Бывший президент Кыргызстана Алмазбек Атамбаев. Архивное фото

Жан сакчы, VIP-зал, пенсия... Атамбаев кандай артыкчылыктардан кол жууду

2674
(жаңыланган 15:44 27.06.2019)
Бүгүн Жогорку Кеңеш Алмазбек Атамбаевди экс-президент макамынан ажыратты.

Башкы прокуратура чыгарып берген тыянакты негиз кылып, Жогорку Кеңеш мурунку өлкө башчысын макамынан ажыратты. Добуш берүүдө депутаттардын 103ү "макул" десе, алтысы каршы чыкты.

"КР президентинин ишмердүүлүгүнүн кепилдиги тууралуу" мыйзамга ылайык, буга чейин мамлекеттин башында турган адамга ар кандай кепилдиктер жана артыкчылыктар каралган.

Sputnik Кыргызстан агенттиги Атамбаев экс-президент катары кандай ыйгарым укуктарга ээ болуп жүргөнүн тизмектеп чыктык.

Кол тийбестик

Экс-президент макамы бар кезде мамлекеттин мурдагы башчысын кылмыш жана административдик жоопкерчиликке тартуу эч мүмкүн эмес эле. Ошондой эле анын иштеген жана жашаган жерин тинтүүгө, ага тиешелүү автоунаа, архивдик материалдарга, документтерге жана кат алышууларга эч кимдин кийлигишүүгө акысы жок болчу. Азыр мурдагы президент мындай укуктан ажырады.

Кайтаруу

Аны Кыргызстандын аймагында өмүр бою мамлекеттик күзөт кызматы карап, кайтармак.

Бекер медициналык тейлөө жана пенсия

Экс-президент, жубайы жана анын камкордугундагы бойго жете элек балдары медициналык кызматтарды бекер пайдалана алмак. Мындан тышкары, пенсияга чейин акчалай колдоо, кийин пенсия чегерилмек. Анын көлөмү учурда иштеп жаткан президенттин айлыгынын 75 пайызын түзөт. Президентин маянасы өскөн учурда экс-президенттин пенсиясынын дагы суммасы жогоруламак.

Дача

Өмүрүнүн акыркы күнүнө чейин мамлекеттик дачалардын бирин акысыз пайдалана алмак. Ошондой эле Кыргызстандагы аба майдандарынын, темир жол бекеттердин VIP-залын акысыз колдонмок.

Байланыш

Экс-президент Кыргызстандын ичинде өкмөттүн колундагы бардык байланыш каражаттарынын (мобилдик жана кадимки телефон байланыш) түрлөрүн акысыз жана каалаган учурунда пайдалана алмак.

Ошондой эле президенттин ар-намысы жана кол тийбестиги мыйзам тарабынан корголмок.

2674
Белгилер:
артыкчылык, макам, кол тийбестик, Алмазбек Атамбаев
Тема:
Алмазбек Атамбаев статусунан ажыратылды (34)
Тема боюнча
Атамбаевди экс-президент макамынан ажыраткан депутаттар. Тизме
Атамбаевдин макамы алынган соң иш эмнеден башталат. Башкы прокурордун жообу

Пандемияны өз кызыкчылыгы үчүн колдонуп... Лавров Батышты сынга алды

126
РФ ТИМинин башчысы батыш мамлекеттеринин коронавирус пандемиясын өз кызыкчылыгы үчүн пайдаланган аракетине нааразы болду.

Сергей Лавров Кытайдын Global Times гезитине макала жазып, Батыш өзүнө жакпаган өкмөттөрдү жазалоо үчүн түзүлгөн кырдаалды пайдаланууга жандалбастап жатканын айкан. Буга мисал катары аларга Россиядан гумжардам алууга салган тыюусун келтирди.

Министр өз сөзүндө Батыштын адам укугун коргоодо кош стандарттуулукка жол берип жатканын да белгилеген. Кенинирээк биздин видеодон көрүүгө болот.

126
Белгилер:
коронавирус, пандемия, Батыш, Россия, ТИМ, Сергей Лавров
Тема:
Кытайдагы жаңы типтеги коронавирус
Тема боюнча
Батыш Россияны статистиканы бурмалап жатат деп айып тагууда. Видео
Премьер-министр Мухаммедкалый Абылгазиев. Архив

Абылгазиевдин Эл аралык университетти бүткөнүн көрсөткөн документтер жарыяланды

476
(жаңыланган 22:38 29.05.2020)
Университеттен өкмөт башчы диссертациясын баалуу кагаздар боюнча банктык операциялар жаатында жактагандыгын айтышты.

БИШКЕК, 29-май — Sputnik. Премьер-министр Мухаммедкалый Абылгазиевдин Кыргызстан эл аралык университетинде магистратурада билим алгандыгын тастыктаган документтер окуу жайдын сайтына жарыяланды.

Муну менен администрация өкмөт башчынын дипломунун айланасында айтылып жаткан сөздөргө чекит коюп, маселени тактап берүүнү чечти.

Буга аталган окуу жайдын бүтүрүүчүсүнүн премьер-министрди 1990-жылдары окуу жайды аяктаган студенттердин катарынан көрбөгөндүгүн жазганы себеп болгон.

"Премьер-министр Мухаммедкалый Абылгазиев "Жогорку математика жана бизнес" деп аталган магистратуранын күндүзгү бөлүмүндө "Банк адистиги" боюнча 1995-жылы окууга кирип, 1997-жылы аяктаган. Муну банк иштери боюнча мамлекеттик экзамен тапшырганы жазылган протокол далилдеп турат. Андан сырткары бүтүрүүчүлөрдүн аты-жөнү жазылган кагаздар да бар", — деп айтылат консорциумдун маалыматында.

Окуу жайдын архивинен билим алганы үчүн мыйзамдуу түрдө акча төлөгөн кагазы жана студент Абылгазиевди магистратуранын экинчи курсуна которуу боюнча буйрук менен рапорт алынган. Мындан сырткары магистрдик диссертациясынын темасын бекиткен документ да бар экендигин администрация маалымдаган.

"Өкмөт башчы диссертациясын "Баалуу кагаздар боюнча банктык операцияларга жасалган анализ" жаатында жактаган", — деп жазылган.

Кыргызстандын өкмөт башчысы Абылгазиевдин фамилиясындагы айырмачылык башка расмий маалымат булактарында жүргөнү бул кадыресе эле көрүнүш экени айтылган.

Мындан сырткары маалыматта аталган университетте 1995-жылы студенттерди эки деңгээл менен даярдаган Болон системасы кирип калганы кабарланган.

"Кыргызстан эл аралык университети бул системаны киргизген алгачкылардан болгон. Ал эми азыркы премьер-министр Мухаммедкалый Абылгазиев күндүзгү бөлүмдүн магистратурасынын биринчи агымынын бүтүрүүчүсү", — деп айтылган маалыматта.

Сайтта мамлекет окуу жайдан билим алган жалгыз коомдук ишмер, мамлекеттик кызматкер эместиги кабарланган. Андан башка Улуттук банктын төрагасы Толкунбек Абдыгулов, ТИМдин коомдук кеңешинин жооптуу катчысы Уран Ахметов, мурдагы премьер-министр Сапар Исаков Кыргызстан эл аралык университетин бүтүргөндүгүн мисал кылышкан.

476
Белгилер:
Кыргызстан эл аралык университети, магистратура, диплом, Мухаммедкалый Абылгазиев, Кыргызстан
Тема боюнча
Премьер-министр Абылгазиев жыштык чуусунан улам эмгек өргүүгө кетти
Акыйкатчы абактагы аткаминерлерден кабар алып, Атамбаевдин ден соолугун билди
Ошко 30-майда Урал авиакаттамдары авиакомпаниясынын Екатеринбург — Ош рейси менен 233 кыргызстандык жаран учуп келди.

Ошко Екатеринбургдан 233 кыргызстандык кайтып келди

0
(жаңыланган 21:15 30.05.2020)
Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

БИШКЕК, 30-май — Sputnik. Ошко 30-майда "Урал авиакаттамдары" авиакомпаниясынын Екатеринбург — Ош рейси менен 233 кыргызстандык жаран учуп келди. Бул тууралуу Республикалык штабдан кабарлашты.

Маалыматта авиакаттам дүйнөдө коронавирус пандемиясына байланыштуу чек аралардын убактылуу жабылышынан улам чет өлкөлөрдөгү Кыргызстандын жарандарын кайтаруу боюнча жүргүзүлгөн иштин алкагында жүзөгө ашырылды.

"Бул каттам менен ден соолугунан мүмкүнчүлүгү чектелген жарандар, оор илдети барлар, улгайган курактагы адамдар, кош бойлуу жана жаш балалуу энелер, турмуштук оор кырдаалдагы жарандар мекенине кайтарылды. Жүргүнчүлөрдүн тизмеси жарандардан келип түшкөн кайрылууларды, Урал федералдык округундагы шаарлардын жана аймактардын кыргыз диаспораларынын сунуштарын эске алуу менен түзүлгөн. Ошондой эле "Урал авиакаттамдары" компаниясынан мурда билет сатып алгандар кирди", — деп айтылат билдирүүдө.

Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

0
Белгилер:
эпидемия, коронавирус, мекендештер, каттам, Кыргызстан, Ош, Екатеринбург
Тема:
Коронавируска байланыштуу Кыргызстандагы кырдаал
Тема боюнча
Бишкекке Филиппин жана Түштүк Кореядан 58 жаран кайтып келди