Өмүрбек Бабанов. Архив

УКМК Бабанов суракта кайсы суроолорго жооп берерин айтты

601
Экс-депутатка мурда атайын кызмат тарабынан эки кылмыш иши козголгон.

БИШКЕК, 20-авг. — Sputnik. Экс-депутат Өмүрбек Бабанов президенттик шайлоонун алдында Он-Адырда сүйлөгөн сөзү боюнча Улуттук коопсуздук мамлекеттик комитетине суракка чакырылды. Бул туурасында аталган комитеттин маалымат кызматы кабарлады.

Белгилей кетсек, саясатчы кечээ, 19-августта, "Кыргызстан коммерциялык банкынын" иши боюнча Финполго сурак берген.

"Буга чейин Башкы прокуратура тарабынан 2017-жылдын 28-сентябрында Ош шаарынын Амир-Тимур кичи районундагы сүйлөгөн сөзү боюнча президенттикке талапкерге карата козголгон кылмыш ишинин алкагында Өмүрбек Бабанов суракка чакырылды. Ал күбө катары өтүүдө", — деп айтылат маалыматта.

Өмүрбек Бабановго УКМК тарабынан эки кылмыш иши козголгон. Биринчисинде улут аралык кастыкты козутуу боюнча айып тагылса, экинчисинде бийликти күч менен басып алмакчы болгон деп күнөөлөнгөн. Ал 2017-жылы президенттик шайлоого катышып, экинчи орунду алган. Андан кийин өлкөдөн чыгып кетип, саясаттан биротоло кеткенин билдирген.

Бирок экс-депутат ушул жылдын апрель айында Бишкекке кайтып келүү ниетин билдирип, кайра кийин ал чечиминен баш тарткан. 

Арадан төрт ай өткөн соң, 9-августта Бишкекке келип, тарапташтары менен жолугушкан. Ошол эле учурда УКМК Бабанов Кыргызстанга кайтып келсе, мыйзам чегинде жоопко тартыларын эскерткен болчу.

601
Белгилер:
банк, саясатчы, сурак, УКМК
Тема боюнча
Каримова, Шевченко, Бабанов... Соцтармакка расмий катталган атактуулар
Бабанов: атамдын үйүн сагындым, тынч жашаганды каалап турам...
УКМК Өмүрбек Бабанов өлкөгө кайтып келсе эмне болорун айтты
Бабанов тосуп алган элге эмне деди? Жолугушуунун сүрөттөрү