Улуттук коопсуздук боюнча мамлекеттик комитеттин экс-жетекчиси Абдил Сегизбаев. Архив

Абдил Сегизбаев УКМКнын башчысы Опумбаевге жооп берди

2338
(жаңыланган 16:55 13.08.2019)
Опумбаев Сегизбаев качып баратып жыгылганда денеси көгала болуп калышы ыктымал экенин билдирген.

БИШКЕК, 13-авг. — Sputnik. Улуттук коопсуздук боюнча мамлекеттик комитеттин экс-жетекчиси Абдил Сегизбаев мекеменин учурдагы башчысы Орозбек Опумбаевдин айткандарына жооп берди.

Опумбаев бүгүн, 13-августта, мурдагы президент Алмазбек Атамбаевдин кармалышы боюнча операция тууралуу маалымат жыйында Сегизбаевге эч кандай ок тийбегенин, ал качып баратканда жыгылып кетип жаракат алышы ыктымалдыгын айткан.

"Бул адамдын бир дагы айтканына ишенүү мүмкүн эмес. Болгон нерсени жок деп жатат. Эч ким качкан эмес. Мен ошол күнү айылда болчумун. Ок атылып, катуу үн чыгаруучу гранаталар жарылып баштаганда эл менен кошо Атамбаевдин резиденциясын көздөй барганбыз. Ал жерде турган балдарды көздөй ок атылып, балдар тарабынан таш ыргытылып жатыптыр. Элдин алды жагына чыгып спецназга "атпагыла" деп 2-3 жолу кыйкырганда эле катуу үн чыгаруучу 1-2 граната жарылды. Ошол учурда ок атылып бут жакка тийди. "Качып баратып жаракат алган" деген сөздөр жалган. "Чалынып жыгылса керек" деген сөз да жалган. Ал жерде жүздөгөн бала көрүп, билип турду", — деди Сегизбаев.

Ал андан сырткары, эгер УКМКнын жетекчисине алган жарааты ушунчалык маанилүү болсо комплекстик текшерүүдөн өтүүгө даяр экенин кошумчалап, мындан кийин Опумбаевдин бир да сөзүнө ишенбей турганын белгиледи.

Эске салсак, 7-августта УКМКнын мурунку президент Алмазбек Атамбаевди кармоо операциясы ишке ашпай калган. УКМКнын атайын даярдыктагы бөлүгүнүн аскерлерине Атамбаевдин тарапташтары катуу каршылык көрсөтүп, ок атылган. Натыйжада спецназдын бир жоокери каза таап, 100дөн ашуун киши жаракат алган. Спецназдын алты аскери 20 саатка барымтага алынган.

Эртеси, 8-августта, операцияны ИИМ жүргүзүп, сүйлөшүүлөрдөн кийин Атамбаев багынып берген. Биринчи Май райондук соту анын баш коргоо чарасын тандап, 26-августка чейин камакта калтырды. Мындан сырткары, бир нече тарапташы камалып, суракка чакырылууда.

2338
Белгилер:
УКМК, Абдил Сегизбаев
Тема:
Атамбаевдин Кой-Таштагы үйүндөгү атайын операция (181)
Тема боюнча
Кой-Ташта аялдарды тээп, жаткыра чапкан милиционер. ИИМдин жообу видеодо
Опумбаев: Абдил Сегизбаевди эч ким аткан эмес, чалынып жыгылып кетсе керек
Премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмеси учурунда

Оор жүктөрдү үзгүлтүксүз ташууну жакшырталы. Новиков ШКУ жыйынында маселе көтөрдү

76
(жаңыланган 22:31 30.11.2020)
Новиков ШКУга мүчө-мамлекеттерге Кыргызстанга COVID-19га каршы күрөштө көрсөткөн көмөгү үчүн ыраазычылык билдирген.

БИШКЕК, 30-ноя. — Sputnik. ШКУ өлкөлөрүнүн ортосунда санитардык-эпидемиологиялык талаптарды сактоо менен оор жүктөрдүн үзгүлтүксүз ташылышына шарттарды түзүү жана көзөмөл өткөрүү жайларынын толук кандуу иштеши маанилүү. Бул тууралуу премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмесинде айткандыгын маалымат кызматы билдирди.

Жыйын видеоконференция форматында өткөн.

"Кыргызстан өлкөлөр ортосундагы товар алмашууда "жашыл коридор" механизмин пайдаланууну кеңейтүү жолу менен көзөмөл-өткөрүү жайлары аркылуу жүк ташуучу автотранспорттордун кирип-чыгуу тартибин, процедурасын жөнөкөйлөштүрүүнү кароону сунуштайт", — деген Новиков.

Мындан тышкары, премьердин милдетин аткаруучу санариптик технологияларды, анын ичинде электрондук соода жүргүзүүнү өнүктүрүүнүн маанилүүлүгүн белгилеген.

Бул ШКУ өлкөлөрүнүн экономикасынын жогорулашына жана уюм алкагындагы толук кандуу санариптик күн тартипти ишке ашырууда кошумча түрткү болуп бере аларын айткан.

Новиков сөзүн жыйынтыктап жатып, кыйын кырдаалда өз ара колдоо көрсөтүү жакшы коңшулук мамилеге жана жалпы кызыкчылыкка жооп берерин айткан.

"Учурдагы негизги нерсе ─ калктын денинин сактыгы, социалдык-экономикалык туруктуулуктун сакталышы жана жарандарыбыздын эртеңки келечегине ишеними", — деген премьер-министрдин милдетин аткаруучу.

Ошондой эле ал ШКУга мүчө-мамлекеттерге Кыргызстанга COVID-19га каршы күрөштө көрсөткөн көмөгү үчүн ыраазычылык билдирген.

76
Белгилер:
жыйын, Артем Новиков, ШКУ, Кыргызстан
Тема боюнча
Путин: бүгүнкү ШКУ саммитинде өтө маанилүү документтерге кол коюлат
Садыр Жапаров ШКУ өлкөлөрүнүн лидерлерине КРдеги шайлоо таза өтөрүн айтты
Кыргызстандын президентинин милдетин аткарып жаткан жана ЖКнын спикери Талант Мамытов

Талант Мамытовдун Россияга иш сапары үч күнгө созулат

85
(жаңыланган 21:14 30.11.2020)
Иш сапар туурасында толук маалымат жок. Буга чейин Жогорку Кеңештин спикеринин Россиянын Мамдумасынын төрагасы менен жолугары айтылган.

БИШКЕК, 30-ноя. — Sputnik. Кыргызстандын президентинин милдетин аткаруучу, ЖК спикери Талант Мамытовдун Россияга иш сапары үч күн — 6-8-декабрда болот. Бул тууралуу мамлекет башчынын маалымат катчысы Галина Байтерек билдирди.

Анын сөзүнө караганда, сапар Жогорку Кеңеш менен Россиянын Мамлекеттик Думасынын алкагында болот.

Калган маалыматтар кийинчерээк айтыларын кошумчалады.

Мамытовдун сапары боюнча маалыматты буга чейин Мамлекеттик Думанын төрагасы Вячеслав Володин билдирген. Ал жолугушуу 7-декабрда болорун айткан.

85
Белгилер:
иш сапар, Вячеслав Володин, Талант Мамытов, Россия, Кыргызстан
Тема боюнча
Ак үйдө чек ара маселелери жана президенттик шайлоого даярдыктар талкууланды
Талант Мамытов Россияга расмий иш сапары менен барат