Экс-депутат ЖК Омурбек Бабанов в аэропорту Манас после прилета из Москвы

Өмүрбек Бабанов Кыргызстанга келип, эл менен учурашты

4234
(жаңыланган 15:17 09.08.2019)
Учак "Манас" аэропортуна конду.

БИШКЕК, 9-авг. — Sputnik. Москвадан учуп келген экс-депутат Өмүрбек Бабанов Кыргызстанга келип, аэропортто тосуп турган тарапташтары менен учурашты. 

Саясатчынын учагы "Манас" эл аралык аэпортуна конду. Бабанов дарбазадан унаасы менен чыкты. Андан кийин терезеден белине чейин чыгып, элди тынчтанууга жана сабырдуулукка чакырды.

"УКМКнын кылмыш иштерим боюнча тараткан билдирүүсүн уктум. Мен ар дайым мыйзам чегинде гана иш алып баргам. Мени эч ким текшерген жок, башкысы, Кыргызстандын бүтүндүгүн сактайлы. Мени күтүп алганыңарга ыраазымын", — деди Бабанов.

Эл менен сүйлөшкөндөн кийин унаасына отуруп, андан ары жолун улады.

4234
Белгилер:
УКМК, кылмыш иши, аэропорт, Өмүрбек Бабанов
Тема боюнча
Өмүрбек Бабанов Кыргызстанда. Учурда эмне болуп жатат
Бабанов тосуп алган элге эмне деди? Жолугушуунун сүрөттөрү
Депутат Чыныбай Турсунбеков

Депутаттар ЖКнын экс-спикери Чыныбай Турсунбековдун каза болгонун айтууда

338
(жаңыланган 01:12 07.07.2020)
Чыныбай Турсунбеков 60 жашта. Буга чейин ал пневмония оорусуна чалдыгып ооруканада жатканы айтылган.

БИШКЕК, 7-июл. — Sputnik. Жогорку Кеңештин депутаты Чыныбай Турсунбеков каза болду  деген маалыматтарды бир катар ЖМКлар, ЖКнын бир нече депутаттары социалдык тармакка жазышты. Ал эми ЖКнын маалымат кызматынын жетекчиси Ибраим Нуракун уулу  журналисттер жана башкаларды сабырдуулукка чакырып, маалыматтын тастыктала электигин айтты.

“Чыныбай Акунович... Бейиштен орун берсин. Жакындарына көңүл айтам. Дагы бир мыкты инсан арабыздан кетти..., — деп жазды депутат Кожобек Рыспаев.

Эльвира Сурабалдиева жана Дастан Бекешев да социалдык тармакта көңүл айтты.

"Ата Мекен" партиясынын лидери Өмүрбек Текебаевдин айтымында, Турсунбеков Бишкектеги Улуттук госпиталдын тез жардам терапия бөлүмүндө көз жумган.

Чыныбай Турсунбеков 57 жашта! Белгилүү саясий ишмер тууралуу 9 факты

Турсунбеков буга чейин пневмония оорусуна чалдыгып, абалы оор экенин айрым ЖМКлар жазышкан.

"Депутат жакынкы күндөрү өпкөнү жасалма дем алдыруучу аппаратынан чыгып, үйүнөн дарыланууга уруксат берилиши күтүлүүдө. Жалпы абалы жакшы жана стабилдүү. Алдын ала диагнозу пневмония. Коронавируска карата ПЦР-тести таза чыккан", — деп жазган эле Нуракун уулу.

Чыныбай Турсунбеков 60 жашта эле, Жогорку Кеңештин VI чакырылышынын төрагасы болуп иштеген.

338
Белгилер:
пневмония, өлүм, депутат, Чыныбай Турсунбеков
Тема:
Кыргызстандагы коронавирус жуктуруп алгандар
Тема боюнча
Белгилүү журналист Бүбүкан Досалиева дүйнө салды
Алмамбет Шыкмаматовдун жубайы Жанара Турдакунова пневмониядан каза болду
Түркия Республикасынын Президенти Режеп Тайып Эрдогандын Кыргызстанга расмий сапары. Архив

Жээнбеков Эрдоган менен коронавируска биргеликте каршы турууну талкуулады

88
(жаңыланган 19:28 06.07.2020)
Тараптар эки өлкөнүн ортосундагы өз ара аракеттешүүнү өркүндөтүү боюнча үстүбүздөгү жылга биргелешкен пландарды белгилешти.

БИШКЕК, 6-июл. — Sputnik. Президент Сооронбай Жээнбеков Түркия өлкө башчысы Режеп Тайип Эрдоган менен телефон аркылуу сүйлөшкөнүн мамлекет жетекчисинин маалымат кызматы кабарлады.

Билдирүүдө өлкө башчылар эки жактуу жана көп тараптуу кызматташуунун актуалдуу маселелерин жана буга чейин жетишилген келишимдерди ишке ашыруунун жүрүшүн талкуулашканы айтылат.

"Тараптар эки өлкөнүн ортосундагы өз ара аракеттешүүнү өркүндөтүү боюнча үстүбүздөгү жылга коюлган пландарды белгилешти. Ошондой эле коронавирус инфекциясын жайылтпоо жаатында мындан ары биргелешкен чараларды көрүү маселелерин талкуулашты", — деп айтылат маалыматта.

Эскерте кетсек, акыркы маалымат боюнча, Кыргызстанда коронавирус жуктуруп алгандардын саны 7 691ге жетти. Азыр стационарда 625 киши дарыланууда, анын 22си реанимацияда жатат. 2 843 киши ооруканадан чыгарылса, март айынан бери 92 адам көз жумду.

88
Белгилер:
кызматташуу, коронавирус, Режеп Тайип Эрдоган, Сооронбай Жээнбеков, Түркия, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Жээнбеков өзгөчө абал режимин киргизүү боюнча пикирин айтты