Костюмчан кызматкерлер. Архив

Саясатчылардын, депутаттардын балдары кайда иштейт. Тизме

2937
(жаңыланган 18:35 16.05.2019)
Алардын бир тобу өтө жогорку кызматтарда турса, ал эми ата-энеси өлкөгө белгилүү болгон адамдар.

БИШКЕК, 16-май — Sputnik. Жакында эле "КТ Мобайл" ишканасынын башкы директору Эрназар Иманкадыр уулу мурдагы эмгек жана социалдык жактан өнүгүү министри (азыр "Ачык өкмөт" эл аралык уюмунун катчылыгынын жетекчиси) Иманкадыр Рысалиевдин баласы экендиги анык болду. Эске сала кетсек, ал Кыргызстандын учурдагы премьер-министри Мухаммедкалый Абылгазиевдин бажасы экендиги да маалымдалды.

Өкмөт маалымат таратып, Абылгазиев бажасынын баласы Эрназар бул кызматта экенин билбестигин кабарлаган. Жана аны иштен алуу зарылдыгын айткандыгы кошумчаланган. Ал эми 16-майда Эрназар Иманкадыр уулу кызматынан бошонуу жөнүндө арызын берген.

Бул саясатчылар менен аткаминерлердин, депутаттардын балдары кирешелүү, жогорку кызматты ээлеген биринчи эле окуя эмес. Бул туурасында Sputnik Кыргызстан маалымат агенттиги топтом жасады.

Исхак Масалиев

Депутат Жогорку Кенеша VI созыва Исхак Масалиев от фракции Кыргызстан на заседании
© Sputnik / Табылды Кадырбеков
Жогорку Кеңештин депутаты Исхак Масалиев

Кыргызстан коммунисттер партиясынын жетекчиси, айтылуу Абсамат Масалиевдин уулу Исхак Масалиев атасы негиздеген партияны жетектеп калган. Учурда Жогорку Кеңештеги "Өнүгүү-Прогресс" фракциясынын депутаты. Төрага болууга кылган эки ирет аракети майнапсыз болгон.

Бакыт жана Аскарали Төрөбаевдер

Глава фракции Онугуу — Прогресс Бакыт Торобаев во время беседы на радио Sputnik Кыргызстан
© Sputnik / Табылды Кадырбеков
"Өнүгүү — Прогресс" фракциясынан депутат Бакыт Төрөбаев

"Өнүгүү-Прогресс" фракциясынын башчысы Бакыт Төрөбаев былтыр, 2018-жылы, президенттик шайлоого катышарын айтып талапкерлигин коюп, бирок кайра алган. Эки жыл өзгөчө кырдаалдар министри болгон. Ал Жогорку Кеңештин төрт чакырылышынын депутаты жана "Жалал-Абад электро" ишканасынын бир кездеги жетекчиси, энергетик Эргеш Төрөбаевдин уулу. Ал атасынын шайлоо компанияларына катышкан. Алгач жардамчы катары жүрсө, 2004-жылы шайлоо штабын жетектеген.

Бакыт Төрөбаевдин агасы Аскарали Экономикалык кылмыштуулукка каршы күрөшүү боюнча мамлекеттик кызматтын төрагасынын орун басары болгон. Андан сырткары, Мамлекеттик каттоо кызматынын жетекчилигине барам деген аракети жыйынтык берген эмес.

Бактыбек Сыдыков

Депутат ЖК VI созыва Бактыбек Сыдыков от фракции Республика — Ата-Журт. Архивное фото
© Sputnik / Табылды Кадырбеков
Депутат Бактыбек Сыдыков

Бир кездеги кадырлуу саясатчылардын катарын Үсөн Сыдыков дагы толуктаган. Ал Бакиевдин президенттик аппаратын жетектеген. Азыр уулу Бакытбек Сыдыков Жогорку Кеңештеги "Республика — Ата-Журт" фракциясынын депутаты. Буга чейин "Манас" аэропортун башкарган.

Айсулуу Мамашова

Депутат Жогорку Кенеша от 6 созыва Айсулуу Мамашова от фракции Кыргызстан во время беседы на радио Sputnik Кыргызстан
© Sputnik / Эркин Садыков
Жогорку Кеңештин депутаты Айсулуу Мамашова

Жоюлуп кеткен Туризм агенттигинин экс-директору Турусбек Мамашовдун кызы Айсулуу Мамашова жаштыгына карабай эл оозуна эң көп алынган депутаттардын бири. 2015-жылы парламенттин VI чакырылышына "Ата Мекен" фракциясы менен депутат болуп келген.

Марлен Маматалиев

Депутат Жогорку Кенеша Марлен Маматалиев во время интервью на радиостудии Sputnik Кыргызстан
© Sputnik / Эркин Садыков
Жогорку Кеңештин депутаты Марлен Маматалиев

"Республика – Ата-Журт" партиясынан Жогорку Кеңешке ушул жылдын март айында депутат болуп келген. Марлен Маматалиев мурдагы вице-премьер Абдрахман Маматалиевдин уулу. Депутаттыка чейин ал бир катар министрлердин кеңешчиси жана жардамчысы болуп иштеп, бир нече жеке ишкананы башкарган. Уулу 2012-жылы өкмөттүн аппаратында иштеген.

Элвира Сурабалдиева

Депутат от фракции СДПК Эльвира Сурабалдиева на первом заседании 6 созыва ЖК. Архивное фото
© Sputnik / Табылды Кадырбеков
Жогорку Кеңештин депутаты Элвира Сурабалдиева

Ишкер, Жогорку Кеңештин депутаты, 2005-жылы киши колдуу болуп көз жумган Жыргалбек Сурабалдиевдин кызы Элвира Сурабалдиева 26 жашында атасынан калган "Кудайберген" базарын башкара баштаган. Учурда Элвира айым парламенттин депутаты.

Жумабек Салымбеков

Архивное фото генерального директора рынка Дордой Жумабека Салымбекова
© Фото / Азамат Ражапов
Бишкек шаардык кеңештин депутаты Жумабек Салымбеков

Жогорку Кеңештин V чакырылышынын депутаты Мамытбай Салымбековдун уулу Жумабек — КСПД фракциясынан Бишкек шаардык кеңешинин депутаты. Оокаттуу Салымбековдор кланынын өкүлү. Ошондой эле ал "Дордой Базарынын" генералдык директору.

Атабек Абжалиев

Эксперт в отделе международного сотрудничества аппарата правительства КР Атабек Абжалиев
© Фото / Studio EK
Өкмөт аппаратынын эл аралык кызматташуу бөлүмүнүн эксперти Атабек Абжалиев

Парламент депутаты Алиярбек Абжалиевдин уулу Атабек мурда Тышкы иштер министрлигинде эмгектенген. Ушул тапта өкмөттүн эл аралык мамилелер бөлүмүндө иштейт. Баса, Атабек Абжалиев өлкө башчысы Сооронбай Жээнбековдун жалгыз кызы Бактыгүлгө үйлөнгөн.

Кубат Жантөрө уулу

Учурда коррупция беренеси боюнча шектелүүчү катары абакта жаткан экс-премьер-министр Жантөрө Сатыбалдиевдин уулу Кубат Жантөрө уулу өкмөт аппаратынын коррупцияга каршы саясат секторунун адиси.

Мария Исанова

Кыргызстандын биринчи премьер-министри Насирдин Исановдун кызы Жогорку Кеңештин Социалдык маселелер, билим берүү, илим, маданият жана саламаттык сактоо боюнча комитетинин бөлүм башчысы. 2008-2010-жылдары ЖКнын депутаты болгон.

Аалы Карашев

Депутат ЖК Аалы Карашев на экономическом форуме Евразийская экономическая перспектива
© Sputnik / Табылды Кадырбеков
ЖК депутаты Аалы Карашев

Атасы Азим Карашев Кыргыз ССРи учурунда бир катар райондорду башкарып, жооптуу бир топ партиялык постторду ээлеп турган. Уулу Аалы Карашев эки ирет биринчи вице-премьер, бир ирет вице-премьер жана президенттин аппаратынын жетекчисинин орун басары болгон. Андан сырткары, Ош облусу менен Кадрлар боюнча мамлекеттик кызматты жетектеген. Учурда Жогорку Кеңештин депутаты.

Венера Карашева

Азим Карашевдин кызы, Аалы Карашевдин карындашы. Бир нече жыл ЖКнын аппаратында эмгектенген. Учурда жалпы бөлүмдүн жетекчисинин орун басары.

Элеонора Исакова

Жогорку Кеңештин мамлекеттик башкаруу жана кадрдык иштер бөлүмүнүн башчысы Элеонора Исакова мурдагы коргоо министри, парламент депутаты Исмаил Исаковдун кызы.

Акылбек Жамангулов

Новый директор ЗАО Альфа Телеком Акылбек Жамангулов
© Sputnik / Табылды Кадырбеков
"Альфа Телеком" ЖАКтын директору Акылбек Жамангулов

Анын атасы Жекшен Жамангулов Алкоголь продукциялары менен спиртти өндүрүү, сактоо жана сатуу боюнча мамлекеттик агенттиктин директору. Уулу – Акылбек 2015-жылы Жогорку Кеңештин депутаттыгына шайланган. Ал эми дал отузга чыккан күнү "Альфа Телеком" (MegaCom соода маркасы) ишканасынын жетекчилигине дайындалган.

Бекназар Жекшенкулов

Бул жигит дипломат, саясатчы, учурда Кыргызстандын Россиядагы элчиси Аликбек Жекшенкуловдун уулу. Учурда президенттин аппаратынын тышкы саясат боюнча бөлүмүнүн эксперти.

Элгиза Раева

Мурдагы маданият министри, өлкө президентинин кеңешчиси Султан Раевдин улуу кызы Элгиза Раева өкмөт аппаратынын адиси.

Амина Рысалиева

Ички иштер министрлигинин мурдагы жетекчиси, учурда Жогорку Кеңештин депутаты Зарылбек Рысалиевдин кызы. Азыр Кыргызстан өкмөтүнүн ЕАЭБдеги атайын өкүлчүлүгүнүн катчылыгында эксперт болуп иштейт.

Максат Сатаев

Эсеп палатасынын аудитору Зарылбек Сатаевдин уулу Максат Сатаев өкмөттүн аппаратында Курулуш, транспорт жана коммуникация боюнча бөлүмдүн эксперти болуп иштейт.

Айжан Садыркулова

Аудитор Счетной палаты КР Айжан Садыркулова
Эсеп палатасынын аудитору Айжан Садыркулова

Белгилүү саясатчынын кызы, президенттик администрациянын мурдагы башчысы, 2009-жылы өлтүрүлгөн Медет Садыркуловдун кызы. Учурда Эсеп палатасынын аудитору.

Канат Керимкулов

Заведующий сектором мониторинга программы Правительства КР отдела экономики и инвестиций Аппарата правительства КР Канат Керимкулов
© Пресс-служба правительства КР
Өкмөт аппаратынын Экономика жана инвестиция бөлүмүнүн Өкмөт праграммасын мониторигдөө секторунун жетекчиси Канат Керимкулов

Өкмөт аппаратынын Экономика жана инвестиция бөлүмүнүн мониторинг секторунун башчысы Канат Керимкулов ЖКнын мурдагы депутаты, Дене тарбия жана спорт агенттигинин экс-директору Айдарбек Керимкуловдун баласы.

Бакыт Каниметов

Мурдагы депутат, Билим бирүү министринин экс-орун басары Жангороз Каниметовдун уулу Бакыт өкмөт аппаратынын Өнөр жай, отун-энергетика комплекси жана жер казынасын пайдалануу бөлүмүнүн адиси.

Расул Төлөнов

Заведующий сектором протокола Расул Толонов
© Пресс-служба правительства КР
Протокол секторунун башчысы Расул Төлөнов

Экс-парламентарий Арапбай Төлөновдун уулу Расул министрлер кабинетинин эл аралык кызматташуу бөлүмүнүн протокол секторун жетектейт.

Медер Өтөбаев

Заместитель заведующего отделом международного сотрудничества Медер Утебаев
© Пресс-служба правительства КР
Өкмөт аппаратынын эл аралык кызматташуу бөлүмүнүн башчысынын орун басары Медер Өтөбаев

Атасы - белгилүү композитор, Кыргыз эл артисти жана бир кездеги президенттик аппараттын кызматкери Шамшыбек Өтөбаев. Уулу Медер учурда өкмөт аппаратынын Эл аралык кызматташтык бөлүмүнүн жетекчисинин орун басары.

Данияр Мукашев

Посол Кыргызстана в Швейцарии, постоянный представитель при ООН и других международных организациях в Женеве Данияр Мукашев
© Фото / пресс-служба МИД КР
Кыргызстандын Швейцариядагы элчиси Данияр Мукашев

Айтылуу банкир жана экс-депутат Муратбек Мукашевдин уулу Данияр Кыргызстандын Швейцариядагы элчиси жана БУУ менен Женева шаарындагы башка эл аралык уюмдардагы туруктуу өкүлү болуп эмгектенип келе жатат.

Улукбек жана Бакытбек Мариповдор

  • Председатель Счетной палаты Кыргызстана Улукбек Марипов у президента
    Эсеп палатасынын төрагасы Улукбек Марипов
    © Пресс-служба президента КР / Султан Досалиев
  • Айыл окмоту села Кыргыз-Ата Ноокатского района Бакытбек Марипов
    Ош облусунун Ноокат районундагы Кыргыз-Ата айыл аймагынын башчысы Бакытбек Марипов
    © Фото / Зульфия Тургунова
1 / 2
© Пресс-служба президента КР / Султан Досалиев
Эсеп палатасынын төрагасы Улукбек Марипов

Парламенттин эки жолку депутаты, азыр Ноокат аймактык ооруканасынын директору Асамидин Мариповдун эки уулу мамлекеттик кызматта. Биринчиси — Улукбек Марипов Эсеп палатасынын төрагасы. Алмазбек Атамбаев президент кезде ага жардамчы болгон. Кичүүсү — Бакытбек Ноокат районунун Кыргыз-Ата айыл өкмөтүн башкарат.

Sputnik Кыргызстан бул теманы кийин да улантып, эл башындагылардын мамлекеттик кызматтагы уул-кыздарынын тизмесин берип турмакчы.

2937
Белгилер:
кызмат, министр, депутат, Кыргызстан
Тема боюнча
Сариев менен Конушбаев, Бекешев менен Аманкулов. Саясаттагы достор
Кыз алышып-беришкен саясатчы кудалар. Депутаттардан президенттерге чейин
Биолаборатория. Архив

Борбор Азия жана Кавказга биолаборатория курууда АКШнын көздөгөнү эмне?

69
(жаңыланган 16:08 31.05.2020)
Совет маалында Армян ССРиндеги Микробиология институту микробиологиялык ири борбор деп эсептелген. Токсонунчу жылдары аталган институттун илимий иштерине АКШ жана Улуу Британия да кызыгар эле.

БИШКЕК, 31-май — Sputnik. Казакстан, Армения жана Тажикстанда америкалыктар биологиялык лабораториялар түйүнүн ачкан. Айрыкча Грузиядагы Лугара атындагы лабораториялык борбордун ишмердиги россиялык бийликти түпөйүлгө салат. Булардын Вашингтонго зарылдыгы канчалык экенине биздин өнөктөш агенттик РИА Новости сереп салган.

"Кошмо Штаттар дүйнө жүзү боюнча, анын ичинде бизди курчаган аймактарда да аскердик-биологиялык ишмердик жүргүзүүдө", — деп билдирген Сергей Лавров ЖККУнун тышкы иштер министрлеринин жолугушуусунда. Москва эбактан бери эле коңшу мамлекеттердеги биологиялык коопсуздукка кабатыр болуп келет.

Атайын жасалган иш беле?

Казакстанда коронавирус марттын башында каттала баштаган. Өлкө бийлиги дароо чек араларды жаап, өзгөчө абал киргизген. Интернетте вирус 2016-жылы америкалыктар тарабынан ачылган республиканын түштүгүндөгү биолаборатория менен байланыштуу экени тууралуу күбүр-шыбыр кеп тараган.

Алматыдагы Борбордук реферанс-лаборатория (БРЛ) Казакстанга мүнөздүү вирус штаммдарын изилдөөгө адистешкен. Казакстандын карантиндик жана зооноздук (жаныбарлардан адамга жугуучу) инфекциялар илимий борборунун базасында иштейт, республиканын Саламаттыкты сактоо министрлигине баш иет. Пентагондун эсебинен курулса да Казакстандын менчиги болуп саналат. Бул объектиге АКШ 108 миллион доллар бөлүп берген.

Вашингтон аймакта америкалык аскер кызматкери бар экенин, изилдөөлөр белгисиз вирустук инфекциялардан коргонууга көмөк болорун түшүндүргөн. ЖККУ, КМШ жана ШКУ саммиттеринде Москванын өкүлдөрү америкалыктар бул лабораторияларды россиялык кызыкчылыктарга каршы колдонушу мүмкүн деген кооптонууларын билдирип келет. Бирок Казакстандын бийлиги жергиликтүү биологдордун ишине эч ким кийлигише албастыгына ынандырган.

"Четөлкөлүк окумуштуулардын катышуусунда биргелешкен изилдөө жана гранттар боюнча долбоорлор ишке ашырылчу учурларда гана уруксат берилет", — деп түшүндүрүшкөн БРЛ өкүлдөрү.
© Sputnik / Максим Блинов
Россиянын тышкы иштер министри Сергей Лавров 2017-жылдын 17-июлунда Минксиде өткөн ЖККУнун тышкы иштер министрлер кеңешинин жыйынынан соң

2018-жылы Казакстанда менингит менен ооругандардын саны көбөйгөнү байкалган, андан улам Алматыда аталган лабораториядан менингококк инфекциясынын штаммы чыгарылган деген сөз чыккан. Журналисттер жана блогерлер ошол убакта америкалыктар вирусту атайын таратканын, мындай жол менен алар лабораторияда иштелип чыгып жаткан биологиялык куралдын натыйжалуулугун текшерип көрүшкөнүн олуттуу түрдө эле жазышкан.

Казакстандын Саламаттык сактоо министрлиги эч кандай эпидемия болбой турганына ишендирген. "Казакстанда менингит 58 кишиде аныкталган, алардын 32си Алматы калаасында катталган. Эгер Дүйнөлүк саламаттыкты сактоо уюмунун ченемдери боюнча эсептеп көрсөк, орточо көрсөткүч төмөн", — деп билдиришкен мекемедегилер. Коронавируска окшош жагдай. Бийлик конспирологияны төгүндөп, дүрбөлөңгө түшпөөгө үндөгөн.

© Sputnik / Тимур Батыршин
Автоинспекциянын кызматкерлери Алматынын көчөлөрүнүн биринде нөөмөттө

Жабык тартип

Совет маалында Армян ССРиндеги Микробиология институту микробиологиялык ири борбор деп эсептелген. Токсонунчу жылдары аталган институттун илимий иштерине АКШ жана Улуу Британия да кызыгар эле. Армениялык адистерди батыш өлкөлөрүнө практикадан өтүүгө чакырышкан. 2000-жылдары америкалыктар өлкөдө бир нече биолаборатория ачууга жардамдашкан. Акчаны да Казакстандагыдай эле Пентагон бөлгөн. Армениядагы Илдеттерди көзөмөлгө алуу жана алдын алуу боюнча улуттук борборду заманбапташтырууга эле он миллион доллар сарпташкан.

Ереван, Гюрми, Ванадзор, Мартун жана Ижеванда курулган илимий борборлор Кавказ аймагына мүнөздүү болгон вирус жана штаммдарды изилдешет. Лабораториялар Армениянын саламаттыкты сактоо тутумуна кирет, бирок АКШнын Коргоо министрлигинин алдындагы Кооптуулуктарды азайтуу агенттиги кийлигише алат. Жергиликтүү адистерден тышкары, ал жакта америкалыктар иштейт.

Армениядагы биолабораториялардын жабык тартипте иштешине Москва сын көз карашта. Шектенүүлөрдү жоюу үчүн былтыр күздө премьер-министр Никол Пашинян россиялык адистер менен Кызматташуу боюнча меморандумга кол коюуга макул болгон. Ийне-жибине чейин макулдашышкан соң армян тарап бул документтен баш тарткан.

© Sputnik / Денис Асланов
Грузиядагы Ричард Лугар атындагы лабораториянын каалгасындагы жазуу

Кооптуу эпидемиология

2010-жылы америкалык биологдор ЖККУнун дагы бир мүчөсү – Тажикстанга кызыга баштаган. Инфекциялык илдеттердин күч алышына алып келчүдөй жагымсыз эпидемиологиялык жагдай аларды чочулаткан экен. Бир нече батыш фонду изилдөө борборлорун ачууга каражат бөлгөн. Ошентип, 2013-жылы Душанбедеги

Гастроэнтерологиялык институттун базасында биологиялык коопсуздук лабораториясы ачылган. Долбоорду франциялык Мерьё кайрымдуулук фонду каржылаган. Ал ушундай эле объектилерди Кытай, Мьянма, Бангладеш жана Африканын бир катар өлкөлөрүндө курган.

Француздарга адаттагыдай эле Бириккен улуттар уюму жана АКШнын USAID эл аралык өнүгүү боюнча агенттиги көмөкчү болгон. Инвестициялар үч миллион доллардан ашкан.

2019-жылы Кургак учукка каршы күрөшүү боюнча республикалык борбордун алдында лаборатория ачышкан. USAID менен Пентагон демөөрчүлүк кылган. Жергиликтүү биологдор четөлкөлүк кесиптештери менен кургак учук, малярия, гепатит жана холера өңдүү Борбор Азияга мүнөздүү болгон ооруларды изилдешет.

Былтыр Тажикстандын түндүгүндөгү Исфара шаарында дагы бир объект ачылган. Аны да америкалыктар каржылаганы гана белгилүү, бирок ал боюнча маалымат аз.

"Борбор Азияда коронавируска чейин эле эпидемиологиялык абал жакшы эмес эле. Бул аймакта гепатит, холера, кургак учук күч алуу коркунучу бар, ошондуктан жаңы биолабораториялар зарыл. Аларга каражат керек. Четөлкөлүк көмөк болбосо, ишке ашыра албайбыз", — деп түшүндүрөт Душанбедеги Саясий изилдөөлөр борборунун директору Абдугани Мамадазимов.

Тажикстандык серепчи америкалыктардын бул багытта жанданганынан шектүү жагдайды байкабаганын айтат. "Болгону алар биринчилерден болуп жардамга кол сунат. Эгер коронавирустан кийин Россия, Кытай же Евробиримдик аймакта вирустарга каршы күрөшүүгө активдүү жардам бере башташса, Борбор Азиядагы республикалардын бийлиги колдоп берет", — деп ишенет эксперт.

Работа референс-лаборатории в Душанбе
© Фото / Национальная Референс лаборатория Республики Таджикистан
Душанбедеги референс-лабораториядагы иш

Грузиндик патоген

Грузия ЖККУга мүчө эмес, бирок Россия менен чектешет жана Кавказда негизги ролду ойнойт. Москваны Ричард Лугар атындагы Коомдук саламаттыкты сактоо боюнча илим-изилдөө борбору бушайман кылат. Россия бийлиги Тбилисинин жанындагы биолаборатория америкалыктардын кызыкчылыгына иштээрин боолголойт.

Мындай шектенүүлөр да тегин жерден чыккан жок. 2018-жылдын сентябрында Грузиянын мурдагы мамлекеттик коопсуздук министри Игорь Гиоргадзе лабораторияларда адамдарга да тажрыйба жасалган болушу мүмкүн деп шек санаган. Ал түгүл документтерди жарыялаган. Анда Лугар борборунда дарыланган он киши каза болгону жөнүндө маалымат камтылат. Аталган лабораторияда америкалык үч жеке фирманын биологдору иштеген. Алар, тагыраак, CH2M Hill, Battelle жана Metabiota Пентагондун буюртмаларын аткарган ишканалардан.

Гиоргадзе лабораториялардын бактериологиялык коргоонун жогорку деңгээлине көңүл бурдурат. Атап айтканда, борбор "зыяндуу заттарды чачуу үчүн жабдуулар жана биологиялык активдүү материалдары бар ок-дары менен жабдылган".

© Sputnik / Илья Питалев
Душанбедеги референс-лабораториядагы иш
"Калкты коргоону көздөгөн мекемеге мындай нерселердин зарылдыгы не?" — деген суроо салат экс-министр.

Москвадагылар муну эшиткен. РФ ТИМинин Куралдарды жайылтпоо жана көзөмөлдөө маселелери боюнча департаментинин башчысы Владимир Ермаков Россия өз чегинде америкалык биологиялык эксперименттердин жасалышына жол бербейт.

Пентагондогулар Гиоргадзенин бул айыптоолору негизсиз дешкен. Тбилисидегилер лаборатория жай эле иштелмелер менен алектенерине, адамдарга эч кандай тажрыйба жасалбай турганына ишендирген. Грузия бийлиги Лугардагы борбор менен россиялык адистердин таанышуусуна каршы эмес. Бирок бул пландар эки өлкөнүн мамилесиндеги былтыркы кризистен улам үзгүлтүккө учураган.

"Грузия физикалык-химиялык биология жаатындагы изилдөөлөргө эч качан кызыккан эмес. Бул лаборатория кызматкерлерди жогорку класстагы биологиялык коргоо экендиги боюнча маалымат түкшүмөлдөрдү жаратат. Мындай оор патогендер менен алектенүүнүн зарылдыгы эмне?" — дейт биологиялык илимдердин доктору, Сибирь федералдык университетинин профессору Николай Сетков.

"Вектор" вирусология борборунун башкы директорунун илимий иштер боюнча орун басары Александр Агафонов "Лугар атындагы борбордо биологиялык куралды иштеп чыгуу жана аны чыгаруу жөнүндө түз маалыматтар менен тааныша албайбыз".

© Sputnik / Леван Авлабрели
Грузиядагы Ричард Лугар атындагы лаборатория

"Ошентсе да CH2M Hill, Battelle жана Metabiota өңдүү жеке ишканалар, алардын келишимдик милдеттенмелери, мисалы, сибирь жарасы, туляремия жана Крым-Конго геморрагиялык лихорадкасы өңдүү кооптуу бактерияларды изилдөөнү көз жаздымда калтырууга болбойт", — деп баса белгилейт адис.

РИА Новости сурамжылаган серепчилердин баары постсоветтик мамлекеттер сырттан жардам күтүү менен эпидемиологиялык кырдаалдын көзөмөлүн колдон чыгарып жибериши мүмкүн деген пикирде. Мунун кесепети оор болушу ыктымал. Анүстүнө пандемия убагында лабораторияларга өтө кооптонуу менен карап калышты. Бул мындай структуралардын ишин ачыгыраак уюштурууга түртөт.

69
Белгилер:
вирус, илимий изилдөө, каржылоо, АКШ, Россия
Тема боюнча
"Жыргалчылыкты арттырат"... АКШ Борбор Азияга эмне үчүн көз артууда?

Пандемияны өз кызыкчылыгы үчүн колдонуп... Лавров Батышты сынга алды

167
РФ ТИМинин башчысы батыш мамлекеттеринин коронавирус пандемиясын өз кызыкчылыгы үчүн пайдаланган аракетине нааразы болду.

Сергей Лавров Кытайдын Global Times гезитине макала жазып, Батыш өзүнө жакпаган өкмөттөрдү жазалоо үчүн түзүлгөн кырдаалды пайдаланууга жандалбастап жатканын айкан. Буга мисал катары аларга Россиядан гумжардам алууга салган тыюусун келтирди.

Министр өз сөзүндө Батыштын адам укугун коргоодо кош стандарттуулукка жол берип жатканын да белгилеген. Кенинирээк биздин видеодон көрүүгө болот.

167
Белгилер:
коронавирус, пандемия, Батыш, Россия, ТИМ, Сергей Лавров
Тема:
Кытайдагы жаңы типтеги коронавирус
Тема боюнча
Батыш Россияны статистиканы бурмалап жатат деп айып тагууда. Видео
АКШда башаламандыктын катышуучулары

АКШда башаламандык күч алып, бир нече шаарга коменданттык саат киргизилди

0
(жаңыланган 18:09 31.05.2020)
Митинг полиция тарабынан кармалган Жорж Флойддун өлүмүнөн кийин башталган. Учурда төрт полиция кызматкери иштен алынып, бирөөнө айып коюлду.

БИШКЕК, 31-май — Sputnik. АКШда афроамерикалык Жордж Флойддун өлүмүнө байланыштуу ири башаламандыктардан улам айрым шаарларга коменданттык саат киргизилди. Бул тууралуу BBC кабарлады.

Анткен менен нааразычылык акциясына чыккандар коменданттык сааттын талаптарын аткарбай жатат. Башаламандыкта дүкөндөр тонолуп, автоунаалар өрттөлүп, имараттар талкаланган.

Акыркы күндөрү ири демонстрациялар АКШнын кеминде 30 шаарында, анын ичинде Лос-Анджелес, Нью-Йорк, Вашингтон, Чикаго жана башка жерлерде болду. Тынч башталган нааразычылык акциялары кийин полиция менен кагылышууларга алып келди. Эл тартип сакчыларынын автоунаасын өрттөп, полиция көздөн жаш агызуучу газ менен желим окторду колдонгон.

"Афроамерикалык Жордж Флойдду АКШ полициялары өлтүрүп алгандыктан эл ачууланын жатат. Мындай окуя биринчи жолу болуп жаткан жок. Фергюсондогу Майкл Браундун, Нью-Йорктогу Эрик Гарнердин жана башка окуялар Black Lives Matter (кара түстүүлөрдүн укугу үчүн күрөшүү) кыймылына алып келген. Бирок көпчүлүк үчүн бул социалдык-экономикалык теңсиздик, бөлүп-жарууга байланышкан көп убакыттан берки нааразычылыктарды чагылдырат", — деп жазган гезит.

Эскерте кетсек, массалык башаламандык полиция тарабынан кармалган Жорж Флойддун өлүмүнөн кийин башталган. Интернетте полиция кызматкерлери анын колуна кишен салгандан кийин жыгып, үчөөлөп басып калган видео тарады. Бирөөсүнүн тизеси моюн жакка туш келген. Флойд бир нече жолу дем ала албай калганын айтып, андан кийин тынчып калганын көрүүгө болот. Эркек киши реанимацияда көз жумган. Митинг башталгандан кийин төрт полиция кызматкери иштен алынып, бирөөнө "кокусунан өлүмгө дуушар кылган" деп айып тагылууда. Сот дүйшөмбү күнү болушу мүмкүн.

Ал арада АКШ президенти Флойдду кармаган полиция кызматкерлеринин жоругун "акылга сыйгыс" деп атаган.

Флойддун үй-бүлөсү полицияга атайылып өлтүрдү деген айыптоо коюларын күтүшкөн болчу. Жанындагы тартип сакчылар дагы мыйзам чегинде жооп берет деп ойлошкон.

0
Белгилер:
коменданттык саат, башаламандык, митинг, АКШ
Тема боюнча
АКШдагы башаламандык: митингге ири шаарлар кошулууда