БИШКЕК, 18-июн. — Sputnik. Улуттук коопсуздук боюнча мамлекеттик кызматтын төрагасы болуп Орозбек Опумбаев дайындалганын президенттин маалымат кызматы билдирди.
Тийиштүү жарлыкка өлкө башчысы Сооронбай Жээнбеков кол койгон.
Опумбаев буга чейин УКМК төрагасынын биринчи орун басары болчу.
Эскерте кетсек, мурунку жетекчи Идрис Кадыркулов 15-майда паспорт чырынан улам өз ыктыяры менен кызматтан кеткен.
