия жана Түштүк Кореянын башчыларын чакырууга ниеттенүүдө. Ал саммитти күз айларына калтырган.

БИШКЕК, 11-авг. — Sputnik. АКШ президенти Дональд Трамп россиялык кесиптеши Владимир Путинди "Чоң жетиликтин" жыйынына чакырарын билдиргенин РИА Новости жазды.

"Биз бир катар өлкө лидерлерин чакырдык... Мен, албетте, Путинди чакырмакмын. Анын катышуусу маанилүү фактор болот деп ойлойм. Биз G7 уюумуна кирбеген мамлекеттердин лидерлерине айттык, айрымдары чакырууну кабыл алышты. Бирок мен жыйынды шайлоодон кийин өткөрсөк деп ойлойм, анткени маанай жакшы болот", - дейт Трамп.

Трамп ноябрга белгиленген президенттик шайлоону жылдырууну сунуштады

Буга чейин ал "Чоң жетиликтин" жыйынын сентябрь айына жылдырарын, ага РФ, Индия, Австралия жана Түштүк Кореянын жетекчилерин чакырууну каалаганын билдирген. АКШ президентинин айтымында, Россиянын G7 жыйынына катышуусу өзгөчө мааниге ээ болот.

72
Белгилер:
чакыруу, Владимир Путин, саммит, G7, Дональд Трамп, АКШ
Тема боюнча
Батыш Россиянын Сириядагы аскердик ийгиликтерин биринчи жолу моюнга алды
Сууда ракета чыгаруу. Архивдик сүрөт

Түпкүрдөгү купуя сыр же касташкандын катыгын берчү "Скиф"

107
(жаңыланган 10:32 11.08.2020)
Россия өз аймагына жасалган кандай гана ракеталык чабуул болбосун, анын мизин кайтаруу үчүн өзөктүк дараметин ишке салат. Анткени учушта каршы тараптан кое берилген куралдын эмне экенин аныктоо мүмкүн эмес.

Бул туурасында Россия Федерациясынын Куралдуу күчтөрүнүн Башкы штабы тарабынан пайдаланылган макалада айтылат. "Өзөктүк кармануу жаатындагы РФтин мамлекеттик саясатынын негиздери" деген аталыштагы макала "Красная звезда" басылмасына жарыяланды.

Жагдайга аскерий баяндамачы Александр Хроленко баам салган.

Мындай кырдаалда душмандын бутасы Россияны жок кылуу катары каралып, "жооп иретинде талкалоочу сокку жасалат". Андай соккунун бир варианты түпкүрдө жайгаштырылган континенталь аралык "Скиф" баллистикалык ракеталардан залп атуу болушу мүмкүн. Алардын саны, жайгашкан жерлери, сокку күчү жана учуш траекториясы саналуу адистерге гана дайын. Теориялык жактан алып караганда душман аларды аңдып, стратегиялык багыттагы 955 долбоорунун суу алдындагы "Борей" ракеталык крейсерлердин аскердик нөөмөт аймагына чабуул кое алат. Гипер үндүү, "Авангард" жеке көзөмөлдөөчү блоктор менен маневр жасоочу "Ярс" 150 ракеталык комплексине алдын ала эскертүүчү сокку урушу, чек арага жакын учушта кайсы бир сандагы россиялык стратегиялык бомбалоочу-ракета ташуучуларды кыйратышы ыктымал.

Россиянын топ жарышы. Аскердик роботтор адам менен "тил табышат"

Мындай жагдайда (укмуштай жолдуу болгон учурда) Дүйнөлүк океандын тереңинен сокку жейт. "Скифке" куралсыздандыруучу (эскертүүчү) сокку урууга технологиялык жактан мүмкүн эмес.

Россиялык стратегиялык өзөктүк күчтөрдүн көрүнбөс бөлүгү, түпкүрдө жайгашкан "Скиф" баллистикалык ракеталары деңиз түбүндө жылдап аскердик нөөмөт (күтүү режиминде) өтөөгө жөндөмдүү. Буйрукка жараша жердеги жана деңиздеги буталарды кыйрата алышат.

Ракета маалымат чөйрөсүндө өзгөчө купуялуулугу менен айырмаланат. Бул жагы да "Рубин" борбордук конструктордук бюросунун жана Макеев атындагы Мамлекеттик ракеталык борбордун жогорку натыйжалуу эмгегин кыйыр түрдө айгинелейт. Болжол менен "Скиф" деңизде жайгаштырылуучу белгилүү "Синева" баллистикалык ракеталарынын учуш мүнөздөмөлөрү кыйла жакшыртылып, соңку үлгүдөгү жасалма интеллект менен өркүндөтүлгөн үлгүсү болуп саналат. "Скифтин" эң негизги артыкчылыгы – колдонууга эптүүлүгү жана салыштырмалуу арзандыгы.

Контейнерде катылган сыр

"Скиф" баллистикалык ракетасы субмариналар үчүн ыраак аралыктагы ракеталар тобуна таандык. Учуруучу контейнерде деңиз түбүндө кызмат өтөйт, ал ири басым жана агрессивдүү чөйрөдөн ынанымдуу коргойт, Аскердик-деңиз флотунун командалык пункту менен байланышты камсыз кылат. Ракетага бир топ жыл туздуу суу өткөрбөс герметикалык жана дат баспаган таңгактарды жасоо долбоордун эң башкы техникалык көйгөйү болгон эле. Ошентсе да деңизден "Скифти" табуудан көрө бүгүн каптан шибегени таап чыгыш жеңил. Көзгө чалдыкпастыгы жана уникалдуу согуштук бышыктыгы баллистикалык ракеталардын учуруучу контейнерлерин өтө тереңдикте жайгаштырууга мүмкүндүк берет. Андай түпкүрдө алар потенциалдуу душмандын деңиз үстүнөн өзөктүк соккуну да чабалдатып кое турган торпедаларына байкалбайт. Атайын субмарина "Скиф" ракетасын жайгашчу жерге жеткирет. Орнотуу түйүнүн азыркы учурдагы да, келечектеги да чалгындоо каражаттары аркылуу изин табуу мүмкүн эмес.

"Искандерлер" РФтин деңиз чегин коргомокчу. Себеби эмнеде?

Согуштук максатта колдонууда сигналга жараша контейнер балласты үйлөтүп (суу алдындагы кайык сымал), тапшырмада коюлган тереңдикке сүзүп барып, ракета өз программасы боюнча бутасына карай багыт алат. Эгер "Синева" баллистикалык ракеталарынын ыраактыгы 8000 чакырымдан ашуун экенин эске алсак, жакшыртылган "Скиф" андан да ыраак учат.

Россиянын ички сууларында аскердик нөөмөт "Деңиз түбү жөнүндөгү келишимди" (1970-жылдагы) бузбаганын эскерте кетели. Бул документ жээкке карай 12 милдик зона чегиндеги суу түбүнө өзөктүк куралды жайгаштырууга тыюу салат. Мисалга, арктикалык шельф жана Тынч океандын жээкке жакын сууларында континенттер аралык баллистикалык ракеталарды орнотуу үчүн ыңгайлуу терең жерлери арбын. Алар болжолдуу душмандын аймактарындагы буталарга болушунча жакын. Бул – "россиялык коркунуч" эмес, Батыштын агрессивдүү умтулуусун, Түндүк деңиз жолуна жана россиялык Арктиканын, Ыраакы Чыгыштын, ошондой эле Курил аралдарынын табигый байлыктарына дооматтарын ооздуктоочу олуттуу фактор болуп саналат.

"Скиф" континенттер аралык баллистикалык ракеталарынын артыкчылыгы да экономикалык жактан айдан ачык. Өзөктүк субмарина-ракета ташуучулар өндүрүш жана пайдаланууда ашкере кымбат. Экипажды даярдоо да арзанга турбайт.

F-35ти модернизациялоо. АКШнын доо кеткен беделин бийиктетүү аракети

Суу түбүндө жайгашуучу ракета кызмат өтөө мөөнөтү боюнча кошумча чыгымсыз эле кандай субмариналарды чаңында калтырат. Анан да баштапкы аскердик дараметин, стартка жана бутасын таамай талкалаган жөндөмүн сактап калат. Жамааттык Батыш тарабынан жарыяланган деңиздеги куралдануу жаңы жарышына Россиянын жообу ушундай.

"Скифтин" биринчи ирет 2008-жылы сыналганы анык. Заводдук сыноолору Ак деңизде 2013-жылы башталган. Ал эми 2017-жылы Федерация Кеңешинин коргоо жана коопсуздук комитетинин башчысы Виктор Бондарев түпкүрдөгү Континенттер аралык баллистикалык ракеталар Россиянын Куралдуу күчтөрүндө экенин жарыялаган. Жаңы ракета эбак мезгил менен текшерилген, андыктан көңүл бурууга арзыйт.

Жалган кыялдарга жетеленгендер

Россия президенти Владимир Путин 2-июнда "Өзөктүк кармануу жаатындагы мамлекеттик саясаттын негиздерин" бекиткен. Документке ылайык, потенциалдуу душман кол сала турган болсо, кандай жооп аларын билүүгө тийиш. Ошентсе да, Россия өзөктүк куралды чектөө каражаты катары карайт.

Артиллеристтердин кыялы. Талаа-түздө сыналган "Тюльпан" миномёттору

Кошмо Штаттар 1970-жылдары ракеталарды океан түпкүрүндө жайгаштыруудан баш тартып, Европада орточо аралыктан орун ээлөөгө белсенишкенин да эске сала кетейин. АКШнын өзөктүк стратегиялар боюнча документтеринде Батыш Европадагы учуш убактысында утуп чыгуу жана алдыңкы системаларынын (Forward Based System) эсебинен чектелген өзөктүк согушта жеңишке жетүүнүн агрессиялык доктринасы пайда болду.

Вашингтондун планы боюнча, 570тен ашуун Pershing-2 катуу отун менен кыймылга келүүчү ракеталар СССРдеги буталарга 80 килотонналык кубаттуулуктагы өзөктүк моноблокторду 1800 чакырымга чейинки (Москвага чейин 8 мүнөттүк) аралыкка жеткирүүгө тийиш болчу.

Башкача айтканда, тарых бүгүн бөлөк технологиялык деңгээлде кайталанууда. Көз алдыбызда Forward Based System Германиядан Польшага жер которууда. АКШнын стратегиялык куралдануу жаатындагы аракеттери өзөктүк каражаттарды пайдалануу менен "глобалдык сокку" концепциясын ишке ашырууга багытталган.

Кошмо Штаттар жана НАТО активисттери аскердик инструменттер аркылуу Россиянын экономикалык өнүгүүсүн жана эл аралык таасирин өсүшүн ооздуктоого тырышууда. Ал эми бул мамлекет гиперүндүү ракеталар, өзөктүк субмариналар, 5-муундагы истребителдерин, "Посейдон" өңдүү суу түбүндөгү учкучсуз аппараттар жана башка кайсы гана агрессор болбосун мизин кайтарууга кепилдик бере турган жогорку технологиялык курал-жарактарды иштеп чыгуу жана өндүрүү тармагында жамааттык Батыштан алда канча озуп кеткен.

Бири-бирине эч коошпогон жагдайлар жаралды. Доктриналар менен реалдуулуктун ортосундагы айырманы баамдаган аскердик кеңешчилер акылга сыйчу ой калчоодон тайган америкалык саясатчыларга өз кеңештерин айтуудан айбыгышат.

Кургакта да, сууда да… Россиялык флот Бе-200 амфибиялык учагына ээ болду

Дээрлик жыйырма жыл бою Пентагон начар куралданган эле "Талибан"* террордук уюмдарды жеңүү үчүн өз өнөктөштөрү менен Афганистанда эбегейсиз каражат жумшалган аскердик операцияларды жүргүзүп келген. Бирок акыры АКШ каршылашы менен америкалык армияны жер караткан тынчтык келишимин түзүүгө барды. Натыйжада ансыз да чабал Афганистан Ислам Республикасын кароосуз калтырып кетүүдө.

Тилекке каршы, Вашингтон туура бүтүмдөрдү чыгарган жок, анын ордуна жок жерден россиялык коркунучту ойлоп таап, "Европаны куткарууга" жигердүүлүк менен киришти. Бирок "Скифтер" жана РФ коопсуздугунун башка кепилдиктери уктап жаткан жери жок.

* – РФ жана бир катар өлкөлөрдө ишмердигине тыюу салынган террордук уюм.

107
Белгилер:
курал-жарак, Технологиялар, субмарина, ракета, Россия
Тема боюнча
Шуулдаган парашют, айланган жер... Россиялык десантчылардын видеосу
Карантин аймагында турган кызматкер. Архив

Күйдүргү: Кара-Суунун Тогуз-Булак айылына карантин киргизилди

0
(жаңыланган 18:43 11.08.2020)
Саламаттыктык сактоо министрлиги бир бейтапта күйдүргү оорусу лабораториялык жактан тастыкталганын билдирди. Бейтартын абалы канатаандырарлык.

БИШКЕК, 11-авг. — Sputnik. Жергиликтүү тургундардын арасында күйдүргү чыккан Кара-Суу районунун Папан айыл өкмөтүнүн Тогуз-Булак айылына карантин киргизилди. Бул тууралуу Sputnik агенттигине айыл өкмөттүн башчысысы Курманбек Мияшев билдирди.

Анын айтымында, карантин 18-августка чейин уланат. Эреже боюнча Тогуз-Булак айылынын тургундары сыртка чыга албайт жана аймакка башкалардын кирүүсүнө тыюу салынат.

"Бөтөнчө ооруган уйду союп, этин алгандар үйдөн чыкпай, өзүн обочолоп отурушу керек. Ошондой эле сырттан мал жандыктарды алып кирүүгө жана чыгарууга болбойт", — деди айыл өкмөттүн башчысы.

Эске сала кетсек, бүгүн, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Облустук ветеринардык инспекция лабораториялык текшерүү жүргүзүлүп жатканын айткан.

Кыргыз жерине апаат алып келген коркунучтуу 8 эпидемия. Видео

Ал арада Саламаттыктык сактоо министрлиги бир бейтапта күйдүргү оорусу лабораториялык жактан тастыкталганын билдирди. Учурда бардык бейтардардын абалы канаттаандырарлык, керектүү дарылоону алып жатышат.

Райондо оорунун очогун чектеп, жок кылуу үчүн ыкчам штаб түзүлүп, тиешелүү кызматтар менен жыйын курушкан. Ошондой эле ооруну алдын алуу тууралуу түшүндүрүү иштери жүргүзүлүп жатат.

0
Белгилер:
карантин, оору, күйдүргү, Тогуз-Булак, Кара-Суу району, Ош
Тема боюнча
Тогузбаева: шарп, кутурма, күйдүргү — адам өмүрү үчүн да кооптуу
Оштун Кара-Суусунда сегиз киши күйдүргүгө шектелип ооруканага түштү