Кыргызстандын президенти Сооронбай Жээнбеков. Архив

Жээнбеков бир нече сотту кызматынан алды

536
(жаңыланган 18:15 13.04.2019)
Аларды кызматынан бошотуу боюнча Судьялар кеңеши арыз берген.

БИШКЕК, 13-апр. — Sputnik. Президент Жээнбеков Ош облустук сотунун судьяларын жана Бишкек шаарынын Октябрь райондук сотунун судьясын мөөнөтүнөн мурда бошотуу жөнүндө Жарлыкка кол койду. Бул туурасында мамлекет башчынын маалымат кызматынан кабарлашты.

Судьялар кеңеши берген арыздарынан улам Ош облустук сотунун судьялары Абдрасул Шамшиев жана Назымбек Матраимов өз каалоосу менен ыйгарым укуктарын мөөнөтүнөн мурда токтотуу жөнүндө Жээнбековго сунуш киргизген.

Судьялар кеңешинин алдындагы Тартип комиссиясынан судьянын кынтыксыздыгы боюнча талаптарды бузгандыгы үчүн арыз келип түшкөн. Мунун негизинде Бишкек шаарынын Октябрь райондук сотунун судьясы Эрнис Чоткараевдин ыйгарым укуктарын мөөнөтүнөн мурда токтотуу жөнүндө президентке сунуш киргизген.

Мамлекет башчы сунуштарды карап чыгып, Ош облустук сотунун судьялары Абдрасул Шамшиев менен Назымбек Матраимовдун жана Бишкек шаарынын Октябрь райондук сотунун судьясы Эрнис Чоткараевдин ыйгарым укуктарын мөөнөтүнөн мурда токтотуу жөнүндө Жарлыкка кол койду.

Жарлыктар кол коюлган күндөн тартып күчүнө кирмекчи.

536
Белгилер:
сот, Сооронбай Жээнбеков, Бишкек, Кыргызстан
Тема боюнча
Чек ара боюнча сүйлөшүү жүргүзгөн Искандаров иштен эмнеге айдалганы айтылды