Назначенный министром образования и науки КР Каныбек Исаков

Каныбек Исаков билим берүү министри болуп дайындалды

303
(жаңыланган 10:29 12.09.2019)
Буга чейин Жогорку Кеңеш Исаковдун талапкерлигин колдогон болчу.

БИШКЕК, 11-сен. — Sputnik. Каныбек Исаков билим берүү жана илим министри болуп дайындалды. Тийиштүү жарлыкка президент Сооронбай Жээнбеков кол койду.

Эске салсак, буга чейин Жогорку Кеңеш Исаковдун талапкерлигин колдогон болчу.

Исаков өз ыктыяры менен кызматтан кеткен Гүлмира Кудайбердиеванын ордуна барды.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
303
Белгилер:
жарлык, президент, Каныбек Исаков
Тема боюнча
Жаңы министр Исаков Кудайбердиеванын иши боюнча пикирин билдирди. Видео
Депутат: Бишкектеги жеке мектептерде кыргыз тили менен тарыхты окутуу керек
Садык Шер-Нияз жаңы дайындалган билим берүү министрине эскертүү берди
Москвадагы Russia Today телеканалын офиси. Архив

RT берүүлөрүнө салынган тыюу: Батыш Россияга кантип каршы иштөөнү билбей калды

44
(жаңыланган 23:48 10.07.2020)
Дүйнөдө санкция, таасир үчүн күрөш, керек болсо маалыматтык ресурстардын жолун бууган кадамдар уланып келет. Алардын бири RT телеканалдарын көрсөтүүгө Балтика боюндагы өлкөлөрдүн тыюу салышы болду. Бул туурасында россиялык журналист Ирина Алкснис ой жүгүрткөн.

Литва өзүнүн аймагында RT курамында болгон беш каналдын иштөөсүнө тыюу салды.

Бул Латвиянын бийлиги дал ушундай чечимди кабыл алгандан бир апта өтпөй кайталанды. Кезекте — Эстония. Алардын ТИМи мындай кадам болорун четке каккан жок.

Таллиндин бул боюнча мүмкүнчүлүгү жогору деле эмес: "Балтика боюндагы жолборстордун" антироссиялык адаттагы консенсусу эске түшөт. Буга Эстония бийлигинин Sputnik агенттигинин иштешине бут тоскон учурларды да кошууга болот. Алар ойлогон максатына жетүү үчүн кызматкерлердин артынан түшүп, ал тургай кылмыш ишин ачабыз деген коркутууларга чейин барган.

Жаңылыктарга каршы үгүт: батыш ЖМКлары позициясын алдырдыбы?

Анткен менен бул окуяда кызык бир учур чыгат. Ал - Вильнюстун чечимди расмий жактан негиздеши болду. RT Батыштын санкциясына кабылган Дмитрий Киселевдун көзөмөлүндө турат деген бекемдөөлөр, аталган медиаресурска каршы чыгууга себеп болду.

Кеп аталган нерсенин чындыкка дал келер, келбесинде деле эмес.

Анткен менен Литва бийлиги какшыктаган комментарийлерге кабылган. Аны жазгандар RT Дмитрий Киселев жетектеген "Россия сегодня" Эл аралык маалымат агенттигине тиешелүү эместигин белгилеп өткөн.

Маанилүүсү буга чейин эле болгон. Мындан туптуура бир жыл мурда Латвиянын ЖМК боюнча улуттук кеңеши RT берүүсүнө салынган тыюу боюнча https://radiosputnik.ria.ru/20200630/1573696517.html билдирүүсүндө телеканалдар "Дмитрий Киселевдун жеке көзөмөлүндө турат" дешкен. Анда да дал эле ушул сыяктуу Маргарита Симоньян менен Россия ТИМи латвиялык расмий түзүмдөрдүн кесипкөй эмес айткандарына тушуккан. Анда жөөлүгөн сымал кептер айтылган.

Ал кезде бул кокустуктан болгон жана аткаруучулардын конкреттүү катасы экенин түшүндүрүүгө болот эле. А негизи дилетанттар менен халтурщиктерден бир дагы система сыртта калган эмес.

Бирок Литвада ошондой окуялардын дал өзүндөй болуп кайталанып жатышы бир нерсени баамдоого түртөт. Көрсө, эч кандай жаңылыштык кетиришпептир. Муну баары Латвия менен Литванын билип туруп эле жасаган нерсеси экени ачыкка чыкты.

RT берүүлөрүн тыюу салуу — саясий чечим. Аны юридикалык жактан "тазараак" мотив менен түшүндүрсө болбойт беле? Албетте болмок. Антиш үчүн көбүрөөк башты оорутуп, ведомстволорго көбүрөөк күч жумшап, мыйзамдын ичинен кандайдыр бир жол таап чыгыш керек болчу.

Черышева: Европанын Sputnik Эстония тушуккан абал боюнча унчукпаганы — кылмыш

Ушул өзгөчөлүк, кабыл алынган чечимдердин сыртынан болсо да жасалмалоо, жок дегенде юридикалык жактан сакталган кылдаттык качандыр бир кезде Батыш демократиясынын көзүрлөрүнүн бири болгон. Ал азыркыдай эмес, саясий системалардын фонунда өзгөчө, башкача көрүнгөн.

Андан бери канча суулар акты, жылдар өттү. RT берүүлөрүнө тыюу салуу маселесинде Балтика боюндагы республикалар акыркы жылдары ири державалар такыр башкача кылып салып, таптап койгон жол менен кетти.

Америкалыктарды белгисиз бир күкүм менен пробирка окуясы негизги, чыныгы нерседен алаксытып, башканы издетти. Тагыраагы, алар Иракка кирер алдында эл аралык коомчулуктун алдында бул кадамын негиздеп бериши керек эле.

Британиялыктар Скрипалдын айланасында ууландырды деген шоу уюштурду. Аларды көзгө сайып турган чындык копшолтуп да койгон жок. Сот акыйкаттыгын бетке кармап келген.

Нидерланддар МН17 боюнча соттук жараянда таңгалдырып бүтпөгөн кадамдарын жасашты.

Мындай маанайдагы мамиле Россияга эле эмес, Кытай, Иран, Венесуэла сыяктуу дагы бир топ "ичи чыкпагандарга" карата колдонулган. Ал бир эле эмес, бир нече жолу жасалып жаткандыктан, күнүмдүк көрүнүшкө айланып бара жаткандай. Анын фонунда Литва жана Латвия бийликтеринин RT берүүлөрүнө тыюу салган окуясы башкача көрүнөт экен. Айтор, сүр көрсөтүп, опуза кылуу канчалык деңгээлде керек деген суроо жаралат.

"Россия сегодня" ПАСЕде: журналисттерди кодулоо, түрмө, кесип ишеними жөнүндө

Мунун да өз логикасы бар. Антироссиялык көз караштагы аудиторияга "RT боюнча көзөмөл кылган Киселев" жөнүндө ("Скрипалды ууландырган Путин" же "Донбасстын үстүнөн учуп бара жаткан "Боингди" атып түшүргөн Кремль") жазылгандар жагат. Ал эми Россияга жана аны жактырган Батыштагыларга күч коротуп кереги жоктугун билип турушат. Кыязы, аларды өз тарабына тартуу же оюн өзгөртүү мүмкүн эмес деп эсептешет.

Алгач (ачык эле жасалма) маалыматтык, саясий, идеологиялык айла-амалдар, ал тургай Батыштын моралдык монополиясы менен башталган. Дал ошондон улам өзүнүн саясатын тыкыр жана жогорку чеберчиликте иштеп чыгууну маанилүү деп эсептебей калды. Муну атаандаштарына да жасады. Анын жыйынтыгында компетенциясын жоготуп жана өзүнө ашыкча ишенип, кенебей калгандыктан ал монополиясын кантип жоготуп алганын өзү да байкабай калды.

Эми абал башка өңүткө кете баштады. Азыр ошол күчтөрдүн бардыгы сапаттуу иштеп, олуттуу мамиле жасабай, кесипкөйлүгүн жан үрөп пайдаланбай калды. Себеби жанындагылар кетип калат, ал эми каршылашыңды баары бир макулдатып, ийге келтире албайсың.

Таң калычтуусу, алар баарын олуттуу ойлоп (Балтика боюндагы өлкөлөрдүн RT боюнча чечими да муну тастыктайт), кесипкөйлүктүн карааны да жок ыкмалары менен Россияны идеологиялык да, геосаясий да жактан жеңип алабыз деген бекем ишенимде болгондугу.

44
Белгилер:
телеканал, саясат, санкциялар, ЕБ, Россия
Тема боюнча
RT аймактагы журналисттер жана блогерлер үчүн медиа мектеп уюштурат
Соцтармакта кантип популярдуу болуу керек? Россиялык журналисттин мастер-классы
Мурдагы вице-премьер Алтынай Өмүрбекова

Өмүрбекова сурактан чыкты. Мурдагы вице-премьер кандай суроолор болгонун айтты

353
(жаңыланган 21:20 10.07.2020)
10-июлда Экономикалык кылмыштарга каршы күрөшүү кызматы мурдагы вице-премьер Алтынай Өмүрбекованы суракка чакырган.

БИШКЕК, 10-июл. — Sputnik. Мурдагы вице-премьер Алтынай Өмүрбекова сурактан чыкканын, ал жакта эмне суроолор болгону тууралуу социалдык тармактагы баракчасына жазды.

Эске салсак, бүгүн, 10-июлда, Экономикалык кылмыштарга каршы күрөшүү кызматы мурдагы вице-премьер Өмүрбекованы суракка чакырган.

Ал "коррупция жана фармацевтикалык компаниянын кызыкчылыгын коргогон" деп козголгон кылмыш иши боюнча көрсөтмө берген.

"Баары жакшы, мен сурактан чыктым. Кытай тарап берген гуманитардык жардам боюнча бир нече суроолор берилди. "Өмүрбекова дары-дармектерди башка өлкөлөргө саткан" деп мени каралагандарга айтарым бар. Дал ушул Өмүрбекованын демилгеси менен пандемия убагында дары-дармектерди жана медициналык каражаттарды өлкөдөн чыгарууга тыюу салуу боюнча буйрук кабыл алынган. Андыктан бирөөнү күнөөлөөдөн мурда кабарды такташ керек. Азыр эң башкысы бул вирусту жеңишибиз керек. Калганы маанилүү эмес", — деген ал.

Буга чейин аталган иш боюнча мурдагы саламаттыкты сактоо министри Космосбек Чолпонбаев да сурак берген.

353
Белгилер:
аткаминер, билдирүү, дары-дармек, гуманитардык жардам, сурак, Алтынай Өмүрбекова
Тема боюнча
Суракка чакырылган экс-министр Космосбек Чолпонбаев оор абалда ооруканага түштү
Белгилүү дин аалымы, Кыргызстандын мурунку муфтийи Чубак ажы Жалилов. Архивдик сүрөт

Белгилүү дин аалымы Чубак ажы дүйнөдөн өттү

73
(жаңыланган 07:41 11.07.2020)
Экс-муфтий 1975-жылдын 21-январында Жалал-Абад облусуна караштуу Базар-Коргон районундагы Бай-Мундуз айылында төрөлгөн. Жогорку билимдүү. Азирети Умар атындагы Кыргызстан ислам университетин аяктаган.

БИШКЕК, 11-июл. — Sputnik. Белгилүү дин аалымы, Кыргызстандын мурунку муфтийи Чубак ажы Жалилов дүйнө салды. Кабарды Кыргызстандын ислам университети тастыктады.

Маалыматта аалымдын түндө оор абалда Улуттук госпиталга жеткирилип, ошол жактан үзүлгөнү айтылат.

Экс-муфтий 1975-жылдын 21-январында Жалал-Абад облусуна караштуу Базар-Коргон районундагы Бай-Мундуз айылында төрөлгөн. Жогорку билимдүү. Азирети Умар атындагы Кыргызстан ислам университетин аяктаган.

73
Белгилер:
пневмония, коронавирус, Чубак ажы Жалилов
Тема боюнча
Абалы кескин начарлап кеткен. Чыныбай Турсунбеков реанимацияда үзүлгөн
Белгилүү дин аалымы Чубак ажы дүйнөдөн өттү