Президент Сооронбай Жээнбеков бүгүн, 22-майда, Россиянын тышкы иштер министри Сергей Лавров менен жолукту

Жээнбеков Россиянын тышкы иштер министри Лавров менен жолукту

139
(жаңыланган 16:43 22.05.2019)
Өлкө башчы менен министр эки тараптуу кызматташтыктын учурдагы абалы жана артыкчылыктуу багыттарын талкуулашты.

БИШКЕК, 22-май — Sputnik. Президент Сооронбай Жээнбеков бүгүн, 22-майда, Россиянын тышкы иштер министри Сергей Лавров менен жолукту. Бул тууралуу мамлекет башчынын аппаратынан кабарлашты.

  • Президент КР Сооронбай Жээнбеков принял министра иностранных дел РФ Сергея Лаврова, прибывшего в Бишкек для участия в очередных заседаниях Совета министров иностранных дел ШОС и ОДКБ
    Президент Сооронбай Жээнбеков бүгүн, 22-майда, Россиянын тышкы иштер министри Сергей Лавров менен жолукту
    © Пресс-служба президента КР / Султан Досалиев
  • Президент КР Сооронбай Жээнбеков принял министра иностранных дел РФ Сергея Лаврова, прибывшего в Бишкек для участия в очередных заседаниях Совета министров иностранных дел ШОС и ОДКБ
    Лавров Бишкекке ШКУнун жана ЖККУнун тышкы иштер министрлеринин кеңешинин кезектеги жыйындарына катышуу үчүн келген.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Сооронбай Жээнбеков бүгүн, 22-майда, Россиянын тышкы иштер министри Сергей Лавров менен жолукту

Лавров Бишкекке ШКУнун жана ЖККУнун тышкы иштер министрлеринин кеңешинин кезектеги жыйындарына катышуу үчүн келген.

Өлкө башчы менен министр эки тараптуу кызматташтыктын учурдагы абалы жана артыкчылыктуу багыттарын талкуулашты.

Сооронбай Жээнбеков Владимир Путиндин Кыргызстанга болгон мамлекеттик сапары кыргыз-орус мамилелерин жаңы деңгээлге көтөргөнүн белгиледи.

"Аймактар аралык конференциянын алкагында 6 миллиард доллардан ашык суммага, 53төн ашуун келишимге кол коюлду. Ректорлор форумунун алкагында жогорку окуу жайлардын ортосундагы мындан аркы кызматташуунун келечеги белгиленди. Кыргызстанда МГУнун филиалын ачуу макулдашылды. Региондор аралык байланыштарды, ошондой эле жаштар саясатын бекемдөө боюнча пландар белгиленди", — деди Жээнбеков.

Ал ошондой эле ЕАЭБ алкагындагы кызматташтыкка токтолуп, ата мекендик ветеринардык көзөмөл системасын ЕАЭБ системаларына шайкеш келтирүүгө колдоо көрсөткөндүгү үчүн Россия тарапка ыраазычылык билдирди.

Ал эми Россиянын тышкы иштер министри Сергей Лавров президент Сооронбай Жээнбековго Россия президенти Владимир Путиндин каалоо-тилектерин жолдоп, меймандостугу жана жылуу кабыл алуусу үчүн ыраазычылык билдирди.

139
Белгилер:
Владимир Путин, Сергей Лавров, Сооронбай Жээнбеков, Россия, Кыргызстан
Тема боюнча
Бишкекте ШКУнун тышкы иштер министрлеринин жыйыны башталды
Кыргызстандын президенти Садыр Жапаров менен Казакстандын өлкө башчысы Касым-Жомарт Токаевдин жолугушу

Жапаров менен Токаев талкуулаган маселелер. Жолугушуунун сүрөттөрү

88
(жаңыланган 13:27 02.03.2021)
Президент Садыр Жапаров КР делегациясынын атынан казак тараптын жылуу тосуп алганына ыраазычылык билдирди.

БИШКЕК, 2-мар. — Sputnik. Кыргызстандын президенти Садыр Жапаров мамлекеттик иш сапарынын алкагында Казакстандын өлкө башчысы Касым-Жомарт Токаев менен жолугуп, эки жана көп тараптуу кызматташуунун актуалдуу маселелерин, ошондой эле биргелешкен өз ара алаканын мындан аркы келечегин талкуулады. Бул тууралуу мамлекет жетекчисинин маалымат кызматы билдирүү таратты.

Эскерте кетсек, мамлекеттик сапар 2-март күнү башталып, эки күнгө созулмакчы.

  • Кыргызстандын президенти Садыр Жапаров мамлекеттик иш сапарынын алкагында Казакстандын өлкө башчысы Касым-Жомарт Токаев менен жолугуп, эки жана көп тараптуу кызматташуунун актуалдуу маселелерин, ошондой эле биргелешкен өз ара алаканын мындан аркы келечегин талкуулады
    Кыргызстандын президенти Садыр Жапаров мамлекеттик иш сапарынын алкагында Казакстандын өлкө башчысы Касым-Жомарт Токаев менен жолугуп, эки жана көп тараптуу кызматташуунун актуалдуу маселелерин, ошондой эле биргелешкен өз ара алаканын мындан аркы келечегин талкуулады
    © Пресс-служба президента КР / Султан Досалиев
  • Эскерте кетсек, мамлекеттик сапар 2-март күнү башталып, эки күнгө созулмакчы
    Эскерте кетсек, мамлекеттик сапар 2-март күнү башталып, эки күнгө созулмакчы
    © Пресс-служба президента КР / Султан Досалиев
  • Казакстандын президенти Касым-Жомарт Токаев Садыр Жапаровду мамлекет башчысы кызматына шайланышы менен дагы бир жолу куттуктады
    Казакстандын президенти Касым-Жомарт Токаев Садыр Жапаровду мамлекет башчысы кызматына шайланышы менен дагы бир жолу куттуктады
    © Пресс-служба президента КР / Султан Досалиев
  • Андан соң тараптар мындан аркы алакалардын негизги багыттарын аныкташканын, диалогду бекемдөө боюнча пикир алышкандыгын айтып, тар чөйрөдөгү сүйлөшүүлөрдүн жыйынтыгына канааттанганын белгиледи
    Андан соң тараптар мындан аркы алакалардын негизги багыттарын аныкташканын, диалогду бекемдөө боюнча пикир алышкандыгын айтып, тар чөйрөдөгү сүйлөшүүлөрдүн жыйынтыгына канааттанганын белгиледи
    © Пресс-служба президента КР / Султан Досалиев
  • Токаев өлкөлөр ортосунда өз ара алгылыктуу чечимдерди табууга мүмкүн болбой турган маселе жок экендигин кошумчалады
    Токаев өлкөлөр ортосунда өз ара алгылыктуу чечимдерди табууга мүмкүн болбой турган маселе жок экендигин кошумчалады
    © Пресс-служба президента КР / Султан Досалиев
  • Касым-Жомарт Токаев Казакстан дагы өнөктөштүк жана союздаштык мамилелерди ар тараптуу тереңдетүү багытында бекем турарына ишендирип, кыргыз менен казактай жакын эл жок экендигин баса белгиледи
    Касым-Жомарт Токаев Казакстан дагы өнөктөштүк жана союздаштык мамилелерди ар тараптуу тереңдетүү багытында бекем турарына ишендирип, кыргыз менен казактай жакын эл жок экендигин баса белгиледи
    © Пресс-служба президента КР / Султан Досалиев
  • Өз кезегинде президент Садыр Жапаров КР делегациясынын атынан казак тараптын жылуу тосуп алгандыгына ыраазычылыгын билдирди
    Өз кезегинде президент Садыр Жапаров КР делегациясынын атынан казак тараптын жылуу тосуп алгандыгына ыраазычылыгын билдирди
    © Пресс-служба президента КР / Султан Досалиев
  • Мамлекет башчысы болуп шайлангандан кийин биринчилерден болуп Касым-Жомарт Токаевдин куттуктаганына токтолуп, боордош казак элинин колдоосу Кыргызстан үчүн өтө маанилүү экендигин айтты
    Мамлекет башчысы болуп шайлангандан кийин биринчилерден болуп Касым-Жомарт Токаевдин куттуктаганына токтолуп, боордош казак элинин колдоосу Кыргызстан үчүн өтө маанилүү экендигин айтты
    © Пресс-служба президента КР / Султан Досалиев
1 / 8
© Пресс-служба президента КР / Султан Досалиев
Кыргызстандын президенти Садыр Жапаров мамлекеттик иш сапарынын алкагында Казакстандын өлкө башчысы Касым-Жомарт Токаев менен жолугуп, эки жана көп тараптуу кызматташуунун актуалдуу маселелерин, ошондой эле биргелешкен өз ара алаканын мындан аркы келечегин талкуулады

Казакстандын президенти Касым-Жомарт Токаев Садыр Жапаровду мамлекет башчысы кызматына шайланышы менен дагы бир жолу куттуктады. Андан соң тараптар мындан аркы алакалардын негизги багыттарын аныкташканын, диалогду бекемдөө боюнча пикир алышкандыгын айтып, тар чөйрөдөгү сүйлөшүүлөрдүн жыйынтыгына канааттанганын белгиледи.

Токаев өлкөлөр ортосунда өз ара алгылыктуу чечимдерди табууга мүмкүн болбой турган маселе жок экендигин кошумчалады.

"Тескерисинче, биз өз ара аракеттенүүнүн ар кандай аспектилерин кароого ыкчам жана конструктивдүү мамиле жасоо ниетибизди билдирдик", — деди президент.

Касым-Жомарт Токаев Казакстан дагы өнөктөштүк жана союздаштык мамилелерди ар тараптуу тереңдетүү багытында бекем турарына ишендирип, кыргыз менен казактай жакын эл жок экендигин баса белгиледи.

Садыр Жапаров Казакстанга келиши
© Пресс-служба президента КР / Султан Досалиев
Өз кезегинде президент Садыр Жапаров КР делегациясынын атынан казак тараптын жылуу тосуп алгандыгына ыраазычылыгын билдирди.

Мамлекет башчысы болуп шайлангандан кийин биринчилерден болуп Касым-Жомарт Токаевдин куттуктаганына токтолуп, боордош казак элинин колдоосу Кыргызстан үчүн өтө маанилүү экендигин айтты.

Жапаров эгемендүүлүк жылдарында өлкөлөр ортосундагы эки тараптуу мамилелердин бекем пайдубалы түптөлгөнүн жана кызматташуунун жогорку деңгээлине жетишилгенин, Казакстан жакынкы коңшу эле эмес, Кыргызстандын маанилүү стратегиялык өнөктөшү экендигин баса белгиледи.

Эки элдин кылымдарды карыткан биримдиги мындан ары да чыңдала берерине ишеним артып, конструктивдүү диалогду улантууга даяр экенин билдирди.

Коронавирус пандемиясы маалында Кыргызстандын жарандарына жардам көрсөтүүдө, биринчи кезекте, алардын башка мамлекеттерден өз мекенине кайтып келүүсүнө көмөк көрсөтүү маселелеринде эки өлкө ортосунда конструктивдүү кызматташуунун оң тажрыйбасы калыптангандыгын кошумчалады.

Президент Садыр Жапаров бүгүнкү сүйлөшүүлөр эки өлкө ортосундагы мамлекеттер аралык мамилелерди өнүгүүнүн жаңы сапаттуу баскычына көтөрөрүнө, кыргыз-казак стратегиялык жана союздаштык алакасы мындан дагы тереңдеп, кеңейе тургандыгына бекем ишенерин билдирди.

Жапаровду Казакстанга кимдер коштоп кеткенин да билип алыңыз.

88
Белгилер:
пандемия, алака, иш сапар, Казакстан, Касым-Жомарт Токаев, Садыр Жапаров
Тема:
Жапаровдун Казакстанга болгон иш сапары
Казакстандын президенти Касым-Жомарт Токаев. Архив

Садыр Жапаров Касым-Жомарт Токаев менен "Ак ордодо" жолукту

274
(жаңыланган 11:59 02.03.2021)
Садыр Жапаров Казакстанга мамлекеттик иш сапары менен барды. Учурда президенттер тар чөйрөдөгү сүйлөшүүлөрдү жүргүзүп жатат.

БИШКЕК, 2-мар. — Sputnik. Кыргызстандын мамлекет башчысы Садыр Жапаров Казакстандын президенти Касым-Жомарт Токаев менен Нур-Султандагы "Ак ордодо" жолукту. Бул тууралуу президенттин маалымат кызматынан билдиришти.

Мамлекет башчылар учурашкандан кийин Республикалык гвардиянын оркестри Кыргызстан менен Казакстандын мамлекеттик гимндерин аткарды.

Ардактуу кароолдун башчысынын рапортунан соң президенттер Казакстандын мамлекеттик туусуна келип башын ийишти.

"Ак ордонун" фойесинде Садыр Жапаров менен Касым-Жомарт Токаев сүрөткө түшүп, андан кийин мамлекет башчылары тар чөйрөдөгү сүйлөшүүгө киришти.

274
Белгилер:
жолугушуу, Нур-Султан, Касым-Жомарт Токаев, Садыр Жапаров
Тема:
Жапаровдун Казакстанга болгон иш сапары
Тема боюнча
Садыр Жапаров Казакстанга келди. Кимдер кантип тосуп алды. Сүрөт
Жапаров өлкө кандай өзгөрүп жатканын айтып берди. Президенттин маегинен тезистер
Кыргызстандын президенти Садыр Жапаровдун Казакстандын мамлекет башчысы Касым-Жомарт Токаев менен жолугушуусу

Манас, Абай, Айтматовдун эстеликтери тургузулат. Жапаров менен Токаевдин билдирүүсү

0
(жаңыланган 14:25 02.03.2021)
Эки президент Кыргызстан менен Казакстандын көз карандысыздыгынын 30 жылдыгын майрамдоого арналган юбилейлик иш-чаралар маанилүү экендигин белгилешкен.

БИШКЕК, 2-мар. — Sputnik. Президент Садыр Жапаров менен Казакстандын мамлекет башчысы Касым-Жомарт Токаев бүгүн, 2-мартта, Нур-Султан шаарында болуп өткөн сүйлөшүүлөрдүн жыйынтыгы боюнча биргелешкен билдирүү жасашты. Бул тууралуу өлкө президентинин маалымат кызматы кабарлады.

Төмөндө билдирүүнүн тексти:

Кыргыз-казак достук, стратегиялык өнөктөштүк жана союздаш мамилелерин тең укуктуулуктун, өз ара ишеним көрсөтүүнүн, урматтоонун жана бири-биринин кызыкчылыктарын эске алуунун негизинде комплекстүү бекемдөө багыты бузулбас экендигин тастыкташат.

Буга чейин жетишилген макулдашууларды, анын ичинде Казакстандын президенти Касым-Жомарт Токаевдин 2019-жылдын 27-ноябрында Кыргызстанга жасаган мамлекеттик иш сапарынын жыйынтыгы боюнча макулдашууну биргелешип ишке ашыруунун маанилүүлүгүн белгилешти.

Эки мамлекеттин ортосундагы мамилелерди динамикалуу өнүктүрүү үчүн жигердүү саясий диалогдун маанилүүлүгүн таанып, эң жогорку, жогорку жана башка деңгээлдердеги ишеним көрсөтүү жана конструктивдүү байланыштарды андан ары кеңейтүүнү колдошот.

Уланып жаткан пандемия шартында коронавирус инфекциясы менен күрөшүүдө биргелешкен күч-аракеттерди активдештирүүнүн маанилүү экендигин белгилешти. Бул контекстте колдоого жана жардам көрсөтүүгө, анын ичинде гуманитардык мүнөздөгү жардамга жана көмөк көрсөтүүгө даяр болгондугу үчүн кыргыз тарап Казакстанга ыраазычылык билдирди.

Эпидемиологиялык талаптарды сактоо зарыл экендигин таануу менен тараптардын мамлекеттеринин аймактары боюнча жарандардын жана транспорт каражаттарынын эркин жүрүүсү жана транзит менен өтүүсү үчүн макулдашылган чараларды көрүүнүн маанилүү экендигин баса белгилешет.

Соода-экономикалык кызматташуу, товарлар менен өз ара соода кылуунун жана кызмат көрсөтүүлөрдүн түзүмүн диверсификациялоо жана өсүшүн камсыздоо жаатындагы эки тараптуу мамилелерди андан ары кеңейтүү өзгөчө мааниге ээ экендигин ырасташат.

Өнөр жайдагы, гидроэнергетикадагы, отун-энергетика комплексиндеги, жер казынасын пайдалануудагы, айыл чарбасындагы, кайра иштетүү секторундагы, логистика чөйрөсүндөгү, жол-транспорт инфратүзүмүндөгү жана банк чөйрөсүндөгү кооперациялык долбоорлорду ишке ашырууга багытталган иштиктүү байланыштарды ар тараптуу кеңейтүү зарылдыгын белгилешет.

Инвестиция тартууну жана аларды мамлекеттик деңгээлде коргоо үчүн жагымдуу шарттарды түзүүнү, инвестициялык өз ара аракеттенүүнү андан ары өнүктүрүүнүн маанилүүлүгүн белгилешет. Тараптар өз ара инвестицияларды ар тараптуу колдоо механизмдерин өркүндөтүү боюнча чара көрүү ниетин билдиришти.

Кыргызстан Казакстандын Евразия экономикалык биримдигиндеги төрагалыгында белгилеген артыкчылыктарды колдой тургандыгын билдирди. Бул контекстте Тараптар евразиялык экономикалык интеграциянын алкагында, анын ичинде потенциалды толук көлөмдө ачууга, тоскоолдуксуз, алып коюусуз жана чектөөсүз капиталдын, эмгектин, товарлардын жана кызмат көрсөтүүлөрдүн жалпы рыногун ачууга, санитардык, ветеринардык жана фитосанитардык чаралар боюнча өз ара аракеттенүүнү бекемдөөгө, өнөр жай комплекстеринин атаандаштыкка туруштук берүү жөндөмдүүлүгүн жогорулатууга жана башка багыттарда чараларды иштеп чыгууда бирдиктүү ыкмаларды калыптандыруунун маанилүү экендигин белгилешет.

Мамлекеттердин транспорттук-транзиттик потенциалын андан ары өнүктүрүү, ошондой эле санариптештирүү жана маалымат алмашуу, анын ичинде мамлекеттик кызмат көрсөтүү жаатында биргелешкен долбоорлорду ишке ашыруу мүмкүнчүлүктөрүн талкуулашты.

Чек ара кызматташтыгынын потенциалын ачуу максатында тараптар Биринчи региондор аралык кыргыз-казак форумун өткөрүүгө кызыкдар экендигин тастыкташат.

Өкмөттөргө бирдиктүү экономикалык мейкиндик шарттарында Кыргызстан менен Казакстандын аймактары аркылуу товарлардын тоскоолдуксуз өтүүсүн камсыздоо үчүн кыргыз-казак мамлекеттик чек арасында логистикалык борборду түзүүнү тездетүү тапшырмасы берилди.

Борбордук Азия өлкөлөрүнүн экологиялык жана энергетикалык коопсуздугу жана суу-энергетика ресурстарын стратегиялык өнөктөштүктүн, өз ара ишеним көрсөтүүнүн, ынак коңшулуктун, тең укуктуулуктун жана бири-биринин кызыкчылыктарын эске алуунун негизинде комплекстүү пайдалануу боюнча конструктивдүү кызматташууга өз ара кызыкдар экендигин билдиришти.

Региондук кооперациянын актуалдуу маселелери боюнча позициялардын окшоштугун жана Борбордук Азияда ишеним көрсөтүү, туруктуулук жана коопсуздук атмосферасын бекемдөөгө эки тараптын умтула тургандыгын ырасташат.

Ички региондук кызматташуунун бардык чөйрөлөрүндө беш тараптуу өз ара аракеттенүүнү жигерлетүү үчүн жагымдуу шарттарды түзгөн Борбордук Азия мамлекет башчыларынын консультативдик жолугушууларынын форматын андан ары өнүктүрүүнүн артыкчылыктуу маанисин өзгөчө белгилешти. Эпидемиологиялык кырдаалдын жакшыруусуна жараша 2021-жылы Кыргызстанда боло турган кезектеги Борбордук Азия мамлекет башчыларынын консультативдик жолугушуусунун маанилүүлүгүн белгилешти.

Тараптар БУУ, ЕККУ, КМШ, ЕАЭБ, ШКУ, ЖККУ, ТТКК, ИКУ жана башка эл аралык уюмдардын алкагындагы конструктивдүү диалогду улантуу зарыл деген бир пикирди карманышат.

Азиядагы өз ара аракеттенүү жана ишеним көрсөтүү боюнча кеңешменин (АӨИКК) потенциалын өнүктүрүүгө, анын ичинде аны эл аралык уюмга өзгөртүүгө көмөк көрсөтүү боюнча бекем ниетин билдиришти, эки мамлекет тең координатор болгон АӨИККтин Адамдык өлчөөсүн өнүктүрүү жөнүндө макулдашты.

Борбордук Азия мамлекеттеринин экономикасын туруктуу өнүктүрүүгө түрткү бере турган 2021-жылы Кыргыз Республикасында өткөрүү пландалып жаткан Европа биримдиги — Борбордук Азия биринчи экономикалык форумунун маанилүүлүгүн белгилешет.

Эл аралык терроризм, экстремизм, баңгизаттарын мыйзамсыз жүгүртүү, трансулуттук уюшкан кылмыштуулук, эки тараптуу жана көп тараптуу деңгээлдердеги башка эл аралык коопсуздук чакырыктары жана коркунучтары менен күрөшүү маселелеринде биргелешкен иш-аракеттерди күчөтүүнүн маанилүүлүгүнө көңүл бурушту.

Эки элдин маданий-тарыхый жана тилдик жалпылыгын эске алуу менен илим, билим берүү, саламаттык сактоо, маданият, туризм, спорт жана башка тармактардагы кызматташтыкты андан ары өнүктүрүүгө умтулгандыгын тастыкташат. Тараптар биргелешкен билим берүү жана илимий-техникалык программаларды ишке ашырууну улантууну көздөшөт.

Кыргызстан менен Казакстандын көз карандысыздыгынын 30 жылдыгын майрамдоого арналган алдыдагы юбилейлик иш-чаралар маанилүү экендигин белгилешти.

Биргелешкен телекөрсөтүү долбоорлорун, көргөзмөлөрдү, фестивалдарды жана башка маданий иш-чараларды өткөрүүгө көмөк көрсөтүүгө, жалпы тарыхый жана маданий мурастарды сактоо жана илгерилетүү максатындагы аракеттерди консолидациялоого даярдыгын билдиришти.

Нур-Султан шаарында Манастын жана Чыңгыз Айтматовдун эстеликтерин, ошондой эле Бишкек шаарында Абай Кунанбаевдин эстелигин орнотуу жөнүндө макулдашуунун өзгөчө маанилүүлүгүн баса белгилешти.

Тараптар болуп өткөн үзүрлүү сүйлөшүүлөр жана иш сапардын жүрүшүндө кол коюлган эки тараптуу документтер Кыргыз Республикасы менен Казакстан Республикасынын ортосундагы достук жана союздаштык мамилелерди андан ары бекемдөөгө түрткү бере тургандыгын, ошондой эле жетишилген макулдашууларды талаптагыдай ишке ашыруунун маанилүүлүгүн белгилешти.

Садыр Жапаров Касым-Жомарт Токаевге жана бүткүл казак элине көрсөтүлгөн меймандостугу үчүн ыраазычылык билдирди жана ар тараптуу кызматташтыкты мындан ары өнүктүрүү максатында Казакстандын башчысын ага ыңгайлуу убакта Кыргызстанга келүүгө чакырды.

Токаев чакырууну ыраазычылык менен кабыл алган. Иш сапардын мөөнөтү дипломатиялык каналдар аркылуу макулдашылат.

0
Белгилер:
билдирүү, жолугушуу, Касым-Жомарт Токаев, Садыр Жапаров, Кыргызстан, Казакстан
Тема:
Жапаровдун Казакстанга болгон иш сапары
Тема боюнча
Жапаров менен Токаев талкуулаган маселелер. Жолугушуунун сүрөттөрү
Садыр Жапаров Казакстанга келди. Кимдер кантип тосуп алды. Сүрөт