Балыкчы шаарынын мэри Алмаз Мамбетов (ортодо). Архивдик сурөт

Каттоо кызматынын башчылыгына Балыкчынын чуулуу мэри келди

333
(жаңыланган 18:18 19.04.2019)
Мамкаттоонун мурдагы жетекчиси Алина Шаикова өкмөт башчынын буйругу менен кызматтан кетирилген.

БИШКЕК, 19-апр. — Sputnik. Мамлекеттик каттоо кызматынын жаңы жетекчиси болуп Балыкчы шаарынын мэри Алмаз Мамбетов дайындалды.

Белгилей кетсек, Мамкаттоонун мурдагы жетекчиси Алина Шаикова өкмөт башчынын буйругу менен кызматтан кетирилген.

Эске салсак, Алмаз Мамбетов 2018-жылы август айынын ортосунда Facebook баракчасы аркылуу айрым жарандардын сын-пикирине орой сөздөр менен жооп берип, бул жоругу социалдык тармакта кызуу талкуу жараткан. Кийинчерээк Балыкчы шаарынын мэриясы Facebook баракчасы аркылуу Мамбетовдун социалдык баракчасын ниети каралар бузуп кирип, орунсуз сөздөрдү жазды деп актанууга аракет кылган.

333
Белгилер:
буйрук, дайындоо, Мамлекеттик каттоо кызматы, Алмаз Мамбетов
Тема боюнча
Мамкаттоонун башчысы Шаикова иштен алынды
Ысык-Көлдүн Ак-Суу районуна жаңы аким дайындалды
АКШдагы баллистикалык ракетасы Minuteman III сыноолору. Архивдик сүрөт

"Акыр заманга кадам". АКШ СНВ-3 келишиминен чыккандан кийин эмне өзгөрөт

306
Россиянын тышкы иштери министри Сергей Лавров белгилегендей, Ак үй СНВ-3түн чабуул койчу стратегиялык куралынын санын азайтуу боюнча келишимди узартпоону чечкендей.

Бул эки өзөктүк державанын аскердик күчүн ооздуктап турган акыркы документ. Эл аралык коопсуздук системасынын бүлүнүшү жалпы дүйнөгө кандай зыян тийгизерин РИА Новости талдап көрдү. 

Кытайды кошуу

Журналисттердин суроолоруна жооп берип жатып ТИМ башчысы Сергей Лавров СНВ-3түн узартылбай калышынан улам ызы-чуу түшүүгө негиз жок экенин белгиледи. Анын айтымында, Россия өз коопсуздугун аталган документсиз эле коргоп алат. Ошентсе да бул макулдашуу өтө маанилүү болчу. СНВ-3 Россия менен АКШнын президенттери Дмитрий Медведев жана Барак Обама тарабынан 2010-жылдын 8-апрелинде түзүлгөн. Документ 2011-жылдын февралында күчүнө кирип, мөөнөтү 2021-жылы аяктамак.

"Посейдон" сыноодон өтүүдө: Батыш мүнөздөгөндөй "кыямат күндүн торпедасыбы"?

Макулдашууда Россия менен АКШнын арсеналындагы өзөктүк дүрмөттүн санын 1550 бирдикке, континенттер аралык баллистикалык ракеталардын, суу алдынан жүрчү кемелердин баллистикалык ракеталарынын, оор бомбардирлердин санын 700гө чейин кыскартуу каралган. СНВ-3 документине СНВ-1дин мөөнөтү бүткөндөн туура бир жыл соң кол коюлган. Алгач анын узартылышынан эч ким күмөн санабаса, Дональд Трамптын келиши менен кырдаал кескин өзгөрүп кетти.

СНВ-3түн мындан ары узартылышы үчүн америкалык лидер макулдашууга Кытайды кошуу шартын айтып отурат. КЭРдин Тышкы иштер министрлигинин куралды көзөмөлдөө боюнча департаментинин директору Фу Цун мындай талап Кытай өзөктүк арсеналын АКШнын деңгээлине жеткиргенде же Вашингтон өзүнүкүн кыскартканда гана аткарылышы мүмкүн экенин белгиледи. Пекин башка варианттарды караган да жок, анткени алардын баарында стратегиялык потенциалдагы айырмачылыктар эске алынган эмес.

Москва Вашингтон коюп жаткан дагы бир шартка макул болбой жатат. Июлдун башында АКШ президентинин куралды көзөмөлдөө боюнча атайын өкүлү Маршал Биллингсли "Буревестник" ракеталарынын жана "Посейдон" дрондорунун долбоорун "коркунучтуу" деп атап, СНВ-3түн чектөөлөрүнө дал келбегендиктен аларды жабууну сунуштаган. Америкалыктар буга чейин деле Россия чыгарган жаңы куралдарды чектөөнү айтып келген.

"Армата" экспортко чыгат: россиялык жаңы Т-14 танкын биринчи ким алат?

"Мунун баары АКШнын дүйнөлүк лидерликти сактап калууга өзөктүк шантаждан башка рычагы калбай баратканын айгинелейт. Экономикалык жактан айрым тармактар боюнча Кытайдан, аскердик технология боюнча Россиядан артта калууда. Ушундан улам жаңы ачылыштарды жасоодон баш тарттырышмакчы. Биз бул капкандан кыйгап өтүшүбүз керек", — деди аскер илимдеринин доктору Константин Сивков.

Солк этпеген позиция

Сергей Лавров Россия АКШдан макулдашуунун мөөнөтүн узартууну суранбай турганын айтты. Министр америкалыктар менен СНВ-3түн алкагында россиялык өндүрүштөн чыккан эки жаңы стратегиялык системанын санын азайтуу маселеси талкууланганын белгиледи. Мында кеп "Авангард" деп аталган гиперүндүү аскердик блоктор жана "Сармат" аталышындагы континеттер аралык баллистикалык ракеталар тууралуу жүрүүдө.

Россиялык "Циркон" Дүйнөлүк океандагы нукту өзгөртөт. Ага каршы курал жок

"Ал эми калган үч система (Буревестник, "Посейдон", "Циркон") СНВ-3түн бир да категориясына кирбейт. Бирок биз макулдашууда каралбаган куралды да талкуулоого даярбыз", — деди Лавров.

АКШ буга жооп кылып, сүйлөшүүгө шыр эле макул боло калбаса керек. Вашингтон "Же силер биздин айтканыбыз менен болосуңар, же биз макулдашуудан чыгабыз" деген талабын канчадан бери айтууда. Бирок Россиянын да, Кытайдын да улуттук кызыкчылыктан кечип Американын мындай шартына көнчү түрү жок. Адистердин айтымында, СНВ-3тү узартуу дээрлик мүмкүн болбой калды. Бул эл аралык коопсуздук системасы түп тамырынан бери өзгөрөт деген сөз.

Сандан сапатка карай

"Арсенал Отечества" журналынын редактору Виктор Мураховскийдин айтымында, аскердик тармакта эл аралык коопсуздук системасы дээрлик жок экенин моюнга алуу керек.

"Система СССР менен АКШнын, кийин Россия менен АКШнын макулдашуусунун негизинде кармалып турган. Бул ПРО, РСДМ, өзөктүк сыноого таюу боюнча документтер эле. Аларды америкалыктар ратификациялаган эмес. Европадагы коопсуздук жана кызматташуу боюнча макулдашуу да АКШнын аракети менен жок болду. Кансыз согуштун курч кырдаалдарында кылдаттык менен негизделип түзүлгөн система Вашингтондун демилгеси менен кыйрады", — деди адис.

Эксперт азырынча иштеп жаткан СНВ-3төн тышкары Ракета технологияларын көзөмөлдөө режими боюнча макулдашуу гана калганын белгиледи. Бирок бул документти да америкалыктар өзүнө карап ыңгайлаштырып алууга аракет кылып жатат. Июнда "Рейтер" агенттиги аскердик өнөр жай комплексиндеги жана өлкө жетекчилигиндеги маалымат булагына таянып, Ак үй келишимдин жоболорун карап чыгууга даярданып жатканын жазган. Бул пилотсуз учуучу учактарын башка мамлекеттерге сатуу үчүн жасалмакчы. Мындай кадам бөлөк мамлекеттерге жагары күмөн.

Дүйнөдө Т-15 "Арматанын" теңдеши жокпу? Cууга чөкпөс, отко күйбөс курал

"Баарын кайра башынан түзүп, курап чыгууга туура келет. Бул маселени талкуулоо үчүн биздин президент БУУнун Коопсуздук кеңешинин беш туруктуу мүчөсүнүн жолугушуусун демилгеледи. Балким, чектөө болбосо да өзөктүк куралды көзөмөлдөө тууралуу бир пикирге келишээр. Бирок Вашингтондун саясаты менен позициясы бул ойдон да баш тартууга мажбурлап жатат", — деди Мураховский.

Эксперт эми Россия менен АКШ куралынын саны боюнча эмес, ушул тармакта мыктылыгын көрсөтүү үчүн катуу кармашат деп эсептейт.

306
Белгилер:
көзөмөл, өзөктүк курал, келишим, макулдашуу, Кытай, АКШ, Россия, курал
Тема боюнча
Антиторпеда: россиялык фрегаттардын өзгөчөлүгү
Евробиримдиктин желеги. Архивдик сүрөт

Вашингтон Европаны чындап жазалоого белсенди

242
(жаңыланган 22:32 13.07.2020)
Саясий баяндамачы Иван Данилов Евробиримдик АКШнын "каарына" суверенитетке ээ болуу аракети үчүн калып жатканын айтат.

Facebook, Google жана Amazon сымал IT үлкөндөрү менен начар мамиледе болгонуна карабастан Дональд Трамп америкалык корпорацияларды европалык салыкчылардан коргоо үчүн Кошмо Штаттар менен Евробиримдиктин ортосундагы трансатлантикалык тилектештик жана ак ниеттүүлүктүн калдыктарын да курмандыкка чалууга даяр экенин көрсөттү.

Бир топ жылдан бери бышып-жетилип калган жаңжал ушул тапта миллиарддаган долларга жыга турган каржылык сокку урууларга алып келди. Евробиримдик америкалык корпорацияларды жарга такагысы бар. Алар ондогон жылдардан бери Европа биримдигинин аймагында салык төлөбөстөн иштеп келишкен. Ал эми Кошмо Штаттар минималдык фискалдык суверенитетке ээ болуу аракети үчүн Евробиримдикти жазалоого киришти.

Трамптын командасына баа бербей кое албайсың, себеби алардын кек алышы кыйла даректүү. "АКШнын европалык колонияларында" иштеген америкалык IT бизнес салык төлөөгө тийиш деген оюн ортого салууга дааган, эркиндикке карай европалык умтулуунун авторун атап, дароо каршы жооп кайтарылды. "Google, Facebook жана Amazon корпорацияларынан салык алууну" демилгелеген киши Франциянын президенти, Европаны дүйнөлүк күч уюлу катары калыптандыруу жөнүндө кеп кылгандан жадабаган Эммануэль Макрон болуп чыкты. Ак үйдүн каарына калган компаниялардын тизмеси Елисей ордосун болушунча чайпалткыдай түрдө түзүлгөн.

АКШ Сирияны колдоого алган Россия менен Кытайды жазаламай болду. Видео

Американын каржылык CNBC телеканалы: "Франциялык үлкөн компаниялардын акциялары бул категориядагы айрым товарларга АКШда жогорку тариф бекитилери боюнча жарыяланары менен арзандап кеткен. Келерки жылдын январь айынын аягынан тарта күчүнө кире турган жаңы тарифтерге ылайык, АКШнын Соода өкүлчүлүгү (Тышкы соода мамилелери боюнча федералдык агенттиги – ред. тактоосу) Франциядан мындай товарлардын импортунан 100 пайызга чейинки төлөм жыйнай алат. Болжонгон сумма (жаңы тарифтерге камтылчу импортко таандык — ред. тактоосу) 2,4 миллиард долларды түзөт. Франциялык акциялардын арзандашы Louis Vuitton, Hennessy, Hermes, Christian Dior, Gucci, Yves Saint Laurent жана Balenciaga ээлик кылган ири компанияларын солгундатат", — деп билдирет.

"Жүз пайыз — бул өтө көп. Бул тариф эмес. Жүз пайыз дегени – бул айып пул", — деген пикирин билдирген Chanel үйүнүн президенти Бруно Павловский америкалык The Wall Street Journal басылмасына. Америкалык аткаминерлердин бул окуяларга карата өз версиялары бар экенин белгилей кетели. Алар чындап келсе булардын баарына Евробиримдиктин аймагындагы дал америкалык компанияларды жок кылгысы келген Макрон күнөөлүү дегенден артка кайтышпайт. Мындай айыптоо мекенчил маанайдагы америкалык маалымат каражаттарынын да шектенүүсүн жаратууда.

Борбор Азия жана Кавказга биолаборатория курууда АКШнын көздөгөнү эмне?

"Кошмо Штаттар француз салыгынын түзүлүшү Facebook, Google жана Amazon өңдүү америкалык интернет ишканаларына багытталган деп эсептейт. Анткен менен бөлөк өлкөлөр да өз рынокторунда миллиарддаган доллар киреше тапкан фирмалардан салык алуунун жолун табууга улам ашыгып келишет", — деп маалымдайт Politico басылмасы.

Трамп тараптан өч алуу инструментин тандоо, балким, "франциялык люкс" инвесторлор ишенимдүүлүктүн аралчасы жана "мээлүүн жай" деп саналгандыгына байланыштуу болушу мүмкүн. Алар өтө бардар керектөөчүлөр менен гана иш алып барган франциялык компаниялар коронавирус эпидемиясынын, соода согуштарынын таасиринен мыкты корголгон деп боолголоп келишкен.

Эпидемия менен күрөшүүгө сүңгүгөн Франция терең экономикалык туңгуюктан улам люкс классындагы компаниялар жарык нуру жана үмүттүн шооласы, ошондой эле салттуу өнөр жай тармагында Германия же Кытай менен атаандаша албаса да, эл аралык аренада кандайдыр атаандаштык артыкчылыгынын символу катары каралып келген.

Россияны дүйнөгө жаман көрсөткүсү келгендер "кой терисин" жамынганбы?..

Бул символду тебелеп-тепсөө, иш жүзүндө аталган компаниялардын америкалык рынокко киришине бөгөт коюу – эгер франциялык президенттин администрациясын коркутуп коюуга, жалпы европалык салык саясатына таасир этүүгө багытталган болсо, жакшы амал.

Француздар чечиминен кайтпай, америкалык компанияларга салык киргизиши (куру дегенде эле улуттук деңгээлде) мүмкүн, бирок немис аткаминерлери мындай түрдөгү жалпы европалык салыкты киргизүүнү колдору күмөн. Алардын, маселен, немис автомобилдерине 100 пайыздык тариф алууга тобокелге барышы арсар.

Экинчи жагынан, кеп мында жеке экономикалык жаңжал туурасында. Бул – көбүнесе европалык саясатчылардын өздөрүнүн макамы жөнүндөгү талаш сымал. Иш жүзүндө тигил же бул аймакка таандык экенин көрсөтүп турган аныктоочу фактор – жергиликтүү бизнесмендердин кимге салык төлөрү жөнүндөгү маселе.

АКШнын Кытайга карата кытмыр планы: пандемиядан улам ачылган көшөгөлөр

Кимдин мындай салыкты киргизип, жыйноого акылуу болсо, ошол белгилүү аймактагы бийлик ээси болуп саналат эмеспи. Тарыхта кай бир чет өлкөлүк көпөстөр же ишкерлер белгилүү бир өлкөдө төгүмсүз жана салыксыз соода же кызмат көрсөтүү укугуна ээ болгон учурлары болгон. Бирок андай көрүнүштөр ал согуштан жеңилип же аскер күчтөрүн колдонуу коркунучу менен кандайдыр көз карандылык шарттарына кол койгон учурларда гана орун алган. Америкалык компаниялар шарттуу Франциянын онлайн жарнама жана интернет соода рыногунда үстөмдүк кылган оюнчуга айланып, француз ишканаларынан миллиарддаган евро таап (аны менен бирге каалаган француз бизнесин кеминде эле аларды интернетте натыйжалуу жарнамалап же өз товарын сатуу мүмкүнчүлүгүнөн арылтып коюу менен эле "кыйратып кое алгыдай" күчкө ээ), бирок франциялык бюджет бул жагдайда бир да тыйын ала албаганы – Франция мында толук экономикалык суверенитетке ээ эмес экенин туюндурат. Үч пайыздык жупуну салыкты киргизүү чечимин бюджетти толуктоо каалоосу гана эмес, экономикалык көз карандылыгын калыптандыруу аракети десек болот.

Францияны жазалоо боюнча Трамптын администрациясынын аракеттерин АКШнын Республикалык да, Демократиялык партияларынын өкүлдөрү да колдоп чыкты.

Мурдагы коркутууларга Франция бийлиги, ал түгүл Германиянын өкүлдөрү артка кетенчиктебестен, көз карандысыз экономикалык саясатты киргизүү укугун коргоого даяр экенин көрсөтүшкөн.

"Баррели миң доллардан": америкалык план мунай рыногун "муңайтышы" ыктымал

Эгер кырдаал дале бул сценарий менен улана берсе, анда АКШдагы күзгү шайлоодо кимдин утканына карабай, Вашингтон — Париж жана Вашингтон — Берлин мамилеси бузулгандан бузула берчүдөй.

Эгер жакынкы келечекте Chanel атырын же Hermes сумкасын америкалык керектөөчү аткезчиликтин арты менен гана сатып ала алса, анда европалыктар америкалык социалдык медиа булактарына альтернатива издөөгө аргасыз болуп калышы ажеп эмес. Экономикалык деглобализациянын тамырлары турукташып калган эл аралык байланыш "асфальтын" жарып чыгып жаткандай.

Ааламдашкан экономиканын азыркы тутумуна ичи чыкпаган өлкөлөр үчүн бул – өткөндүн каталарын оңдоп, деглобализацияланган келечекте ыңгайлуу ордун камсыз кылууга соңку жана урунттуу мүмкүнчүлүгү.

242
Белгилер:
салык, саясат, экономика, Евробиримдик, IT компаниялары, АКШ
Тема боюнча
Атаандаштыкка чыдабай... Европа менен Азия АКШнын суюлтулган газынан баш тартууда
Кызматкерлер таштандыны алып кетип жатышат. Архив

Күндүзгү стационар жана "Гансиден" чыккан таштанды кайда ыргытылат? ӨКМдин жообу

0
(жаңыланган 00:43 15.07.2020)
Социалдык тармак колдонуучулары стационарлардан, анын ичинде "Ганси" авиабазасынан чыккан медициналык таштандылар кайда ыргытыларына кызыгышкан.

БИШКЕК, 15-июл. — Sputnik. Бишкектеги күндүзгү стационар жана "Семетей" обсервациясынан (мурдагы "Ганси" авиабазасы) чыккан медициналык таштандыны жеке менчик компаниялардын бири чогултуп, ташып кетип жок кылат. Бул тууралуу ӨКМ маалымат кызматы кабарлады.

Буга чейин социалдык тармактын колдонуучулары стационарлардан, анын ичинде "Ганси" авиабазасынан чыккан медициналык таштанды кайда ыргытыларына кызыгышкан.

"Мындай иш-чаралар Республикалык штабдын тапшырмасы, Жугуштуу ооруларды алдын алуу департаменти, Санитардык жана эпидемиологиялык көзөмөл борборунун сунушу менен жүргүзүлүп жатат. "Семетей" обсервациясындагы медициналык таштандыларды чогултуу, алып кетүү жана кайра иштетүүдө санитардык-эпидемиологиялык талаптар аткарылууда", — деп айтылат маалыматта.

ӨКМ элди такталбаган маалыматты тараптоого чакырды.

0
Белгилер:
тазалоо, таштанды, ӨКМ, Кыргызстан
Тема боюнча
Бишкекте түнкү стационарлар бейтаптарды кабыл ала баштады. Сүрөт