Депутаттар. Архивдик сүрөт

Токой чарбасы агенттигинин жетекчиси депутаттын сынына калды

136
(жаңыланган 15:58 12.09.2019)
Алмазбек Токторов Жогорку Кеңешке ратификация үчүн алып келинген документтерди кесипкөй кызматкерлер даярдашы керектигин эскертти.

БИШКЕК, 12-сен. — Sputnik. Айлана-чөйрөнү коргоо жана токой чарбасы мамлекеттик агенттигинин директору Мирслав Аманкулов депутаттардын суроолоруна так жооп бере албаганы үчүн сынга кабылды.

Жогорку Кеңеш 12-сентябрдагы жыйынында "2015-жылдын 12-декабрында Париж шаарында кол коюлган Климаттын өзгөрүүсү жөнүндө Бириккен Улуттар Уюмунун Алкактык Конвенциясы боюнча Париж макулдашуусун Кыргызстан тарабынан ратификациялоо тууралуу" мыйзамдын долбоорун карады. Ал биринчи окууга киргизилет.

Депутат Алмазбек Токторов Жогорку Кеңешке ратификация үчүн алып келинген документтерди кесипкөй кызматкерлер даярдап алып келиши керектигин эскертти.

"Азыр депутаттар уулуу заттар тууралуу суроо берсе, сиз парник газдары тууралуу айтып жатасыз. Жооп берип жатканда жоопкерчилик менен жооп бериңиз да, эптеп эле бир нерсе деп койсом болот дебеңиз", — деди депутат.

Өз кезегинде Аманкулов депутаттар айткан эскертүүлөрдөн жыйынтык чыгарарын, ага мүмкүнчүлүк берүүнү суранды. Эл өкүлү Токторов "мүмкүнчүлүк болот, сиз жаңы келдиңиз" деген пикирин билдирди.

Эске салсак, Аманкулов Айлана-чөйрөнү коргоо жана токой чарбасы мамлекеттик агенттигинин директору болуп 2019-жылы 6-сентябрда дайындалган болчу.

136
Белгилер:
Жогорку Кеңеш, климат, долбоорлор, Айлана-чөйрөнү коргоо жана токой чарбасы мамлекеттик агенттиги
Тема боюнча
Сатылканов: мөңгүлөрдү эритпей сактап калуу мүмкүн эмес
Эрменбаев: Кыргызстандагы мөңгүлөр жыл сайын 8-9 метр артка чегинүүдө
Добуш берип жаткан адам. Архив

Шайлоо босогосун азайтуу мыйзам долбоорун ЖК комитети үч окууда жактырды

47
Маселе комитеттен кийин Жогорку Кеңештин жалпы жыйынында талкууланмак. Бирок саат 14:00дөн бери кворум жок жыйын башталбай жатат.

БИШКЕК, 22-окт. — Sputnik. Конституциялык мыйзамдар, сот-укуктук маселелер жана Жогорку Кеңештин регламенти боюнча комитет шайлоо мыйзамдарына өзгөртүү киргизүү боюнча мыйзам долбоорун үч окууда жактырды.

Белгилей кетсек, аталган демилге кечээ, 21-октябрда, парламентте биринчи окуудан өткөн. Бүгүн комитетте дароо экинчи жана үчүнчү окууда каралып колдоо тапты.

Андан соң Жогорку Кеңештин жалпы жыйынында талкууланмак. Бирок саат 14:00дөн бери кворум жок жыйын башталбай жатат. Бул конституциялык мыйзам болгондуктан кабыл алуу үчүн кеминде 80 депутат добуш бериши керек.

ЖК комитети эки шайлоонун мөөнөтүн жылдыруу мыйзам долбоорун колдоду

Эгер сунушталган мыйзам күчүнө кирсе:

  • парламенттик шайлоонун күрөөсү 5 миллион сомдон 1 миллион сомго түшүрүлөт;
  • босого чеги 7 пайыздан 3 пайызга төмөндөтүлөт;
  • шайлоо участкасын алмаштырууга шарт түзгөн №2 форма жокко чыгарылат. Анын жолу татаалдаштырылат;
  • шайлоого катышууга ниети бар мамлекеттик жана муниципалдык кызматкерлер жумуштан убактылуу гана четтетилбей, толугу менен ишинен бошотулат.
47
Белгилер:
колдоо, комитет, мыйзам долбоору, шайлоо
Тема:
Жогорку Кеңешке боло турган кайра шайлоо
Тема боюнча
Шайлоолордун мөөнөтүн жылдырууну кайсы депутаттар демилгеледи. Тизме
Эки шайлоонун мөөнөтү жылып, Конституция өзгөрүшү мүмкүн. Жаңы сунуш
Кыргызстандын мурдагы вице-премьер-министри Абдырахман Маматалиев. Архив

Кадр кызматынын башчылыгына мурдагы вице-премьер барды

75
(жаңыланган 17:07 22.10.2020)
Маматалиев президенттик аппараттын мурдагы жетекчиси, бир нече күн Кадр кызматын жетектеген Досалы Эсеналиевдин ордуна келди.

БИШКЕК, 22-окт. — Sputnik. Кадр кызматын мурдагы вице-премьер Абдырахман Маматалиев жетектей турганын президенттин маалымат кызматынан кабарлашты.

Бул боюнча жарлыкка президенттин милдетин аткарып жаткан премьер-министр Садыр Жапаров кол койду.

Маматалиев Жогорку Кеңештин V чакырылышынын депутаты жана күч блогун жөндөгөн вице-премьер болуп иштеген. Учурда анын уулу Марлен Маматалиев ЖКнын VI чакырылышынын депутаты.

Тилек Токтогазиев айыл чарба министри болуп дайындалды

Аталган кызматтын мурдагы жетекчиси болуп Досалы Эсеналиев бир нече күн иштеген. Экс-президент Сооронбай Жээнбеков кызматтан кетер алдында аны аталган ведомствонун жетекчилигине дайындоо боюнча жарлыкка кол койгон. Буга чейин Эсеналиев президенттик аппаратты жетектеп келген.

75
Белгилер:
Абдырахман Маматалиев, Мамлекеттик кадр кызматы, Кыргызстан
Тема боюнча
Жапаров Зулушевди Башкы прокуратура жамаатына өзү барып тааныштырды