Экономика министри болом деген Санжар Мукамбетовду комитет колдоду

© Пресс-служба правительства / Сабыр Аильчиев Экономика министрлигине талапкет Санжар Мукамбетов. Архив
Экономика министрлигине талапкет Санжар Мукамбетов. Архив - Sputnik Кыргызстан
Жазылуу
Мукамбетов буга чейин Финансылык көзөмөл жана отчёттуулук боюнча мамлекеттик агенттигинин төрагасы кызматын аркалап келген.

БИШКЕК, 28-май — Sputnik. Парламенттин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитети экономика министри кызматына Санжар Мукамбетовдун талапкерлигин жактырды.

Премьер-министр Мухаммедкалый Абылгазиев. Архив - Sputnik Кыргызстан
Абылгазиев бош турган министрликтерге талапкер сунуштады. Алар ким?
Комитеттин жыйынында министрликке талапкерди тааныштыруу үчүн өкмөт башчысы Мухаммедкалый Абылгазиев менен биринчи вице-премьер Кубатбек Боронов келди.

Эске салсак, буга чейинки министр Олег Панкратов министрликтин ишине карата өкмөт, президент тарабынан айтылган сындардан улам өз ыктыяры менен кызматтан кеткен болчу.

Санжар Мукамбетов жети жыл экономика министринин орун басары болуп иштеген. 2018-жылы төрт ай вице-премьер-министр болгон. 2018-жылдын апрель айынан бери Финансылык көзөмөл жана отчёттуулук боюнча мамлекеттик агенттигинин төрагасы кызматын аркалап келген.

Жаңылыктар түрмөгү
0