Президент Сооронбай Жээнбеков Жогорку Кеңештин жыйынында. Архив

Жогорку Кеңешке президент Сооронбай Жээнбеков келди

214
(жаңыланган 17:29 08.08.2019)
Мамлекет башчысы элге кайрылып, маселелер мыйзам чегинде чечилерин белгиледи.

БИШКЕК, 8-авг. — Sputnik. Президент Сооронбай Жээнбеков Жогорку Кеңештин кезексиз жыйынына келди.

Өлкө башчы өз сөзүн кечээги кагылышуудан каза тапкан жоокердин өлүмүнөн баштады.

"Кырчындай жигиттин өлүмү бийликтен да, байлыктан да, саясий дымактан да жогору турат. Менин дагы жүрөгүм аябай ооруп турат. Бул аябай орду толгус жоготуу, бирок мындай болбошу керек эле. Арты кайырлуу болсун”, — деди Жээнбеков.

Андан соң элге кайрылып, баары жакшы болорун, маселелер мыйзамдын негизинде чечилерин белгиледи. 

 

214
Тема:
Атамбаевдин Кой-Таштагы үйүндөгү атайын операция (180)
Тема боюнча
Жээнчороев: президентти чакыралы, болбосо Жогорку Кеңешти таркаталы
УКМК төрагасы: жоокерлерге ок чыгарууга уруксат бербегениме өкүнөм
УКМКнын башчысы Опумбаев отставкага кетүүгө даяр
Ош шаары. Архив

Ош облусун Жылкыбаевдин орун басары Юсупов жетектеп турмай болду

242
Бүгүн облус жетекчиси шайлоого аттанып жаткандыктан кызматтан кетүү арызын жазган. Өкмөт башчы анын арызын кабыл алып, милдетин орун басарына жүктөдү.

БИШКЕК, 8-авг. — Sputnik. Өкмөттүн Ош облусундагы ыйгарым укуктуу өкүлү болуп убактылуу Байыш Юсупов дайындалды. Бул тууралуу өкмөттүн маалымат кызматы кабарлады.

Тиешелүү чечимге премьер-министр Кубатбек Боронов кол койду.

Ысык-Көлдүн мурунку башчысы Акылбек Осмоналиев башка ишке которулду

Эске сала кетсек, буга чейин Ош облусунун жетекчиси Узарбек Жылкыбаев шайлоого аттанып жаткандыктан кызматтан кетүү арызын жазган.

Боронов анын арызын кабыл алып, убактылуу милдетин аткарат деп биринчи орун басары Байыш Юсуповду дайындады.

242
Белгилер:
дайындоо, өкмөт, Узарбек Жылкыбаев, Байыш Юсупов, Кубатбек Боронов, Ош
Тема боюнча
Бишкектин вице-мэри Кузнецова кызматтан кетип, ордуна Мозгачева келди
Ош облусунун башчысы Узарбек Жылкыбаев кызматтан кетти
Президент Сооронбай Жээнбеков маек учурунда

Чек ара чырларына качан чекит коюлат? Президент Жээнбековдун жообу

299
(жаңыланган 18:09 08.08.2020)
Президенттин айтымында, Тажикстан жана Өзбекстан менен чек араны тактоо иштери уланууда. Бирок ар бир мамлекет өз кызыкчылыгын көздөгөндүктөн маселе дароо чечилбей жатат.

БИШКЕК, 8-авг. — Sputnik. Мамлекеттик чек аранын айланасындагы чыр-чатак, маселелер боюнча президент Сооронбай Жээнбеков өз оюн айтты. Өлкө башчы "Биринчи радиого" маек берген.

Анда журналист кече жакында кыргыз-тажик чек арасындагы жагымсыз окуяны эске салып, мындай учурларга качан чекит коюларын жана чек араны тактоо иштери кандай жүрүп жатканын сураган.

Жээнбеков белгилегендей, чек ара маселесин чечүүдө биринчи кезекте мамлекеттин кызыкчылыктары эске алынышы шарт.

"Ар бир мамлекет өз кызыкчылыгын көздөйт. Бул маселенин татаалдыгы да мына ушунда. Азыр коңшулаш Тажикстан жана Өзбекстан менен чек араны тактоо иштери уланууда. Өкмөттөр аралык жумушчу топтор тынымсыз байланышта иштеп жатышат. Иш жакшы башталган, коронавирус илдети муну токтотуп койду. Буюрса улантабыз", — деген президент.

Кыргыз-тажик чек арасында жаракат алгандардын абалы айтылды

Ал тажик лидери Эмомали Рахмон менен кандай гана аянттарда жолугушпасын, чек ара маселесин дайыма талкуулай турганын айткан.

"Жылыштар бар, бирок маселе жогоруда айткандай, чечиле элек. Анткен менен эки өлкөнүн ортосунда түшүнүү бар. Чек ара маселесинен келип чыккан чыңалууну кээде турмуштук, тиричилик маселелер да курчутуп жиберет. Ошондуктан жергиликтүү бийлик эл менен тыгыз байланышта иштеп жатат. Вице-премьер Акрам Мадумаров ушул боюнча иштейт, ал мурда Баткенди башкаргандыктан көйгөйдү жакшы билет", — деди президент.

Ошондой эле чыңалууну азайтуу максатында чек арага чектеш жерлерде социалдык-экономикалык долбоорлорго өзгөчө көңүл бурулуп жатканын кошумчалаган. Мындай иштер бюджет тартыш болуп турганда дагы токтобойт деди.

299
Белгилер:
маек, көйгөй, чек ара, Сооронбай Жээнбеков, Тажикстан, Кыргызстан
Тема боюнча
Кайрадан ок атылды. Баткенде чек арага жакын айылдын тургуну жарадар болду
Кечээ Баткенде чек арада жарадар болгон экинчи адамга ок Тажикстан тараптан атылган
Жамгыр. Архив

Күндүн көзү ачылбайт... Бир жумага карата аба ырайы

0
Келе жаткан аптада өлкөнүн көп бөлүгү жаан-чачындуу болуп, кээ бир жерде катуу жаагандыктан сел жүрүшү мүмкүн.

БИШКЕК, 9-авг. — Sputnik. Кыргызгидромет агенттиги келерки аптага карата аба ырайынын божомолу тууралуу маалымат таратты.

Ага ылайык, жуманын баш жагында нөшөрлүү жаан-чачын көп болуп, сел жүрүү коркунучтары жаралат. Андан кийинки күндөрү дагы жаан токтобойт.

Бишкекте 9-августта өткүн өтүп, күн күркүрөйт. 13-август күнү күндүз жаан жаашы мүмкүн. Калган күндөрү күн ачык болот. 9-13-август күндөрү Чүй жана Талас облустарында мезгил-мезгили менен, айрым жерлерде катуу жаан жаап, күн күркүрөшү күтүлөт.

Ушул эле күндөрү Баткен облусунун кээ бир райондорунда, Ош, Жалал-Абад облустарынын тоо этектеринде жана тоолуу райондорунда өткүн өтүп, күн күркүрөйт.

Ал эми Ысык-Көлдө дагы келерки жумада жаан жаайт.

Ошондой эле Нарын облусунда күндүн көзү ачылбай, эртең менен жана күндүз көпчүлүк аймактарда жаан жаайт.

0
Белгилер:
жаан-чачын, аба ырайы, Кыргызгидромет
Тема боюнча
Сууга түшөрдө баланын жанынан карыш жылбаңыз! ӨКМдин ата-энелерге эскертүүсү
Чагылган тийүүдөн кантип сактануу керек. Адистердин кеңеши