Мурдагы президент Алмазбек Атамбаев. Архив

Алмазбек Атамбаев ИИМге үчүнчү ирет чакырылды. Сүрөт

748
(жаңыланган 12:49 19.07.2019)
Келген кагаз боюнча Атамбаев 19-июлда саат 10:00дө ИИМге барышы керек.

БИШКЕК, 18-июл. — Sputnik. Мурдагы президент Алмазбек Атамбаев ИИМге үчүнчү ирет суракка чакырылды. Бул тууралуу Sputnik Кыргызстан агенттигине укук коргоо органдарындагы ишенимдүү киши билдирди.

Повестка на допрос в МВД бывшему президенту КР Алмазбеку Атамбаеву
© Фото / источник в правоохранительных органах
Повестка на допрос в МВД бывшему президенту КР Алмазбеку Атамбаеву

Бүгүн, 18-июлда, милиция кызматкерлери Атамбаевге ИИМге келип сурак берүү үчүн үчүнчү ирет билдирүү катын алып келди. Ал катта Атамбаев 19-июлда саат 10:00дө барышы керек.

Мурдагы президентке сурак берүү үчүн кагаз биринчи жолу 8-июлда, андан кийинки кагаз 10-июлда келген. Бирок Атамбаев азыркы бийлик "бийлик укуктук талаадан чыгып кетти" деп, тергөөчүнүн сурагына келбей тургандыгын журналисттерге айткан.

Эске салсак, Жогорку Кеңеш Алмазбек Атамбаевди кол тийбестигинен ажыраткан. Башкы прокурор Өткүрбек Жамшитов парламенттеги депутаттык комиссия койгон алты күнөөнүн бешөө негиздүү экенин ырастап, бул боюнча өзүнүн корутундусун дагы билдирген.

Алар: Кой-Таш айылындагы жер тилкесин мыйзамсыз алуу, кримтөбөл Азиз Батукаевдин мыйзамсыз бошотулушуна, акча адалдаган "Ака инвест" сыяктуу бир нече компанияга тиешеси бардыгы, Бишкек ТЭЦин реконструкциялоодогу коррупциялык иштер жана ТЭЦке көмүр ташыган компаниянын кызыкчылыгын коргоо маселеси.

748
Белгилер:
милиция, сурак, ИИМ, Алмазбек Атамбаев
Тема:
Алмазбек Атамбаев статусунан ажыратылды (34)
Тема боюнча
Атамбаевдин айланасындагы ызы-чуу. Негизги 13 суроого жооп
Атамбаевдин айланасындагы кырдаал тууралуу кыска-нуска видео