Президент Сооронбай Жээнбеков. Архив

Атамбаевди кармоо операциясы тууралуу Жээнбеков билгенби? УКМКнын жообу

3160
(жаңыланган 14:14 13.08.2019)
Опумбаев Жээнбековго кармоонун беш вариантын сунуштаганын белгиледи.

БИШКЕК, 13-авг. — Sputnik. Президент Сооронбай Жээнбеков мурдагы өлкө башчы Алмазбек Атамбаевди кармоо боюнча катуу тапшырмаларды берген. Бул туурасында УКМК төрагасы Орозбек Опумбаев маалымат жыйын учурунда билдирди.

Учурда Кой-Таштагы окуя боюнча УКМК башчысы Орозбек Опумбаев, башкы прокурор Өткүрбек Жамшитов, ИИМ башчысы Кашкарбек Жунушалиев маалымат жыйын өткөрүүдө.

Опумбаев Жээнбековго кармоонун беш вариантын сунуштаганын белгиледи.

"Мен президент Сооронбай Шариповичке беш вариантты алып барып көрсөткөм. Ал күч менен алып келүү боюнча катуу тапшырма берген. Бирок курал колдонуп ок атылбасын, эл жапа чекпесин деп эскерткен. Бирок бул операция качан жасалат жана кайсы вариантты колдонорубуздан кабары болгон эмес. Чечимди өзүм кабыл алгам", — деди Опумбаев.

Белгилей кетсек, 7-августта УКМКнын мурунку президент Алмазбек Атамбаевди кармоо операциясы ишке ашпай калган. УКМКнын атайын даярдыктагы бөлүгүнүн аскерлерине Атамбаевдин тарапташтары катуу каршылык көрсөтүп, ок атылган. Натыйжада спецназдын бир жоокери каза таап, 100дөн ашуун киши жаракат алган. Спецназдын алты аскери 20 саатка барымтага алынган.

Эртеси, 8-августта, операцияны ИИМ жүргүзүп, сүйлөшүүлөрдөн кийин Атамбаев багынып берген. Биринчи Май райондук соту анын баш коргоо чарасын тандап, 26-августка чейин камакта калтырды. Мындан сырткары, бир нече тарапташы камалып, суракка чакырылууда.

3160
Белгилер:
операция, Сооронбай Жээнбеков, УКМК, Алмазбек Атамбаев
Тема:
Атамбаевдин Кой-Таштагы үйүндөгү атайын операция (181)
Тема боюнча
УКМК, ИИМ, Башкы прокуратура Атамбаевдин кармалышы тууралуу. Видео
Башкы прокурор: Атамбаевдин 120 мүлкү камакка алынды
ИИМ: Атамбаевдин кармалышынан кийинки ызы-чууда азыркы жана экс-депутаттар жүрдү
Афганистандагы АКШ аскер кызматкерлери. Архив

"Россияны жеңүүнүн ыгын таптык". Пентагон кандай ишке киришти?

34
(жаңыланган 11:06 20.01.2021)
Америкалыктар атомдук энергетиканын аскердик багытын өрчүтүүнү чечишти. Тактыдан кетерден мурун президент Трамп куралдуу күчтөр жана космосту изилдөө үчүн кубаттуулугу азыраак өзөктүк реакторлорду иштеп чыгуу жөнүндөгү жарлыкка кол койду.

АКШ атомдук энергияны аскердик-деңиз күчтөрүнөн башка багыттарда жарым кылымдан бери алгач ирет колдонгону турат. Вашингтонго жаңы тыгыз реакторлордун зарылдыгы эмне экенине сереп салган Андрей Коцтун макаласы РИА Новости сайтына жарык көргөн.

Резервдик булак

АКШнын Куралдуу күчтөрүндө суу алдындагы кайыктар жана авиаташуучулар атомдук реакторлор менен жабдылган. Мындан улам америкалык флоттун эң ири вымпелдеринин деңизде жүрүү убактысы дээрлик чектелбейт.

Өзөктүк энергияны бөлөк өлкөлөрдүн да аскердик-деңиз күчтөрү пайдаланат. Мисалы, француздарда "Шарль де Голль" авиаташуучу, ал эми Россияда "Петр Великий" оор ракеталык крейсери атомдук күч менен жүрөт. Бирок АКШда атомдук күч менен жүрүүчүлөр алда канча арбын. Америкалыктар бул жетишкендиктери менен токтоп калбайт.

"Президент Трамптын көрсөтмөсү менен аз кубаттуулуктагы атомдук реакторлордун чыгымдары боюнча алып караганда Коргоо министрлиги өлкө ичиндеги аскердик объектиде энергетикалык ийкемдүүлүк жана майнаптуулукту көрсөтүү планын иштеп чыгып жана ишке ашырмакчы. Ошондой эле аз кубаттуулуктагы мобилдик реакторду сынайт.

Энергиянын мындай булактары күн энергиясын, ошондой эле коргонуу тармагында колдонууга мүмкүн болбогон алыскы космосту изилдөөдө алмашкыс", — деп маалымдашат Ак үйдүн басма сөз кызматынан. Тыгыз өзөктүк реакторлор дал эмнеге керектелгенин АКШ бийлиги так кабарлабайт. Белгилүү defensenews.com порталынын эксперттери кеп армиялык базалардагы резервдик кубаттоо булактары жөнүндө деп эсептешет.

Эгер аскердик объектиде электр энергиясы жоголсо, реактор өтө маанилүү жабдыкты энергия менен камсыз кылат. Жарлыктын текстине ылайык, адистердин пикиринде биринчи прототипти сыноолор жарым жыл ичинде АКШдагы ири – Невада полигонунда башталууга тийиш.

Космосту багындыруу

Secure World Foundation коммерциялык эмес уюмунун космостук коопсуздук маселелери боюнча эксперти Брайан Уиден узак, анын ичинде учкуч тескеген, Ай, Марс жана башка планеталарга учуштарда өзөктүк энергиясыз болбостугун эскертет.

Келечекте жерден тыш (башка планеталардагы) биринчи колониялар үчүн реакторлор керектелет. Айрым адистер жаңы технологияларды орбиталык курал платформаларында пайдаланууга болорун эсептешет. Негизинен бул сценарий космосту потенциалдуу согуш талаасы катары караган АКШнын Космостук күчтөр агрессивдүү доктринасына сыярлык.

"Америкалыктарга бул биринчи кезекте космостук максаттарда зарыл деп боолголойм, — дейт РФтеги "Арсенал Отечества" журналынын башкы редактору Виктор Мураховский. — Бизде "атомдук реактор" деген сөз айкашы башка маанини туюндурат. Биринчиден, бул – уранды ок-жайлатуучу менен бөлүнүүнүн удаалаш реакциясынын жана кубаттуулукту жөнгө салуунун негизинде иштеген түзүлүш. Россияда мындай орнотмолор "Буревестник" жана "Посейдон" үчүн жасалган. Экинчиден, бул – спутник, радиобуй (маяк) жана метеостанцияларда колдонулган изотоптук өзөктүк энергия булактары. Алардын майнаптуулугу азыраак, антсе да анчалык күчтүү жаркырабайт".

Эксперт АКШда 1950-60-жылдарда СССРде да учактар үчүн чакан өзөктүк реакторду иштеп чыгууга аракет кылышканын эске салат. Бирок андай долбоорлордон баш тартышкан, бир эмес, ал түгүл эң чоң учак да экипаждын биологиялык коргоо тутумунун жүгүн көтөрө алмак эмес. Ошондуктан реакторлорду колдонуу ири кемелер менен чектелген.

Мураховскийдин айтымында, азыркыга дейре дүйнөнүн бир дагы өлкөсү учкуч айдаган учактарда, сыйымдуулугу азыраак кемелерде жана жердеги транспорттук каражаттарда пайдаланууга мүмкүн болгон чакан реакторлорду (бөлүнүү реакциясына) жарата алган эмес.

Ошол эле убакта эксперт америкалыктар россиялык "Буревестник" жана "Посейдондорду" кайталоону каалай тургандыгынан шек санайт. "Бул системалар болушунча спецификалык, — деп түшүндүрөт ал. — Аларды агрессор өзөктүк согушту тутанткан шарттарда кепилденген жооп иретиндеги сокку жана ракетага каршы коргонуунун батыш тутуму үчүн жасашкан. Америкалыктарда алардын максаттарына төп келчү куралдар ансыз да жетиштүү".

Радиация көйгөйү

Өзөктүк күч түзүлүшүн кезегинде континенттер аралык Convair B-36 стратегиялык бомбалоочу учагы үчүн иштеп чыгышкан. Алар 1949-жылдан 1959-жылга дейре АКШнын Аскердик аба күчтөрүндө турган.

NB-36H учуучу лабораториясынын тумшук бөлүгүнө 12 тонналык коргоочу капсуланы орнотушкан. Ал эми ыкчам нейтрондогу бир мегаватт кубаттуулуктагы, диаметри 1,2 метрлик, 16 тонналык реакторду бомба жайгаштырылчу бөлүгүнө коюшкан.

Ал учушта коё берилип, учактын бортундагы аба топтогуч аркылуу кирген атмосфералык абада муздоого тийиш эле. Эксперименталдык машина 47 ирет учкан, бирок өзөктүк кыймылдаткычын кыска убакытка гана жандырышчу. Демилге дурустай эле көрүнгөн. Мындай учуучу аппаратты бир нече сутка кошумча май куюлбастан абада аскердик күзөт өтөй алчу стратегиялык бомбалоочу же чалгындоочу учак катары да колдонууга болмок. Бирок көйгөйлөрү өтө көп эле. Биринчиден, ар бир атомолет – маңызында бөтөнгө эмес өзгө да кулап калышы толук ыктымал "ыплас" бомба. Экинчиден, абада да эксперименталдык борттун "этеги" радиоактивдүү заттарга толо эле. Акыры, экипаж баары бир катуу нурланчу. Өзөктүк куралды жеткирүүнүн негизги каражаты катары континенттер аралык баллистикалык ракеталардын өнүгүшү атомолеттордун татаал жана кооптуу программасынын келечегине биротоло бөгөт койгон.

АКШда өзөктүк реакторду жердеги техникага да орнотууга аракет кылышкан. Жыйырма беш тонналык Chrysler TV-8 танкын эч качан массалык түрдө чыгарышкан эмес, ал алты штаттык тутумдар менен жабдылган толук өлчөмдүү макет түрүндө гана болгон.

Машинаны кыймылга буу кыймылдаткычы келтирмек, жылуулукту ага чакан атомдук реактор берип турган. Антсе да америкалык аскерлер Chrysler корпорациясынын куралчыларынын инновациялык маанайын баалай алышкан эмес. Танкты өтө эле татаал деп таап, ал эми анын аскердик мүмкүнчүлүктөрүн кадимки машиналардан баш тартууга жетишсиз деп баалашкан. 1956-жылдын 23-апрелинде TV-8 долбоорун жаап салышкан.

34
Белгилер:
армия, АКШ, танк, Пентагон, Россия, асман, курал
Тема боюнча
6-муундагы кубаттуулук. МиГ-41 качан көккө кое берилет?
Жаңы шайланган президент Жозеф Байден. Архивдик сүрөт

Тарыхта биринчи ирет… Байден өз командасына трансгендерди алмай болду

76
(жаңыланган 10:38 20.01.2021)
Байден пандемия учурунда Доктор Рейчел Левинге абдан ишеним артып тургандыгын, ал АКШнын коомдук саламаттык сактоодогу муктаждыкты жөнгө саларын айткан.

БИШКЕК, 20-янв. — Sputnik. Жаңы шайланган президент Жозеф Байден саламаттык сактоо министринин жардамчылыгына трансгендер Рейчел Левинди сунуштады. Бул тууралуу Sputnik радиосу Associated Press агенттигине шилтеме кылып кабарлады. 

Учурда Левин Пенсильвания штатынын Саламаттык сактоо департаментинин башчысы болуп иштейт.

"Доктор Рейчел Левин пандемиядан чыгышыбыз үчүн азыр биз муктаж болуп жаткан туруктуу лидерлик жана зарыл болгон тажрыйба менен камсыз кылат. Өлкөбүз кыйын абалда турган кырдаалда расага, динге, жыныстык ориентациясына, жынысына жана майыптыгына карабай коомдук саламаттык сактоонун муктаждыгын жөнгө салат", — деп айтылган таратылган билдирүүдө.

Эске салсак, 3-ноябрда АКШда президенттик шайлоо өтүп, жыйынтыгында демократ Жо Байден шайлоочулардын 306 добушун алып жеңишке жеткен. Ал эми анын атаандашы АКШнын учурдагы башчысы Дональд Трамп 232 добуш алган. 7-январда добуш берүүнүн жыйынтыгы толугу менен расмий бекитилген.

Байдендин инаугурациясы бүгүн, 20-январда, болот.

76
Белгилер:
трансгендер, президенттик шайлоо, Жо Байден, АКШ
Тема боюнча
Трамп жубайы Меланья менен америкалыктарга акыркы ирет кайрылышты
Каза болгон бейтапты күндүзгү стационардан алып кетүү. Архивдик сүрөт

COVID-19дун биринчи толкунунда өкмөт кандай ката кетирген. Комиссиянын жообу

13
(жаңыланган 11:51 20.01.2021)
Коронавирустун алгачкы толкуну маалында өкмөткө караштуу мекемелердин ишинде бир топ мүчүлүштүктөр болгонун атайын комиссия иликтеп чыкты. Фактыларды тыкыр талдоо үчүн Коопсуздук кеңешинин кароосуна киргизүү сунушталды.

БИШКЕК, 20-янв. — Sputnik. Ведомстволор аралык комиссия мамлекеттик органдардын COVID-19дун биринчи толкуну учурунда кандай кемчиликтерди кетиргенин аныктады. Бул тууралуу өкмөттүн маалымат кызматынан билдиришти.

Премьер-министринин милдетин аткаруучу Артем Новиков аталган комиссиянын маалыматын укту.

COVID-19дун биринчи толкунунда мамлекеттик органдардын ишинде кандай мүчүлүштүктөр болгон:

  • каза болгондордун саны боюнча айырмачылыктар бар;
  • коронавирус инфекциясынан дарылоо протоколунун өз учурунда кабыл алынбагандыгы. Тактап айтканда, маанилүү дары-дармектерди камтыган COVID-19 илдетин дарылоонун үчүнчү протоколу Саламаттык сактоо министрлиги тарабынан бир айдан ашуун мезгилден соң кабыл алынган;
  • дарылоонун үчүнчү протоколу 2020-жылдын 15-майында киргизилип, ата мекендик фармацевтикалык компаниялар өлкөгө киргизүү үчүн жактырылган дары-дармектердин тизмесин 1-июлда гана ала алган. Натыйжада маанилүү дары-дармектер республикага кечигүү менен алып келинип, ал препараттардын тартыштыгына жана баанын өсүшүнө алып келген;
  • гуманитардык жардамды эсепке алуу жана бөлүштүрүү натыйжалуу болгон эмес. Мисалы, өлкөгө келген гуманитардык жардам менен ооруканаларга берилген жардамдар тууралуу маалыматтар ортосунда айырмачылык бар;
  • дарылоонун экинчи протоколуна ылайык, 2020-жылдын июнь айында сатып алынган дары-дармектер үчүнчү дарылоо протоколунун кабыл алынышына байланыштуу пайдаланылбай калган. Кийин Медициналык техника жана дары-дармек менен камсыздоо департаментинин кампаларында бул препараттар ири көлөмдө табылды;
  • мамлекеттик органдар комиссияга "Семетей" госпиталын жана ооруканаларды кайра түзүүгө, ошондой эле профилин өзгөртүп түзүүгө кеткен чыгымдар тууралуу кеңири финансылык отчёт берген эмес.

Кеңешменин жыйынтыгы боюнча көрсөтүлгөн фактыларды тыкыр талкуулоо үчүн Коопсуздук кеңешинин кароосуна киргизүү сунушталды.

Комиссиянын курамына медициналык кызматкерлер, ЖК депутаттары, журналисттер, жарандык активисттер, көз карандысыз эксперттер, мамлекеттик жана муниципалдык органдардын өкүлдөрү кирген.

13
Белгилер:
өкмөт, толкун, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Боронов сурактан чыгып, Финпол эмнеге чакырганын айтып берди
Санэпидем дарыгери: коронавирустун экинчи толкуну качан бүтөрү белгисиз
ДССУ: 2021-жылы коронавирустун үчүнчү толкуну башталат деген коркунуч бар