Бывший президент КР Алмазбек Атамбаев выступает на митинге против нынешней власти около Медиафорума в Бишкеке

Атамбаевдин тарапташтарынын койгон талаптары. Резолюция

484
Тынчтык митинги "Форум" имаратынын алдында өттү.

БИШКЕК, 3-июл. — Sputnik. Бишкектеги "Форум" ишканасынын алдында Атамбаевдин тарапташтары өткөргөн тынчтык митингдин соңунда жети пунктудан турган резолюция кабыл алынды.

Атамбаевдин Кой-Таш айылындагы үйүндө чогулган эл микроавтобустар менен "Форум" имаратынын алдына келип, саат 16:00дөр чамасында митинг башталган. Анда чогулгандар бийликке болгон нааразычылыктарын айтышкан. Мурдагы президент Алмазбек Атамбаев дагы бийликке карата бир катар сындарын айткан.

Кабыл алынган резолюцияга өлкөдөгү мыйзамсыздыкты токтотуп, өкмөт токтоосуз отставкага кетиши керек деген пункт киргизилди. Андан сырткары, укук коргоо органдарын түп тамыры менен өзгөртүп, УКМК, ИИМ жана Башкы прокуратуранын жетекчилерин алмаштыруу да талабы коюлду.

Бейкүнөө абакта жаткан саясий оппоненттер бошотулуп, алардын ишин адилеттүү тергөө сунушталды.

Мамлекеттик бийликтин беделин кетирген жетекчилер люстрацияланып, мамлекеттик аппаратты кармоого кеткен чыгымдарды кыскартуу маселеси да резолюцияга киргизилди. Аны менен катар бийликтеги эски элита кетип, жаңы элдик лидерлер келсин деген талап айтылды.

Эгер бул талаптар эки айдын ичинде аткарылбаса элдик штабга президент Сооронбай Жээнбековду мөөнөтүнөн мурда отставкага кетирүү жана парламентти таратууну талап кылган массалык нааразычылык акциясын өткөрүү тапшырылды.

484
Белгилер:
талап, резолюция, Митинг, Алмазбек Атамбаев
Тема боюнча
Төрага кол тийбестик боюнча: парламент Атамбаевге таарынгандай кыз эмес! Видео
Атамбаевдин тарапташтары митинг өткөрдү. Онлайн-репортаж
ШИИБ: жарандардын тынчсыздануусуна негиз жок
Экономикалык кылмыштарга каршы күрөшүү кызматынын төрагасы Сыймык Жапыкеев. Архив

Аспеков Жапыкеевге 50 миң доллар берүүгө камынганбы? Финпол жооп берди

978
(жаңыланган 14:47 18.01.2021)
Азыркы тапта Жапыкеев Бишкек ТЭЦинин ишин текшерип жүрөт, ал тууралуу айтылган кептер карандай калп.

БИШКЕК, 18-янв. — Sputnik. Экономикалык кылмыштарга каршы күрөшүү кызматынын төрагасы Сыймык Жапыкеевдин айланасындагы кептер боюнча аталган органдын маалымат кызматы комментарий берди.

Белгилей кетсек, айрым ЖМКлар "Кыргыз темир жолу" ишканасынын жетекчилигин опузалап 250 миң доллар талап кылды деп кармалган Мелис Аспеков өз көрсөтмөсүндө 50 миң долларын Жапыкеевге бермек болгонун айтканын жазган. Ошондой эле Финполдун төрагасы жакында камалары туурасында кеп тарады.

Финполдун маалымат кызматы айтылгандардын баары тастыкталбаган, карандай калп экенин билдирди.

"Учурда Финансы полициясы тарабынын коррупция, экономикалык жана финансылык кылмыштар менен күрөш тынымсыз жүрүп жатат. Жогорку рангдагы аткаминерлер аралашкан резонанстуу кылмыштуу схемаларды аныктап, алдын алууда. Мындан улам биздин кызматтын жетекчилигине көө жабууга аракет кыла башташты. Андай учур дагы кайталанышы мүмкүн, бирок биз ишти токтотпойбуз. Эң башкысы — элдин ишеними жана колдоосу керек", — деп айтылат маалыматта.

Ал эми Аспековдун көрсөтмөсүндө айтылгандар чындыкка дал келбей турганы белгиленет.

Маалымат кызмат азыркы тапта Жапыкеев Бишкек ТЭЦинин ишин текшерип жүргөнүн кошумчалады.

978
Белгилер:
ушак, көрсөтмө, финансы полициясы, Сыймык Жапыкеев
Тема боюнча
Жапыкеев: пандемияда иштеген аткаминерлердин баары сурак берип, көбү камалат
Илдетим күчөп кетти. Финполдун башчысы Сыймык Жапыкеев ооруканага түштү
Түндүк флоттун курамындагы Петр Великий кемеси. Архивдик сүрөт

"Батыш үчүн негизги коркунуч". Россия флоту флагманын алмаштырууда

249
(жаңыланган 20:28 17.01.2021)
Жаңы ракеталар, заманбап борттук жабдуулар, уникалдуу аскердик мүмкүнчүлүктөр — 1144 "Орлан" долбоорунун "Адмирал Нахимов" оор атомдук ракеталык крейсери Россиянын Аскер-деңиз флотунун флагман постундагы "Петр Великий" кемесинин ордун басат.

Бул келерки жылы, 2022-жылы, ишке ашырылмакчы. Заманбапташтырылган кеме РФ флотун чыңдайт. Бул туурасындагы Андрей Коцтун макаласы РИА Новости сайтына жарыяланган.

Алгачкы ранг

1144 "Орлан" долбоорунун крейсерлери – дүйнөдө авиаташуучулардан кийинки ири аскердик кемелер. Сыйымдуулугу — 25,8 миң тонна, узундугу — 250 метр, туурасы — 28,5 метр, экипаж — 760 киши. Россиянын бул типтеги эки вымпели — экинчи, Түндүк флоттун курамындагы "Петр Великий", ал "Нахимов" катарга кошулгандан кийин заманбапташтырылууга жөнөтүлөт. Маңызында экөө тең каалаган бутасын талкалай алчу толук куралданган деңиз платформасы болуп саналат. Стандарттык комплект П-700 "Гранит" кемеге каршы коргонуу ракеталарын кое берүүчү 20 орнотмо, "Оса-М" зениттик-ракеталык комплекстери, "Кинжал" жана ыраакка ок атуучу С-300Ф "Форт", "Метель" жана "Водопад" кемеге каршы коргонуу ракета-торпедалары, реактивдүү бомбомет жана АК-130 автоматтык кош стволдуу замбиректен турат. Атомдук энергетикалык орнотмосу, автономдуулугу  эки айды, ылдамдыгы 31 узелди түзөт. Сүзүү аралыгы дээрлик чектелбейт.

Крейсерлер Ырааккы Түндүк шарттарында да иштеп, Россиянын аскердик күчтөрүнө Арктика аймагына да орун алууну камсыздай алат. Аналитиктердин көпчүлүгү бул аянтты анчалык узак эмес келечекте табигый ресурстар үчүн потенциалдуу согуш талаасы катары көрүшөт.

Анткен менен кемелердин баары акырындап эскирип барат. Эгер 80-жылдардын аягы, 90-жылдардын башында "Орлан" кемелери кандай гана кас болбосун катыгын берип келген болсо, бүгүн абал ал убактагыдай эмес. Россияда азырынча биринчи рангдагы ири аскердик кемелерди курууда кыйынчылыктар болгондуктан, РФ Коргоо министрлиги колунда бар кемелерди заманбапташтырууну жана биринчи кезекте аларды жаңы курал менен жабдууну чечкен.

Абадан коргонуу платформасы

"Адмирал Нахимовду" 1999-жылы эле ремонтко жөнөтүшкөн, бирок крейсерди оңдоо иштери бул тармакка олуттуу каражат бөлүнгөн убакта, тагыраак, 2013-жылы гана башталган. 2015-жылы Северодвинскидеги "Севмаш" ишканасында кеменин эскилиги жеткен жабдуусу чыгарылып, корпусун баалоо иштери жүргөн. Кемени заманбапташтырууну 2018-жылы аяктоону чечишкен, бирок мөөнөт бир нече ирет узартылган. Иштин жүрүшүндө ремонт иштери өзгөртүлүп, борттук жабдуу жана куралдануусуна улам жаңы табылгалар киргизилип турган.

Былтыр май айында РФ коргоо министринин орун басары Алексей Криворучко оор крейсер биринчилерден болуп гипер үндүү "Циркон" ракеталарын алышарын билдирген. Алар бутасына үндөн тогуз эсе ылдам учуп, абадан коргонуунун эч бир тутумуна кармалбайт.

1000 чакырым чакты аралыкка жете алчу "Циркон" америкалык үнгө чейинки "Гарпун" кемеге каршы коргонуу ракеталарын артка калтырат (алардыкы 130 чакырым). "Орлан" кемелери дайым кубаттуу абадан коргонуучу кеме тутуму менен өзгөчөлөнүп келген. Заманбапташтырууга дейре "Нахимовдо" алыска атуучу С-300Ф "Форт" зениттик-ракеталык системасы менен жабдылган. Эми ал С-400дүн кыйла жакшыртылган аскердик-деңиз вариантына ээ болот.

Ар кыл типтеги зениттик ок-дары менен атуучу бул комплекс "көзгө көрүнбөс" учактарды жана башка аба, анын ичинде канаттуу жана баллистикалык буталарды да колго түшүрө алат.

40Н6 ракеталык системалары 400 чакырымга чейинки аралыктан объектилерди талкалайт. "Адмирал Нахимовго" С-400 зениттик-ракеталык тутумдун ок атуучу 96 шахтасы жайгаштырууну боолголоп жатышат, анда бул дүйнөдөгү абадан жасалган чабуулдан эң мыкты корголгон кемеге айланып чыга келет.

Сексен ячейка

Мындан тышкары, жакынкы аймакка ыңгайлашкан "Кортик" зениттик-ракеталык комплекси андан кыйла заманбап "Панцирь-МЕ", ал эми "Оса-М" зениттик ракеталары "Редут" жаңы ракеталарына алмаштырылат. Бирок көбүнесе сокку уруучу комплекстери заманга бапташтырылмакчы.

"Циркондордон" сырткары "Адмирал Нахимов" П-800 "Оникс" кемеге каршы коргонуу ракеталары жана 2500 чакырымга чейинки аралыкка жете алчу "Калибр" канаттуу ракеталары менен куралдандырылат. Алардын баары 80 ячейкадагы ок атуучу ЗС14 вертикалык орнотмолордон кое берилет. Аларды монтаждоо үчүн кемеден П-700 "Гранит" комплексин алып салууга туура келген.

"Граниттер" кезегинде өтө күчтүү курал эле, ылдамдыгы – үч Мах, ыраактыгы 625 чакырымды түзгөн. Беш килотонналык өзөктүк куралы бир тийгенде авиаташуучуну да кыйратып кое алчу. Бирок көлөмү чоң, узундугу он метр, салмагы жети тоннанын тегерегинде эле. Кемеге каршы коргонуучу жаңы ракеталардын ок бөлүгү анчалык кубаттуу эмес, бирок ыкчам жана таамай тиет.

Крейсердин кемеге каршы коргонуу куралдануусу да жаңыртылат. "Адмирал Нахимов" кемени жакынкы аралыктарда торпеда жана суу түбүндөгү кайыктардан коргой турган "Пакет-НК" комплексин алат. Бул система эки типтеги ок-дарыга: МТТ жылуулук торпедалары жана торпедаларга каршы коргонуучу реактивдүү М-15ке ээ. Биринчиси 20 чакырым аралыктан 600 метрге чейинки тереңдиктеги субмариналарды талкалай алат. Экинчиси кемеге чабуул койгон 1,4 чакырымга чейинки аралыктан 800 метрге дейре тереңдиктеги торпедаларды кармай алат.

"Пакет-НК" болушунча автоматташтырылган, өз алдынча бутаны байкап, тааный алат. Кыймылынын параметрлерин аныктап, торпедага жана кемеге каршы коргонуучу торпедага так бута көрсөткүчтөрүн берет. Эки ок-дары тең жетишерлик ыкчам жүрө алат, ылдамдыгы — 50 узел (саатына 92 чакырым).

Албетте, крейсердин электрондук ички курамы да эң заманбап тутумга алмаштырылып, бул кеме экипажынын кырдаалдан кабар алып туруусун алда канча жогорулатат, борттук куралды колдонуу мүмкүнчүлүгүн кеңейтет. Булардан тышкары, крейсер байланыш жана навигациянын соңку үлгүдөгү системалары, ошондой эле заманбапташтырылган палубалык Ка-27М үч тик учагынан турган авиотоп менен камсыз болмокчу. Бул машиналар экипажга болжолдуу душмандын суу түбүндөгү кайыктарын табууну бир топ жеңилдетет.

249
Белгилер:
аскер-деңиз флоту, Россия
Тема боюнча
Сириядан Кавказга карай: россиялык Ми-28НМ жана Ми-26Т2В тик учактары сыналууда
Бут кийимдер. Архивдик сүрөт

Эми Россияга бут кийим идентификациялык код менен гана экспорттолот

0
(жаңыланган 18:17 18.01.2021)
Кыргызстан ЕАЭБ өлкөлөрүнүн ичинен алгачкы болуп ата мекендик бут кийимди экспорттоочуларды маркалоо коду менен камсыздай баштады.

БИШКЕК, 18-янв. — Sputnik. Кыргызстан Россияга бут кийим продукциясын экспорттоочуларга маркалоо кодун бере баштады. Бул туурасында Салык кызматынан билдиришти.

Улуттук маркалоо системасынын оператору болуп "Альфа Телеком" компаниясы эсептелет.

Маалыматта Кыргызстан ЕАЭБге мүчө-өлкөлөрдүн ичинен алгачкылардан болуп ата мекендик бут кийимди экспорттоочуларды маркалоо коду менен камсыздай баштаганы айтылат. Аталган продукцияны милдеттүү түрдө маркалоо өткөн жылдын 1-июлунан тарта киргизилген.

"Бут кийим Россияда милдеттүү түрдө маркалоо талабы коюлган экинчи (тамекиден кийин) товардык группа болуп калды. Идентификациялык коду жок бут кийим продукциясын Россияда өндүрүүгө, ташып кирүүгө, дүкөндөрдө сатууга жана кампаларда сактоого тыюу салынат", — деп айтылат маалыматта.

Товарларды маркалоо жөнүндө кененирээк маалыматты Салык кызматынын www.sti.gov.kg сайтынан же КРдин товарларды маркалоо системасынын main.teksher.kg расмий сайтынан алууга болот.

0
Белгилер:
бут кийим, Мамлекеттик салык кызматы
Тема боюнча
Сазыков: маркалоонун максаты — ЕАЭБге товарды тоскоолдуксуз экспорттоо
КР тикмечилерине Россияга товар алып кирүүдө жаңы талап коюлду