Абылгазиевдин бажасы "Санарип Кыргызстандын" жумушчу тобунан да кетүүнү чечти

© Sputnik / Табылды КадырбековНазначение и увольнение чиновников
Назначение и увольнение чиновников - Sputnik Кыргызстан
Жазылуу
Иманкадыр Рысалиев буга чейин "Ачык өкмөт" улуттук форумунун катчылыгынан да кеткен болчу.

БИШКЕК, 21-май — Sputnik. Иманкадыр Рысалиев президент Сооронбай Жээнбековдон "Санарип Кыргызстан - 2019-2023" жумушчу тобунан чыгарууну саранды. Бул туурасында ал Sputnik Кыргызстан агенттигинин кабарчысына билдирди.

Рысалиевдин айтымында, мындай чечим кабыл алуусуна коомчулуктун кескин сыны себеп болгон.

"Фейк жаңылыктарды чыгарып, мен жана үй-бүлөм тууралуу жалган маалымат таратып жаткандардын максаты бирөө эле. Ал — азыркы өкмөттү отсавкага кетирүү. Мен президенттин буйругу менен жумушчу топко киргем. Мени "санариптештирүү тармагын көзөмөлгө алууга аракет кылып жатат" дегени да болбогон кеп. "Премьер-министрдин бажасы" деп ар кандай пикирлер айтылгандыктан бул жактан да өз ыктыярым менен кетүүнү чечтим", — деди Рысалиев.

Мындан сырткары, ал жумушчу топто эч кандай маяна албай иштегенин кошумчалады. Ал эми "Ачык өкмөт" улуттук форумунун катчылыгында алты ай (2018-жылдын июнь айынан декабрына чейин) 950 евро маяна алып турган. Ушул жылдын январь айынан тарта коомдук башталышта акысыз иштеп жатканын билдирди.

Совещание по вопросу реализации программы Ала-Тоо булагы - Sputnik Кыргызстан
Премьер Абылгазиевдин бир туугандары: журналист, кароолчу, мурап. Тизме
"Санарип Кыргызстан - 2019-2023" санариптик трансформациянын концепциясын ишке ашыруу боюнча Жол картасынын долбоорун иштеп чыгуу үчүн 2018-жылдын декабрь айында жумушчу топ түзүлгөн. Анын жетекчиси — Коопсуздук кеңешинин катчысы Дамир Сагынбаев, орун басары — президенттин кеңешчиси Дастан Догоев.

Эске салсак, "КТ Мобайл" чыры боюнча түзүлгөн депутаттык комиссиянын жыйынында Иманкадыр Рысалиев бул компанияны ачууга жөнү жок кийлигишкени, ал тургай, MegaCom компаниясынын жетекчиси Акылбек Жамангуловду коркутуп жатканы айтылган. Ал эми Рыслиев "Санарип Кыргызстан" жумушчу тобунун мүчөсү болгондуктан ишти көзөмөлдөөгө укугу бар экенин билдирген.

Андан мурдараак "КТ Мобайлдын" жетекчилери 300-350 миң маяна алары айтылып, директордун орун басары өкмөт башчы Мухаммедкалый Абылгазиевдин бажасынын уулу Эрназар Иманкадыр уулу экени ачыкталган.

Бул коомчулукта резонанс жаратып, жетекчилердин баары кызматын тапшырууга мажбур болду. Иманкадыр Рысалиев да "Ачык өкмөт" улуттук форумунун катчылыгынан кеткен

Жаңылыктар түрмөгү
0