Жогорку Кеңештин вице-спикери Мирлан Бакиров. Архивдик сүрөт

Отурганга ким уруксат берди?! Мирлан Бакиров кайра аткаминерди зекип... Видео

4165
(жаңыланган 18:38 26.06.2019)
Бул Бакировдун докладчыны жемелеген биринчи мисалы эмес.

БИШКЕК, 26-июн. — Sputnik. Жогорку Кеңештин вице-спикери Мирлан Бакиров парламентке келген аткаминерлердин бирине кайрадан бир тийди. Бул ирет анын "каарына" өкмөткө караштуу Архитектура, курулуш жана турак жай коммуналдык чарба мамлекеттик агенттигинин жетекчисинин орун басары Мирлан Акматалиев калды.

Докладчы трибунада Европа реконструкция жана өнүктүрүү банкы менен Ош облусунун айылдарына суу жеткирүү боюнча келишим тууралуу жооп берип жаткан. Көп өтпөй аткаминер басып барып ордуна отурган. Ошол учурда депутат ага эскертүү берди.

"Сизге отурууга ким уруксат берди? Трибунадан жооп беришиңиз керек же отурууга уруксат сурашыңыз керек", — деди Бакиров.

Мындан улам Акматалиев кайрадан трибунага чыкты. Алты мүнөт өткөндөн кийин гана Бакиров Акматалиевге отурууга уруксат берди.

Эске салсак, бул Бакировдун докладчыны жемелеген биринчи мисалы эмес. Буга чейин Жогорку Кеңештеги "Кыргызстан" фракциясынын депутаты Алмазбек Токторов менен Баштапкы кесиптик билим берүү агенттигинин өкүлү Талантбек Тынысовду талаптагыдай кийинип келген жоксуң деп Жогорку Кеңештеги жыйын учурунда жемелеген.

Окуядан кийин коомчулуктун сынына кабылып, эл депутаттын аткаминерден кечирим суроосун талап кылган.

Депутат буга видео кайрылуу аркылуу жооп берген.

"…Кечиримдүүлүк улуу касиет. Андан адам кичирейип кетпейт. Эгерде ошол инсандын жеке аброюна, үй-бүлөсүнө, коомчулукка катуу тийип кеткен болсо, мүмкүнчүлүктөн пайдаланып үзүр сурап кетемин", — деген ал.

Бирок депутат бул видеодо аткаминердин атын атаган эмес.

Ал эми Талантбек Тынысов Sputnik Кыргызстан кабарчысынын "депутат сиз менен байланышып кечирим сурадыбы?" деген суроосуна "жок" деп жооп берген.

4165
Белгилер:
аткаминер, Мирлан Бакиров, Жогорку Кеңеш
Тема боюнча
Чай ичкени эле барат! Жээнбековдун аткаминерлерди зекиген видеосу
Рыскелди Момбеков саламаттык сактоо министрин зекиди. Видео
Айыл чарба, тамак-аш өнөр жайы жана мелиорация министри Тилек Токтогазиев. Архив

Депутат министр Токтогазиевдин бет капчан мал базар кыдырганын сынга алды

3
(жаңыланган 13:50 03.12.2020)
Парламенттин жыйынында тирүү малдын сатылышына коюлган чектөөгө бир нече депутат каршылыгын билдирди.

БИШКЕК, 3-дек. — Sputnik. Жогорку Кеңештин депутаты Бейшеналы Нурдинов айыл чарба, тамак-аш өнөр жайы жана мелиорация министри Тилек Токтогазиевдин ишин сынга алды.

Ал тирүү малды үчүнчү өлкөгө чыгарууга тыюу салынышына каршы экенин билдирип, министрге суроо узатты. Төмөндө экөөнүн диалогу сунушталат.

— Мал базарга бет кап тагынып жашынып бардым деп айтыпсыз, ошол туурабы?

— Баасын билиш керек да...

— Андай туура эмес. Андан көрө "мен баратам" деп айтып коюп, чыкыйып костюм-шым кийип алып, эл менен жолугуп кел. Ат-Башыга барып келчи, эмне деген сөз угат экенсиң.

— Жок, андан кийин бет капты чечип барып дагы эл менен сүйлөштүм.

— Чечпей эле бар түз эле.

Токтогазиев жылмайып гана тим болду.

Ал эми Нурдинов эгер депутаттардын укугуна кирсе, ушул тыюу салган мыйзамды добуш берүү менен жокко чыгарып салууну сунуштады.

Вице-спикер Мирлан Бакиров ал мыйзам эмес токтом экенин айтып, бул боюнча өкмөткө сунуш берсе болорун түшүндүрдү.

Жыйында тирүү малдын сатылышына коюлган чектөөгө башка дагы бир нече депутат каршылыгын билдирди.

Токтогазиев аларга жооп берип жатып этти экспорттосо болорун белгилеп, азыр аны сөгүп жаткандар бир жылдан кийин рахмат айтып келерин билдирди.

3
Белгилер:
мал, чектөө, Тилек Токтогазиев
Тема боюнча
Мал арзандады. Өлкөнүн ири базарларындагы баага саресеп
Япониянын мурдагы премьер-министри Синдзо Абэ. Архив

Синдзо Абэ добуш сатып алуу боюнча шектелип, суракка чакырылды

11
(жаңыланган 13:39 03.12.2020)
Башкаруучу партия болуп эсептелген Либерал-демократтар партиясынын төрагасын шайлоодо (сентябрь айында болгон) добуштарды сатып алуу болушу мүмкүн деген шектенүү жаралып, Абэ күбө катары суралары айтырды.

БИШКЕК, 3-дек. — Sputnik. Токио шаарынын прокуратурасы Япониянын мурдагы премьер-министри Синдзо Абэни суракка алганы жатат. Бул тууралуу Kyodo агенттиги жазды.

Башкаруучу партия болуп эсептелген Либерал-демократтар партиясынын төрагасын шайлоодо (сентябрь айында болгон) добуштарды сатып алуу болушу мүмкүн деген шектенүү жаралып, Абэ күбө катары суралары айтылды.

Кеп жыл сайын өтүүчү "Сакурага суктануу" салтанаттуу кечеси тууралуу болуп жатат. Адатта ага чет элдик дипломаттар, искусство, спорт, маданият өкүлдөрү жана журналисттер чакырылат. Бирок бул ирет иш-чарага негизинен Либерал-демократтар партиясынын мүчөлөрү жана идеялаштары гана катышкан. Ошондой эле салтанатты өткөрүүгө сарпталган каражат тууралуу так маалымат берилген эмес.

Эске салсак, август айынын аягында Япониянын мурдагы премьер-министри Синдзо Абэ ден соолугуна байланыштуу отставкага кетүү чечимин кабыл алган. Кийин анын ордуна Либерал-демократтар партиясынын төрагасы жана өкмөт башчы болуп Ёсихидэ Суга шайланган. Суганын талапкерлигин 462 депутаттын ичинен 314ү колдоп берген.

11
Белгилер:
коррупция, шайлоо, Прокуратура, сурак, Япония, Синдзо Абэ
Тема боюнча
Финполдун тергөөчүсүнө 250 миң сом пара берип жаткан адам кармалды. Видео
"Кадастрдын" директору Абдумуктар Маматов коррупцияга шектелип кармалды. Сүрөт