ЖК депутаты Анвар Артыков. Архив

Уят болуп каласыңар! Анвар Артыков Атамбаевге болушуп чыкты

2688
(жаңыланган 11:34 13.06.2019)
Шаршембидеги жыйында бир топ депутаттар Атамбаевге сын айтып, айрым коррупциялык иштерге да айыпташкан.

БИШКЕК, 13-июн. — Sputnik. Депутат Анвар Артыков парламенттин жалпы жыйынында кесиптештеринин кечээ экс-президент Алмазбек Атамбаевдин дарегине айткан сөздөрүн туура эмес деп баалады.

Шаршембидеги жыйында бир топ депутаттар Атамбаевге сын айтып, айрым коррупциялык иштерге да айыпташкан. Ал эми эл өкүлү Канат Исаев экс-президенттин кол тийбестигин алууга макул болгон 40 депутаттын колун чогултканын жар салган.

"Кечээги жыйындан кийин мен сыйлаган, калыстыгынан шегим жок аттуу-баштуу адамдар байланышка чыкты. Анын бардыгын эмес, жумшартып айтайын. Атамбаевдин президент болгону — тарых. Коррупцияга шектелген сөздөрдүн биринде да далил жок. Болсо алып келгиле, шашпай, эмоциясыз карашыбыз керек. Ойдон чыккан сөздөр менен эле "разборка" кылдыңар. Бул дагы өтөт, убакыт таразалайт", — деди Артыков.

Эл өкүлү экс-президенттин тушунда өлкөдө саясий туруктуулук орноп, орчундуу көйгөйлөр чечилгенин кошумчалап, иштебеген киши гана адашпай турганын белгиледи.

"Атамбаев иштеп турганда Кыргызстанда биринчи жолу узак убакытка туруктуулук орноду. Өсүүлөр болуп, долбоорлордун бир тобу ишке ашты. Айрыкча түштүк эли свет, газ көйгөйүнөн кутулду. Иштебеген киши адашпайт, өзү да катачылык кетиргенин айтууда. Айрыкча кадр маселесинен. Биз бийлик келгенде чоңдорго кошомат кылып, ишенимине кирип алып, анан өз билгенибизди жасай берет экенбиз. Аксакал катары айтайын, муну токтоткула! Жооп бере турган маал да келип калат. Уят болуп каласыңар!" — деди депутат.

Соңунда Артыков өлкөдө коррупция бар экенин айтып, анын баарына жооп берүү үчүн бир гана Атамбаевге доомат коюу туура эмес экенин кошумчалады.

2688
Белгилер:
Анвар Артыков, коррупция, Алмазбек Атамбаев, депутат, Жогорку Кеңеш
Тема боюнча
"Биз чимкирик эмес, кыргыз элинин элитасыбыз!" Депутат Рыспаев ачууланганда
40 депутат Атамбаевди кол тийбестиктен ажыратууга даяр. Кеңешчинин жообу

Крымдан улам НАТО Россия армиясына тыюу салууга кыялданып келет

187
Йенс Столтенберг НАТО Россиянын кадамдарына карап, ага жооп иретинде Кара деңизге көбүрөөк күчүн жайгаштыра тургандыгын айтты. Бирок Түндүк атлантикалык альянстын башкы катчысы аскердик блоктун күчтөрү Россиянын чек арасында эмне кылып жүргөндүгүн түшүндүргөн жок.

Андан сырткары, Россия эмне үчүн өзүнүн аймагын НАТО тараптан улам арбыган коркутуп-үркүтүүлөрдөн коргобошу керек дегенге да жооп бере алган жок.

Акыркы учурда альянс тараптан Россия чек арасына жакын аймактарда көбөйүп кеткен агрессиялык аракеттер арбыгандыктан, Россия өзүнүн коопсуздугун камсыздаганга аргасыз.

187
Белгилер:
чагымчыл, чек ара, Крым, НАТО, Россия, АКШ
Тема боюнча
НАТО Кара деңизге чыгууда. Альянс Крымда Россияны кысымга алмакчыбы?
Грузиядагы "Татыктуу өнөктөш-2020" аяктады. НАТО аскерлери өлкөдө эмне кылды
Салык кызматынын төрагасы Кабыл Абдалиев. Архив

Артем Новиков Салык кызматынын төрагасы Кабыл Абдалиевге сөгүш берди

145
(жаңыланган 19:04 04.12.2020)
Өлкөнүн башкы салыкчысынын сөгүш алышына "Чалдыбар" көзөмөл-өткөрмө пунктундагы иштер себеп болушу ыктымал.

БИШКЕК, 4-дек. — Sputnik. Өкмөттүн маалымат кызматы Салык кызматынын төрагасы Кабыл Абдалиевге сөгүш берилгенин билдирди.

Анда Абдалиев өзүнө жүктөлгөн милдеттерди талаптагыдай аткарбагандыгы белгиленет.

Тийиштүү буйрукка премьер-министрдин милдетин аткаруучу Артем Новиков кол койгон.

Жакында эле өкмөт башчынын милдетин аткаруучу "Чалдыбар" көзөмөл-өткөрүү пунктунда Салык кызматынын төрагасынын орун басары Искендер Асылкуловго каарын төккөн. Анын ачуусун келтиргени — ноябрдын аягында ишке кирип, товарлардын эсебин ала турган системанын алигече үкөктөн чыгарылбай турганы болгон.

Бирок кийин салык кызматы ал иштерге башка мамлекеттик органдар жооптуу экенин айтып билдирүү тараткан.

145
Белгилер:
Мамлекеттик салык кызматы, сөгүш, өкмөт
Тема боюнча
Новиковго жооп бере албай буйдалган салыкчы. Видео
Новиковдон кагуу жеп буйдалган жетекчи. Салык кызматы түшүндүрмө берди
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен