Кыргызстандын учурдагы президенти Сооронбай Жээнбеков жана мурдагы президенти Алмазбек Атамбаев. Архив

Жээнбеков Атамбаевге соцтармактан көз салат. Кайсы аткаминер кимге катталуу

1306
(жаңыланган 11:59 07.07.2019)
Интернет желе мейкиндигинде "Атамбаев менен Жээнбеков араздашууда, бирок Instagram тармагында экөө бири-биринин баракчасына катталган боюнча турат" деген мем аралап жүрөт. Sputnik Кыргызстан редакциясы аны байкаары менен аткаминерлердин социалдык медиа баракчаларын, ким кимге катталганын карап чыгууну чечти.

Бүгүнкү күндө эл жашоосунун басымдуу бөлүгүн интернетте, анын ичинде социалдык тармактарда өткөрөт. Көптөр андан көз каранды болуп калганы да байкалат, жада калса айрым аракеттерине "соцтармактагы достору кандай реакция кылар экен" деп жүрөкзаада да болот. Кээде жашообуз ушул жактагы лайк жана комментарийлер менен көзөмөлдөнүп калгандай элес калтырат.

Бул нерседен биздин аткаминерлер да четте калган эмес. Кээде дал ушул соцтармак алардын ишин жөнгө салып коёт. Sputnik агенттигинин кабарчысы социалдык тармактарга көз жүгүртүп, мамлекеттик кызматкерлер менен саясатчылардын "желедеги жашоосун", кимиси кимге катталганын карап көрдү. Негизинен алар чет элдик саясатчылардын, өз кесиптештеринин, мамлекеттик органдардын жана жалпыга маалымдоо каражаттарынын баракчаларын окушат экен.

Президент Сооронбай Жээнбеков

Президент КР Сооронбай Жээнбеков на встрече с председателем КНР Си Цзиньпином
© Sputnik / Табылды Кадырбеков
Кыргызстандын президенти Сооронбай Жээнбеков

Сооронбай Жээнбековдун Twitter баракчасы верификацияланган эмес, башкача айтканда, каттоо эсебинин жекелиги тастыкталган эмес. Мамлекет башчынын баракчасына 952 киши катталган.

Президент өзү 17 кишинин баракчасын гана окуйт. Тагыраагы, беш киши, 12 ЖМК, алардын арасында Sputnik Кыргызстандын баракчасы да  бар. Ошондой эле президент Жогорку Кеңештин депутаты Элвира Сурабалдиеванын, Россиянын премьер-министри Дмитрий Медведевдин, Казакстандын Улуттук коопсуздук комитетинин башчысы Карим Масимовдун, Казакстан президенти Касым-Жомарт Токаевдин, ошондой эле Индиянын премьер-министри Нарендра Модинин баракчаларын окуйт.

Сооронбай Жээнбековдун биринчи твити 2017-жылдын 24-майында жарыяланган. "Менин расмий аккаунтума кош келиңиздер!" — деп жазган президент. Мамлекет башчынын баракчасында жалпы 55 жазуу бар, ал негизинен жолугушуулары туурасында бөлүшөт.

Айтмакчы, президенттин Facebook баракчасын барактагандар көбүрөөк, аны 3072 киши окуйт. Билдирүүлөр дээрлик күн сайын жарыяланат.

Сооронбай Жээнбековдун Instagram баракчасы да тастыкталган эмес. Мамлекет башчысына 223 киши катталган, президент өзүнүн басма сөз катчысы Толгонай Стамалиеванын жана Кыргызстандын мурунку президенти Алмазбек Атамбаевдин баракчасына көз салат.

Кыргызстандын мурдагы президенти Алмазбек Атамбаев

Президент КР Алмазбек Атамбаев после голосования на выборах в местные кенеши и референдум на избирательном участке 1209 в столице
© Пресс-служба президента КР / Султан Досалиев
Кыргызстандын мурдагы президенти Алмазбек Атамбаев

Алмазбек Атамбаев акыркы твитин 2013-жылы, катталгандан туура бир жылдан соң жарыялаган.

Анын баракчасы да тастыкталган эмес. Мамлекетибиздин мурдагы башчысы "Кудай буюрса, жакшы жашоого акчабыз да болот!" — деп жазган соңку твиттеринин биринде.

Баракчаны 393 киши окуйт, Атамбаев өзү Түркиянын мурдагы президенти Абдуллах Гүл, Казакстандын улуттук коопсуздук комитетинин башчысы Карим Масимовдун, Россиянын премьер-министри Дмитрий Медведевдин жана Кремлдин расмий жаңылыктарын окуйт.

Алмазбек Атамбаевдин Instagram баракчасында 778 жазуу бар, 155 миңден ашуун киши катталган, бирок анын расмий баракчасы да тастыкталган эмес. Мурдагы президент КСДПнын, мурунку өкмөт башчы Сапар Исаковдун жана Кыргызстандын президенти Сооронбай Жээнбековдун баракчаларын окуйт.

Премьер-министр Мухаммедкалый Абылгазиев

Премьер-министр КР Мухаммедкалый Абылгазиев провел совещание по вопросу реализации программы Ала-Тоо булагы в сфере сельского питьевого водоснабжения населенных пунктов страны
© Фото / пресс-служба правительства / Алишер Алиев
Премьер-министр Мухаммедкалый Абылгазиев

Премьер-министр Instagram айдыңында жалгыз Кыргызстандын президентинин баракчасына гана катталган. Ал эми өкмөт башчынын жазгандарын дээрлик 40 миң киши окуйт. Баса, аткаминерлердин арасында жалгыз Мухаммедкалый Абылгазиевдин Instagram баракчасы верификацияланган.

Бишкек мэри Азиз Суракматов

Мэр столицы Азиз Суракматов на коллегии муниципалитета
© пресс-служба мэрии города Бишкек
Бишкек мэри Азиз Суракматов

Быйыл январда социалдык медианын Instagram бутагында Азиз Суракматов да катталган. Анын баракчасы тастыкталган эмес, катталгандардын саны да болгону — 665. Бишкек мэри өзү жаңылыктарды жана "Бишкекасфальтсервис", Троллейбус башкармалыгы, Бишкек башкы архитектурасы, "Тазалык", Бишкек жашылдандыруу, "Бишкек жарык берүү" өңдүү муниципалдык ишканалардын баракчаларын калтырбай окуйт.

Андан сырткары, Азиз Суракматов президенттик аппарат жетекчисинин биринчи орун басары Алмаз Кененбаевдин, КР премьер-министри Мухаммедкалый Абылгазиевдин, ЖК депутаты Элвира Сурабалдиеванын, Бишкек шаардык кеңешинин төрагасы Жаныбек Абировдун баракчаларына катталган. Ошондой эле Колумбия округунун мэри Мюриел Баузер жана Москва калаасынын башчысы Сергей Собяниндин профилдерине көз салат.

ЖК төрагасы Дастан Жумабеков

Спикер Жогорку Кенеша Дастан Джумабеков в ходе пресс-конференции по итогам четвертой сессии  Жогорку Кенеша Кыргызской Республики шестого созыва
© Фото / пресс-служба ЖК/ Ашыркул Оморов
ЖК төрагасы Дастан Жумабеков

Спикердин Facebook тармагында гана баракчасы бар. Ага 1 223 адам катталуу.

Вице-спикер Мирлан Бакиров

Вице-спикер Жогорку Кенеша Мирлан Бакиров
© Sputnik / Табылды Кадырбеков
Вице-спикер Мирлан Бакиров

Бакировдун Facebook тармагында төрт баракчасы бар. Анын үчөө жеке болсо, бирөө бизнес жүргүзүүгө арналган. Аккаунттарынын бирине Сары-Челек коругунда эс алып жүргөн сүрөттөрүн жүктөгөн.

1306
Белгилер:
социалдык тармак, Мирлан Бакиров, Мухаммедкалый Абылгазиев, Дастанбек Жумабеков, Алмазбек Атамбаев, Сооронбай Жээнбеков
Тема боюнча
Instagram тармагында күйөрманы көп ырчы ким? Көз күйдүргөн тизме
Facebook кыйындары: көпчүлүктүн көңүлүн бурган 15 инсан
Экс-премьер-министр Кубатбек Боронов. Архив

Бороновдун жардамчысы: экс-премьер реанимацияда эмес

14
(жаңыланган 13:54 03.12.2020)
Буга чейин саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан.

БИШКЕК, 3-дек. — Sputnik. Экс-премьер-министр Кубатбек Боронов коронавирустан дарыланып, реанимацияда эмес кадимки палатада жатат. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Буга чейин саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан.

Турдумамбетовдун айтымында, Бороновго коронавирус деген диагноз коюлган. Ал эми анын пневмонияга кабылганы туурасында маалыматы жок экенин белгиледи.

Экс-премьер учурда стационарда, абалы туруктуу.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

14
Белгилер:
реанимация, оорукана, пневмония, коронавирус, Кубатбек Боронов
Тема боюнча
Чүй менен Бишкекте азайбай койду. Коронавирус боюнча соңку маалымат
Айыл чарба, тамак-аш өнөр жайы жана мелиорация министри Тилек Токтогазиев. Архив

Депутат министр Токтогазиевдин бет капчан мал базар кыдырганын сынга алды

34
(жаңыланган 13:50 03.12.2020)
Парламенттин жыйынында тирүү малдын сатылышына коюлган чектөөгө бир нече депутат каршылыгын билдирди.

БИШКЕК, 3-дек. — Sputnik. Жогорку Кеңештин депутаты Бейшеналы Нурдинов айыл чарба, тамак-аш өнөр жайы жана мелиорация министри Тилек Токтогазиевдин ишин сынга алды.

Ал тирүү малды үчүнчү өлкөгө чыгарууга тыюу салынышына каршы экенин билдирип, министрге суроо узатты. Төмөндө экөөнүн диалогу сунушталат.

— Мал базарга бет кап тагынып жашынып бардым деп айтыпсыз, ошол туурабы?

— Баасын билиш керек да...

— Андай туура эмес. Андан көрө "мен баратам" деп айтып коюп, чыкыйып костюм-шым кийип алып, эл менен жолугуп кел. Ат-Башыга барып келчи, эмне деген сөз угат экенсиң.

— Жок, андан кийин бет капты чечип барып дагы эл менен сүйлөштүм.

— Чечпей эле бар түз эле.

Токтогазиев жылмайып гана тим болду.

Ал эми Нурдинов эгер депутаттардын укугуна кирсе, ушул тыюу салган мыйзамды добуш берүү менен жокко чыгарып салууну сунуштады.

Вице-спикер Мирлан Бакиров ал мыйзам эмес токтом экенин айтып, бул боюнча өкмөткө сунуш берсе болорун түшүндүрдү.

Жыйында тирүү малдын сатылышына коюлган чектөөгө башка дагы бир нече депутат каршылыгын билдирди.

Токтогазиев аларга жооп берип жатып этти экспорттосо болорун белгилеп, азыр аны сөгүп жаткандар бир жылдан кийин рахмат айтып келерин билдирди.

34
Белгилер:
мал, чектөө, Тилек Токтогазиев
Тема боюнча
Мал арзандады. Өлкөнүн ири базарларындагы баага саресеп