Финансылык чалгындоо мамлекеттик кызматынын төрагасы Гуламжан Анарбаев. Архив

Финчалгындоонун башчысы Матраимов менен куда экенин кантип танган? Аудио

1333
(жаңыланган 20:42 14.06.2019)
Эске салсак, Жогорку Кеңештин депутаты Ирина Карамушкина өзүнүн Facebook тармагындагы баракчасына Анарбаевдин карындашы Райымбек Матраимовдун иниси Русланга турмушка чыкканын жазган.

БИШКЕК, 14-июн. — Sputnik. Финансылык чалгындоо мамлекеттик кызматынын төрагасы Гуламжан Анарбаевден журналист анын карындашы Раимбек Матраимовдун бир тууганынын аялы экени тууралуу сураганда, ал суроону түшүнбөй калып, маалыматты төгүндөп койгон. Бул тууралуу Sputnik Кыргызстан агенттигинин кабарчысына Финчалгындоонун маалымат катчысы Болот Кошматов билдирди.

Эске салсак, Жогорку Кеңештин депутаты Ирина Карамушкина өзүнүн Facebook тармагындагы баракчасына Анарбаевдин карындашы Райымбек Матраимовдун иниси Русланга турмушка чыкканын жазган.

Мындан соң Sputnik агенттигинин кабарчысы Анарбаевдин өзү менен байланышкан. Окурмандарга ошол сүйлөшүүнүн аудиосун сунуштайбыз. Эскерте кетсек, алгач журналист өзүн тааныштырган 11 секунд алып салынды.

Разговор с главой Госфинразведки КР Гуламжаном Анарбаевым 4 июня 2019 года

Анда угулуп жаткандай, аткаминер карындашы Руслан Матраимовдун аялы экенин төгүндөп, Карамушкина маалыматты тактап көрсүн деп айтат.

Бирок кечээ, 13-июнда, ЖМКлардын бири аркылуу карындашы 20 жылдан бери Руслан Матраимовдун жубайы экенин мойнуна алган. Бирок ошол эле учурда "Матраимовдор менен эч байланышым жок" деп белгилеген.

Бул окуядан соң Sputnik агенттигинин кабарчысы Анарбаевдин өзү менен телефон аркылуу байланыша албай, кийин өзүн Финчалгындоо кызматынын маалымат катчысымын деп тааныштырган адам менен сүйлөштү.

"Гуламжан Сатыбалдиевич сиздер менен сүйлөшүп жатканда, "Матраимовдун өзү менен кудасызбы?" деп сурады деп ойлоп, жаңылып калыптыр. Анын атынан мен кечирим сурайм", — деди ал.

Төмөндө маалымат катчы менен сүйлөшүүнүн аудиосун дагы сунуштайбыз. Анын журналист өзүн тааныштырып, маалымат катчы уюлдук телефонунун номерин айткан учурлары алып салынды.

Разговор с пресс-секретарем Госфинразведки КР Болотом Кошматовым 14 июня 2019 года

Маалымат катчы чалган телефондун номери — 0(312) 32-55-26. "Кыргызтелеком" ишканасынын маалыматына караганда, ал КР өкмөтүнүн алдындагы Финансылык чалгындоо кызматына тиешелүү.

Sputnik Кыргызстан агенттиги эгер пикириң билдирем десе, Гуламжан Анарбаев менен сүйлөшүп, так маалымат алууга даяр.

1333
Белгилер:
Руслан Матраимов, Гуламжан Анарбаев
Тема боюнча
Финчалгындоонун төрагасы менен Матраимовдор кудабы? Аткаминер үн катты
Каршылык акциясын мүчөлөрү. Архив

Бүгүн да Конституцияны өзгөртүүгө каршы жүрүш болду. Видео

149
(жаңыланган 14:48 29.11.2020)
Акциянын катышуучулары Темир жол бекетинин жанына чогулуп, Эркиндик бульвары менен борбордук "Ала-Тоо" аянтына келишти.

БИШКЕК, 29-ноя. – Sputnik. Бишкекте Конституцияны өзгөртүүгө каршы жекшембидеги экинчи тынчтык жүрүшү өтүп жатат.

Акциянын катышуучулары Темир жол бекетинин жанына чогулуп, Эркиндик бульвары менен борбордук "Ала-Тоо" аянтына келишти. Жүрүштүн алкагында "Референдум өтпөсүн!", "Хандык бийликке жол берилбесин!" деген тариздеги лозунгдарды кыйкырып басышты.

Жүрүштүн видеосу "Короче" Telegram каналына жүктөлгөн.

Акцияга жүздөн ашуун адам катышканын байкоого болот. Алар Конституция өзгөртүлсө бийлик бир колго топтолуп каларын белгилешүүдө. Ошондой эле референдум өткөрүүгө караманча каршы болуп жатышат.

Белгилей кетсек, ушундай эле жүрүш мурдагы жекшембиде дагы өткөн болчу.

149
Белгилер:
каршылык, акция, жүрүш, референдум, конституция
Тема:
Жаңы Конституциянын долбоору жана референдум
Тема боюнча
Жапаров референдумга Конституция эмес, башка маселени алып чыгууну сунуштады
Баш мыйзамдын жаңы долбооруна каршы чыккандар борбордук аянтка келишти. Видео
УКМК төрагасы Камчыбек Ташиев. Архив

Үлгүрүш керек... Ооруканада жаткан Камчыбек Ташиев үн катты

4585
(жаңыланган 12:28 29.11.2020)
Ташиев Бишкектеги ооруканалардын биринде дарыланып жатканы 26-ноябрда белгилүү болгон. Анын диагнозу жана ооруканага качан жаткырылганы кабарланган эмес.

БИШКЕК, 29-ноя. — Sputnik. Ооруканада жатат деген УКМК төрагасы Камчыбек Ташиев абалы боюнча социалдык тармактагы баракчасы аркылуу үн катты.

Ал ооруканага жатканын жашырганы менен үч күндөн кийин билинип калганын айтып, колдогондорго ыраазычылык айткан.

"Миңдеген адамдар дуба кылып, каалоолорун айтышты. Мен көпчүлүгүнө жооп бере албадым. Бардыгыңыздарга терең ыраазычылыгымды билдирем, ырахмат айтам. Эми өзүмдүн диагнозумду билем. Менин өмүрүм кыргыз элимдики. Эми мындан да катуураак иштеймин, үлгүрүш керек... ", — деп жазган Ташиев.

Ал Бишкектеги ооруканалардын биринде дарыланып жатканы 26-ноябрда белгилүү болгон. Диагнозу жана ооруканага качан жаткырылганы кабарланган эмес.

4585
Белгилер:
оору, Камчыбек Ташиев, УКМК
Тема боюнча
Жапаров дайындаган кадрлар. Кызматка келген достору, үзөңгүлөштөрү
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

357
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

357
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда