Айыл чарба, тамак-аш өнөр жайы жана мелиорация министрлиги Азык-түлүк коопсуздугу бөлүмүнүн башчысы Анаркүл Беккулиева. Архив

Бөлүм башчы кызматын чоңойтуп Кытайга жөнөгөн. Айыл чарба министрлигиндеги чуу

1652
(жаңыланган 15:56 05.08.2019)
Эл аралык жарманкеге министрдин орун басары катары бараткан бөлүм башчынын жол чыгымдарын уюштуруучу тарап каржыламак.

БИШКЕК, 5-авг. — Sputnik. Айыл чарба, тамак-аш өнөр жайы жана мелиорация министрлиги Азык-түлүк коопсуздугу бөлүмүнүн башчысы Анаркүл Беккулиеваны министрдин орун басары рангы менен Кытайга жөнөтүүгө белсенип жатат. Бул туурасында Sputnik Кыргызстан агенттигине маалымат түштү.

Билдирмеге караганда, Кытайда жыл сайын өтүүчү "XXI кылымдагы Деңиз Жибек Жолу" эл аралык жарманкеге катышуу үчүн айыл чарба министринин орун басары рангындагы кызматкерге чакыруу келген. Жол кире, тамак-аш жана башка чыгымдарды чакырган тарап төлөп берет. Маалыматта жетекчилик жеке кызыкчылыктардан улам талапка туура келбеген кызматкерди жөнөтүүгө белсенип жатышканы айтылат. Аталган жарманке 23-26-августта өтмөкчү.

Мындан улам кытай тарап "Чын эле бөлүм башчынын министрдин орун басары рангы барбы?" деп Кыргызстандын Тышкы иштер министрлигине сурап жөнөткөнү белгиленет. Аталган ведомство Sputnik Кыргызстан агенттигине маселенин чоо-жайын тактап бере турганын айтты.

Ошондой эле маалымат булагы министрдин орун басары Амангелди Исаевдин колу менен жөнөтүлгөн катты жиберди. Анда бөлүм башчы Беккулиева "министрдин орун басары рангында" деп жазылган.

Ушундай эле маалымкат социалдык тармакка да жарыяланып, талкууга түштү. Жогорку Кеңештин депутаты Элвира Сурабалдиева пост жазып "министрлик өлкөнү эл аралык деңгээлде уят кылды" деп сыпаттады.

"Жергиликтүү калкты жыргатпаган жетекчилер эми ушинтип бизди эл аралык деңгээлде да уят кылып бүтүрүшөт турбайбы? Жакында эле кармалган Токой чарба агенттигинин жетекчиси Рустамов өзүнүн шоопурун командировкаларга жөнөткөнү да маалым болгон. Жоопкерчиликке эч ким тартылган эмес. Унчукпаса боло берет экен да? Урматтуу өкмөт башчысы, ТИМ, булар минтип кутурушса, башка министрликте эмне болуп жатканын ким көзөмөлдөп жүрөт?" — деп нааразы болду эл өкүлү.

Ал эми юрист Искен Афиджанов Facebook баракчасына документтин сүрөтүн жүктөп, "Бөлүм башчы министрдин орун басары рангында боло алабы?" деп суроо салды. Ал мындан бирөө төлөп берген каражат менен өзүнүн адамын чет өлкөгө жөнөтүү аракети болушу мүмкүн деп шек санаган.

Документте колу коюлган министрдин орун басары Амангелди Исаев: "Бул боюнча териштирип жатабыз",- деп кабарчынын суроосуна толук жооп берүүдөн баш тартты. Андан кийин байланышуудан майнап чыккан жок. Sputnik Кыргызстандын кабарчысы министрликтин мекемесине барганда Исаев да, министр Эркинбек Чодуев да иш ордунда жок болуп чыкты. Кабылдамадан алар өкмөткө кеткенин айтышты.

Аталган министрликтин маалымат кызматы маалыматты кийинчерээк тактап берүүнү убадалады.

1652
Белгилер:
иш сапар, чет өлкө, Айыл чарба жана мелиорация министрлиги
Тема боюнча
Прокуратура Исакунова, Каденова, Мамытова кайсы жакка кантип барганын ачыктады
Белоруссияда нааразычылык акциясынын катышуучулары

Лукашенко: митингге чыккандарды чет мамлекеттен туруп көзөмөлдөшкөн

12
(жаңыланган 16:39 10.08.2020)
Түндө президенттик шайлоодон кийин Минскиде башаламандык болуп, кишилер жабыркаган. Айрымдарын күч түзүмдөрү кармап кеткен.

БИШКЕК, 10-авг. — Sputnik. Александр Лукашенко Белоруссияда нааразычылыкка чыккандарды Польша, Британия жана Чехиядагылар башкарып жатканын билдирди. Бул тууралуу Sputnik Белоруссия агенттигинин Telegram-каналы жазды.

Анын айтымында, чет мамлекеттен чалуулар катталган, бирок аларга карабастан шайлоо жогорку деңгээлде өттү.

"Бул майрам да, аны бузгусу келгендер болду. Биз аларды байкадык, көрүнүп эле турду. Чет мамлекеттеги чалууларды каттадык. Польша, Улуу Британия жана Чехиядан чалуулар болгон, алар биздикилерди, кечиресиздер, койлорду башкарышкан. Алар өздөрү эмне кылып жатканын түшүнүшкөн жок, ошон үчүн башкарып алышты да", — деген Лукашенко КМШнын байкоочулар миссиясынын башчысы Сергей Лебедев менен болгон жолугушуусунда.

Эске сала кетсек, Белоруссиядагы президенттик шайлоонун алдын ала жыйынтыгы менен учурдагы президент Александр Лукашенко атаандаштарын жеңип чыкты.

Минск: ОМОН жоокерлери менен митингчилердин кагылышкан учуру. Видео

Түндө шайлоодон кийин Минскиде башаламандык болуп, кишилер жабыркап, кармалгандар болгон.

Президент аталган өлкөдө беш жылдык мөөнөткө шайланат. Бул сапар өлкө жетекчиси болгон адам 2025-жылга чейин бийлик башында турмакчы. Бул эгемендүүлүк алгандан тарта Белоруссияда өткөн президенттик алтынчы шайлоо.

12
Белгилер:
нааразычылык акциясы, шайлоо, президент, Александр Лукашенко, Белоруссия
Тема боюнча
38 жашта. Лукашенкодон тизгин талашкан Тихановскаянын таржымалы
Бишкек шаарынын Ленин райондук администрациясынын жаңы башчысы Чынасыл Чыныбаев. Архивдик сүрөт

Бишкектин Ленин районуна жаңы аким келди

105
(жаңыланган 14:10 10.08.2020)
Райондун буга чейинки башчысы өзү жазган арыздын негизинде кызматтан бошотулган. Эми анын орун басары аймакты тескемей болду.

БИШКЕК, 10-авг. — Sputnik. Бишкек шаарынын Ленин райондук администрациясынын башчылыгына Чынасыл Чыныбаев дайындалды. Бул туурасында мэриянын маалымат кызматынан кабарлашты.

Тиешелүү буйрукка мэр Азиз Суракматов кол койгон.

Октябрь районуна жаңы аким дайындалды

Ал эми мурдагы башчы Токтосун Султанов өз арызынын негизинде кызматтан бошотулган. Жаңы жетекчи Чыныбаев анын биринчи орун басары болуп иштеп келген.

105
Белгилер:
дайындоо, кызмат, жетекчилик, Бишкек
Тема боюнча
Ош облусун Жылкыбаевдин орун басары Юсупов жетектеп турмай болду