Портфель. Архивдик сүрөт

Курсан Асановдун ордуна жаңы орун басар дайындалды

1620
(жаңыланган 09:44 14.08.2019)
Тийиштүү буйрукка премьер-министр Мухаммедкалый Абылгазиев кол койгон.

БИШКЕК, 13-авг. — Sputnik. Ички иштер министринин орун басары болуп Курсан Асановдун ордуна Памирбек Асанов келди. Бул тууралуу өкмөттүн маалымат кызматы билдирди.

Ага ылайык, тийиштүү буйрукка премьер-министр Мухаммедкалый Абылгазиев кол койгон.

Эске салсак, Курсан Асанов "кыргыз милициясына чыккынчылык кылып, ишенимден кетти" деген жүйө менен 13-августта кызматтан алынган болчу. Асанов ички иштер министринин орун басары болуп 2011-жылдан бери иштеп келген.

Ал эми Памирбек Асанов болсо ИИМдин Тергөө кызматынын жетекчилигин аркалаган.

1620
Белгилер:
дайындоо, өкмөт, ИИМ
Тема:
Курсан Асановдун министрдин орун басарлыгынан алынышы (17)
Тема боюнча
Курсан Асановдун кызматтан алынышынын себептери айтылды
Курсан Асанов кызматынан алынды
Минскиде турган шайлоо плакаты

Бүгүн Белоруссияда президенттик шайлоо болуп жатат

64
(жаңыланган 12:49 09.08.2020)
Бул шайлоо кампаниясында добуш берүү үчүн бардыгы болуп 5 767 шайлоо участкасы ачылган. Анын 44ү чет өлкөлөрдө.

БИШКЕК, 9-авг. — Sputnik. Белоруссияда президенттик шайлоодо добуш берүү үчүн шайлоо участкалары ачылганын РИА Новости жазды.

Негизги добуш берүү күнү, 9-августта, шайлоо участкалары 8.00дөн 20.00гө чейин иштейт. Бул шайлоо кампаниясында добуш берүү үчүн бардыгы болуп 5 767 шайлоо участкасы ачылган. Анын 44ү чет өлкөлөрдө. Алар 36 өлкөдөгү Белоруссиянын элчилигинде жана башкы консулдуктарында иштейт.

Капа болом. Лукашенко кайрадан президенттик шайлоого катышат

Президенттик кызмат орунга бул сапар беш киши талапкер болууда. Алар: алтынчы мөөнөткө аттанып жаткан Александр Лукашенко, парламенттин төмөнкү палатасынын экс-депутаты Анна Канопацкая, “Чындыкты айт” (“Говори правду”) коомдук бирикмесинин тең төрагасы Андрей Дмитриев, “Грамада” Белоруссия социал-демократтар партиясынын төрагасы Сергей Черечень жана жумушсуз Светлана Тихановская.

Светлана Тихановская - учурда кылмыш иши козголуп камакта жаткан белгилүү блогер Сергей Тихановскийдин жубайы. 

Мындан сырткары, бюллетенге "баарына каршы" графасы да киргизилген.

Лукашенко Белоруссияны 26 жылдан бери башкарып келет.

64
Белгилер:
Александр Лукашенко, президенттик шайлоо, Белоруссия
Тема боюнча
Трамп ноябрга белгиленген президенттик шайлоону жылдырууну сунуштады
Ош шаары. Архив

Ош облусун Жылкыбаевдин орун басары Юсупов жетектеп турмай болду

292
Бүгүн облус жетекчиси шайлоого аттанып жаткандыктан кызматтан кетүү арызын жазган. Өкмөт башчы анын арызын кабыл алып, милдетин орун басарына жүктөдү.

БИШКЕК, 8-авг. — Sputnik. Өкмөттүн Ош облусундагы ыйгарым укуктуу өкүлү болуп убактылуу Байыш Юсупов дайындалды. Бул тууралуу өкмөттүн маалымат кызматы кабарлады.

Тиешелүү чечимге премьер-министр Кубатбек Боронов кол койду.

Ысык-Көлдүн мурунку башчысы Акылбек Осмоналиев башка ишке которулду

Эске сала кетсек, буга чейин Ош облусунун жетекчиси Узарбек Жылкыбаев шайлоого аттанып жаткандыктан кызматтан кетүү арызын жазган.

Боронов анын арызын кабыл алып, убактылуу милдетин аткарат деп биринчи орун басары Байыш Юсуповду дайындады.

292
Белгилер:
дайындоо, өкмөт, Узарбек Жылкыбаев, Байыш Юсупов, Кубатбек Боронов, Ош
Тема боюнча
Бишкектин вице-мэри Кузнецова кызматтан кетип, ордуна Мозгачева келди
Ош облусунун башчысы Узарбек Жылкыбаев кызматтан кетти
Медициналык кызматкер

Өлүмгө чейин жеткирген Кытайдагы SFTS вирусу. Адис анын кооптуулугу боюнча үн катты

0
(жаңыланган 14:00 09.08.2020)
Адис аталган вирусту жуктуруп алгандан кийин канда тромбоциттер азайып, жыйынтыгында ал геморрагияга (кан тамыр жарылып, канталап кетет) алып келе турганын маалымдаган.

БИШКЕК, 9-авг. — Sputnik. Россиянын мурдагы санитардык дарыгери, Мамлекеттик Думанын депутаты, медицина илимдеринин доктору Геннадий Онищенко RT телеканалына Кытайда тарап жатат делген жаңы SFTS вирусу тууралуу айтып берди.

"Коркунучтуу эч нерсе болбойт. Коронавируста деле канда тробоциттер азайып кетчү. Бул маалымат бүгүн пайда болду, эртең эми кырдаал ачыкталат. Кооптонууга негиз жок, анын үстүнө Кытайдын чек арасы жабык, чет элдик жарандарды кабыл ала элек", — деди Онищенко.

Вирусолог, медицина илимдеринин доктору, профессор Анатолий Альтштейн дагы RT телеканалында сүйлөп жатып, аталган вирусту жуктуруп алгандан кийин канда тромбоциттер азайып, жыйынтыгында ал геморрагияга (кан тамыр жарылып, канталап кетет) алып келе турганын маалымдаган.

Билл Гейтс: бизди коронавирустан дагы чоң алаамат күтүп турат

"Бул буньявирус — өтө чоң отряд. Ал жакта ооруну козгогучтар көп. Алардын айрымдары Россияда деле кенен жайылган. Ал эми SFTS вирусун алып карай турган болсок, ал бизден табыла элек", — деди Альштейн.

Ал SFTS вирусу Кытайда табылганын, мындан сырткары, Түштүк Кореядан да чыкканын кошумчалады.

"Бул вирус кене аркылуу жугат да, катуу оорутат. Бул илдеттин эпидемиясы башталып кетет деп кооптонууга кажет жок. Анткени адамдан адамга жукканда ал күчүн жоготуп коет", — деди адис.

Акыркы маалыматтар боюнча, вирус 60 кишиде табылып, жетөө көз жумду. Башында инфекция Цзянсу провинциясында катталса, кийинчерээк Аньхой провинциясынын тургундарынан да аныкталган.

0
Белгилер:
пикир, адистик, вирус, медицина, Кытай, Россия
Тема:
Дүйнөгө жайылган коронавирус
Тема боюнча
Коронавирустун мурда кездешпеген жаңы белгиси табылды. Чикагодогу окуя