Флаги Кыргызстана и Таджикистана. Архивное фото

Элге түшүндүрөлү. Чек ара чыры боюнча кыргыз-тажик өкмөт өкүлдөрү сүйлөштү

186
(жаңыланган 09:00 24.07.2019)
Сүйлөшүүнүн жүрүшүндө тараптар чатактын чыгыш себебин биргелешип иликтөөгө алууну талкуулаган.

БИШКЕК, 23-июл. — Sputnik. Кыргызстан менен Тажикстандын вице-премьер-министрлери Жеңиш Разаков жана Азим Иброхим кыргыз-тажик чек арасындагы чатак боюнча сүйлөшүүлөрдү өткөрдү. Бул туурасында өкмөттүн маалымат кызматынан кабарлашты.

"Сүйлөшүүнүн жүрүшүндө тараптар чатактын чыгыш себебин биргелешип иликтөөгө алууну талкуулашты. Андан сырткары, биргелешип кайгуул иштерин өткөрүп, эки элдин ортосунда түшүндүрүү иштерин жүргүзүүнү макулдашты", — деп айтылат маалыматта.

Ал эми жергиликтүү бийликтин абалды байкоого алып, кырдаалга мониторинг жасап жатканы кабарланды.

Эске салсак, кечээ, 22-июлда, Ак-Сай (Кыргызстан) менен Ворух (Тажикстан) айылдарынын жашоочуларынын ортосунда чыр чыккан. Ворухтун тургундары кыштактын кире беришине флагшток орнотмокчу болушкан. Ал эми ага аксайлыктар каршы чыккан. Кайым айтышуу учурунда тараптардын бири ок чыгарган. Мамлекеттик чек ара кызматы окту жай тургундар деле чыгарышы ыктымалдыгын айткан.

"Учурда жабырлануучулар суралып, соттук-медициналык, соттук-биологиялык, соттук-баллистикалык, соттук-медициналык-криминалистикалык экспертизалар дайындалып, тергөө иштери жүрүп жатат", — деп кошумчалады Юсупова.

Бүгүн, 23-июлда, тажик тараптан эки ирет ок атылып, кыргызстандык чек арачылардын бирөө жаракат алган.

Муну менен катар эле КРдин Мамлекеттик чек ара кызматы Тажикстан тарапты эмоцияга алдырбоого жана кыргыз тарапты негизсиз күнөөлөөдөн алыс болууга чакырган билдирүү таратты.

Эки өлкө жарандарынын ортосунда чек ара чыры маал-маалы менен чыгып турат. Жакында эле Баткен районунун Достук айылынын тургунун коңшу мамлекеттин Улуттук коопсуздук кызматынын өкүлдөрү кармап кеткени маалым болгон. Бул фактыга нааразы болгон эл облустук администрацияга келип, аларга тиешелүү тараптар маалымат берген. Бирок алигүнчө ал кишиден дайын жок болуп жаткандыгын 17-июлда Баткен облустук милициясынан кабарлашкан эле.

186
Белгилер:
чек ара, Ворух анклавы, Аксай айылы, Баткен району, Тажикстан, Кыргызстан
Тема:
Кыргыз-тажик чек арасындагы жаңжал (22)
Тема боюнча
Кыргыз-тажик чек арасындагы чыр боюнча тергөө тобу ишин баштады
Ачууга алдырбагыла! Кыргызстан тажик тараптын дооматына катуу жооп берди