Кыргызстандын президенти Сооронбай Жээнбеков 14-майда Россиянын Коопсуздук кеңешинин катчысы Николай Патрушевди кабыл алды.

Жээнбеков Россиянын Коопсуздук кеңешинин катчысын кабыл алды

112
(жаңыланган 10:52 15.05.2019)
Патрушев ШКУ өлкөлөрүнүн Коопсуздук кеңешинин катчыларынын жыйынына келген.

БИШКЕК, 15-май — Sputnik. Кыргызстандын президенти Сооронбай Жээнбеков 14-майда Россиянын Коопсуздук кеңешинин катчысы Николай Патрушевди кабыл алды. Бул тууралуу өлкө башчынын маалымат кызматынан кабарлашты.

Патрушев ШКУ өлкөлөрүнүн Коопсуздук кеңешинин катчыларынын жыйынына келген. 

Президент КР Сооронбай Жээнбеков принял Секретаря Совета безопасности РФ Николая Патрушева, прибывшего в Кыргызстан
© Пресс-служба президента КР / Султан Досалиев
Кыргызстандын президенти Сооронбай Жээнбеков 14-майда Россиянын Коопсуздук кеңешинин катчысы Николай Патрушевди кабыл алды.

Жээнбеков Владимир Путиндин жакында эле Кыргызстанга болгон мамлекеттик сапары эки өлкөнүн мамилесин мурдагыдан дагы жакшыртканын белгилеп, Россиянын Кыргызстанга көрсөтүп жаткан колдоосу үчүн ыраазычылык билдирди.

Ошондой эле президент коопсуздук жаатында кызматташууну күчөтүү керектигин баса белгиледи.

"Кыргызстанды ЕАЭБге ыңгайлаштыруу максатында Россия тарап бир нече жаңы чек ара заставаларын куруп берди. Жаңы техника берилди. Куралдуу күчтөрүбүзгө тик учактар жана атайын техника белек кылынды. Мындай жардам терроризм жана экстремизмге каршы турууга жардам берип, аймактагы туруктуулукту сактоого өбөлгө түзүүдө", — деди Жээнбеков.

Ал эми Патрушев өлкө башчысын өтүп кеткен Улуу Жеңиш майрамы менен куттуктап, "Өлбөс полк" жүрүшү дүйнө элдеринин башын бириктирип жатканын белгиледи. Мындан тышкары, ал Кыргызстан Россияны эл аралык уюмдарда колдоп жаткандыгы үчүн ыраазычылыгын айтты.

112
Белгилер:
жолугушуу, Сооронбай Жээнбеков
Тема:
Бишкектеги ШКУнун саммити – 2019 (61)
Тема боюнча
Паспорт чыры: Жээнбеков УКМК төрагасы Кадыркуловду жумуштан бошотту
Шайлоочу. Архив

Боронов: шайлоого даярдык боюнча Республикалык штаб түзүлдү

41
(жаңыланган 15:41 06.08.2020)
Шайлоо участокторунда добуш берүүдө жарандардын дене табы өлчөнүп, жеке коргонуу каражаттары таркатылып, маал-маалы менен имараттар дезинфекцияланып турат.

БИШКЕК, 6-авг. — Sputnik. Алдыдагы шайлоону уюштуруу маселелерин кароо жана материалдык-техникалык жактан камсыздоо боюнча иш алып бара турган Республикалык штаб түзүлдү. Бул тууралуу премьер-министр Кубатбек Боронов парламенттик шайлоого даярдык көрүү боюнча жыйын учурунда айтты.

Штабды вице-премьер Акрам Мадумаров жетектемей болду.

"Алдыдагы шайлоо мурдагылардан коронавирус пандемиясы учурунда өткөрүлө турганы менен айырмаланат. Бул масштабдуу саясий окуя жогорку деңгээлде уюштурууну талап кылат. Шайлоо участкаларында эпидемиологиялык коопсуздуктун камсыз кылынышы биринчи шарт", — деди Боронов.

Маалыматка караганда, учурда 2464 шайлоо тилкеси бар, анын 44ү чет өлкөлөрдө. 54 аймактык шайлоо комиссиясы түзүлүп, алардын курамы бекитилди. Шайлоочулардын алдын ала тизмесине 3 миллион 428 миң 873 адам кирди.

Шайлдабекова: үгүт иштеринде концерт, спорттук оюндарды өткөрүүгө тыюу салынат

Онлайн режиминде өткөн жыйында БШК төрайымы Нуржан Шайлдабекова баяндама жасап, жалпы республика боюнча парламенттик шайлоо өткөрүүгө даярдык көрүү иштери толук кандуу жүрүп жатканын белгиледи.

Анын айтымында, шайлоо участокторунда добуш берүүдө жарандардын дене табы өлчөнүп, жеке коргонуу каражаттары таркатылып, маал-маалы менен имараттар дезинфекцияланып турат жана тийиштүү аралыкты кармануу талап кылынат.

41
Белгилер:
комиссия, даярдык, шайлоо, Кыргызстан, Кубатбек Боронов
Тема:
Шайлоо-2020
Тема боюнча
Шайлдабекова: шайлоо өткөрүүгө санитардык каражаттар колдоо катары келет
ЕАЭБ мамлекеттеринин желектери. Архив

Пандемияда ЕАЭБ өлкөлөрү бири-бирине кантип колдоо көрсөтүп жатканы айтылды

69
(жаңыланган 15:48 04.08.2020)
Евразиялык экономикалык биримдигине Армения, Белоруссия, Казакстан, Кыргызстан жана Россия мүчөлүк кылат.

БИШКЕК, 4-авг. — Sputnik. ЕАЭБге кирген өлкөлөрдүн мигранттарынын пандемия учурундагы көйгөйлөрү мыйзамдуу түрдө чечилип, учурда мамлекеттер бири-бирине колдоо көрсөтүп жатат. Бул тууралуу Экономика министрлигинен билдиришти.

Маалыматка караганда, Евразия экономикалык комиссиясынын (ЕЭК) 2020-жылдагы кезексиз жыйындарында тараптар коронавирустун жайылышын алдын алуу үчүн ыкчам маалымат алмашуу, улуттук саламаттык сактоо мекемелеринин ишмердигин туруктуу координациялоо жана калктын санитардык-эпидемиологиялык абалын камсыздоо боюнча келишимге кол коюшкан.

"Биримдиктеги мамлекеттердин өкмөттөрүнө жардам көрсөтүү анын ичинде эгер товарлардын тартыштыгы пайда болуп калса, бири-бирине гуманитардык, даректүү коммерциялык ташууларды аткаруу маселелерин иштеп чыгуу тапшырылган", — деп айтылат билдирүүдө.

Ошондой эле азыркы тапта бул иш жолго коюлуп, зарыл товарларды ыкчам ташып келүү боюнча тиешелүү чечимдерди кабыл алууга ыйгарым укуктары бар кызматкерлер да аныкталганы кошумчаланды.

Мындан тышкары, пандемия учурунда мигранттардын жумушсуздугу жана мекенине кайтуу маселеси курч болуп келүүдө.

Россиядан Кыргызстанга каттаган учактардын санын көбөйтүү пландалууда

Бул жаатта жардам иретинде өнөктөш мамлекеттер бири-биринин жарандарына колдоо көрсөтөрү айтылды. Мисалы, миграциянын агымы күч Россия башка өлкөнүн жарандарынын өз аймагында мыйзамдуу жүрүшү боюнча убактылуу чаралар киргизилген.

Анын натыйжасында Россиянын ИИМ бөлүмдөрүнө барып, канча убакыт болуу мөөнөтүн каттабай эле 2020-жылдын 15-сентябрына чейин мигранттардын Россияда жүрүүсү автоматтык түрдө узартылды. 2020-жылдын 15-мартынан 15-сентябрына чейин Россиянын мыйзамдарын бузган ЕАЭБ өлкөлөрүнүн жарандарын депортация кылуу же административдик түрдө чыгарып жиберүү чечимдери кабыл алынбайт. Ал эми 15-мартка чейин депортациялоо же административдик түрдө чыгарып жиберүү чечимдери кийинкиге калтырылат.

69
Белгилер:
жардам, пандемия, миграция, Евразиялык экономикалык биримдик, Россия, Кыргызстан
Тема:
Дүйнөгө жайылган коронавирус
Тема боюнча
Эмнеге балдар коронавируска жакшы туруштук берет? Педиатрдын пикири
Министр Айдарбеков: Кыргызстан эли эпидемия маалында мыкты сапатын көрсөттү
Бишкек шаары. Архив

Газдаштырууну тездетели. Өкмөт Бишкектин абасын тазартуу жолдорун талкуулады

15
(жаңыланган 18:11 06.08.2020)
Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү аракети каралууда.

БИШКЕК, 6-авг. — Sputnik. Өкмөттө 2020-2023-жылдарга карата Бишкек шаарынын жана Сокулук, Аламүдүн райондорунда экологиялык абалды жакшыртуу боюнча комплекстүү чаралардын планы талкууланды. Бул туурасында өкмөттүн маалымат кызматынан кабарлашты.

Отурумда "Газпром Кыргызстан" ишканасынын Бишкек шаарынын айланасындагы калктуу конуштарды газдаштыруу ишинин жүрүшү жана Бишкек ЖЭБин оңдоодо аткарылган жумуштар талкууланды. Компанияга өлкөнү газдаштыруу боюнча иштерди ылдамдатуу мүмкүнчүлүгүн карап чыгуу сунушу киргизилди.

Онлайн режиминде өткөн жыйындын катышуучулары ошондой эле борбордун от казандарын жаратылыш газына өткөрүү маселелерин талкуулаган.

Бул биздин шаар! Ыш баскан Бишкектин сүрөтү

Жыйынды өткөргөн биринчи вице-премьер  Алмазбек Баатырбеков абага чыккан зыяндуу заттарды азайтууга багытталган милдеттерди аткаруу учурдун талабы экендигин дагы бир ирет эске салган.

Күз-кыш мезгилинин жакындап келаткандыгына байланыштуу Бишкекти жана анын айланасын каптаган түтүн маселеси көйгөйлүү экени, бул өзгөчө кышында байкалганы айтылган.

"Абанын булганышы адамдын ден соолугуна жана иммунитетине терс таасирин тийгизет. Учурдагы кырдаалды эске алуу менен, жасалчу иштердин планын кайра карап чыгуу зарыл. Бюджеттин мүмкүнчүлүгүнө жараша иш-чараларды жүзөгө ашыруунун конкреттүү мөөнөттөрүн белгилөө боюнча сунуштарын айткыла. Кыска мөөнөттүн ичинде абага чыккан зыяндуу заттарды азайтып, аны тазалоодо конкреттүү натыйжаларга жетүү үчүн бардык күч-аракетти жумшоо шарт", — деген Баатырбеков.

Түндө салют атылгандан кийин Бишкектин абасы канчалык булганганы айтылды

Отурумда тармактык мамлекеттик органдарга Бишкек ЖЭБ оңдоо ишин өз мөөнөтүндө жана толук көлөмдө бүткөрүү милдеттендирилген. Зыяндуу заттардын абага ташталуу деңгээлин жана аталган объектилердеги пайдаланылган отундун сапатын тийиштүү көзөмөлдөө боюнча бир катар тапшырмалар берилген.

15
Белгилер:
ЖЭБ, газ, экология, Аламүдүн району, Сокулук, Бишкек, Кыргызстан
Тема боюнча
Бишкек чулгаган ыштан улам көрүнбөй калды. Тоодон тартылган видео