Президент Сооронбай Жээнбеков Россиянын Кыргызстандагы элчиси Николай Удовиченкону кабыл алуу учурунда

Сооронбай Жээнбеков Россиянын элчиси Николай Удовиченкону кабыл алды

86
(жаңыланган 17:06 08.05.2019)
Элчи Жээнбековго Россиянын президенти Владимир Путиндин Жеңиш күнү менен куттуктоо сөздөрүн айтты.

БИШКЕК, 8-май — Sputnik. Президент Сооронбай Жээнбеков Россиянын Кыргызстандагы элчиси Николай Удовиченкону кабыл алып, тараптар Улуу Жеңиш майрамын утурлай бири-бирин куттуктады. Бул тууралуу өлкө башчынын маалымат кызматы кабарлады.

"Биз сиз менен майрамдын — Улуу Ата Мекендик согуштун Жеңишинин 74 жылдыгынын алдында жолугушуп жатабыз. Биздин аталарыбыз кажыбас кайраттуулукту, өз өмүрүн курмандыкка чалууга даярдыгын жана мекенге болгон чексиз сүйүүсүн көрсөтүшкөн. Биздин элди кан майданда салгылашкан жоокерлердин эрдиги менен сыймыктануу сезими бириктирип турганын далилдеген ачык мисал — бул "Өлбөс полк" акциясы. Кыргызстанда бул акцияга жыл сайын 10 миңдеген жаран катышат", — деди президент.

Ал эми элчи Жээнбековго Россиянын президенти Владимир Путиндин Жеңиш күнү менен куттуктоо сөздөрүн айтты.

Удовиченко элчи катары аткарган жумуштарын, анын алкагында республиканын аймактарына барып жатканын айтып, эки тараптуу кызматташтыкты бекемдөө үчүн бардык аракеттерди жумшай турганын белгиледи.

Мындан ташкары, тараптар Владимир Путиндин Кыргызстанга болгон мамлекеттик сапары маалындагы макулдашуулар жана Бишкекте өтө турган ШКУнун саммити боюнча пикир алмашты.

86
Белгилер:
Россия, Кыргызстан, жолугушуу, Сооронбай Жээнбеков
Тема боюнча
Кыргызча үйрөнөм. Россиянын Кыргызстандагы жаңы элчисинин маеги
Жогорку Кеңештин имараты. Архивдик сүрөт

ЖК депутаттыгына талапкер кандай критерийлерге жооп бериши керек. Тизме

266
(жаңыланган 18:29 14.08.2020)
Шайлоого катышуу үчүн талапкерлердин тизмесин берүүгө бир аптадан азыраак убакыт калды. Канча жаштан тарта шайлоого катышса болот, мурда соттолгондор эмне кылат? Ушул жана башка суроолорго жооп издедик.

20-августта шайлоого катышууну каалаган партиялар тизмесин аныктап, кийинки төрт күндүн ичинде БШКга тапшыруусу зарыл.

Sputnik редакциясы мыйзамга көз жүгүртүп, талапкерлерге жана партияларга кандай талаптар болорун эске салды.

Парламенттик шайлоонун үгүт иштерине ырчы-чоорчулар катыша албайт. Себеби

Депутаттыкка талапкер:

  • шайлоо күнү талапкер жок дегенде 21 жашка толгон болушу керек;
  • КР жараны болушу зарыл;
  • башка өлкөнүн жараны талапкер боло албайт;
  • бир киши бир гана партиянын тизмесине киргизилет;
  • соттун чечими менен акылынан ажыраган, ойлонууга жөндөмсүз деп табылган жарандар жана кылмыш жоопкерчилигин өтөп жаткан адамдар шайлоого катыша албайт;
  • мурда соттолгон болсо, жаза мөөнөтүн өтөп бүтүшү зарыл.

Тизмеге карата талаптар:

  • талапкерлердин жалпы саны 75тен көп, 200дөн аз болушу керек;
  • бир жыныстагы талапкерлер 70 пайыздан көп болбошу керек, мында саясий партиялардан көрсөтүлгөн аял жана эркек талапкерлердин тизмесиндеги кезектешүү айырмасы үч позициядан ашпоосу зарыл;
  • 35 жаштан ашпаган талапкерлердин 15 пайыздан кем болбоосу, мында алардын ичинен кеминде 5 талапкер алгачкы 65 талапкердин тизмесине киргизилиши керек;
  • ар кандай этносторго таандык талапкерлердин 15 пайыздан кем болбоосу, мында алардын ичинен кеминде 5 талапкер алгачкы 65 талапкердин тизмесине киргизилиши шарт;
  • кеминде 2 талапкер ден соолугу жагынан мүмкүнчүлүгү чектелген адамдардан болуусу, мында булардын бири биринчи 50 талапкердин тизмесине киргизилиши керек.

Эске салсак, тизмени БШК карап чыгып, аны кабыл алууга же баш тартууга укуктуу.

Парламенттик шайлоого катышууну каалаган партиялардын кожоюндары кимдер? Тизме

Талапкерлиги коюлгандан баштап шайлоонун жыйынтыгы чыккыча жаран төмөндөгү учурларда ишмердүүлүгүн токтотуусу зарыл:

  • мамлекеттик кызматкер (ЖК депутаты же президент болбосо);
  • муниципалдык кызматкер (жергиликтүү кеңештин депутаты болбосо);
  • мамлекеттик, муниципалдык мекеменин же мамлекеттин үлүшү 30 пайыздан жогору мекеменин жетекчиси;
  • ЖМК кызматкери;
  • бир партия 65тен көп мандат ала албайт.

Жогорку Кеңешке шайлоо 4-октябрь күнү өтөт. Ага катышуу ниетин 44 партия билдирген, бирок бир нечеси эмитен эле өз ыктыяры менен баш тартууда.

266
Белгилер:
мыйзам, талапкер, парламент, шайлоо, Кыргызстан
Тема:
Шайлоо-2020
Тема боюнча
Шайлдабекова: үгүт иштеринде концерт, спорттук оюндарды өткөрүүгө тыюу салынат
Добуш сатып алууга каршы күрөш. Жээнбеков мыйзамга кол койду
Сахнадагы адам. Архив

Парламенттик шайлоонун үгүт иштерине ырчы-чоорчулар катыша албайт. Себеби

443
(жаңыланган 17:12 14.08.2020)
Бир катар талаптар КРдеги айрым мыйзамдарга өзгөртүүлөр киргизилгенден кийин кабыл алынган. Ага ылайык, талапкерлер концерт, спорттук иш-чараларды уюштура албайт.

БИШКЕК, 14-авг. — Sputnik. Күздөгү шайлоодогу үгүт иштерине ырчылар катыша албайт. Бул тууралуу БШКнын маалымат кызматынан кабарлашты.

Билдирүүгө ылайык, бир катар мыйзамдарга өзгөртүүлөр киргизилгендиктен, үгүт иштеринде концерт, спорттук иш-чараларды уюштурууга тыюу салынган.

Парламенттик шайлоого катышууну каалаган партиялардын кожоюндары кимдер? Тизме

"Шайлоо алдындагы үгүт иштери маалында коомдук иш-чараларды өткөрүүдө көчөдө, стадиондордо концерт, театралдаштырылган оюн-зоок, спорттук мелдештерди өткөрүүгө тыюу салынат. Мындай талаптар "Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө" конституциялык мыйзамындагы өзгөртүүлөрдө киргизген. Андыктан ырчылар шайлоо процессине жаран катары эле катышат, үгүт ишине катыша албайт", — деп БШКдан маалымдашты.

Добуш сатып алууга каршы күрөш. Жээнбеков мыйзамга кол койду

Борбордук шайлоо комиссиясынан талапкерлердин үгүт иштерине теледен берилүүчү акысыз убактысы узартылгандыгын кошумчалады.

Буга чейин бир катар маданият кызматкерлери депутаттыкка талапкерлердин үгүт ишине катышпай турганын билдирип чыгышкан.

Кыргызстанда парламенттик шайлоо үстүбүздөгү жылдын 4-октябрында өтүп, эл Жогорку Кеңештин VII чакырылышынын депутаттарын тандайт.

443
Белгилер:
үгүт иштери, үгүт, шайлоо, Кыргызстан
Тема:
Шайлоо-2020
Тема боюнча
Шайлдабекова: үгүт иштеринде концерт, спорттук оюндарды өткөрүүгө тыюу салынат
Шайлдабекова: шайлоо өткөрүүгө санитардык каражаттар колдоо катары келет
Бавария оюнчусу Роберт Левандовски алтынчы голду киргизүүдө

"Барселонанын" дарбазасына кирген 8 топ! 74 жылдан берки ири жеңилүү

0
(жаңыланган 11:19 15.08.2020)
Окуя "Барселонанын" тарыхында Европа кубогу үчүн мелдештериндеги эң ири эсептеги жеңилүү болуп калды.

БИШКЕК, 15-авг. — Sputnik. Испаниянын "Барселона" клубу УЕФАнын Чемпиондор лигасы мелдешинин чейрек финалында германиялык "Бавария" командасына 8:2 эсебинде утулду. Бул тууралуу РИА Новости жазды.

Мындай көрүнүш каталониялык команданын 74 жылдан бери эң ири эсепте утулган оюну болду. Акыркы ирет "Барселонанын" дарбазасына сегиз гол кирген учур 1946-жылы катталган. Анда Испаниянын кубогу үчүн мелдеште "Севилия" 8:0 эсебинде уткан.

УЕФА футболдук беттештери COVID-19 курмандыктарына аза күтүү менен башталат

"Барселона" буга чейин 1931-жылы өлкө чемпионатында "Атлетик" клубуна 12:1 эсебинде, 1940-жылы "Севилияга" 11:1 эсебинде утулган. 8:2 эсеби менен эки ирет, 1935 жана 1943-жылдары Испания кубогунда мадриддик "Реал" клубуна жеңилген.

Кечээ Лиссабондо Чемпиондор лигасында "Бавария" менен беттеши "Барселонанын" тарыхында Европа кубогу үчүн күч сынашуусундагы эң ири эсептеги жеңилүү болуп калды.

Эскерте кетсек, пандемияга байланыштуу аталган мелдеш августта жанданып, коронавирус илдети жок деген аймакта — Португалиянын Лиссабон шаарында борборлоштурулуп өтүүдө. Чейрек, жарым финалдык оюндар бир эле беттеш менен уюштурулуп жатат.

0
Белгилер:
тарых, эсеп, жеңилүү, Барселона, Чемпиондор лигасы, футбол
Тема боюнча
Кыргызстандык футболчу Гүлжигит Алыкулов УЕФАнын мелдешинде ойнойт
Түркияда ойногон кыргызстандык жаш футболчу эл аралык сыйлыкка татыды