Чолпон-Ата шаарында президент Сооронбай Жээнбековдун жана Тажикстандын башчысы Эмомали Рахмондун сүйлөшүүлөрү уланды

Жээнбеков Чолпон-Атада Рахмон менен жолукканда эмне деди? Жолугушуунун сүрөтү

663
(жаңыланган 10:26 29.07.2019)
Жээнбеков Исфара шаарында кыргыз өкүлдөрүн чын көңүлдөн кабыл алганы жана меймандостугу үчүн тажик тарапка ыраазычылык билдирген.

БИШКЕК, 27-июл. — Sputnik. Чолпон-Ата шаарында президент Сооронбай Жээнбековдун жана Тажикстандын башчысы Эмомали Рахмондун сүйлөшүүлөрү уланды. Бул туурасында мамлекет башчынын маалымат кызматынан кабарлашты.

"Сиздин келишиңиз эки тараптуу, пайдалуу кызматташтыкты активдештирүүгө кошумча түрткү болот. Өз ара толук түшүнүүнүн жана ишенимдин кырдаалында өткөн кечээги сүйлөшүүлөргө биз канааттандык", — деген Жээнбеков.

Ал иш сапары учурунда Исфара шаарында кыргыз өкүлдөрүн чын көңүлдөн кабыл алганы жана меймандостугу үчүн тажик тарапка ыраазылык билдирген.

  • Президент Кыргызстана Сооронбай Жээнбеков и глава Таджикистана Эмомали Рахмон во время переговоров в городе Чолпон-Ата
    Чолпон-Ата шаарында президент Сооронбай Жээнбековдун жана Тажикстандын башчысы Эмомали Рахмондун сүйлөшүүлөрү уланды
    © Пресс-служба президента КР / Султан Досалиев
  • Президент Кыргызстана Сооронбай Жээнбеков и глава Таджикистана Эмомали Рахмон во время переговоров в городе Чолпон-Ата
    Жээнбеков иш сапары учурунда Исфара шаарында кыргыз өкүлдөрүн чын көңүлдөн кабыл алганы жана меймандостугу үчүн тажик тарапка ыраазылык билдирген
    © Пресс-служба президента КР / Султан Досалиев
  • Президент Кыргызстана Сооронбай Жээнбеков и глава Таджикистана Эмомали Рахмон во время переговоров в городе Чолпон-Ата
    Эске салсак, кыргыз-тажик чек ара маселеси боюнча Жээнбеков менен Рахмон чек арага жакын аймактын эли менен жолугуп, бул жааттагы көйгөйлөрдү талкуулап, пикир алышкан
    © Пресс-служба президента КР / Султан Досалиев
  • Президент Кыргызстана Сооронбай Жээнбеков и глава Таджикистана Эмомали Рахмон во время переговоров в городе Чолпон-Ата
    Чолпон-Атада Жээнбеков эки тараптуу кызматташтык маселелеринин бүт комплексин активдештирүү боюнча жетишилген макулдашууларга чын ниеттен кубанычта экендигин билдирген
    © Пресс-служба президента КР / Султан Досалиев
  • Президент Кыргызстана Сооронбай Жээнбеков и глава Таджикистана Эмомали Рахмон во время переговоров в городе Чолпон-Ата
    Рахмон Кыргызстанга келүүгө чакырган кыргыз тарапка ыраазылык билдирген.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Чолпон-Ата шаарында президент Сооронбай Жээнбековдун жана Тажикстандын башчысы Эмомали Рахмондун сүйлөшүүлөрү уланды

Эске салсак, кыргыз-тажик чек ара маселеси боюнча Жээнбеков менен Рахмон чек арага жакын аймактын эли менен жолугуп, бул жааттагы көйгөйлөрдү талкуулап, пикир алышкан.

Чолпон-Атада Жээнбеков эки тараптуу кызматташтык маселелеринин бүт комплексин активдештирүү боюнча жетишилген макулдашууларга чын ниеттен кубанычта экендигин билдирген.

"Эки тараптуу кызматташтык маселелерин чечүүдөгү жетишилген макулдашууларга биз чын ниеттен кубанычтабыз. Биз кыргыз-тажик чек арасын делимитациялоо процессин тездетүү боюнча бир пикирде экенибизди көрсөттүк. Чек ара боюнча ишти "жөнөкөйдөн татаалга карай", өз ара урматтоо принциптерин карманып, бири-бирибиздин кызыкчылыктарды эске алуу менен жүргүзүүнү макулдаштык. Биз ошондой эле регионалдык жана эл аралык проблемалар, анын ичинде Кыргызстан менен Тажикстан маанилүү роль ойногон региондогу суу-энергетикалык маселелер боюнча пикир алмаштык", — деген Жээнбеков.

Рахмон Кыргызстанга келүүгө чакырган кыргыз тарапка ыраазылык билдирген.

"Бул жолугушуу кыргыз-тажик күн тартибиндеги олуттуу маселелер боюнча биздин ортобуздагы конструктивдүү диалогду улантууга жакшы мүмкүнчүлүк берди. Биз Кыргызстан менен болгон тыгыз иштешүүнүн туруктуу өнүгүшүнө кызыкдарбыз, биздин өлкөлөр ортосундагы ынак кошуналык мамилелерди ырааттуу бекемдөөгө чоң маани беребиз. Тажикстан мындан ары да Кыргызстан менен саясий диалогду бекемдөөгө, соода-экономикалык жана маданий-гуманитардык мамилелерди тереңдетүүгө даяр экенин дагы бир жолу тастыктайт", — деп айткан Рахмон.

Эске салсак, Жээнбеков 26-июлда Рахмондун чакыруусу менен Тажикстандын Исфара шаарына кыска мөөнөттүү иш сапары менен барган.

Эки мамлекет башчыларынын жолугушуусунда эки тараптуу кызматташтыктын эң олуттуу маселелери, анын ичинде кыргыз-тажик мамлекеттик чек арасын делимитациялоо жана демаркациялоо процесстери талкууланган.

Ак-Сайдагы чырдын таржымалы

22-июль күнү кыргыз-тажик чек арасында чатак чыккан. Ак-Сай (Кыргызстан) менен Ворух (Тажикстан) айылдарынын жашоочулары чырдаша кеткен. Ворухтун тургундары кыштактын кире беришине флагшток орнотмокчу болушканда аксайлыктар каршы чыккан. Кайым айтышуу учурунда бири-бирин ташка алып, ок атылган. Мунун кесепетинен 14 кыргызстандык жаракат алган болчу.

Ал эми 23-июлда тажик тараптан эки ирет ок атылып, кыргызстандык чек арачылардын бирөө жарадар болгон.

24-июлда жолдор жабылып, нааразы болгон эл Баткен облустук администрациясынын алдына митингге чогулган.

25-июлда эртең менен тосулган жолдор ачылып, Баткен шаарына убактылуу көчүрүлүп келген 700дөй киши үйлөрүнө кайткан.

663
Белгилер:
кыргыз-тажик чек арасы, Эмомали Рахмон, Сооронбай Жээнбеков, Тажикстан, Кыргызстан
Тема:
Кыргыз-тажик чек арасындагы жаңжал (23)
Тема боюнча
Эмомали Рахмонду “Ысык-Көл” аэропортунда кантип тосуп алышты. Сүрөттөр
Премьер-министр Садыр Жапаров

Садыр Жапаров: Исхак Раззаковдун жолун жолдоп таза иштеп берейин деп келдим

771
(жаңыланган 22:49 25.10.2020)
Бүгүн көрүнүктүү мамлекеттик жана саясий ишмер Исхак Раззаковдун 110 жылдыгы белгиленди. Премьер-министр  кыргызстандыктарга куттуктоо сөзү менен кайрылды.

БИШКЕК, 25-окт. – Sputnik. Исхак Раззаковдун "Сен таза болсоң, мен таза болсом коом да таза болот!" деп айткан сөзү бүгүнкү күндө дагы өз салмагын жоготпой, учурдун талабы болуп турат. Мен да бул улуу инсандын жолун жолдоп, элимдин, өлкөмдүн келечеги үчүн ак эмгегим менен таза иштеп берейин деп келдим. Менин максатым - Кыргызстанды коррупциядан арылтып, жакынкы келечекте анын гүлдөп-өсүшүн камсыз кылуу. Бул тууралуу премьер-министр Садыр Жапаров билдиргенин өкмөттөн кабарлашты.

Исхак Раззаковдун атактуу жана азаптуу өмүрү. Залкар ишмер тууралуу 20 факты

Белгилей кетсек, бүгүн көрүнүктүү мамлекеттик жана саясий ишмер Исхак Раззаковдун 110 жылдыгы белгиленди. Премьер-министр  кыргызстандыктарга куттуктоо сөзү менен кайрылды.

“Баарыңыздарды бул улуу даталуу күн – Исхак Раззаковдун 110 жылдыгы менен чын ниетимен куттуктаймын! Бул биз үчүн маанилүү дата. Исхак Раззаковдун Кыргыз мамлекеттүүлүгүнүн бекемделишинде орду зор. Ал Кыргызстандын экономикасынын жана маданиятынын өнүгүшүнө чоң салым кошкон. Социалисттик чарбанын, пландоо тармагынын мыкты адиси эле. Ал мезгилде кадрларды даярдоочу окуу жайлар Кыргызстанда жок болчу. Баары Москва же башка борбордук окуу жайлардан билим алып келишкен. Анын кадрлардын жетишсиздигин жоюу аракети менен борбордук окуу жайларында улуттук кадрларга арналган атайын квота маселеси чечилип, республиканын өзүндө илимий мекемелер, тийиштүү жогорку окуу жайлар ачылган. Мына ошондон тарта өнөр жай тармагындагы тиешелүү кадрдык таңсыктык жоюлган”, - деди Жапаров.

Өкмөт башчы Раззаковдун тушунда жогорку жана орто окуу жайлары арбын ачылып, кыргыз тилине мамлекеттик деңгээлде көңүл бөлүнгөнүн, окуучуларга ысык тамак берүү уюштурулганын белгиледи.

“Исхак Раззаков сыяктуу улуулардын урпактар үчүн өтөгөн ак кызматын өзүбүздүн иштиктүү аракетибиз, атуулдук ариетибиз, сергек акыл-эсибиз аркылуу актоого тийишпиз. Анын ташка тамга баскандай айтып кеткен учкул сөздөрүн бүгүн да туу тутуп, келечеги кең өлкөбүз – Кыргызстаныбыз үчүн таза иштеп берүүгө сөз беребиз. Бул улуу инсандын жашап өткөн өмүр жолу бизге – баарыбызга чоң күч-кубат берет деп ишенемин. Исхак атабыздын бизге багыт берчү сөздөрү баарыбызга дем берип, ар дайым эсибизде болсун”, - деди Жапаров.

Ал ошондой эле жарандарды Раззаковдун жолун улоого чакырды.

771
Белгилер:
Садыр Жапаров, Исхак Раззаков, Кыргызстан
Тема боюнча
Садыр Жапаров аймактарга жумушчу сапарын баштады. Алгач Кочкордо болду
Исхак Раззаков кандай үйдө жашаган? Музейге айланган жайдын видеосу
Садыр Жапаров Кочкорго иш сапары менен барды

Садыр Жапаров аймактарга жумушчу сапарын баштады. Алгач Кочкордо болду

2409
(жаңыланган 19:40 25.10.2020)
Президенттин милдетин аткаруучу жумушчу сапарынын жүрүшүндө өлкөгө инвестиция тартуу үчүн болгон күч-аракетин жумшай турганын айткан.

БИШКЕК, 25-окт. — Sputnik. Президенттин милдетин аткаруучу жана премьер-министр Садыр Жапаров Нарын облусунун Кочкор районуна жумушчу сапары менен барды. Бул тууралуу президенттин аппаратынан билдиришти.

  • Состоялась рабочая поездка исполняющего обязанности Президента, Премьер-министра Кыргызской Республики Садыра Жапарова в Кочкорский район Нарынской области. 25 октября 2020 года
    Президенттин милдетин аткаруучу жана премьер-министр Садыр Жапаров Нарын облусунун Кочкор районуна жумушчу сапары менен барды
    © Пресс-служба президента КР / Султан Досалиев
  • Местные жители во время рабочей поездка и. о. Президента Садыра Жапарова в Нарынскую область. 25 октября 2020 года
    Ага ылайык, өкмөт башчы иш сапарынын алкагында Кочкор районунун Мантыш айылындагы социалдык шаарчанын пайдубалына капсула салуу аземине катышып, долбоор менен таанышкан
    © Пресс-служба президента КР / Султан Досалиев
  • Состоялась рабочая поездка исполняющего обязанности Президента, Премьер-министра Кыргызской Республики Садыра Жапарова в Кочкорский район Нарынской области. 25 октября 2020 года
    Өкмөттүн Нарын облусундагы ыйгарым укуктуу өкүлү Сабыркул Ашимбаев билдиргендей, социалдык шаарча боло турчу жердин аянты үч гектарды түзөт
    © Пресс-служба президента КР / Султан Досалиев
  • Макет будущего проекта в рамках рабочей поездки и. о. Президента Садыра Жапарова в Нарынскую область
    Ал жайга бала бакча, мектеп, балдар ойноочу аянтча, чакан футбол аянтчасы, ателье, эс алуу багы жана мечит салуу каралган
    © Пресс-служба президента КР / Султан Досалиев
  • Местные жители во время рабочей поездка и. о. Президента Садыра Жапарова в Нарынскую область. 25 октября 2020 года
    Ошондой эле ар бири төрт кишилик төрт үй жана эки адамдан турган үй-бүлө үчүн жети турак жай салынат
    © Пресс-служба президента КР / Султан Досалиев
  • Состоялась рабочая поездка исполняющего обязанности Президента, Премьер-министра Кыргызской Республики Садыра Жапарова в Кочкорский район Нарынской области. 25 октября 2020 года
    Маалым болгондой, аталган долбоорду "Катар Чарити" кайрымдуулук уюму толугу менен каржылайт
    © Пресс-служба президента КР / Султан Досалиев
  • Флаги Кыргызстана и благотворительной организации Катар Чарити во время рабочей поездка и. о. Президента Садыра Жапарова в Кочкорский район Нарынской области. 25 октября 2020 года
    Максаты — аз камсыз болгон үй-бүлөлөрдү жана жетим балдарды колдоо. Курулуш иши 2022-жылга чейин бүтөрү айтылды
    © Пресс-служба президента КР / Султан Досалиев
  • Местные жители во время рабочей поездка и. о. Президента Садыра Жапарова в Нарынскую область. 25 октября 2020 года
    Өкмөт башчы Катар мамлекетине көрсөтүп жаткан жардамы үчүн рахматын айтып, аймактарды өнүктүрүү кыргыз өкмөтүнүн негизги пландарынын бири экенин баса белгилеген
    © Пресс-служба президента КР / Султан Досалиев
  • Состоялась рабочая поездка исполняющего обязанности Президента, Премьер-министра Кыргызской Республики Садыра Жапарова в Кочкорский район Нарынской области. 25 октября 2020 года
    Курулуш иштери аймактагы бир катар көйгөйлөрдү чече турганы да айтылды. Алсак, жергиликтүү жашоочулар жумуш менен камсыз болуп, жаш муунга заманбап технология камтылган мектепте окууга мүмкүнчүлүк түзүлөт
    © Пресс-служба президента КР / Султан Досалиев
  • Состоялась рабочая поездка исполняющего обязанности Президента, Премьер-министра Кыргызской Республики Садыра Жапарова в Кочкорский район Нарынской области. 25 октября 2020 года
    Мындан сырткары таза суу маселеси да чечилет
    © Пресс-служба президента КР / Султан Досалиев
1 / 10
© Пресс-служба президента КР / Султан Досалиев
Президенттин милдетин аткаруучу жана премьер-министр Садыр Жапаров Нарын облусунун Кочкор районуна жумушчу сапары менен барды

Ага ылайык, өкмөт башчы иш сапарынын алкагында Кочкор районунун Мантыш айылындагы социалдык шаарчанын пайдубалына капсула салуу аземине катышып, долбоор менен таанышкан. 

Өкмөттүн Нарын облусундагы ыйгарым укуктуу өкүлү Сабыркул Ашимбаев билдиргендей, социалдык шаарча боло турчу жердин аянты үч гектарды түзөт. Ал жайга бала бакча, мектеп, балдар ойноочу аянтча, чакан футбол аянтчасы, ателье, эс алуу багы жана мечит салуу каралган. Ошондой эле ар бири төрт кишилик төрт үй жана эки адамдан турган үй-бүлө үчүн жети турак жай салынат.

Маалым болгондой, аталган долбоорду "Катар Чарити" кайрымдуулук уюму толугу менен каржылайт. Максаты — аз камсыз болгон үй-бүлөлөрдү жана жетим балдарды колдоо. Курулуш иши 2022-жылга чейин бүтөрү айтылды.

Өкмөт башчы Катар мамлекетине көрсөтүп жаткан жардамы үчүн рахматын айтып, аймактарды өнүктүрүү кыргыз өкмөтүнүн негизги пландарынын бири экенин баса белгилеген.

"Бул менин аймактарга болгон алгачкы иш сапарым. Айыл жергесине мындай объектинин курулушу – бул жаратман процесс, жеке мен үчүн да маанилүү болуп саналат", — деди Жапаров.

Курулуш иштери аймактагы бир катар көйгөйлөрдү чече турганы да айтылды. Алсак, жергиликтүү жашоочулар жумуш менен камсыз болуп, жаш муунга заманбап технология камтылган мектепте окууга мүмкүнчүлүк түзүлөт. Мындан сырткары, таза суу маселеси да чечилет.

Садыр Жапаров өлкөгө инвестиция тартуу үчүн болгон күч-аракетин жумшай турганын айткан.

"Долбоордун негиздөөчүлөрү уруксат документтерин алыш үчүн жарым жыл убакыт керектелген экен. Аталган долбоордон пайда табуу үчүн бюрократиялык тоскоолдуктар жаралган. Биз мындай бут тосууларга эми жол бербейбиз. Биздин эшик инвесторлор үчүн ар дайым ачык", — деди өкмөт башчы.

Садыр Жапаровдун биринчи кайсы өлкөгө иш сапар менен барары айтылды

Жапаров Катар мамлекетинин элчилигине эки тараптуу мамилелерди өнүктүрүүгө кошкон салымы үчүн ыраазычылык билдирип, Кыргызстан өнүккөн мамлекеттердин катарын толуктаарын белгилеген.

2409
Белгилер:
курулуш, Катар, иш сапар, Кочкор, Садыр Жапаров, Кыргызстан
Тема боюнча
Садыр Жапаров: Ак үйдү оңдоого 450 млн. эмес, 10 эле млн. сом кетет
Айыл чарба министри Тилек Токтогазиев. Архив

Тилек Токтогазиев Айыл чарба министрлигиндеги көйгөйлөрдү ачыктады

256
(жаңыланган 00:23 26.10.2020)
Министрдин айтымында, ведомство Советтер Союзунан бери өзгөрбөгөндөй сезим калтырган. Анда керек болсо жылуулук жок экенин белгилеген.

БИШКЕК, 26-окт. – Sputnik. Айыл чарба министрлигинде жаңыланууну талап кылган нерселер көп экен. Бул тууралуу министр Тилек Токтогазиев өзүнүн Facebook баракчасы аркылуу түз эфирге чыгып билдирди. 

Ал кыска мөөнөттүн ичинде өзгөртүүлөрдү жасап, анда иштеп жаткан адистерге жакшыраак шарт түзүп берүүгө аракет жасай турганын белгиледи.

35 жашка чыкпай жогорку кызматты ээлеген аткаминерлер. Тизме

“Башка министрликтерге салыштырмалуу бул жактын айлыгы аз экен. Жакшы адистерге жакшы маяна төлөп бергидей кылышыбыз керек. Иштөө шарттары дагы начарыраак экен, мисалы жылуулук жок, суук. Ушунун баарын акырындык менен ордуна алып келебиз. Документтердин бардыгы кагаз түрүндө экен. Аны электрондук форматка өткөрүү зарыл”, - деди министр.

Токтогазиев кагаздар электрондук форматка өтсө ички процесстер, дыйкандарга кызмат көрсөтүүлөр батыраак жүрөрүн кошумчалады. Ал ошондой эле министрликте 888 киши иштей турганын, жалпы ведомство текшерилсин деген буйрук чыгарганын белгиледи.

“Азыр биз аудит баштадык. Жалпы министрлик текшерилсин деп Эсептөө палатасына кат менен кайрылдык. Бүт агенттиктер менен департаменттер текшерилет. Функционалдык анализ жүргүзүлүп, кайсы позициялар керек, кайсылары кереги жок экени аныкталат. Себеби бири-бирин кайталап калган штаттар болушу мүмкүн. Аларды кыскартууга туура келет”, - деди Токтогазиев.

Эң жаш министр алдыда чоң реформаларды жасоо ниети бар экенин кошумчалады.

256
Белгилер:
реформа, көйгөй, Тилек Токтогазиев, Айыл чарба жана мелиорация министрлиги
Тема боюнча
Тилек Токтогазиев жыйын өткөрүп, министрликтеги ишин эмнеден баштаарын айтты