Душанбе. Архив

Бишкектеги ШКУ саммитинен кийин президенттер Душанбеге барышат

265
(жаңыланган 10:08 13.06.2019)
14-15-июнь күндөрү Тажикстандын борбор калаасында дагы саммит өтөт.

БИШКЕК, 13-июн. — Sputnik. Бишкекте Шанхай кызматташтык уюмунун (ШКУ) саммити өткөндөн кийин президенттер Душанбеге барышат. Бул туурасында Sputnik Тажикстан жазды.

Маалыматка караганда, 14-15-июнь күндөрү Тажикстандын борбор калаасында Азия аймагында өз ара ишеним чараларын чыңдоо кеңешмесинин саммити өтөт. Ага Кыргызстан, Кытай, Россия, Иран, Азербайжан, Өзбекстан, Казакстан, Түркмөнстан, Бангладеш жана Шри-Ланканын президенттери катышары айтылат. Ал эми Афганистандын атынан премьер-министр барат.

Аталган саммит төрт жыл сайын өтүп турат. Бул жолку жыйындын темасы "Азия аймагында өз ара ишеним чараларын чыңдоо кеңешмесинин региондорду өркүндөтүү жана жалпы коопсуздукту камсыздоо" деп аталат.

265
Белгилер:
саясат, Душанбе, саммит, Тажикстан
Тема:
Бишкектеги ШКУнун саммити – 2019 (60)
Тема боюнча
Бишкектеги ШКУ саммитинде Путиндин эмне тууралуу сөз кылары айтылды