Президент КР Сооронбай Жээнбеков на совещании по вопросам судебно-правовой реформы в стране

Жээнбеков: кутулуп кетем деп ойлобогула, тынчтык бербейм!

11401
(жаңыланган 17:46 02.07.2019)
2019-жылдын 1-январынан тартып Кыргызстанда жаңы институттарды киргизүүнү, тергөө бөлмөсүн жана сот отурумдары өтүүчү залдарды санариптештирүүнү караган жаңы беш кодекс жана эки мыйзам күчүнө кирген.

БИШКЕК, 2-июл. — Sputnik. Соттук реформа аягына чыгып, натыйжасын эл жон териси менен сезмейинче тынчтык бербейм. Бул тууралуу президент Сооронбай Жээнбеков 2-июлда өткөн өлкөдөгү сот-укуктук реформа маселелери боюнча кеңешмеде эксперттик топтун мүчөлөрүнө кайрылып жатып айтты.

  • Участники совещания по вопросам судебно-правовой реформы в Кыргызстане
    Соттук реформа аягына чыгып, натыйжасын эл жон териси менен сезмейинче тынчтык бербейм
    © Пресс-служба президента КР / Султан Досалиев
  • Президент КР Сооронбай Жээнбеков на совещании по вопросам судебно-правовой реформы в стране
    Бул тууралуу президент Сооронбай Жээнбеков 2-июлда өткөн өлкөдөгү сот-укуктук реформа маселелери боюнча кеңешмеде эксперттик топтун мүчөлөрүнө кайрылып жатып айтты
    © Пресс-служба президента КР / Султан Досалиев
  • Участники совещания по вопросам судебно-правовой реформы в Кыргызстане
    Жыйында сотко чейинки жана соттук өндүрүштү санариптештирүү, "тергөөчү судья", "пробация" институттарын киргизүү маселелери, Кылмыштардын жана жоруктардын бирдиктүү реестрин, Эреже бузуулардын бирдиктүү реестрин ишке киргизүүнүн учурдагы абалы талкууланды.
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Соттук реформа аягына чыгып, натыйжасын эл жон териси менен сезмейинче тынчтык бербейм

Жыйында сотко чейинки жана соттук өндүрүштү санариптештирүү, "тергөөчү судья", "пробация" институттарын киргизүү маселелери, Кылмыштардын жана жоруктардын бирдиктүү реестрин, Эреже бузуулардын бирдиктүү реестрин ишке киргизүүнүн учурдагы абалы талкууланды.

Жээнбековдун айтымында, сот-укуктук реформаны жүргүзүүнүн зарылдыгы коррупциялык көрүнүштөрдү жок кылуу маселелери бүгүнкү күнгө чейин чечилбей жатканынан улам келип чыккан. Ал көйгөйлөрдү атап, жүргүзүлүп жаткан реформаны тездетүү чараларын активдештирүү зарылдыгын баса белгиледи.

"Укук колдонуучулар жаңы форматта иштөөгө өтпөй, ката кетирип коюудан коркуп, жаңы өзгөртүүлөрдү колдонбой жатышат. Жооптуу адамдар ушул мезгилге чейин реформанын концепциясын түшүнбөй, кол астындагыларына убагында зарыл түшүндүрмөлөрдү бере алышкан жок. Айрым укук коргоо органдарынын жетекчилери өздөрү анын негизги багыттарын түшүнбөгөнү өкүнүчтүү", — деди президент.

Ал өлкөдө башталган сот-укуктук реформа кагаз жүзүндө эле калат деген жарандардын тынчсыздануусу пайда болгонуна көңүл бурду.

"Өткөн жылдын декабрында сиздер бардык пландалган иш-чаралар өз убагында ишке ашат, бардык тендерлер өткөрүлүп, жер-жерлерге жабдуулар коюлат, Кылмыштар жана Эреже бузуулар реестрлери ишке киргизилет, интернет бүт жерге жеткирилет деп айткансыздар. Бирок реестр, санариптештирүү, тендер, электрондук жабдууларды орнотуу боюнча иштер аксап жатат", — деп белгиледи өлкө башчы.

Президент бардык уюштуруу иш-чараларын өз убагында каржылоону камсыз кылуунун, бөлүнгөн каражатты натыйжалуу пайдалануунун, жакынкы болочокто аткарылчу иштерди так пландоонун маанисин белгиледи.

"Каржылоону создуктуруу учурлары бар, реформа боюнча иш-чаралар планы жок. Бирок жалпысынан алганда реалдуу проблемалар анча деле көп эмес. Аларды чечүү үчүн кошумча аракеттер керек, принципиалдуу тоскоолдуктар жок. Сиздер отчёт берүү менен эле кутулуп кетем деп ойлобогула. Бул реформа аягына чыкмайынча, анын натыйжаларын жарандарыбыз жон териси менен сезмейинче силерге тынчтык бербейм. Бул реформа өлкөбүз үчүн өтө керек", — деп баса белгиледи Жээнбеков.

Кеңешмеде эксперттик иш тобунун мүчөлөрү мамлекеттик органдардын жетекчилерин окутуу сапаты төмөндөп, Маалыматтык технологиялар жана байланыш мамлекеттик комитетинин спецификасы боюнча сапатсыз жабдууларды сатып алуу (компьютерлер, тергөөчүлөрдүн кабинеттери үчүн видеокамералар) фактылары бар экенин айтышты. Мындан тышкары, пробация системасын түзүүдө, сот-укуктук реформанын иш-чараларына донорлордун жардамын тартууда аракеттер бир топ чабал болуп жатканын белгилешти.

Кеңешменин жыйынтыгы боюнча ишке тартылган мамлекеттик органдарга өлкөдө соттук-укуктук реформанын жүрүшүн тездетүү боюнча тийиштүү протоколдук сунуштар жана тапшырмалар берилди.

Жээнбеков өкмөткө ыкчам тартипте Жол картасын иштеп чыгууну жана аны мындан ары илгерилетүүнү камсыздоону тапшырды.

Келерки ушундай кеңешме, президенттин тапшырмасына ылайык, 2019-жылдын октябрь айында өтөт.

Эске салсак, 2019-жылдын 1-январынан тартып Кыргызстанда жаңы институттарды киргизүүнү, тергөө бөлмөсүн жана сот отурумдары өтүүчү залдарды санариптештирүүнү караган жаңы беш кодекс жана эки мыйзам күчүнө кирген.

Буга байланыштуу президенттин демилгеси менен соттук-укуктук реформанын алкагындагы иш-чараларды натыйжалуу аткарылышын көзөмөлдөө үчүн атайын эксперттик жумушчу тобу түзүлүп, иштеп жатат.

11401
Белгилер:
тапшырма, реформа, сот, Сооронбай Жээнбеков
Тема боюнча
Президент ЖК төрагасы, Жогорку Соттун төрайымы жана премьер менен жолукту
Сооронкулова: учурда сот өндүрүшүн мыйзамдуу жүргүзгөн судьялар аз
Мамлекеттик кызматкерлер жыйын учурунда. Архив

Конституциялык кеңешменин курамы өзгөрдү. Жаңы кошулган 10 адамдын тизмеси

367
(жаңыланган 23:31 25.11.2020)
Кеңешменин курамына жаңы киргендердин арасында Жогорку Кеңештин мурдагы депутаттары, коомдук ишмер, юрист жана укук коргоочулар бар. Ал эми кеңешмедеги ЖК депутаты Канат Керезбеков үй-бүлөлүк шартына байланыштуу чыгарылган.

БИШКЕК, 25-ноя. — Sputnik. Конституциялык кеңешменин курамына өзгөртүүлөр киргизилип, дагы 10 адам кошулду. Бул тууралуу президенттин маалымат кызматы кабарлады.

Билдирмеге караганда, кеңешменин курамы мамлекет башчынын милдетин аткаруучу, Жогорку Кеңештин төрагасы Талант Мамытов кол койгон жарлыкка ылайык өзгөргөн.

"Конституциялык кеңешменин ишине активдүү катышууну каалагандардын саны көбөйгөндүгү эске алынды. Ошондой эле конституциялык реформа боюнча ишке жарандарды, коомдук уюмдарды жана көз карандысыз эксперттерди тартып, ар кандай пикирлерди толук эске алууну камсыз кылуу максатында, Конституциянын 65 жана 68-беренелери жетекчиликке алынды", — деп жазылат маалыматта.

Ага ылайык, кеңешмеден үй-бүлөлүк шартына байланыштуу ЖК депутаты Канат Керезбеков чыгарылган.

Кеңешме курамына 10 киши кошулду. Алар:

  • Чолпонбек Абыкеев — коомдук ишмер;
  • Мурат Укушев — көз карандысыз эксперт, конституционалист;
  • Алмамбет Шыкмаматов — Жогорку Кеңештин мурдагы депутаты;
  • Төлөйкан Исмаилова — "Бир дүйнө – Кыргызстан" укук коргоо уюмунун директору;
  • Мурат Карыпов — тобокелдиктерди жана кырсыктарды алдын алуу боюнча эксперт, "Плюрализм" гезитинин редактору;
  • Айдарбек Мамбеткадыров — көз карандысыз эксперт-юрист;
  • Асел Абакирова — юридика илимдеринин кандидаты, Жусуп Баласагын атындагы Кыргыз улуттук университетинин конституциялык жана административдик укук кафедрасынын доценти;
  • Кантемир Мурзабеков — Жогорку Кеңештин мурдагы депутаты;
  • Муратбек Иманкулов — Кыргыз билим берүү академиясынын билим берүү жаатында социалдык-гуманитардык көйгөйлөр лабораториясынын башчысы;
  • Таалайбек Шамурзаев — Кыргыз-орус славян университетинин Жазык процесси жана криминалистика кафедрасынын башчысы, профессор, юридика илимдеринин доктору.
367
Белгилер:
юрист, тизме, жарлык, өкмөт курамы, Конституциялык кеңеш
Тема:
Жаңы Конституциянын долбоору жана референдум
Тема боюнча
Конституция жөнүндө мыйзам долбооруна лингвистикалык экспертиза жүргүзүлөт
Эмгек жана социалдык өнүктүрүү министри Ализа Солтонбекова

Ализа Солтонбекова министрлик ишине расмий киришти

187
(жаңыланган 22:21 25.11.2020)
Кызматка дайындалган аткаминер 2018-жылдын ноябрь айынан ушул күнгө чейин министрдин орун басары болуп иштеп келген.

БИШКЕК, 25-ноя. — Sputnik. Ализа Солтонбекова эмгек жана социалдык өнүктүрүү министри кызматына расмий түрдө киришти. 

Аны дайындоо жөнүндө жарлыкка президенттин милдетин аткаруучу Талант Мамытов кол койгонун мамлекет башчынын маалымат кызматы билдирди.

Султанбекованын талапкерлиги премьер-министр тарабынан сунушталып, бүгүн парламенттен колдоо тапкан.

Солтонбекова 2018-жылдын ноябрь айынан ушул күнгө чейин эмгек жана социалдык өнүктүрүү министринин орун басары болуп иштеп келген.

Белгилей кетсек, эмгек жана социалдык өнүктүрүү министри Улукбек Кочкоров 27-октябрда жумуштан бошотулгандан кийин анын ордуна жаңы эле кызматын тапшырган вице-премьер Аида Исмаилова сунушталган. Бирок анын талапкерлигин ЖК депутаттары колдобой койгон.

187
Белгилер:
Ализа Солтонбекова, жарлык, дайындоо, министр
Тема боюнча
"Алмашкыс" орун басар ордуна кайтканда. Байгончоков Финансы министрлигине барды
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

122
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

122
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты