ЖКККББ кайра өзгөрөт! Сарптала турган акчанын суммасы айтылды

© Sputnik / Нурис АлымбаевГарнизонный развод-инструктаж столичной милиции на площади Ала-Тоо
Гарнизонный развод-инструктаж столичной милиции на площади Ала-Тоо - Sputnik Кыргызстан
Жазылуу
Милициянын кайгуул кызматы 1-сентябрдан тарта иштей баштайт.

БИШКЕК, 13-май — Sputnik. Пилоттук негизде иштей турган Милициянын кайгуул кызматын каржылоого 197,2 миллион сом каралды. Бул тууралуу Жол кыймылы коопсуздугун камсыздоо башкы башкармалыгынын (ЖКККББ) жетекчисинин орун басары Нур Сатыбалдиев билдирди.

Кайгуул милиция кызматкери. Архив - Sputnik Кыргызстан
Бишкектин Кайгуул милициясына кантип жумушка орношсо болот? Талаптар
Белгилей кетсек, премьер-министр Мухаммедкалый Абылгазиевдин буйругуна ылайык, Бишкек шаарында Кайгуул милициясы түзүлөт. Бул пилоттук долбоордун 2019-2020-жылдарга карата планы бекитилген.  Долбоор ушул жылдын 1-сентябрынан тарта ишке кирет жана жаңы кызматкерлерге сынак дагы жарыяланган.

Буга чейин милиция кызматтары бир нече ирет өзгөргөн. Кызматтар бирде бириктирилсе, бирде өз-өзүнчө бөлүнгөн. Акыркы реформа учурунда ИИМдин Кайгуул милициясы "Жол кыймылы коопсуздугун камсыздоо башкы башкармалыгы" деп өзгөртүлгөн болчу.

Sputnik Кыргызстан агенттигинин кабарчысы маалымат жыйын учурунда жаңы кызматтын түзүлүшүнө канча каражат сарпталарын жана ар бир реформа учурунда канча акча керектелгенин сурады.

"Милициянын кайгуул кызматын түзүүгө быйыл 197 миллион 200 миң сом каралды. Бул каражатка кызматтык унаалар, формалар жаңыланып, компьютерлер алынат. Маяна бул суммага кирбейт", — деди Сатыбалдиев.

Ал белгилегендей, 2016-жылы Жол кыймылы коопсуздугун камсыздоо башкы башкармалыгын түзүүгө мамлекеттик бюджеттен бир дагы тыйын кеткен эмес.

Жаңылыктар түрмөгү
0