Сагынбек Абдрахмановдун архивдик сүрөтү

Сагынбек Абдрахманов КСДПнын эсептеги акчасы менен мөөрүн талап кылды

527
(жаңыланган 14:39 18.04.2019)
Ал эми маалымат жыйында өзүн юрист деп тааныштырган Жапаров "дагы көп жаңылык болорун" билдирди.

БИШКЕК, 18-апр. — Sputnik. КСДП жетекчилиги ага кантип катталганы боюнча өткөргөн маалымат жыйынында Сагынбек Абдрахманов жана анын юристи Муратбек Жапаров партиянын мурдагы ээлеринен акча каражаты жаткан эсептерди берүүсүн талап кыларын айтты.

"Юстиция министрлигинен каттоодон өтүп, юридикалык бардык кадамдарды этабы менен баарын мыйзамдуу жасадык. Абдрахманов партиянын жаңы төрагасы болду, каттаттык. Эми Алмазбек Шаршеновичтин доору бүттү. КСДПнын укуктары менен милдеттери бизде. "Медиа Форумдагы" партиянын жеке буюмдарын, бардык акчалар жаткан эсептерди берүүсүн суранам. Болбосо биз тартип коргоо органдарына кайрылууга аргасыз болобуз", — деди Жапаров.

Ал эми Абдрахманов бул боюнча Улуттук банкка кайрылып жаткандыктарын жана партиянын уставы менен мөөрү жаңыланарын айтты.

"Устав менен мөөрдү бергиле деп кайрылганыбыз менен жооп болгон жок. Биз кайра жаңы мөөр жасатып жана партиянын уставынын негизинде жаңы устав жазмакчыбыз", — деди Абдрахманов.

Ал эми Жапаров "дагы көп жаңылык болорун" билдирди.

"Азыр бизде акырындап кайра каттоо жүрүп жатат. Андыктан жаңы жаңылыктарды күтүп тургула", — деди ал.

Эскерте кетсек, Юстиция министрлиги КСДПнын жетекчилиги "Атамбаевсиз КСДП" кыймылынын башчысы Сагынбек Абдрахмановдон аталган саясий партиясынын жетекчиси катары катталгандыгын билдирген.

527
Белгилер:
КСДП фракциясы, Алмазбек Атамбаев, Кыргызстан
Тема боюнча
Карамушкина КСДПнын айланасындагы чуу боюнча: мындай бетпактыкты көргөн эмесмин