Казакстандын премьер-министри Аскар Маминдин жана КР өкмөт башчысы Мухаммедкалый Абылгазиев

Көйгөйлүү маселенин баарын чечебиз. Абылгазиев казак премьери менен жолукту

96
(жаңыланган 14:01 12.07.2019)
Аскар Мамин бүгүн, 12-июлда, Кыргызстанга расмий иш сапары менен келди.

БИШКЕК, 12-июл. — Sputnik. Кыргызстан Казакстандын премьер-министри Аскар Маминдин Кыргызстанга болгон расмий иш сапарынын жыйынтыгында бир катар маселелердин чечиле турганына ишеним артат. Бул тууралуу КР өкмөт башчысы Мухаммедкалый Абылгазиев тар чөйрөдө болгон жолугушууда билдирди.

Аскар Мамин бүгүн, 12-июлда, Кыргызстанга расмий иш-сапары менен келди. Анын алкагында өкмөттөр аралык кеңештин кезектеги жыйыны өтүп, тараптар тар жана кеңири чөйрөдө жолугушуп, бир катар документтерге кол коюлат. Мамин президент Сооронбай Жээнбеков менен да жолугат.

Абылгазиев өз сөзүндө Казакстан менен болгон стратегиялык мамилеге Кыргызстан артыкчылык бере турганын айтты. Андан сырткары, эки мамлекеттин эксперттери сапардын алдында бир нече документтердин үстүндө иштегенин кошумчалады.

"Биз алдыбызга чоң максаттарды коюп жатабыз. Алар актуалдуу болуп жаткан маселелерди чечүү, ошондой эле учурдагы айрым көйгөйлөрдү жойсок дейбиз. Бирок, эң башкысы, Казакстан президентинин Кыргызстанга боло турчу сапарына даярдык көрүү", — деди ал.

Мамин өз кезегинде Казакстан да Кыргызстан менен болгон достук мамилеге өзгөчө көңүл бурарын белгиледи.

"Жыйында эки тараптуу мамилени өнүктүрүүгө жана актуалдуу маселелерди чечүү боюнча бирдиктүү жол-жобону иштеп чыгабыз деп ишенем", — деди Мамин.

Казак премьери эки мамлекеттин ортосундагы товар айланууну 1 миллиард долларга чейин чыгарууга толук мүмкүнчүлүк бар экенин айтты.

96
Белгилер:
Аскар Мамин, Мухаммедкалый Абылгазиев, Казакстан, Кыргызстан
Тема боюнча
Казакстандын премьер-министри Аскар Мамин Кыргызстанга келди
Кыргыз-казак чек арасында кайрадан фуралардын узун кезеги пайда болду. Видео
Депутат Чыныбай Турсунбеков

Депутаттар ЖКнын экс-спикери Чыныбай Турсунбековдун каза болгонун айтууда

333
(жаңыланган 01:12 07.07.2020)
Чыныбай Турсунбеков 60 жашта. Буга чейин ал пневмония оорусуна чалдыгып ооруканада жатканы айтылган.

БИШКЕК, 7-июл. — Sputnik. Жогорку Кеңештин депутаты Чыныбай Турсунбеков каза болду  деген маалыматтарды бир катар ЖМКлар, ЖКнын бир нече депутаттары социалдык тармакка жазышты. Ал эми ЖКнын маалымат кызматынын жетекчиси Ибраим Нуракун уулу  журналисттер жана башкаларды сабырдуулукка чакырып, маалыматтын тастыктала электигин айтты.

“Чыныбай Акунович... Бейиштен орун берсин. Жакындарына көңүл айтам. Дагы бир мыкты инсан арабыздан кетти..., — деп жазды депутат Кожобек Рыспаев.

Эльвира Сурабалдиева жана Дастан Бекешев да социалдык тармакта көңүл айтты.

"Ата Мекен" партиясынын лидери Өмүрбек Текебаевдин айтымында, Турсунбеков Бишкектеги Улуттук госпиталдын тез жардам терапия бөлүмүндө көз жумган.

Чыныбай Турсунбеков 57 жашта! Белгилүү саясий ишмер тууралуу 9 факты

Турсунбеков буга чейин пневмония оорусуна чалдыгып, абалы оор экенин айрым ЖМКлар жазышкан.

"Депутат жакынкы күндөрү өпкөнү жасалма дем алдыруучу аппаратынан чыгып, үйүнөн дарыланууга уруксат берилиши күтүлүүдө. Жалпы абалы жакшы жана стабилдүү. Алдын ала диагнозу пневмония. Коронавируска карата ПЦР-тести таза чыккан", — деп жазган эле Нуракун уулу.

Чыныбай Турсунбеков 60 жашта эле, Жогорку Кеңештин VI чакырылышынын төрагасы болуп иштеген.

333
Белгилер:
пневмония, өлүм, депутат, Чыныбай Турсунбеков
Тема:
Кыргызстандагы коронавирус жуктуруп алгандар
Тема боюнча
Белгилүү журналист Бүбүкан Досалиева дүйнө салды
Алмамбет Шыкмаматовдун жубайы Жанара Турдакунова пневмониядан каза болду
Түркия Республикасынын Президенти Режеп Тайып Эрдогандын Кыргызстанга расмий сапары. Архив

Жээнбеков Эрдоган менен коронавируска биргеликте каршы турууну талкуулады

88
(жаңыланган 19:28 06.07.2020)
Тараптар эки өлкөнүн ортосундагы өз ара аракеттешүүнү өркүндөтүү боюнча үстүбүздөгү жылга биргелешкен пландарды белгилешти.

БИШКЕК, 6-июл. — Sputnik. Президент Сооронбай Жээнбеков Түркия өлкө башчысы Режеп Тайип Эрдоган менен телефон аркылуу сүйлөшкөнүн мамлекет жетекчисинин маалымат кызматы кабарлады.

Билдирүүдө өлкө башчылар эки жактуу жана көп тараптуу кызматташуунун актуалдуу маселелерин жана буга чейин жетишилген келишимдерди ишке ашыруунун жүрүшүн талкуулашканы айтылат.

"Тараптар эки өлкөнүн ортосундагы өз ара аракеттешүүнү өркүндөтүү боюнча үстүбүздөгү жылга коюлган пландарды белгилешти. Ошондой эле коронавирус инфекциясын жайылтпоо жаатында мындан ары биргелешкен чараларды көрүү маселелерин талкуулашты", — деп айтылат маалыматта.

Эскерте кетсек, акыркы маалымат боюнча, Кыргызстанда коронавирус жуктуруп алгандардын саны 7 691ге жетти. Азыр стационарда 625 киши дарыланууда, анын 22си реанимацияда жатат. 2 843 киши ооруканадан чыгарылса, март айынан бери 92 адам көз жумду.

88
Белгилер:
кызматташуу, коронавирус, Режеп Тайип Эрдоган, Сооронбай Жээнбеков, Түркия, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Жээнбеков өзгөчө абал режимин киргизүү боюнча пикирин айтты